URBAN Cafe (駱駝漆大廈第一座)

营业中

休息中

再次到訪 Urban Cafe除左想探下貓貓我地都好掛住 Urban Cafe 嘅食物～今次嗌左4人套餐除左有4份 是日餐湯 - 粟米忌廉湯 同埋沙律仲有四個主食幾好味之餘都算幾大份⭐️即磨芝士黑松露菠菜野菌忌廉意大利飯呢款意大利飯口感都好適合香港人口味芝士同黑松露味道突出純素菜式黎講佢超好味～️⭐東瀛蟹籽芝士日式咖喱牛肋條飯咖喱唔係好辣但好香口牛肋條好味而配菜嘅紅蘿蔔同白蘿蔔都非常入味送飯一流⭐️西班牙燒烤醬烤大豬肋骨份量都幾多而且豬肋骨嘅肉質軟淋旁邊仲有煙肉薯蓉整體都唔錯～⭐️巴馬火腿拉絲水牛芝士手工薄餅Pizza用左蕃茄醬、水牛芝士、巴馬火腿、野菌、車厘茄 同 羅勒葉Parma Ham同Basil真係絕配令到個pizza味道層次升華飲品方面我地加左少少錢轉特飲⭐️ 凍意大利焦糖咖啡 ⭐️ 400次薄荷朱古力⭐️ 玫瑰酸奶⭐️ 凍香草薄荷朱古力我飲嘅玫瑰酸奶好特別用左一朵朵玫瑰花所以特別清香推介啊～

本人唔算特別鍾意貓， 亦都覺得自己沒有耐性和愛心照顧貓，就算囡囡對貓情有獨鍾， 我都沒有動力在家養貓， 所以我耐唔耐都會帶囡囡睇下貓， 餵下貓， 順便食埋野.Urban cafe 環境舒適， 入場前也需穿戴腳套， 較衛生乾淨， 貓貓數量眼見都不少，至少有1x 隻， 服務員還安排一張有貓在睡覺的枱給我們， 囡囡有貓陪伴著， 十分開心， 不用媽媽餵都能自己完成午餐👍👍完成午餐後， 還可購買貓糧餵貓， 我囡都非常喜歡💕用歺時間有90 分鐘， 上歺快，都有足夠食野和同貓玩

終於連餐廳都唔使嘟「安心出行」， 即刻約朋友出去食晚飯。朋友鍾意貓，今晚揀咗位於觀塘一間超高質嘅貓 Cafe。一入門口位置要消毒雙手同穿上鞋套，保持餐廳地板清潔，咁就保障到貓貓健康啦。最驚喜係呢度唔單止地方大同乾淨，估唔到貓嘅數量仲有咁多，侍應話大約有60隻。場內好多小朋友，貓貓好活潑，有啲仲好痴人，真係任摸唔嬲。4人套餐 $658前菜：餐湯 + 沙律粟米忌廉湯 - 香甜栗米加入忌廉，口感幼滑新鮮沙律菜、菠蘿、車厘茄，清新開胃。即磨芝士黑松露菠菜野菌忌廉意大利飯我最鍾意食意大利飯，見到有會必點～  意大利飯米粒軟硬度剛好，唔會太濕，亦好 Creamy，食落有淡淡黑松露係口腔散發出黎，好鐘意。東瀛蟹籽芝士咖喱牛肋條飯咖喱唔太辣，啱食唔到辣嘅朋友。西班牙燒烤醬烤豬肋骨份量好足，4條牛肋條好厚肉～ 肉質嫰腍，燒烤醬醃得入味。巴馬火腿拉絲水牛芝士手工薄餅薄餅上枱熱辣辣，水牛芝士有拉絲，餅底焗得脆身，加上蕃茄醬、巴馬火腿、野菌、車厘茄、 羅勒葉等等咁多配料 ，好食。意大利焦糖咖啡  +$14焦糖咖啡略嫌咖啡味唔夠，奶味重。400次薄荷朱古力 +$24、玫瑰酸奶 +$21、香草薄荷朱古力 +$21

難得嘅ME time, 梗係去輕鬆一下啦！自從生左小朋友，全家都係敏感人士，所以我都唔能夠養貓，唯有去貓cafe 玩下貓貓，而且呢間cafe 唔止有貓貓，啲食物味道仲要唔差，識揀梗係揀呢間食啦，觀塘店地點好方便，B2出口行幾分鐘就到。呢度手機落單，方便快捷。落完單可以趁呢個時候向店內嘅主銀（貓貓）示好，睇下佢哋賞唔賞面影張相或者同你玩下。呢度嘅二人晚餐都只係3百幾蚊，比出面嘅餐廳平好多，而且仲有貓貓陪同你共進晚餐，去邊度搵呀！呢性價比真高。 呢到啲貓貓都好友善， 個個都肯同你影張相，摸下頭仔咁樣。有啲貓貓呢就鍾意遠距離觀察你啲人類係做乜嘢🤣。講返嘢食呢度有套餐有散叫，我就散叫左幾款😋😋😋 1. 挪威煙三文魚牛油果柑橘醬田園野菜沙律$98三文魚配搭牛油果再加沙律菜味道就一個字：清爽清清地成個人都清爽曬。2. 美國保濕豬鞍架配青檸蘋果醬$168 份量夠曬大，配上酸酸甜甜嘅檸檬蘋果醬， 令人食慾大增， 脆炸薯條新鮮脆卜卜。3.日本北海道煉乳芝士草莓蛋糕配雪糕 $58 煉奶嘅甜味配埋草莓再加上芝士呢三個王牌組合令到呢個蛋糕奶味非常香濃。4.伯爵茶鮮奶（熱）$52伯爵茶茶香獨特， 加入鮮奶十分絲

入去之前要套鞋套同埋搓手保障貓貓同入面嘅環境，店入面好大，有幾間唔同大細同擺設嘅廳，都可以容納到唔少人，當然仲有貓貓自己嘅房間啦一開始都係抱玩貓嘅心態去，點知野食方面都唔差~(≧▽≦)/~安格斯牛肉手工漢堡配脆薯牛肉同埋番茄係厚厚嘅，牛肉咬落塊仲會流汁，好juicy，薯條亦都係好脆，熱辣辣，係啱啱炸好嘅feel厚濃芝士肉醬千層麵芝士同肉醬都係勁多勁濃，完全鋪滿一碟，對於鍾意食芝士嘅我黎講完全就係滿足！另外仲可以買罐罐進行餵食，個陣就真係可以感受咩叫萬千寵愛在一身啦🤣

阿囝開始放聖誕假🎄又係時候不停搵節目💥嚟咗呢間觀塘人氣🐱🐱cafe，環境好大又乾淨企理，入面有勁多🐱🐱陪食😍好多🐱🐱都著咗聖誕裝，好可愛呀✨🎄聖誕煙火雞胸番茄拿坡里扁意粉意粉🍝每條都掛滿醬汁，雞胸肉入口嫩滑🎄聖誕特色燒春雞配野菌燒汁(半隻）燒春雞半隻，外皮香脆惹味，啖啖肉，肉質嫩滑，配埋醬汁食一流，仲可以揀薯菜或意粉，100蚊唔使，好抵食！✨蘋果越橘酥配雪糕✨日本北海道練乳草莓芝士蛋糕配雪糕即叫即整，熱辣辣，蘋果越橘酥外層鬆化嘅酥皮, 加上蘋果越橘，酸甜開胃芝士蛋糕口感香濃軟滑，兩者都配有軟滑嘅曲奇雪糕，味道亦唔會太甜-芒果薄荷梳打-藍花皇家伯爵荔枝紅茶-Oreo脆脆特濃朱古力(凍)

今日放半日所以lunch去左貓貓cafe食😍我已經幫襯過Urban Cafe好多次啦😋佢地方勁大 貓貓又多又親民貓貓又玩得開心 貓奴又食得幸福🥰今次食一如既往地覺得又抵又高質啲嘢食好食過好多普通cafe😌😌-🍣🦀東瀛蟹籽明太子蟹肉忌廉意大利飯 $108超足料💗調味都啱啱好 明太子撈飯食超正😍唔會太鹹-🍑🥑蜜桃牛油果核桃柑橘醬田園野菜沙律 $88好多料嘅一份沙律🥗好多水果 食落甜啲入面仲有啲核桃 有益又好味😋-🍨🍫雪山心太軟配雪糕 $68心太軟可選朱古力🍫或抹茶🍵我揀左最愛嘅朱古力🤣好濃☺️個雪糕仲要係cookies n cream味🍦-🥭🧁芒果熱情果慕絲蛋糕 $68見佢寫限定所以叫左🤣個蛋糕酸酸甜甜唔會膩👍🏻入面仲有幾層！(海綿蛋糕、慕絲蛋糕、果肉啫喱）-🌱☕️意大利薄荷咖啡 +$10🍫🍹Oreo脆脆特濃朱古力 +$21兩杯都好正🥰套餐加購好抵👍🏻

上網睇人哋介紹呢間Cafe, bookmark左好耐終於有機會去試拉🤩 貓Cafe黎講，呢度價錢真係非常抵，冇入場費，最低消費每人 只需$100，就可以同貓貓玩又有得食🤤 位於觀塘駱駝漆嘅分店空間超大，有好多唔同品種嘅貓，現場所見應該有50隻🤔大部分都唔怕人周圍走😹又會跳上枱面望、坐定定俾你影相😽除左貓呢個賣點之外，佢嘅食物質素都唔差，選擇都算多，價錢合理！鐘意貓嘅人類千祈唔好錯過😼PS: 原來俾成班貓貓包圍住，感覺真係好幸福🥰

Urban Cafe （觀塘分店）政府宣布疫苗通行證取消，今日同朋友第一件事就係去好耐冇去過嘅Urban Cafe，記得幾年前去過旺角分店，今次去觀塘分店，位置比旺角分店寬敞，而貓嘅數量亦都比旺角多，問店員原來有多於60隻貓，係全香港最多貓嘅貓Cafe之前去過幾間貓Cafe都只係提供輕食甜品，或者有啲係俾入場費送紙包飲品，而Urban Cafe則唔需要收入場費，亦係我喺香港見過一間真係有食物而價錢又唔貴嘅貓Cafe日式辛口咖喱吉列豬扒飯雖然話係辛口咖喱，撈埋咖喱入面嘅洋蔥薯仔同埋紅蘿蔔，入口係甜口嘅，咖喱入面嘅蔬菜好清新，減低吉列豬扒嘅油膩感意式肉丸芝士肉醬闊條麵Fettuccine入口彈牙，撈埋面嘅芝士肉醬撈黎食好香，不過麵份量唔多，肉丸亦都得兩粒，如果胃口比較大嘅朋友可能未必夠紐西蘭牛肉眼扒配百里香牛油呢個係必叫！一上枱已經聞到牛肉香，配埋溶緊嘅百里香牛油，份量比我預期中大份，正常係可以選擇配薯菜或者意粉，我就麻煩廚房轉左份沙律菜，牛肉medium well，入口依然軟嫩同充滿牛香挪威煙三文魚凱撒沙律本來以為係一份普通得romaine lettuce, 煙三文魚同埋Caesar d

跟朋友去貓cafe係我第一次見識吓，地址係觀塘開源道62號駱駝漆大廈第一座6樓，依間貓Cafe嘅面積比想像中大。去到首先穿上鞋套方可進場，眼見四週好多 活潑可愛的貓貓，親人又嗲，有啲自由自在行緊真正嘅catwalk，有啲貓貓還睡在覺。我們點咗四人套餐，餐湯係南瓜忌廉湯，質感好滑，菠蘿沙律好醒胃。東瀛蟹籽芝士日式咖喱牛肋條飯，咖喱有少少甜牛肋條不會過淋有口感，都有肉汁，仲有少少蟹籽 咀嚼時感覺爆吓爆吓味道好唔錯。慢烤美國嫩雞胸，估唔到制作得好嫩滑又入味，份量足夠。甜品，蜂蜜桃膠水果乳酪，甜甜蜜蜜好好味。飲品URBAN CAFE特調咖啡好香濃我鐘意。跟住落嚟當然同貓貓玩吓，有啲貓好有性格，唔會理我，但係有啲貓好熱情，可以同我一齊合照，當店員敲響匙羹的聲音，貓貓知道晚餐時間到，好快上咗張枱等住喂食，但係貓貓有秩序一隻食咗到一隻，十分之可愛，這次的體驗確係有趣，而且呢度嘅價錢好高性價比，比我以往食嘅cafe價錢仲要低。臨走前同啲貓貓講聲再見，下次再見！

💛 #觀塘 Happy holidays🥳 假期期間好多朋友仔都鍾意去貓貓cafe食嘢、玩吓貓😚 今次我就推介一下我已經嚟過幾次嘅「Urban Cafe」，我係聖誕前去嘅，仲有啲聖誕特別餐牌添😋🐣🥔 聖誕特色燒春雞 配 野菌燒汁 (半隻)(薯菜), 是日餐湯 + 牛油多士條 (跟餐)聖誕冇火雞食唔緊要！ 燒春雞仲好食😆！ 呢隻燒春雞好大隻，半隻都幾多吓，啲肉有夠軟腍易拆，香噴噴，推薦！🍣🍳 煙三文魚黑松露芝士忌廉班尼迪 配 法式酸種包, 是日餐湯 + 牛油多士條 (跟餐)好耐冇食過egg Benedikt! 一拮入呢個水波蛋，啲蛋黃就流晒出嚟，好治癒🤤 除咗酸種麵包仲有兩大塊三文魚添，鹹香得宜😬👍🏻🐮🥩 紐西蘭牛肉眼扒 配 法式粉紅胡椒燒汁, 是日餐湯 + 牛油多士條 (跟餐)肉眼扒好大塊！手機落單好似冇得揀成熟度，但一啲都唔韌，牛扒軟腍好味😋🥭🍼 芒果酸奶Mango yogurt加上芒果乾，好似食咗個甜品咁😚🍓🍵 洛神紅莓莓乾花茶(加配 蜜糖)好大壼茶，花香好香更有聖誕氣氛🥰🍋💦 熱檸水

朋友知道我喜歡貓咪，推介一間名為（urban cafe）的餐廳！這間餐廳位於觀塘駱駝漆大廈一座6樓！環境乾淨整潔，地方寬闊，坐位舒適！作為一個全港最大面積嘅貓Cafe，依度有無數隻可愛的貓咪在做自己喜歡的事！(聽點樣講呢度有超過60隻貓咪，每一隻都有佢哋嘅粉絲)能夠在這樣的環境下享用美食，相信一定是美美的事餐牌配有多款美食供食客隨自己的口味選擇餐前沙拉與餐湯新鮮的沙拉菜吃起來爽脆清新，不同的顏色配達更能提高食慾！👍👍👍👍餐湯香滑可口，還帶有玉米的香氣！藍糖青檸蜜糖梳打/玫瑰酸奶清新的藍糖青檸梳打飲品，入口還有爆珠，很特別，而玫瑰酸奶就又滑又有濃濃的玫瑰香味！挪威煙三文魚溫泉蛋卡邦尼扁意粉精緻的賣相，香味四溢，只看賣相已食指大動溫泉蛋係用咗冇激素嘅日本雞蛋，配上香香的煙三文魚吃起來更美味！而扁意粉口感也恰到好處巴馬火腿拉絲水牛芝士手工薄餅用料十足的這款手工薄餅，吃起來香香的，拉絲的芝士更加煙靭可口😋😋😋😋飽餐後的甜品更是完美，這款蜂蜜桃膠水果乳酪杯更是健康又美味，桃膠的份量也很十足！再與這些可愛的貓咪一起共享美食！感覺真不錯👍👍👍👍

呢間餐廳未到聖誕節，平日下午已經全場爆滿，好彩一早Book定位嚟呢度食野，最正係有好多隻可愛貓咪相伴，隻隻都好乖乖，品性超級純良。勁可愛 超得意。✨ 聖誕特色燒春雞 配 野菌燒汁燒春雞加上紅色粒粒點綴，好有聖誕氣氛，燒汁配上扁意粉，唔會煮得太淋，口感唔錯✨ 紐西蘭牛肉眼扒 配 法式粉紅胡椒燒汁7成熟嘅肉眼扒，夠軟腍，完全無筋亦唔會靭，下次再嚟都會再Encore牛扒✨鹽酥雞外脆內軟嘅鹽酥雞，炸粉唔會太厚，雞肉好滑好Juicy✨迷你焦糖忌廉蛋卷 配 雪糕鍾意呢款蛋卷，軟綿綿嘅口感，蛋味好香，配上雪糕球同綿花糖，大人小朋友都喜愛✨ Oreo脆脆特濃朱古力朱古力味道好濃郁，灑上香脆Orea碎✨ 雪糕棉花糖朱古力色彩繽紛嘅迷你綿花糖，仲有Orea雪糕球，加在香濃朱古力上面，仲可以揀少甜，好味

最憎一入到去就話限時90分鐘！又話食完野先好行開去影相！我同個女去，個女緊係想同猫玩啦，我又要睇佢，又要食野！你教我可以點做？其實有tissue,佢地又唔比客？咁奇怪嘅？問先比兩張仲要係廁所抺手paper!呢間野，第一次去，令人太失望！雖然份牛扒幾好食👍🏼，但因為要睇實個女，所以take away!卡邦尼意粉Noway!👎🏻

觀塘嘅urban cafe可算係全港佔地面積最大嘅貓貓cafe，入面有好多好親人嘅貓貓陪我哋食飯，佢哋不設入場費，無限時收費，只要嚟食嘢飲嘢都可以同貓貓歡聚兩小時。二人套餐 ＄348包咗餐湯、沙律各二、1份主菜（飯/意粉）、1份指定主菜、兩杯飲品 ($38或以下)即磨芝士黑松露菠菜野菌忌廉意大利飯 呢個意大利飯有勁多嘅芝士片喺飯面，令到原本經已好Creamy嘅飯身變得更creamy，而且芝士嘅奶香咸香同黑松露嘅獨特味道好夾，飯嘅軟硬度適中，其他配料好似菠菜、野菌等令意大利粉飯嘅味道變得更豐富。西班牙燒烤醬烤大豬肋骨配薯蓉、伴菜呢度嘅豬肋骨有三大條，條條都勁大條又長，烤完嘅豬肋骨肉質仍然軟腍，好易就做到骨肉分離嘅效果，而燒烤醬好惹味，再配埋墊喺豬肋骨底下嘅綿滑薯蓉，就更滋味。