Versus Stadium (已結業)

再黎連放3日假不是夢，所以放工就幾個同事去 RELAX 下，好好放低工作上既煩惱。有朋友介紹，荔枝角 D 2 PLACE 一期有一間幾唔錯既酒吧【Versus Stadium】，老老豆豆，野食雖然唔算好多選擇，但勝在飲品方面選擇都幾多。我哋叫左2杯野飲，已經唔記得左叫咩野，但係味道好不錯的，好易入口，送香口既小食一流。「黑松露炸薯條」 ： 薯條脆口得黎好有咬口，薯肉滿滿的，沾滿黑松露醬入口特別滿足。個醬真心唔錯。「雞肉串燒」 ： 雞肉很嫩滑，好 JUICY ，又唔會 UN ，個燒汁好惹味。個雞翼比較上遜色，唔太似雞翼味，而且味道比較淡。。。

*Atmosphere*First thing that hits you is the smell of disinfectant and cigarettes.The lighting is strobing multicoloured LEDs.The music is a playlist stuck from 2012 club music at 1PM on a Friday. Which is quite annoying for lunch. It feels like a strip club without the strippers.As an eSports themed bar / restaurant, they don’t have any eSports games on the TVs, only football.*Service*For the most part polite and friendly but they definitely look flustered and struggle to serve the 6 tables the

我多數上三樓食，好多次經過都都無衝動要試，今日朋友話去試下，約係餐廳等。知道係酒吧，但都舒服唔算大煙味，唔會好迫，西餐$80-170，環境唔錯叫左個牛扒同意大利飯share食，牛扒叫五成熟但overcook，不過喜出望外地好食，好淋但有咬口, 出邊煎得香脆，薯條都好乾身好脆，好夠熱應該即炸，$168 食到li個質素真係唔錯。再黎野菌黑松露係意大利飯，黑松露都好足，飯夠香滑，都唔錯，好過同區幾間出名小店侍應服務唔錯，不過收碟太勤快，一個鐘頭食飯問左三次‘食哂未仲要唔要’。會再幫襯

難得今晚尚算早收工，約左個 Friend  o係【Versus Stadium】飲番杯食個好西 Chill 一下。叫左個「黑松露野菌Pizza」即點即烤熱辣辣，Pizza餅底屬於薄批，但係好吹足料，滿滿香濃既芝士，加上黑松露野菌既花香氣噗鼻，入口非常香脆。另外我哋仲叫左一份水牛芝士焗肉丸(詳細唔記得左個名)，但係真係好入味好想追住食，肉丸既肉質好彈牙，而且好入味，芝士完全地滲透整粒肉丸之中，芝士焗得好香，最後我哋都成碟清晒。「西班牙海鮮焗飯」選用西班牙傳統兩頭尖的米，傳統西班牙海鮮飯難度十分高，煮後更要入焗爐再焗，將米煮至半軟硬程度，才放入湯汁中吸收至軟糯，避免過度攪拌至米飯變碎及爛，才能煮出口感效果相約的效果。食得出主廚的心機和精巧，加上海鮮材料都很新鮮，令整碟飯的層次再次提升。朋友叫左杯「BLUELAGOON」，很易入口，有少少檸檬的清香，加上精凝剔透的海藍色，令人彷似置身於汪洋大海之中，非常放鬆。

氣氛唔錯，需然今次我自己一個黎，但尼個係可以同朋友出黎或有時自己想放鬆下都唔錯既地方，收夜又想飲酒既人都可以一試，今日仲幫我調到一種我好鐘意飲既酒，大家如果想可以黎值得一試。以後我想放空飲下酒時都會長黎。

小妹近來好喜歡到荔枝角D2 Place食飯打躉。無意中發現這間競技酒吧，好奇問下店員點樣收費。原來只需入內消費，不論食物還是飲料都可以免費打機。小妹雖然不愛好遊戲機，但一個地方可以邊同知己閒聊邊打機，酒店配合機舖這諗頭都很新鮮。適合年輕一代。除遊戲機外，還有以下玩意，電影喜愛夜蒲系列就見得多，但唔知叫咩名。一定唔會悶！開放時間大多到零晨，星期六日較冷清，但平日會很旺場。小妹今次掛住傾計，忘記影相！但飲品，食物價錢好平民。以我地4人為例，3杯酒精飲品，1杯無酒精飲品加一個心太軟，連服務費人均100鬆啲！服務方面不得不讚，當天朋友生日，我們只買了一個小小的心太軟作蛋糕慶祝，但侍應得知是慶祝生日竟很有心思安排播放生日歌真細心小妹想介紹附近上班的朋友仔，可以一試！同區大多餐廳，要搵間酒吧都難放鬆下都難！環境好，場地都算大，坐位都舒服。小妹一定會經常去！

一入到黎就勁大煙味，感覺極差。全間鋪頭得十位客人，有四位員工企喺度，但客人舉手示意並無人理睬。在旁有兩位客人舉手，但服務員誤以為他們要結帳，把單據拿給他們。但原來他們的食物也是遲遲未到！我在8:00前已入座，但我等候了45分鐘仍未上菜。而事實上，餐廳內只有我和上面所說的客人點菜。請問雞翼，沙律及意粉為什麼需要45分鐘去烹調？雖然食物美味可口，而且賣相還不錯，但這樣的服務實在令人反感。下次亦不會再光顧！

放假但又唔想太迫人, 就揀左去荔枝角嘅D2 place行下, 發現竟然新開左間新嘅酒吧, 入到去先發現原來係一間電競吧, 即係可以一邊飲酒一邊打機, 又幾特別喎! 雖然我唔特別好打機, 但有時同朋友去酒吧飲下野, 都有玩下飛標之類嘅, 有得打機嘅酒吧我都係第1次去, 除左飲酒仲有野食ORDER, 雖然份量吾算大，不過味道吾錯，全部野食仲熱辣辣甘上添！而且新開環境當然好新淨，又吾會好嘈好煙甘，下次再約fd黎先！