Whitewood Coffee (已結業)

一直都好想試呢間嘅pancake。。。但上次週末來，人好多，食唔到難得閒日途經石門，即刻過來碰一碰運氣又好好彩，唔算太多人喎呢度叫野食係要自己去cashier的，餐具也是自助👇🏻，煮好佢就會拎過黎俾你嘅我今次叫的當然係期待已久的pancake 再加杯咖啡(散叫，非套餐)香蕉榛子厚鬆餅賣相我俾90分，味道我俾60唔係難食，純粹只係我個人都係比較中意食一陣風果款soufflé pancake呢個就有點厚實，質感較近蛋糕。香蕉有d生，唔甜又偏硬個醬就比較甜，榛子味不濃一個人食哂，是有點膩的Iced cappuccino 我覺得呢個係誠意之作！呢杯凍嘅 個奶泡比例都真係1:1架，且奶泡都好幼細😋不過估佢唔到嘅係無加糖，亦沒糖漿供應(利申: 本人飲咖啡多數不加糖)唔知係地區關係還是什麼。。。其實我覺得有點貴Total:$108

依間cafe主打pancake，一開張比人瘋狂宣傳，🍔專登等熱朝過左先去試食，點知都係要等🤷🏽‍♀️ cafe環境唔大，光線亦都不太充足，個佈置都幾好。等完入坐，仲要等多40分鐘等個pancake, 唯有”食住雞”，四圍望下咁等😂個日簡直係慢活人生🚶🏽‍♀️-原味厚鬆餅 ($62) 食落都幾鬆軟，有一定嘅厚度，蛋香濃，甜度適中，自家製嘅cream好滑身！但空氣感就唔太夠喇，發好嘅蛋白同蛋漿未攪拌好，食落就有蛋白粒😂 (可能佢哋一次過整太多個pancake嘅關係)。牛油唔知點解用左有鹽嘅，如果加左會有又甜又鹹嘅感覺。楓蜜味亦都唔係好香🧐 -🍔建議大家可以平日泥，係打發時間嘅好地方⭐️佢哋嘅咖啡看起來都不錯喔！

自從係Osaka嘅Grams食過佢嘅soufflé pancake後，真係日思夜想…雖然而家TST都開咗，但本身係新界人，唔想走到出去，又要排隊。今日剛好去石門，打開OpenRice 睇下有咩好食，不得鳥，發現呢間小店，一定要試一試。鬆軟，蛋香濃，每件一個拳頭咁大，三件剛好一人份量，不過正由於細件薄咗，果種鬆軟到好似Grams嘅”凳下凳下”感覺少好多，而cream 略嫌不夠，但綜合來說我都十分推介👍👍而dirty 咖啡，味道一般，我估熱飲好味d

The second time visiting this café, quite nice experience last time n I decided to encore.Tried different coffee this time - dirty. It is a mixture of cold milk and hot espresso, so that can feel cold and hot at the same time. Quite nice, pancakes seems attractive too, let’s try next time

中午有時間就唻到呢間cafe，位於石門站一個商場內，細細間既咖啡店，但環境非常好，坐得舒適，好適合三五知己或情侶既傾計地方Order咗兩份鹹點同一份甜點，份量剛剛好，好滿足價錢相宜，雖然甜點質素一般，但賣相都幾吸引，黑糖配抹茶係幾好味例牌到cafe都會點all day breakfast,呢個都做得幾好味，賣相又吸引仲點咗呢碟豬柳漢堡拿破侖意大利粉，都幾大碟，好香蒜味整體呢間cafe都值80分，可以再光臨

分子食物新境界，香蒜，無！蜆肉，無！白酒，無！得黑椒同硬意粉，癲覆您對食物嘅睇法，飲咖啡算，甜品都ok，食咗正餐先好嚟，同埋位置好少，員工好多但好忙，辛苦大家啦

週末，想去少人一點的地方。到了石門，卻發現人流一點也不少。 😂朋友說Whitewood 的意粉好食，所以我們來到了，剛好有兩個人的位子。😎這裡是「半自助」的Cafe, 意思是要自己拿餐具、水和到櫃檯點餐。現在越來越多餐館都是這樣子，可以更集中員工的工作之餘，顧客自己serve自己，動一動也不錯。🤗🤗簡簡單單的叫了一個pasta, 一個pancake 和一杯coffee~💖1)Napoleon Pasta $68🍲沒有預想中的特別好食。朋友也說比她上次食差了一點。不過不失的一個番茄意粉。 2) Rose Latte (regular) $36🌷因飲不出玫瑰味，我有一點小失望呢。🥀3) 黑糖抹茶Pancakes $68🍮🍽三件pancakes, 兩個女生食剛剛好。味道可以，但pancakes不夠鬆化，食落像一個普通的蛋糕。😅

去果日係公眾假期，想同屋企人歎返杯咖啡但又諗到馬鞍山、沙田都太多人，就上OpenRice搵下有冇其他近既cafe試下，見到呢間好似唔錯就去左試。去到叫左一個all day breakfast同埋另一個意粉加埋2杯咖啡，意粉煮得岩岩好，唔會太熟又唔會太硬。All day breakfast個toast有驚喜，係黑色既，咬落好脆而且冇好油既感覺coffee一杯係mocha 一杯係cappuccino，係拉花果度真係睇得出係有心拉。(之前去連鎖啲咖啡店真係是是但但沖一杯比客就算，見到都無言)我飲既係mocha，夠chocolate味，唔會太奶，而且甜度岩我口味。唔洗等位，高質又抵食！2個人加埋$200頭，飽肚又好食。

Weekday 經過諗住無乜人不用迫，order 了焦糖coffee 及cheesecake, 咖啡淡而無味，比連鎖式咖啡店還差！Cheesecake 像是一磚仲未解凍的牛油！😔😔

腦子最近被眼球牽引，總想緬懷一下梳夫厘的溫暖😅石門午飯後，特別過來食梳夫厘pancake，見到新出*黑糖抹茶厚鬆餅*，決定一試。這一試，是充滿苦澀的滋味😅所謂黑糖抹茶原來是原味厚鬆餅晒上抹茶粉，搭配旁邊的抹茶cream，自動波淋上黑糖漿，入口卻完全無法融合。既沒有黑糖味，抹茶忌廉零甜度而鬆餅軟身卻偏乾，食完我和友人也忍不住靜默了片刻，可能外表與味道有一點距離，可能配一杯咖啡或奶茶或許會填補內心的空盪。

這間小小cafe, 週末比較多人, 店面積不大, 有點迫狹!英式早餐 - All day Breakfast, 包括有炒蛋、蘑菇、煙肉、大番茄、香腸、茄汁豆、沙律菜及一份炭麵包, 非常之豐富。炒蛋加上了香草, 煙肉同蘑菇的好夾好好味, 還有很特別的黑炭麵包是店家自家製的手工麵包! 原味厚鬆餅 - 這個即叫即做的梳乎里厚班戟, 即點即做, 過程大約半個鐘(要有耐性)。軟綿綿鬆軟的口感, 但蛋黃味比較濃郁, 楓糖漿不會過甜, 與忌廉同吃, 味道還可以！

近年愛上吃梳乎厘班戟，到日本更加會慕名去朝聖，但是試過之後還是覺得，香港這間咖啡小店的厚鬆餅的口感同味道是最好的！日本的Gram同幸せのパンケーキ外型當然十分吸引，好有蛋味。不過吃梳乎厘班戟最重要的是口感，應該好似吃梳乎厘那樣鬆軟才是，這方面WhiteWood就做得最好。每次到訪都忍不住要叫一份才滿足😋除了班戟，手調咖啡都不俗，他們所選的咖啡豆都很有特色，如果唔知怎樣揀，亦可以問一下店員意見，他們也樂意向客人講解同介紹

今日同同事食晏，本來去食隔離間 Burger, 不過入錯咗就錯有錯著試吓呢間 Whitewood Coffee. 叫咗一個漢堡豬柳拿破倫意粉同 Flat White. 先講個 Pasta, 賣相吸引，鮮茄汁 Pasta 上面放咗漢堡豬柳，上面再有一隻 Sunny Side Up. 好 Sharp 的一碟 Pasta. Pasta 是 Al Dente, 漢堡豬柳則多汁鬆化，唔似係交來的，份量適中偏多，夠飽。杯 Flat White 我無 expect 到會有拉花 ( 各同事即刻攞電話 Instagram 哈哈 )，香滑精緻。唯一就是跟餐加二十蚊一個 Regular Size 有D貴，幸好是好喝的一杯。店子小小但坐位都是舒適的，雲石枱面襯出簡約優雅，美中不足就是抽氣系統，稍為大油煙味。

第一次來石門，就係為左去呢間咖啡店☕️見佢既pancake好似幾出名咁～ 無諗過呢d商場入面嘅coffee shop會咁好生意😂大約3點去到，咁啱得返一張枱叫野食先！我就揀咗個avocado toast~ 多士係黑色的竹炭多士。有cream cheese 牛油果同蛋個賣相幾好，但係一食。。個牛油果係硬的。。未熟哂，d質地好爽口。。好奇怪🤦🏻‍♀️有d失望😞朋友就叫咗香蕉pancake🥞幾好食好鬆軟！同出面d日本pancake店有得揮！價錢只係$66唔怪得個pancake咁出名！但等嘅時間要大慨20分鐘的！🤤咖啡都唔錯！：3

又一個晴朗嘅週末，諗住又係搵間coffee shop Hea下，上OpenRice周圍搵，見到呢間平價嘅soufflé pancake，就叫朋友陪我嚟試吓啦。地點，我個人覺得有啲偏僻，如果冇揸車，就真係唔會專登入到黎囉。一上到去嗰間鋪，鋪頭極細，所以要排隊，排左一陣終於入到去啦，見到人人幾乎都係食嗰啲嘢。我自己就叫咗個soufflé pancake再加埋一杯white coffee，佢嘅價錢同佢嘅味道，其實真係出色過出面好多。