影片
开饭介绍
装修饶有风格。提供全日早餐及汉堡包等美食，特别推介牛角包。
继续阅读
附加资料
最后落单为21:00
营业时间
今日营业
08:30 - 22:00
星期一至日
08:30 - 22:00
*4月21日起最后落单时间: 21:15
以上资料只供参考，请与餐厅确认详情
-
网上订座服务暂停
食家推介
-
龍蝦湯
-
凍桃茶
-
法國鵝肝牛肉漢堡
-
一山不能藏二虎蝦意粉
-
餐湯+26
原本唔打算为这间店舖写食评，因为之前食过没有什么特别，只是今次打算随便食过晩餐！当日食咗个水牛鸡翼、牛扒同朱古力咖啡，总共四百几蚊！价钱同食物质素唔成正比！牛扒🥩简直令我惊讶！$288块牛扒又薄又多肥膏唔系化…. 重差过有质素嘅茶餐厅！杯朱古力咖啡完全冇朱同咖啡味水牛鸡翼冇影到相，味道就似茄汁加Tabasco唔会再嚟，差到一个点！俾钱时先知道可用yuu储分！用得yuu唔系有质素嘅餐厅咩？令人失望！简直浪费咗我当日食饭嘅quota
继续阅读
行过觉得攰，想揾间Cafe饮咖啡，好快就选中咗佢，因为佢位置非常显眼，就系喺一楼，对住电梯，喺商场嘅中心，环境都几舒服，够光猛，嘢食水准正常，但系佢个餐加蛋糕嘅价钱都几抵，我同朋友叫咗个all day Breakfast，一个沙律，再加咗个蛋糕，轻轻地食咗个Tea~同朋友倾吓偈都唔错，嘢食唔系话特别好或者特别差，牛角包佢哋都做得好出色，好似系佢哋餐厅signature嘅食物，大家不妨一试，如果唔怕肥的话，价钱都一般唔系特别平，好在唔系好多人唔使排队行过经过都应该会再光顾
继续阅读
已经有一段时间冇食过呢间嘢！点知一食就中伏😵呢个所谓嘅芝士牛肉千层面$148以前dinner set跟一个汤同一杯指定嘅嘢饮，而家只系二选一，悭皮又缩水。呢个咁嘅所谓千层面都唔知有冇三层，汁肉分离超多水，似冰格攞出嚟溶雪之后溶咗D水喺碗千层面里便😑面头块芝士系一饼嘢浆口嘅好似假芝士口感！！上餐嘅时候见到个黑色铁兜以为好大，原来里便系有一个细嘅锡纸兜细到好似掌心咁嘅size。个高度都冇半支牙签，咁你哋可以想像吓个千层肉酱面有几大份？连一个儿童餐嘅份量都不如😒黑松露大啡菇炖饭$128都系dinner set餐汤饮品二选一，但杯冰红茶超甜。本身个饭嘅味道系唔错，但好可惜佢个意大利炖饭啲米煮唔熟系生嘅，我都明白意大利饭会系有少少硬硬地烟韧嘅口感，但系食落去肯定唔系意大利饭嘅口感，而系生米个心系硬。荔枝玫瑰芝士蛋糕跟餐加$28连个蛋糕都唔得！芝士口感一啲都唔smooth，蛋糕嘅甜味系死甜好假。食物质素越做越差，怪唔得知咁多间分店执净呢一间，星期五晚饭时间都系得几台客！实在太差，唔会再有下次😠
继续阅读
今日同friend喺新世纪广场行街，Tea Time就喺 Urban Cafe Commune坐低食cake，店舖非常开扬，只要你愿意，系可以同随时同出面行过嘅人四目交投，呢啲冇遮冇掩嘅店舖我正常系唔会行入去，但见啲cake又好似几好味，于是就试下!我哋Order咗个Cake Set，朱古力海绵蛋糕 + 热蜜桃茶。蛋糕面上有棉花糖同Oreo饼做点缀，大件抵食，蛋糕质感好丝滑，𠮶粒棉花糖超级甜，食到一半就开始觉得漏。杯热蜜桃茶好够味，好饮！店舖有加一服务费，亦都有90分钟限时，如果有讲不尽嘅话题嘅，就唔适合入内帮衬！！
继续阅读
最近同朋友喺呢边食完晚饭，行咗一整晚嘅街，个脚已经好攰嘅时候，谂住揾间甜品舖食吓，但系揾极都好似唔觉有，谂谂吓曾经过过嚟呢度食晚饭，而佢入边都有啲cake叫嘅，于是胆粗粗问一问店员可唔可以就咁食cake，估唔到呢系可以㖞，呢个又几惊喜㖞。惊喜嘅地方呢系因为啲cake其实就唔贵嘅，但系呢又肯俾我哋堂食，最后我哋叫咗两件cake，一件呢就系蓝莓芝士，另外一件系Tiramisu，虽然上菜嘅时候呢佢搞错咗，上咗另一件蛋糕，但系佢都好快换返俾我哋。整体蛋糕味道非常唔错，推荐蓝莓芝士蛋糕。
继续阅读