Wins Goodies (已結業)

之前見好多人都讚好，我都試過一次，甜品多款式，係屬中上。今次朋友一見門口一樽樽嘅甜品就被吸咗入去。叫咗一樽唔記得藍莓咩咩、海鹽蕉糖酥、一個「初戀」。女士有邊個唔想永遠停留在初戀甜蜜嘅感覺內。所以一見呢個名就叫啦😆😂初戀係粉紅色為主色，上面有塊食得面頭洒滿砂糖嘅玫瑰花瓣，驚喜地，佢又脆又甜（收花又點會唔甜在心😌😌🌹）白色嘅忌廉不太甜，諗住一匙去到底點知中間有層朱古力，沖破咗障礙後雪糕上又有一層朱古力夠心思又真係用心做，底層有脆脆、吉士、莓做嘅啫哩。酸甜加脆口，口感豐富。到藍莓嗰杯，望落個色好吸引，而且有好多不同配料係入面，都有脆餅，但將所有一次放入口⋯⋯脆餅林了，口感普通，味道都一般。主角係外貌平平無奇嘅海鹽焦糖酥，暖暖地上面有層似奶油嘅忌廉，你完全唔會諗到呢幾樣嘢好似又咸又甜又漏，但原來係出奇地夾，而且個酥本身做得好靚，香脆之餘又唔覺牛油嘅肥，呢個係我哋三個一至要推介食🤗

今次已經係第二次黎 甜品真係無得頂 可以放心推薦同帶朋友黎呢度既無論賣相同味道都好好 價錢唔算平食兩件甜品可以係附近食餐正餐 但係可以話係物有所值唯獨係店內比較迫同店員服務一般之外

其實呢間我已經食左兩三次架啦。其實呢間餐廳第一次係我朋友生日時候，臨時想有個cake開心下，點知佢能夠既時整左個超級特別既蛋糕，佢既味道係酸酸甜甜，好好味，吾會好漏如果近我屋企，我諗我會日日落去食。之後今次係帶朋友一齊試下，其實我最主要係中意佢盛載甜品個塊磚。好靚好特別。而我朋友揀左一款係花茶既蛋糕set佢可以選4款味既蛋糕，可以比我地呢啲眼闊肚窄既人試多啲款又吾怕浪費食物之後我地仲有必食既心太軟，拿拿拿，就係呢塊磚，真係好靚。仲有呢個焦糖燉蛋，吾會好甜，仲要中間有塊朱古力，正，個有蝴蝶酥，真係好鬆脆我朋友仲叫左呢個拿破菕，好脆總括來說，呢間係元朗入面我最愛既甜點店，係有質素同服務好好既一間店。支持支持

好久之前得知道這是由前九龍香格里拉酒店大廚所開的，已經馬上把它加入我的To-eat list了。終於找到機會一試，就在又新街馬路邊，位置方便。餐廳佈置簡約，但非常整潔，座位也寛敞（這很重要！）很適合姊妹淘來下午茶。一看餅櫃已經心花怒放！從來沒想過在大西比可以找到這麼精緻的西式糕點，而且價錢也合理。正當我們苦思要點哪一款甜品時，發現了有cake platter set $68！一次可以試四種cake！正中下懷！完全是為善變的女人而設的。我們選了海鹽焦糖蘋果蛋糕、粟子蛋糕、綠茶芒果蛋糕和櫻花芝士蛋糕，配蜜樹茶，光看名字已經流口水了。專誠來到當然不能只點一個cake set, 我們再點了一客迷你牛角酥tea set $42，紅莓和吉士味各一，配洛神花茶。先試cake platter set。酒店大廚果然不同凡響，賣相先勝一籌！綠茶芒果蛋糕味道清新，不過重口味的我希望綠茶味再濃一點。粟子蛋糕聽起來最普通，但味道最濃！海鹽焦糖蘋果蛋糕和櫻花芝士蛋糕蠻特別，口感豐富。再試迷你牛角酥。鬆脆的牛角酥配冰凍的吉士餡，口感一絕！紅莓吉士非常好吃！重點推介！味道清新，口感介乎雪糕和忌廉之間，吃一個絕對不夠。

同老公再次食呢度既甜品，今次點了"初戀" 同 "心太軟"。首先試"初戀"，甜品很精緻，分三層，最上層有甜甜的花瓣, strawberry mouse, 跟住中間有層薄薄的strawberry 朱古力, 加上少許雜苺, 最底層配上Haagen Diaz 的strawberry 雪糕。無論視覺同味覺都好吸引。跟住食我最喜愛的"心太軟"喇，hot chocolate cake外脆內軟，朱古力有少少流心，朱古力不太甜，遠遠已聞倒朱古力餅的香味，"心太軟"配上士多啤梨芭菲，清香與濃厚互動，不錯。其實仲有另外一款叫"黑魔"的甜品是黑松露雪糕配朱古力mouse都好吸引，決定下次試。

同人去開元朗，去咗呢度食個甜品。海鹽焦糖蘋果餅，賣相好grand，有三層唔同嘅口感，不過食落太甜太漏。法式拿破崙，呢個係原味嚟，酥皮整得幾扎實，食落鬆化。法式牛角酥，仲有球haagen dazs雪糕，雖然無拿破崙咁突出，不過都幾脆口。

下午茶叫了柚子芝士蛋糕，餅底又厚又硬，硬到拮唔開，中間一層cream cheese一拮就散晒，只是蛋糕面有少量柚子碎，味道不明顯，大大失望，估唔到酒店餅廚只是這般貨色。最失望是那杯跟餐的咖啡，啡底得薄，味道有如茶餐廳水準，太令人失望。

同朋友岩岩食完飯，想搵個地方飲下甜品，誤打誤撞情況下搵到Wins Goodies！我地唔知有咩好食，所以叫左位男侍應介紹有咩好食，佢好nice咁介紹左好幾款甜品，仲講埋有用咩材料去整，好貼心！👍🏼👍🏼最後我地揀左「米」格同初戀！雖然好好食，但價錢都頗貴下！

趁著復活節假期，入了元朗探望朋友的狗狗。經過這間餅店，已被櫥窗精緻小巧的甜品吸引著，更貼有飲食雜誌的訪問。原來老闆大有來頭，出身自五星級酒店的糕餅總廚。大師級手藝，酒店級用料，價錢卻親民。下午茶時段有甜品套餐供應，而晚上則主打較多花款和特色創作的藝術甜品。 <Easter Special>看到黑板上圖文並茂的介紹這款復活節特別版甜品。可愛的小兔是紅桑子棉花糖朱古力，加了些鮮雜莓在旁。上下兩層分別是綠茶朱古力片和蛋糕，茶味濃厚。而中間則夾著雲呢拿、脆片芭菲、青檸棉花糖和紅桑子乾，酸酸甜甜的含多重口感。最後以香桃汁和意大利蛋白作伴碟。一件甜品也注入了那麼多元素，絕對是心思和創意的結晶，讓人捨不得吃掉。 <開心果牛角酥>外層酥脆，灑滿了杏仁片；內裡鬆軟，混合了開心果蓉。味道和口感也不錯，但略嫌開心果味不夠突出。

週末的悠閒好天氣，食完午餐後便決定要來個飯後一點甜。不想食B仔、泛后這類甜品店，便來到了同樣在附近的「Wins Goodies」。雖然上一次的蛋糕拼盤未算係小妹想要的味道，不過還是對他們家的出品很感興趣。.看到網上的資料得知店子的甜品師傅係由酒店糕餅總廚出黎自家開的甜品店。近門口的蛋糕櫃內會見到琳瑯滿目的各種甜品、牛角酥和曲奇等，最近店子更推出了數款新甜品，配合近期的櫻花熱，也推出了「櫻花白朗峰」呢，賣相吸引。.據說師傅最叻係整酥皮類食物，好似牛角酥、蘋果酥等，價錢唔平，不過一路食都見到好多人幫襯啊! 剛好兩點鐘開店便入去幫襯，所以店子裡的客人未算多，後續也見有些熟客幫襯，與師傅有傾有講。.店子環境不大，沒有華麗的裝潢，只有數張簡約的檯椅，最前方能看到玻璃裡的師傅忙個不停，還有隔離那塊白板上都會有些特別推介的甜品，像今期係復活節特別版甜品，畫出圖文並茅，餐牌裡都有實物相片，十分清晰。.看看餐牌，好多款都好靚又吸引，看到師傅的每款出品擺盤設計很有心思，想試晒睇黎都要黎多好多次!.也有提供Tea Set，多是酥皮類配飲品。.老公點的蘋果條配蜜樹茶 $42，個酥皮蘋果條咬落好酥脆啊，可以見到

我下午2時給他們打電話訂，要求下午6點取，還要求訂制設計款式。感謝孔師傅接受我的急單給我太太生日。我太太真的很開心和surpised。我訂的是雜苺拿破崙cake。拿破崙餅底有很多層和鬆趣。吉士香濃不死甜。雜苺新鮮應是進口的。和即做白巧克力名牌做得夠薄入口即溶。美味 。味道可以和 Royal Garden -FINE FOODS 比

第一次來的時候，只係開店頭幾星期，孔師傅經驗老到，根本不用談上軌道了沒有，出品都盡顯大師質素；往後幾乎每一兩個月又再訪，不過要來這裡還看緣份，有例休之餘，也遇過臨時休息，下午時間又只有餅櫃甜品及tea set，要吃精緻的「主餐牌甜品」就只能晚飯時間過後，但一晚了，人又多了。還好魚子醬一家早完成晚飯，可以趕及在晚市一開，做第一位客人。暫不多吃完之際，已經有一行十人進來Creme Brulee易學整精，不時會遇上質感死實，焦糖黏口而不脆。但孔師傅的出品當然沒有此等顧慮，集糖層金黃香脆，燉蛋質感幼滑，帶上好些Vanilla Seed，再配上自家出品的蝴蝶酥  拿破崙又是另一很易中伏的甜點，也經常在朋友間討論應該用手吃？用叉吃？逐層吃？叉到扁晒都要一次過食三層？大家還是用自已最舒服的方式進食吧，在非當季的日子，芒果也能保持甜美，加上千層酥皮鬆脆得很，同區難有同等質素。老闆娘細心為我們一家備上兒童餐具，大人小朋友也吃得開懷，希望很快又抓到機會吃

酷愛朱古力既我，成日都會食心太軟！中間流心，濃濃朱古力味！外層脆脆地，一打開就湧d朱古力醬出黎😍😍😍😍無形容錯架，就係呢間食到！不過有d搞笑既係，佢隔離個條好似蟹柳！😂😂😂

知道呢間o野好耐...今日終於都試到~ 我叫o左個"精點咖啡"~wa!!! 真係好食到不得了!!!尤其係個咖啡cream~ 真係好濃咖啡味好正!!!下面仲有一塊薄薄朱古力 "long"住~ o個球咖啡雪糕仲有層朱古力包住~等佢無溶得咁快~ 好有心思~ 下面再有好多餅碎~ 夾埋d雪糕一齊食真係太滋味啦~ 老公order o既芒果拿破侖...有一球桑子雪葩~我試o左一啖~ 好酸好正~ 細妹order o既心太軟我都試o左一啖~d朱古力味真係好濃~同埋佢個心太軟外邊係脆脆地ge~ 不過如果俾我...食晒一個真係太膩啦...雖然價錢真係唔平...但係質素都高~ 耐唔耐食一次都ok ge~有機會要試o下第二d款先~ 

BB媽媽介紹呢間話俾我地，佢話啲牛角包好味的！店外display櫃看到不同精緻甜品, 最可愛既呢個拖鞋做型的蛋糕！原來呢間餐廳的廚師係響九龍香格里拉做過的。 我地叫左佢其中一個茶餐和額外叫左一杯咖啡。本來叫左兩個綠茶牛角包和一個雲呢拿的，點知綠茶得返一個。。。。認真好賣！同埋。。。我真好彩！綠茶牛角包，綠茶cream充滿了整個包，綠茶cream綠茶味不濃不淡，幾滑，牛角包酥軟，自己喜愛他們放了包入雪櫃，令cream凍凍地，夏天食降低點點身體温度。咖啡就麻麻，一來過濃，杯子太少，不好放奶，而且因太濃要問佢地拎多次奶，但都無乜咖啡香味，有啲失望。由於我地想六點就食晚飯，所以不能品嚐其他甜品，下次會試下！