URBAN Café Commune (MOKO新世紀廣場)

营业中

休息中

星期日早上，同朋友一齊食早餐，行到去Urban,見有位就入去了。不出所料，過咗一陣已經有人排隊。今次叫咗香煎牛扒、炒蛋配牛角酥，加埋杯熱咖啡，牛扒不錯，牛角酥外脆內軟，真係好豐富👍🏻。

Urban 週末能夠早起吃一個早餐的確是一件非常幸福的事情。記得這家的早餐被朋友們爆推薦，便宜，好吃，環境好。 不過這次來服務態度很一般，兩位侍應在竊竊私語，讓客人感覺十分不禮貌。餐點方面：set B : 牛油果碎蛋沙律貝果三文治 + 蜜桃茶（熱） $58貝果餐果然是實力之選，非常推薦！ 貝果非常鬆軟，外層焗到脆脆的，一口咬下去十分可口。裡面的牛油果碎蛋沙律也十分fresh, 而且牛油果是切成小正方體的顆粒狀，吃起來更有層次。蜜桃茶超級好喝，以為是普通的蜜桃泡茶，但是它是有豐富的蜜桃水果甜度的，一定要嘗一下。set D: 香煎牛扒，香滑炒蛋，慢煮番茄，法國牛角酥 + 熱咖啡 $58這個餐相對All-day breakfast餐來說是絕對是性價比之皇。牛扒粉嫩，而且挺大一塊的。 牛角酥略嫌沒有翻熱。整體用餐體驗，花100多塊，兩個人吃早餐，而且早餐品質健康美味，絕對是比茶餐廳更好的選擇。 對於盡量戒碳水的都市人來說，還真的是非常舒服的用餐。

一家三口，人日到Moko Urban 慶祝生日，分別叫了卜卜脆炸魚薯條、升cup晨光第一炮、豬柳貝果🥯早餐，每份早餐都配以餐湯、出名牛角包和餐飲。今次揀咗凍蜜桃🍑茶、Latte、凍檸樂，最出色都係蜜桃茶😋

環境開揚坐得舒服！下午茶好抵食！食得飽下午茶時段包埋飲品，每人大約$100-$150如果想坐卡位，需要等位好彩只係等左15-20分鐘🍽canbonara 都唔錯

位於Moko一樓的Urban環境好開揚而且間中可以坐到圓拱型卡位午市lunch set的選擇非常多而且可以選配凍或熱蜜桃茶一山不能藏二虎蝦意粉$138雖然虎蝦煮得太耐有少少熟過頭但整體個意粉幾好味蕃茄醬煮得剛剛好另外個龍蝦湯都幾濃郁有幾隻細蝦仔晨光第一炮$102估唔到All day breakfast的賣相咁hea雖然都係腸仔、炒滑蛋、煙肉、蕃茄、磨菇、牛角酥但個擺法可以靚少少掛早知都係食返pasta算

平時行過見到幾多人食 今次早少少去食 嗌左個二人夜晚套餐 睇價錢ok咁就試吓1.龍蝦湯ok嘅 叫做濃味 個牛角包正常味道 冇咩特別2.加錢嗌個和牛 嗌七成熟 點知嚟到得三成熟都唔知有冇 入面切開一大半都紅色 得個蕃薯薯條好食 個大菇啲味道都奇怪～3.個沙律食食下有條好長嘅頭髮係入面 差啲想嘔4.意粉都好普通 隻蝦好細 叫不過不失5. 桃茶都太甜 建議飲返汽水6. 唯一員工態度方面叫唔差～總結：未試過可以唔使試 完全食唔飽亦都唔會再試

次次經過都想食，終於得閒去食一次，野食好靚亦都好食，但係服務態度真係好差，個後生眼鏡馬女幫我地落單，落完等左半個鐘都無野食黎，追問先知佢無落到，跟住埋單我地比完錢佢成張單飛落張檯度，唔知我以為我去左澳牛食，咁嘅價錢比咁嘅服務態度，食完真係有d嬲

📍URBAN Café Commune (MOKO新世紀廣場)旺角太子道西193號MOKO新世紀廣場1樓121及188號舖叫咗五個set，先送來🥐牛角包，🦞湯 /沙律。若果牛角包整返熱就好了。🍝63°温泉蛋卡邦尼煙肉意粉($118-HKD)，個汁好香濃，加埋隻蛋，感覺中和返，不錯。😋🐥慢煮法國黃油春雞($198-HKD)，醃得好入味，皮帶點脆，好味😋🍕北菇松露三重奏薄餅($138-HKD)，新鮮熱辣辣嘅薄餅點都好食。放咗好多菇，好香松露味。🥩美國安格斯肉眼扒($278-HKD)，望件塊扒已經好吸引，好香好多肉汁😋🥘海鮮意大利燴飯($218-HKD)，配料有虎蝦、帆寄貝、青口。海鮮一般，但個燴飯味道很惹味。🟠總括來說，價錢雖然都貴咗少少，但食物味道不錯，還包一杯飲品，算是公道。

無得訂枱，但趕得上午餐人潮到來之前入座。火速自行QR Code點餐，要青醬慢煮鷄鮮意粉、慢煮法國黃油春鷄、加配甜品的套餐。餐湯是龍蝦湯，很有海鮮味，内有少少龍蝦肉，推薦。意粉中的鷄肉本身沒什麽味道，靠乾番茄、芝士和香料各自發揮，跟期待的味道有很大落差。黃油春鷄烤得不錯，肉夠嫩滑，皮夠脆，但薯條偏鹹。我們還點了Tiramisu，New York Cheesecake，和Strawberry cake。前兩個甜品都不錯，而Strawberry cake賣相特別，可以自己用針筒把果醬打入蛋糕内，我一直想試很久了。但可能因爲果醬的分量少，出來效果是味道不均匀。雖然忌廉尚算好味，但無醬的部分味道太淡，而且整體口感太乾，很失望。

Urban係我食早餐首選，因為早餐豐富亦唔貴，而且呢間座位開陽，冇乜壓迫感，主要因為佢喺商場近中庭位置，冇咗個天花頂咁有壓迫咁。每一朝都好爆，好多人食。因為50至$70一個all day breakfast, 真係唔算貴。加上呢度杯咖啡真係唔錯，去Starbucks叫杯Americano都係差唔多呢個質素姐。講吓一個早餐，雞扒有啲細塊，但煎得好香，好唔錯。雖然我係去皮食，但都覺得幾好味。炒蛋好滑，應該加咗好多牛油，有啲肥但間唔中食冇所謂啦。個牛角包就普普通通，普通出邊麵包舖買嘅貨色啦。熱齋啡都好有咖啡香味，應該係即磨咖啡。

行街行到攰攰地就想坐低飲杯嘢食件cake見到呢間餐廳有位就諗都唔諗即刻入去坐低先平時都係食佢嘅牛角包多下午茶set都係第一次試蛋糕款式都幾多選擇 可以去蛋糕櫃度揀再加一杯Americano 同朱古力蛋糕非常之合拍蛋糕質地軟軟綿綿 cream都好夠厚身但食落亦唔會好漏食完之後又可以繼續行街啦🤣

① 一山不能藏二虎蝦蝦意粉 $158一個普通茄汁意粉加兩隻虎蝦同芝士碎，虎蝦唔算大隻但肉質幾爽，個汁有茄粒及洋蔥粒幾有口感不過就有啲水。跟餐有個龍蝦湯同迷牛酥，個湯味道唔錯，有幾粒蝦肉，而個迷牛酥唔算鬆脆，有少少硬。② 煙肉芝士薯條 $68呢個鹹到腎虧！我平時都算重口味，但同朋友咬左一啖就撥走晒啲芝士，但我都係啃唔落，跟手貫左兩杯水。到底呢間餐廳係選用咩芝士？③ 士多啤梨蛋糕 $25跟主菜可以優惠價配甜品，蛋糕賣相唔錯，有枝士多啤梨醬自己吱，個蛋糕唔加醬都幾好食，海綿蛋糕同Cream比例幾好，唔會太甜太膩。.跟餐仲有杯飲品，普通叫杯可樂，結果我追左3次單，食完主菜，上埋蛋糕先黎杯可樂！明明餐廳人手都鬆動，真係火都黎！可樂咋喎，追3次單？！！我已經唔係見一個追一次，而係每次相隔至少五分鐘，期間無同事跟進過汽水機有問題定點，真係非常差！

一行三人去食lunch，揀咗新世紀廣場的Urban Café Commune，鐘意佢環境開陽，坐得舒服，服務周到。平時都幾多人，要等位，今次1點前去到，唔使等。點咗3個餐，跟湯、沙律和飲品。63°C度溫泉蛋卡邦尼煙肉意粉 $98意粉軟硬度剛好，滲入溫泉蛋汁，好味！不過分量較多，食完覺得好飽。黑醋烤麩沙律 $88有烤麩、黑橄欖、沙律菜、cherry，加意大利黑醋，配搭幾特別，味道不過不失，食落都幾飽肚。漁夫之寶窩夫 $148有龍蝦肉、八爪魚、蟹籽，味道酸酸辣辣。外面窩夫甜味，裡面餡料咸味，一甜一咸，味道幾有趣，但餡料比較大粒，都OK的，不過我prefer細粒啲，口感好啲，記得以前餡料比較細粒的。不過唔記得影相。😅

之前都有試過呢間既lunch，都幾好食今次咁啱行Moko 行到肚餓就入左去食喇😆我地叫左兩個set，套餐配龍蝦湯及牛角包🥐- 牛角包🥐似係放左好耐，口感有啲硬而且一啲都唔脆😢- 龍蝦湯🦞都好普通~- 香煎法國鵝肝漢堡配薯條 💰$$188超大個漢堡🤩個鵝肝好肥美，但漢堡就有啲難🙊不過有驚喜嘅係個包好好食！脆得黎好軟熟，而且充滿牛油香！- 漁夫之寶窩夫🧇 💰$168期望越大，失望越大🥲窩夫上面有龍蝦肉，八爪魚同蟹籽，再混合秘製甜辣汁同沙律菜🥗個人覺得全部野撈埋一齊唔太夾🥲個窩夫淋pat pat而且好乾，好難食🫠- 抹茶鮮奶拿鐵 💰+$18 再加$4 轉燕麥奶抹茶味好濃，轉左燕麥奶冇咁heavy幾好味！👍🏻- New York Cheesecake 💰$25芝士味好濃郁，不過texture 有啲乾~甜度適中，都唔錯！今次質素素明顯比之前差左😢希望遲啲有機會再食既話會回復正常喇🥲

三年前食 都仲可以 以前經常去食 因為翻工就係附近 但係宜家已經唔好食 轉了公司 然後偶爾有時間翻黎再試試 結果 勁失望 只美國大肥雞好柴 真係柴到口感好差 牛扒好肥膩 隊友居然食唔完件扒 係非常少有 咁就證明真係好肥 個湯好鹹 鹹到plasmolysis 翻到屋企一直饮水 就個沙律過得去 因为可能是在太容易整 所以想难食都几难 牛角包中規中矩 算松脆 當然肯定唔會好似直接買咁好食 經理態度好差 體驗感好差 以後唔會再黎呢間 真係好失望 唔好食！男經理態度差！