URBAN Café Commune (MOKO新世紀廣場)

营业中

休息中

吐話說襯星期日兩公婆去逛下街，黎到Moko諗起呢間cafe有小弟最鍾意嘅fish and chips，咁老婆就建議左黎呢度食。兩個人叫左兩個set，一個係fish and chips (卜卜脆炸魚薯條)，另一個係tiger prawn pasta (一山不能藏二虎蝦意粉)，仲加左個煙肉薯條同兩件slice cake。個set本身跟龍蝦湯同牛角包，仲有杯飲品。牛角包上枱係凍嘅，不過食得出本身味道唔錯，有啲可惜。個龍蝦湯……勁鹹！除左鹹之外，無特色囉……到主菜，老婆叫果個pasta不過不失啦，唔算出色，不過無出事囉。我個fish and chips呢，就大鑊喇……一上枱，見到嘅，係塊炸魚同薯條浸住油咁囉，OMG，唯有即刻放張餐紙巾落去索，索滿成張餐紙先可以拯救番差啲浸死嘅魚同薯條……食落口呢，個薯條係唔熱嘅，至於個炸魚，啲肉一切落去係碎開嘅，食落係軟爛嘅唔係正常用cod果類魚整嘅有咬口果種，總之就完全唔掂啦……最後果2件slice cake，NYC係ok嘅，唔算太甜亦都比出面少cream，口感會有啲crumbly，但無咁滯，至於件strawberry Elmo，老婆話食唔到strawber

服務要再再再加強難得冬至早收工，所以去食個下午茶獎勵吓自己，URBAN Cafe Commune平時都排長龍，可能因為我去到嘅時候大約三點，所以已經冇乜人，入邊嘅座位大概只有三份一有人坐，侍應姐姐都俾咗張四人枱我一個人坐可能係因為特別日子， Menu上只係得返三款下午茶可以揀，我就揀咗小龍蝦牛角三文治配薯條，飲熱蜜桃茶估唔到係冇乜人嘅情況之下，成個餐都要等20至30分鐘，當中仲要摧左waiter幾次，連杯熱蜜桃茶都等咗20分鐘先至有得飲講返食物，個牛角包嚟到嘅時候係熱嘅，咁證明佢係即整，當中嘅小龍蝦餡料好多，亦搽咗好厚嘅醬，感覺上係好豐富，薯條亦都炸得好脆，點埋茄汁一流，再配埋杯好濃味嘅蜜桃茶，成個下午茶好豐富如果佢嘅服務或者出餐可以再快少少就更加好，因為連埋單我都再等咗10分鐘，真係唔知如果佢客滿晒點算

10:30am 只有三個人在等候早餐，餐廳卻因工作效率差，叫客人等11am後食午餐，服務態度非常惡劣，其實一般客人都很快吃完，枱數目也不少，只是員工工作表現差，坐下點餐又不説明雞排已經沒有，要客人再三考慮才能下單！一

平日下午茶時間，人唔算太多，剛剛好坐咗九成枱，環境夠開陽⋯都算係一餐 happy tea time 1/ 牛油果碎蛋沙律 bagel $58 + 凍薄荷朱古力（另加$18）包質唔錯，屬於硬身但係我鍾意碎蛋沙律正常，但係牛油果就略嫌少咗啲 （4小片）配沙律菜都OK2/ 小龍蝦牛角三文治配薯條 $84 + 熱蜜桃茶小龍蝦配嘅沙律醬有少少咖喱味（唔知有冇錯呢），都OK好食牛角包鬆軟薯條正常商場有輕音樂播放，餐廳坐落於商場中央可以望到地下嘅聖誕裝飾，安靜之餘又感受到假日氣氛加一後$176 埋單，算是一個不錯的選擇

呢間menu嘅選擇好多 所以經過個陣就被吸引住 而且由漢堡到其他經典主食包羅萬有 門口counter仲有擺放超大件嘅蛋糕同埋牛角酥！感覺呢間甜品比主食更加吸引～呢度有set dinner 每個套餐都可以配一杯野飲同埋餐湯 今次係龍蝦湯 上面仲有小小忌廉飄過 整體口味偏鹹左小小 不過配餐嘅迷你牛角酥真係好正 細粒得來又飽滿 有齊應有嘅牛角包組織 表面酥脆 點湯更濃味呢🍔香煎鵝肝牛肉漢堡配薯條💰168由於佢係開放式廚房 我仲可以見到員工親手擺鵝肝同牛肉係漢堡包上面！牛肉餅同鵝肝上面有一大疊火箭菜 下面都有好多生菜 麵包係偏黃色的類似餐包口感 甜甜的而且特別軟！鵝肝真係好邪惡 入口即融 好似食緊一舊固體油咁 而牛肉餅都幾多油 咬個陣會不斷滴油 但係整體口感唔錯 係略嫌油左D🍝一山不能藏二虎蝦寬扁麵💰148呢個名好有gimmick 上來個陣都冇出乎意料地見到有兩隻幾大嘅玻璃蝦！蝦肉好彈牙而且真係好大隻 一隻都要食好耐🤣下面嘅寬扁麵都沾上幾多番茄汁 口感咬落似餃子皮 不過係比較軟身D嘅 所以都幾特別 係手工意粉嘅感覺！☕️熱桃茶本身以為桃茶會係齋桃味嘅清茶 但係原來係果汁味勁濃嘅桃茶！簡直就好似飲

呢間餐廳疫情之前成日都排長龍，而家疫情緩和咗，平日夜晚都唔係太多人，去到即刻入得。最鍾意其實係食佢個薯條🍟，所以嗌咗佢熔岩漿芝士牛肉漢堡🍔餐配薯條🍟、龍蝦🦞仔餐湯、迷你牛角包、香桃茶🍑。厚身粗切薯條脆卜卜，熔岩芝士漿另外分開上，自己鍾意落幾多就幾多，香濃芝士味🧀同個漢堡味道都好夾🍔，麵包經過烘焗同搽咗牛油，香脆好味。30小時慢烤雞半隻配薯條🍟雞肉嫩滑多汁，香草醃得好入味，配少許沙律菜，有肉有菜，食得好滋味👍🏻

用餐時間只得90分鐘，在排隊等位嘅時候及入座前，服務員已解說及分派餐牌供食客閱讀😅為客人節省考慮菜單嘅時間都頗細心🤔入座已可立刻下單🤭貼心服務就加點分吧！😁先上龍蝦湯🍵味道適中不會太鹹😋牛角包算係招牌菜🙄但一般吧🤨欣賞此店"大啡菇羽衣甘藍沙律”🤩健康之選💯但比較上🧐元朗分店做得好味啲🤏😏 主菜選了🦞龍蝦意大利飯及香煎加拿大保濕豬鞍🥩🙄有點奇怪 🦞像封上一層"蛋漿?"來焗？🤔主菜不過不失😏但略嫌豬鞍又乾又嚡口🥴一點都不覺得有"保濕"效果！🤭🤣二人套餐已經非常飽🤭冇空間再試其他甜品😩總是覺得有點缺失似的😔🤣

星期六下午4-5點，行左一日街，行到腳仔攰，想搵間cafe坐坐，飲杯野，不過呢個時間，間間cafe都好full，等左15分鐘先有位。。。 坐低簡單點左兩件cake，三杯野飲New York Cheese Cake + Bailey 朱古力蛋糕New York Cheese Cake: 正正常常，普普通通，偏硬，無乜芝士味Bailey 朱古力蛋糕：口感順滑，Creamy，不過就唔係好食得出個Bailey如何融入件蛋糕，令蛋糕再有所提昇，我諗Bailey都只能再噱頭。兩杯芒果沙冰+一杯藍苺沙冰（無影到）芒果沙冰：在呢個熱辣辣的日子，佢真係消暑解渴，又好飲，透心涼的感覺真好藍苺沙冰：唔知係咪太足料，感覺唔夠水、唔夠冰，飲落去似係糊狀多過似沙冰，一比之下失色唔少。。。總結：整體不過不失，下午茶沒有驚喜，也沒有失望，勝在坐得舒服，想搵個地方坐坐休息下，佢都係個唔錯的選擇，但價錢就。。。

想吃頓西餐又不想花太多錢可以到這間 晚餐menu包餐湯 小牛角包和飲品 所以挺划算的 兩個女生點兩個晚餐 基本上都有吃剩或吃到非常飽All day breakfast：份量充足 三文魚和火腿都不是兩小片 牛角包一大個 這家的牛角包也是挺好吃的 還有蘑菇 番茄 炒蛋 豬肉腸 雞肉腸 火箭菜 松露薄餅： 不是厚底的那種 比較像餅乾 十分脆 有芝士和蘑菇 挺好吃的豬鞍： 份量也很足夠 個人覺得肉質嫩滑 而且很有厚度 還配有薯條 蘆筍 番茄和蘑菇環境一般 因為半開放式的 但想吃頓西式晚餐來說並不貴 大約人均$160 而且恆生卡有9折 也可以下載網上外賣平台儲印花 5個印花能換$50電子現金券

平時經過呢間餐廳成日都見到有人排隊，同埋有d座位幾靚，打卡都唔錯，咁就約咗朋友嚟試下，可惜今次有坐到個d好靚嘅位，午餐時間大概排咗15分鐘有位燒雞食落有d鞋, 味道一般，薯條就幾好味芝士牛肉漢堡還可以，有牛味同埋juice, 好鐘意食呢隻粗薯條整體一般般，食物嘅份量係大份嘅，原本想食cake都食唔落了

😋 U͓̽R͓̽B͓̽A͓̽N͓̽ C͓̽a͓̽f͓̽e͓̽ C͓̽o͓̽m͓̽m͓̽u͓̽n͓̽e͓̽ ✨✨✨每次經過旺角新世紀都見到呢一間餐廳好想試，今次終於試咗佢嘅𝗹𝘂𝗻𝗰𝗵 𝘀𝗲𝘁🤤果然冇令我失望👍🏻·—·🐥｜𝗨𝗥𝗕𝗔𝗡 𝗦𝗜𝗚𝗡𝗔𝗧𝗨𝗥𝗘 𝗥𝗢𝗔𝗦𝗧𝗘𝗗 𝗖𝗛𝗜𝗖𝗞𝗘𝗡｜慢烤肥雞｜•配沙律🥗·薯條🥔·主廚秘製沾醬•肉質淋身多汁，慢烤嘅雞肉香濃嫩滑，份量一個人食啱啱好，唔會因為太多肉類而覺得膩，薯條味道香脆可口，配埋比較多嘅沙律菜，食完都咩冇罪惡感😳·🦐｜𝗫𝗫𝗫 𝟵𝟬𝗺𝗺 𝗜𝗧𝗔𝗟𝗬 𝗣𝗔𝗦𝗧𝗔𝗦𝗜 𝗦𝗣𝗔𝗚𝗛𝗘𝗧𝗧𝗜｜一山不能藏二虎蝦意粉｜•香辣車厘茄醬🍅·新鮮意大利蛋90mm闊條意粉🍝•虎蝦好大隻，大大啖蝦肉好滿足，然後意粉充滿醬汁，每一啖闊條麵都濃味得好幸福😋而且醬汁唔會膩，配埋酸酸辣辣嘅番茄醬🍅好開胃入嚟，整體味道啱啱好🤤·🦞是日餐湯｜龍蝦湯餐湯來講真係好有驚喜😝裏面真係有龍蝦肉，龍蝦湯味濃郁結身，好有誠意💕最愛濃郁結身嘅西餐湯🫕🍑餐飲｜🧊凍蜜桃茶

URBAN Cafe由於牛角酥(可頌)太多款式，又過於出色的源故，印象中她是一家賣麵包為主的咖啡店。事實上，她的位於旺角火車站MOKO商場一樓的分店【URBAN Cafe Commune】，所出品的扒類和意粉都是非常出色。幾乎每次都是衝著招牌菜【3小時慢烤法國肥雞】而去，今次轉換一下，試一下【澳洲M3-4和牛肉眼扒】，份量剛剛可以滿足，亦不太膩。七成熟，厚厚的一塊，上桌已經一陣碳香味，先拿下印像分。熟度剛好，外層焦香，內層軟滑，和牛的牛味真的很濃郁，加上牛脂肪的油香，這道菜完勝。用來點牛扒的醬汁更是因為肉味香濃，完全沒用上。【63C溫泉蛋卡邦尼煙肉意粉】則是滿滿的芝士醬汁沾滿每一條意粉，加上從溫泉蛋內流出的鮮蛋黃，相信卡邦尼控都會願意收貨。晚餐還配上迷你牛角酥、龍蝦湯，而餐飲可以選水蜜桃茶、咖啡或檸檬茶等。一個難得的聚餐伴隨一個美味的晚餐，如果說尚欠一些什麼，就是我的冰咖啡沒想像中好喝。

今晚去左尼間野度食，朋友告知9pm last order, 9:30pm close. 我地齊人都8:30pm開始食, 食一個鐘諗住都差吾多。食到8:55pm已開始第一個waitress 行黎問 last order仲有無野叫, 第二個waitress 叫我地埋左張單先, 埋完單有個waitress 比濕紙巾, 成個勢都提醒你「差不多close喇」, 過多陣, 又一個waitress行埋黎問你要吾要打包既盒, 過多陣再行黎一個話我地差不多要close, 個陣接近9:30pm, 我朋友就應佢知道, 到我地準備離開時，我就話比個waitress知, 你可以收野, 費事阻人收工啦, 但佢態度超串話：「轉頭先啦」, 催又係你催人, 同你講聲收得又態度惡劣, 到佢收完第二枱經過我地個枱時，好大力咁將我地食完既刀叉掉落d碟度，啤住我地但又吾收走, 我當然串番佢：「吾駛呯呯嘭嘭既。」佢好吾好老皮閃走。我地就得啖笑，尼個人既服務態度真係一流一，佢尼種態度應該尼一世都hahaha，行為上做埋d小學雞既野趕客，失禮既係佢自己，成件事好好笑。

性價比高的餐廳，位於旺角東站Moko新世紀商場內的西餐廳，交通非常方便，餐廳採用開放式設計，非常開揚，座位寬闊舒適，店員服務也有禮貌，不過人流很密集，去過兩次食嘢都要排隊，但係都不用等很久的，大概等10至15分鐘，食物質素都好味，唔會求其俾你，而且份量算是大份，性價比非常高，價錢又唔貴，我哋兩個人叫咗二人套餐，份量足夠食得好飽，48小時慢煮牛非常好食，有牛肉味而且又淋唔鞋口，沙律新鮮好味又大碟。值得去完再去的餐廳。

星期五10:40到不用等可入座，早餐10:45前要下單，限時1小時。環境不錯，坐位寬趟，服務佳。味道就不合格，牛角酥凍，抄蛋凍且出水，牛扒普通，應該好以整定放在一段時間。另一份朋友早餐，多士就好多油，三文魚抄蛋一般，賣相極差，而咖啡也不甚好。好在價格不貴，就當食於環境及服務，但食物味道就差過快餐店。