URBAN Café Commune (屯門市廣場) (已結業)

總結：味道不錯。保持水準。一行2人。星期六3點半，吃午餐。需等位5分鐘。食物出得好快。我們跟餐，有碗龍蝦湯同飲品。牛臉肉有啲老左啲，薯條好吃。塊扒要$228，但都算好吃。

Just grab a quick meal between work. The croissant pudding is merely hot, is just a bit warmer than room temperature. The chocolate biscuit stick is too sweet. The so-called Charcoal Latte is just gimmicky, just a regular latte, which is black in colour with nothing special.

喺屯門市廣場行嚟行去，行到有啲攰；所以就嚟到依間食過牛角包先，坐低抖一抖！我哋叫咗一個杏仁牛角包，另一個係朱古力，仲點咗杯瑪奇朵飲。因為都大概四點半嘅時間，唔想叫主食，怕食太飽晚餐食唔落，所以就只係點咗個牛角包咋。 暫時未食到灣仔最出名嘅牛角包食住呢個頂住先上菜之前，餐廳都有幫我哋控翻熱個牛角包，送上黎係溫溫既，食落口牛角包一般，沒有很酥脆的口感。就我個人而言，我比較鍾意食杏仁牛角包多啲啲。Double嘅瑪奇朵幾好飲，帶點酸味唔錯唔錯!!!

下午五點半左右，開始覺得肚餓，閒逛屯市時，見到Urban Cafe做緊下午茶買一送一的優惠，一於入去試試。除咗下午茶餐外，仲可以繼續點午餐，款式有唔同，仲會有餐湯，所以我們都點咗一份。下午茶：Urban 3小時慢烤法國肥雞 (1/4隻)，沙律菜，薯條睇落四分之一隻好細咁，但其實好多肉，又連埋雞髀仔，所以都好夠食。下午茶：三重芝士忌廉茄汁意粉非常濃味，芝士控會好鍾意，每啖意粉都係口裏面散發芝士獨有的味道。午餐：蕃茄辣肉腸薄餅比起下午茶餐係細份咗d，不過勝在材料豐富，好多蕃茄仔同辣肉腸片。

話說上次喺屯門市中心食完outback，見到對面有間特色嘅餐廳，都想試下，於是就請埋屋企人一齊去食啦。照我理解呢間餐廳都似係烘焙店嚟嘅，出邊擺咗好多牛角包，應該係主打菜啦。Lunch set menu 價位唔算高，六七十左右都有交易。是日例湯就係龍蝦湯，味道雖然唔算突出但都有幾粒龍蝦肉，都算交到貨。跟餐嘅蜜桃茶，在場食客基本上都係揀呢隻茶，感覺味道淡咗少少去到主菜喇。我叫咗呢個晨光第一炮。其實即係All day breakfast份量都幾大，尤其是個炒蛋同埋牛角酥。牛角酥非常香脆，新鮮出爐，熱辣辣，所以好好食炒蛋份量唔單止多，仲要好嫩滑。兩條煙肉就正常水平喇，煎得乾身。蘑菇就有啲黑椒粒，食落都惹味嘅。兩條腸都係脆皮腸，肉質就較為淋，呢個好睇大家口味喇。煲仔焗番茄豬扒意大利飯。呢個餐賣相又係好靚仔，芝士分量都唔少。番茄味嘅意大利飯酸酸地都幾好食。豬扒都好鬆軟，不過就薄左啲囉。整體上對呢一餐都滿意嘅，而且價錢唔貴，不過佢有一個致命點，就係點解其他人品都要加15蚊咁貴，就算普通熱飲佢都係唔包嘅，至少我唔想次次嚟都係飲蜜桃茶同汽水囉。

星期四食既關係，不用訂座都有位，夜晚7點入座尚算少人。點了一份千層闊條麵同一份新推出既麻辣蝦籽燒雞... 加左錢再餐湯、飲品同甜品。飲品選擇較少，只可選桃茶或英式茶。對於不喜歡飲桃菜既我，桃茶味道OK，因為桃味非常淡，但對桃迷黎講，佢應該唔合格。餐湯係龍蝦湯，湯內都有一隻小龍蝦，不過不失。千層闊條麵上菜時，非常熱辣辣，芝士仲卜卜卜中的... 新出既麻辣蝦籽燒雞發現唔到蝦籽到底係喺在雞皮定汁度，但整體都算好食。燒雞有半隻，雞肉算嫩，仲有汁，所以以呢個價錢黎講都係尚可接受。甜品反而選擇不錯，因為只要係餅柜既都可以選擇。剛好點算了最後各一件既The Hulk 同 Cookies Monster。前者係抺茶mousse cake，後者係濃濃朱古力mousse cake。兩者蛋糕都作偏乾身，但mousse非常好食。隔離枱見到我地點The Hulk 同 Cookies Monster，都即刻想點，點知原來我地就係最後一件，唔會refill。佢餅柜仲要其他款式，下次可以再試佢其他口味既蛋糕!

晚上約左朋友想揀間唔太貴嘅西餐，就揀左呢間有幾間分店嘅Urban Cafe，環境幾好。點左一個All Day Breakfast 同埋牛肉，啲嘢食好快就到左，未飲完湯，main dish已經黎到，二人枱唔太大，唔太夠位擺，呢點要改善一下。賣相幾好，但味道中規中矩。

星期日的下午3時左右walk-in去，只等了2-3分鐘就好了，座位頗多又不算太密密麻麻。他們的menu轉了，不再是以list形式的紙板，是一本本的有圖片的menu，但可惜設計上就有點令人花時間去看。一山不能藏二虎蝦意粉(另加了個龍蝦湯和飲品，飲品只能選蜜桃茶或普通咖啡，如果檸茶和奶茶就已要另再加錢。先說意粉都吃完了湯還未到，然後這個龍蝦湯是十分淡薄，麥x勞的更好。意粉的量太少，醬汁是不錯；蝦都算大隻，嚐到一點點冰鮮味)煎三文魚黃咖哩意大利飯(另加了杯cappuccino，一貫水準。這個飯十分大碟，這絕對可以2個人分享。咖哩味偏淡但都很香，三文魚有點過熟有點乾。份量獲勝)整體來說普普通通，性價比低，這樣結賬就已$300-400，可以一試但不會回頭。

難得呀媽生日，當然要食啲佢未食過嫁啦，本身打算食outback ，但比urban既蛋糕吸引左過去😂美中不足，佢有時間限製，不過合理分鐘既，有90分鐘。於是我同細佬就睇下有咩食，見到佢個櫻花豬，覺得有啲吸引（雖然我唔鐘意食豬）。最後媽點左1. 櫻花豬：好意外，真係幾好食，唔硬，唔乾身，個豬有水份，配上個櫻花醬都唔錯，不過個醬甜左少少😁 但唔食醬都好食，我唔鐘意食豬都覺得幾好食🐷2. 虎蝦意粉：好似好細碟，但賣相唔錯，啲醬汁都幾多，能把所有面都mix，面質唔錯，係屬於蛋面，有口感，配左濃烈的醬汁好好食，虎蝦正常size 。3. 芝牛堡： 勁多芝士，勁愛♥️啲牛肉唔會散開4. 黑牛: 裏面朱古力唱哂啲牛角包味，而表面既炭都唔錯，唔易散，係值得試既牛角包。5. 抺茶牛奶 ： 有綠茶味，忌廉比較有奶味

Urban 給人的感覺好像是較高級的餐廳 價格有點貴咁岩中午經過 見到有午市套餐價格合理 🍽Urban 3小時慢煮法國肥雞(1/4)此是皇牌菜式 但結果令人失望1/4隻肥雞配上少量薯條和沙律菜烤雞皮少少香脆 香草味濃但雞肉完全不入味 而且肉質粗糙 烤得很乾唯一讚的是薯條炸得香脆 🍽晨光第一炮是All Day Breakfast有牛角包 煙肉 香腸 炒雜菇 炒蛋和蕃茄牛角包烘得脆口 滿有牛油味煙肉和香腸都煮得剛口 煙肉出奇地脆炒蛋有點老 蕃茄亦太乾炒蘑菇的調味很好 不過太油🍽Cookie Monster純粹被賣相吸引 而且跟餐只需加$18外型討好 不過曲奇味欠奉蛋糕亦不夠綿密餐廳環境不俗 座位舒適但味道沒有想像的好

留晌屯門未知想食咩，見到有人排隊就望下餐牌，睇落唔錯，星期日排左廿分鐘左右先有位。同男朋友去食，一人一個set, +$48就有餐湯，餐飲同一件蛋糕！價錢合理、味道唔錯！漢堡包嘅芝士多到跌哂出尼，漢堡扒好juicy，好好味！而隻雞亦都好juicy! 好入味！兩set都有粗薯條，好豐富！食完就揀左抹茶蛋糕，唔算太濃、唔苦，味道剛剛好！知道係慶祝生日，佢有俾埋蠟燭，幾貼心！原價$48/件，感覺幾抵食！成餐飯美中不足嘅係杯桃茶有苦味，有啲難飲！但整體上都唔錯！

星期六18:30到，唔使等位，仲有幾多位剩。但今日唔知點解無左set dinner，可能係星期六？-與同行人order左3小時慢煮烤雞，同三文魚咖哩飯，+$25配龍蝦湯同餐飲凍蜜桃茶。龍蝦湯飲完唔口渴，算係好感恩了，不過水太多太稀太淡。龍蝦肉當然得2粒手指頭咁少，但食落酸酸地，應該浸左檸檬汁，咁又幾好。個烤雞同之前食既一樣好。見有人話太鞋太乾，但咁係正常喎，只要係「烤」即使慢煮都會偏鞋偏乾，否則就要落好多油滲入肉，咁會好油膩；又有人話烤完再翻熱，但咁先係正確做法，同牛扒一樣，牛扒煎完焗完要放一陣先可以出菜，不過免得肉面凍所以餐廳會照燈，而烤雞所謂翻熱做法一樣。至於三文魚咖哩飯，三文魚明顯出手太重，太多鹽，但煮得幾好又無overcook。而咖哩飯幾好，無叫貨咖哩既味道，仲見到百里香既莖，食完唔口乾，不過黃薑味稍稍太重。凍蜜桃茶本身無問題，而家興走飲管urban又走都算，但唔好冰多過茶啦，又無理由飲冰水，結果咪又係要問staff拎飲管，白白增加staff工作量。-總括黎講，絕對係對得住價錢既好食西餐，以連鎖店黎講係超班，畢竟連鎖店多數都差過小店。

不太多人排隊，人龍只有一兩個，很快就入去坐了。用餐時間只有90分鐘，不過到稍後時間沒有人排隊，一班人食完吹水，侍應也沒有催趕我們。飯、麵同主菜都點了些，味道都不錯👍🏻 不過飯跟麵份量不算多，食一碟我應該食完不夠飽..哈青口黑意粉少少辣，中間夾有番茄的酸甜味調和，不受辣的人應該也易入口。意粉不是完整一條條的，很方便一班人分來吃。千層寬麵味道不錯，芝士份量足烤雞賣相吸引，份量亦十足，皮香脆，香草味濃，稍有不足是雞肉不太入味，味道較淡脆魚薯條份量不少，粉皮薄，魚肉嫩唔乾身。不過粉皮吸油不少，第一啖食落去有少少油膩感雜莓沙冰清淡的雜莓味配上乳酪，沒有很甜，剛剛好，而且食到雜莓的籽碎，應該不是沖粉的

昨晚第一次試食這間cafe, 有兩個失望，第一個是麻辣雞的味道，皮ok但肉質柴皮到不得了，沒水準! 第二是因為我睇中了他的士多啤梨花盆蛋糕，入座侍應給我留起，但入座後餐廳負責人對我說對不起這蛋糕一早巳有客人留，因為只要一個，道歉也沒有用！我説如果有人留起你還擺出來賣？是想吸引客人入座然後説不好意思？是屬欺偏嗎？

係商場見到呢間望落唔錯嘅餐廳，就入咗去試下啦😗餐派上面嘅dinner set款式都相當多，有焗雞，牛扒，egg benedict 等等。我就揀咗我最鐘意食嘅牛扒($178)😍首先上咗個龍蝦湯，龍蝦味都幾濃~之後就上Peach Juice同主菜!啲牛扒切開曬一塊塊，見到啲肉紅紅地應該煮得五，六成熟(啱曬我)😋，配埋薯條，沙律同茄汁。牛扒都幾林又有肉汁，而且薯條都仲暖，唔錯!成碟嘅份量都適中!!最後加咗$18加多個蛋糕，蛋糕都有五六款，可以係餐廳門口位置揀選!我就揀咗Oreo味嘅蛋糕🍰，不過就略為甜左少少😶成個餐夾埋都係$196，雖然要加一但係食物質素同份量都值得呢個價錢!😃下次會再番嚟呢間餐廳試其他菜式!!