URBAN Cafe (駱駝漆大廈第一座)

营业中

休息中

高質食物水準又全港最多貓咪Cafe能被可愛的貓包圍著榮幸當貓奴，讓人瞬間放鬆心情要講到有最多款貓，價格相又便宜而餐廳食物水準高嘅，我推介Urban Cafe觀塘有多過60隻貓，旺角有多過45隻真的做到俾貓圍，今次我帶了家人去吃晚飯家人也覺得好驚喜，覺得餐廳非常乾淨不會太多貓毛，而且沒有異味，空調好我仔仔有鼻敏感，他也沒有打咳嗽非常便宜，平日只需要每人花費最少100元就可以在餐廳逗留2小時 (平日較少客人)食物種類選擇多而我覺得二人套餐(3百多)好豐富🍝西班牙燒烤醬烤燒豬肋骨或叫薄餅小食拼盤(紐西蘭魚堡、黃金雞塊、脆薯)🍹包兩杯飲品，我加錢要了薑茶及水果乳酪🥗2份沙律🍲2份餐湯我差不多每次都會叫豬肋骨，啖啖肉😬豬肋骨是非常惹味，肉質軟腍，連我兒子也吃。而我喜歡小食拼盤的魚堡，好有魚鮮味。我家人發現玫瑰飲品是好渴的也有不少少女正在喝一大壺花茶哦🌸🌼🤫就係因為經常去這間餐廳開始愛上咗貓打破我總覺得貓係高竇、冷漠感覺我即時化身成 #貓奴 ，充當一陣的按摩員在撫摸貓咪(名子:腐乳)的過程中感受到柔順的貓毛和毛孩的溫暖好多貓咪也很溫柔，真的可以當寵物醫生看著牠舒服而擺著尾巴動作，令人非常享受此刻沉

今天同朋友試吓去貓貓cafe，十分驚喜。貓貓都很健康，衛生。而且這個cafe很近地鐵站，很方便啊！今天我們試了：🐱酥炸椒鹽雞翼 $72即叫即炸，非常香口😋，不會太窿，不會咸，值得一試。🐱日本富士蘋果芝士蛋糕配雪糕 $58芝士蛋糕很香濃，能夠吃到裏面有淡淡蘋果，落足料，而且賣相很漂亮，加上雪糕🍨一起。雖然邪惡，但很滿足。🐱法式焦糖燉蛋 $58即叫即整，表面焦糖脆口，而燉蛋非常滑，份量不會太多，不會太膩。🐱蘋果玫瑰普洱茶 $72玫瑰味芳香怡神，加上蘋果淡淡果香味，飲落令人舒暢。🐱400次抹茶 $59牛奶味很濃，中和了抹茶的苦澀，很滑口。今次體驗很開心，能親親動物，而且食物質素很高！

其實之前已經去過旺角分店，今次決定去下觀塘分店。聽講呢度仲有更多貓貓，有成60隻！一如旺角分店，呢度啲貓貓好健康，好乾淨好衛生，值得一讚！而且留意到店員都非常有愛心，好小心照顧貓貓！愛貓人士絕對適合來！我哋揀咗下午茶時段嚟，套餐選擇多，而且價錢合理，仲多一杯$38以下飲品。而且冇額外收費，可以坐成兩個鐘！真係性價比極高。我哋試咗👉🏼西蘭牛肉眼扒配百里香牛油配闊條麵（跟餐有餐湯 ＋牛油多士條 $162）牛肉扒好Juicy，唔會煎得太乾，而牛油非常香草味濃郁，配落好好食。欣賞闊條麵唔會唔會過熟，保持QQ彈牙。👉🏼洛神紅莓莓乾花茶 （$34.0）洛神花甜甜酸酸可以解番鹹香食物嘅油膩，加上有小蠟燭，一路煲煮，一路傾偈都可以飲到暖笠笠花茶。👉🏼鐵觀音拿鐵（跟餐價補$14）擔心夜晚瞓唔着的朋友可以試試，因為呢款拿鐵係不含咖啡因。鐵觀音茶未來，配上牛奶，好飲！👉🏼雪山心太軟（抹茶）配雪糕（$68）心太軟工號先出嚟，暖笠笠上台，雪糕好濃奶味，口感一流！總括而言：有得睇同摸貓貓，又有高質食物，性價比高，回頭率很高！

呢日朋友帶左我去觀塘呢間貓cafe食dinner，呢度既空間超大，亦都有好多唔同品種既貓，一邊食飯一邊同佢地玩真係好開心啊。打開餐牌，見到都有幾多選擇。呢度用QR code 落單，好方便。野食價錢唔貴，所以我地點左好多野食。主菜方面，挪威煙三文魚拉絲水牛芝士手工薄餅好吸引，pizza上面有好多芝士，勁邪惡。日式帆立貝黑蟹籽墨魚汁扁意粉用左新鮮既海鮮。紐西蘭T骨牛扒配上黑松露燒汁，唔錯。甜品方面，點咗日本富士蘋果芝士蛋糕同埋朱古力合桃布朗尼。飲品方面，分別點咗芒果酸奶、400次咖啡同埋400次抹茶，幾特別。

昨晚一家五人臨時搵的cafe,真係非常之伏。去到先知係貓貓cafe,原本覺得幾得意貓貓cafe, 點知食物質數差到難於形容，特別兩個$180幾的T骨扒，選左7成熟，來到一個全熟，熟到切唔到，一個免強切到，就叫來換十成熟的那塊，攞完去後好耐先再出個新的比我們，來到一🔪落去，連五成熟都冇，仲衰過食十成熟的，諗住再叫待應來睇，點知等極都冇人來。之後就算啦，照食⋯差不多食完見有待應行過來，同佢反應，待應話佢唔知呢d叫幾多成熟哦， 又叫另一個人來，呢位待應行過來睇完後問我們，咁你們想點啊？我老公口快快講，冇，想反應個質數比你們聽。呢個姐姐聽完就即走，冇講唔好意思，咁既食物水準服務態度⋯又唔係便宜，五個人只叫五個餐，4杯野飲，成為$1200左右。除左食物質數差，cafe 飲品理應唔差，我叫左杯綠茶鮮奶，又係好難飲，多奶到感覺好滯，飲完成晚好唔舒服，以後一定唔會再幫襯

除左屋企個主人，有時都想同其他貓貓玩，知道觀塘呢間貓Cafe有超過60隻貓，即刻捉埋貓奴朋友嚟。一上到嚟要先著鞋套同消毒雙手，咁多隻貓都驚衛生環境會唔好，但竟然完全無異味而且好乾淨！餐牌簡潔好快就揀到食咩紐西蘭T骨牛扒配黑松露燒汁可以揀7成同10成熟，汁好多，薯條好脆；挪威煙三文魚拉絲水牛芝士手工薄餅個批底較厚似麵包；挪威煙三文魚溫泉蛋卡邦尼扁意粉嘅意粉好滑；伯爵茶同埋鐵觀音拿鐵配芝士奶蓋嘅奶蓋又鹹又甜好得意，拿鐵寫明無咖啡因，夜晚飲都唔怕訓唔著。貓貓先係主菜🤤呢到活動空間好夠，比貓貓休憩同玩嘅裝置多，貓貓唔怕人，食飯時會隨時跳上來，可以盡情互動同佢地玩（不過要小心佢地偷食呀），睇得出啲職員都好錫貓咪，一整污糟左會即刻幫佢地清理，不時仲幫貓貓按摩添，玩左兩個鐘簡直係治癒時光🥰機會嚟喇飛雲

朋友係一個愛貓之人，我就搵左呢間貓Cafe同佢試吓😊環境好大感覺幾乾淨👍見到個Menu價錢唔貴又冇額外入場費都幾驚訝😳同朋友叫咗幾樣野share～⭐️避風塘香酥雞翼非常脆唔油膩，但係略嫌塊炸皮硬咗少少😅⭐️西班牙燒烤醬烤大豬肋骨骨同肉好容易分離👍軟骨部份有口感，肉嘅部份唔韌～旁邊燒過嘅蔬菜夠淋幾好食😀⭐️惹味羊肉手工漢堡配脆薯見到羊肉咁特別我同朋友都決定試吓😂羊味重但係唔算好羶，如果漢堡再煙靭啲就更加好😁#觀塘美食 #觀塘Cafe #貓Cafe #觀塘西餐 #urbancafe

👧🏻😋👅🍽✨錫貓多過錫人🤣-URBAN Cafe🇭🇰 觀塘開源道62號駱駝漆大廈第1座6樓 🇭🇰-🐱貓cafe黎講算非常經濟, 每人最低消費只係$100, 叫野食送貓貓風景🐱真心超多貓行黎行去, 當然都唔少勁懶攤晒係D枱上面....🐱要高竇貓睬你好簡單課金買貓零食就得🤣-🍷🐑 慢煮紅酒燴羊後膝 $188💯羊後膝只有一條主骨, 易食啖啖肉, 肉勁嫩滑💯配薯菜有好滑既薯蓉同烤左既瓜, 個汁唔算好濃味, 主要都係食返羊脂香味-🥓🍕🧀巴馬火腿拉絲水牛芝士手工薄餅 $118✨個名有拉絲張相當然都要🤣 酸酸地茄醬同芝士融為一體✨薄薄地既parma ham同菇片令個pizza除左酸甜仲有鹹香✨雖然佢算厚批, 但都好脆口-🍎🍓🍰🍦蘋果越橘酥配 雪糕 $58💯QR code落單時揀左後上, 所以差唔多食晒主菜就同左店員講上得, 即焗都要等左一陣💯兩大塊越橘酥好香牛油味好鬆脆, 入面係酸酸甜甜既蘋果蓉同莓蓉, 仲有少少莓肉💯再加上曲奇雪糕同勁滑既cream, 三重奏一齊食好味

午市時間黎到觀塘駱駝漆一間樓上Cafe，主要以貓貓作主題，傳說有60隻貓咁多架！但最吸引我既永遠都係美食，呢度既食物又高質又大份，價錢相宜，而且環境又舒服！川香麻辣燒春雞 配 麻辣燒汁 (半隻)意外地係樓上Cafe食到好食中式而且都非常川香既燒春雞，辣度十足慢慢散發出黎，非常惹味！日式拿破崙羅勒香腸野菌扁意粉滿滿蕃茄醬同大大塊香腸，味道夠曬香甜！午市套餐配埋餐湯(磨菇忌廉湯) 、牛油多士，而且跟餐亦都可以優惠價點唔同餐飲，誠意推薦呢間朱古力同抹茶都非常好飲！朱吉力咖啡雲朵冰沙抹茶享鐵草莓荔枝紅莓乾花茶仲有唔同類型甜品選擇，每款都相當特別！雪山心太軟 (抹茶) 配雪糕雖然咁多貓但環境相當衛生，進食過程相當舒服！

之前去過位於旺角嘅Urban Cafe，果度嘅貓貓🐱🐱超級多，肥肥白白勁得意勁乖🥰今次就去到觀塘駱駝漆嘅分店，環境更寬敞，大人細路都可以嚟同貓貓玩，好開心😆😆好多時主題cafe食物質素唔係重點，但呢度嘅食物味道都幾好，二人套餐三百幾蚊已經食到超豐富👍🏻餐湯、沙律簡單嘅番茄湯同麻醬沙律味道都唔錯。即磨芝士黑松露菠菜野菌忌廉意大利飯Risotto食落好creamy，帶淡淡黑松露香，鍾意佢有唔少野菌增加口感同菇菌香😋西班牙燒烤醬烤大豬肋骨出面食ribs就食得多，呢個版本嘅豬肋骨size特別巨型🤣好彩未吸引到貓貓嘅眼球之時已經比我哋KO🤪豬肋骨帶有燒汁香甜味，拎住條骨咬到啖啖肉，好滿足。玫瑰蘋果醋梳打、鮮奶梳打酸酸甜甜好清爽，仲有唔少爆珠可以吸下😗😗人均消費：$200推介指數（10分為滿分）：8.5分

呢日happy Friday，約左兩個鍾意貓貓既朋友去呢間貓cafe食dinner。星期五好full，建議黎之前要book左位先。呢度有超級多好得意嘅貓貓，啲貓仲要完全唔怕人，有啲貓仲會行近過嚟俾你摸。打開餐牌，見到呢度嘅嘢食都唔係好貴，真係好抵。主菜方面，我地點左紐西蘭T骨牛扒配黑松露燒汁，牛肉幾juicy，配埋熱辣辣嘅薯條同埋薯菜，唔錯。另外仲點左日式帆立貝黑蟹籽墨魚汁扁意粉，creamy又入味。點多份挪威煙三文魚拉絲水牛芝士手工薄餅share食！

-🔸西班牙海鮮燉飯 $128🔸蜜桃煙鴨胸忌廉芝士牛角包 $68🔸挪威煙三文魚拉絲水牛芝士手工薄餅 $118🔸美式黑咖啡 $42🔸梳打咖啡 $49-收工同男朋友去玩貓貓，依間Urban Cafe我哋成日去，地方大、嘢食質素又唔錯、仲要超多貓貓跑來跑去。望到咁多主子即刻抒解返工嘅壓力！西班牙海鮮飯有大大隻海蝦，同埋青口、蜆等豐富材料，賣相好吸引，食落都好香口。手工薄餅揀咗煙三文魚，係厚批底嚟，面頭嘅拉絲芝士熱辣辣食超正！牛角包第一次試，焗得外脆內軟，夾住cream cheese勁夾，鴨胸都有成三塊厚片，推介！

[ URBAN Cafe ]之前見過以貓貓做主題嘅餐廳，原來觀塘駱駝漆都有一間，地理位置都幾方便👍🏻每個lunch set 都會包是日餐湯 + 牛油多士條 + 飲品。✿ 紐西蘭牛肉眼扒 配 辣根燒汁 $128肉眼扒都幾大塊，唔會煎得過熟，配埋薯菜食😋✿ 川香麻辣燒春雞 配 麻辣燒汁 (半隻) $93燒春雞燒春雞份量充足，大大件。肉質食落都唔乾身，但唔算好辣。✿ Oreo脆脆特濃朱古力 跟餐+$20朱古力都幾濃郁，再配埋cream & Oreo脆脆做topping，好邪惡阿😇✿ 芒果酸奶 加配 紫米 跟餐+$25飲落酸酸甜甜，都幾香芒果味🥭🥭✿ 法式焦糖燉蛋 $58呢款燉蛋係凍食，焦糖好脆口，同燉蛋係最佳嘅配搭👅👅總結🫦又有得食又有得同貓貓玩，鐘意喵喵嘅朋友要去呀🫶🏻！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿URBAN Cafe地址: 觀塘開源道62號駱駝漆大廈第1座6樓電話: 53073636✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

極度推薦呢間貓cafe，係全港唯一無入場費同計時收費嘅貓cafe，貓貓質素高，數量多（觀塘分店有超過60隻🐱🐈)，全部都好可愛、痴人、溫馴，邊食邊被活潑嘅貓貓包圍，貓貓絕對有舒適的玩樂同休息空間，氣氛好relax。環境乾淨又大，唔會有氣味問題，所有食客都會帶上鞋套。呢度食物以西餐為主，好精緻，有牛扒、意大利麵、pizza等，即叫即製，價錢仲好親民。食客仲可以買罐罐，吸引貓貓圍住自己搶食。主菜方面，我試左「紐西蘭牛肉眼扒 配 辣根燒汁(薯菜)」，份量都好夠，肉質鮮嫩多汁，牛味突出，配上燒汁就好夾。我仲試左400次手沖焦糖咖啡，口感軟滑，奶香豐富令人幸福又甜蜜。甜品方面，我試左「朱古力鮮果忌廉牛角包窩夫」，擺盤打卡一流，窩夫有牛油香，外層香脆，內裏鬆酥，仲有抹茶部分忌廉同oreo雪糕伴碟。📍URBAN Cafe (駱駝漆大廈) (觀塘)觀塘開源道62號駱駝漆大廈第1座6樓貓奴必去，唯一無入場費貓cafe

去貓cafe，想見到很多貓貓，環境乾淨又大、無需入場費、不是逐小時計、又有正餐吃，香港可能只有Urban cafe才滿足到所有願望。這也是為何我隔一段時間就會來一次的原因，尤其是面積最大的觀塘店。所謂正餐是有齊前菜、湯、主菜及飲品的二人份西餐（$348），選擇豐富，還可追加小食及甜品，讓大家在這裡能玩飽吃飽。用QR code點餐後就去找不同貓貓拍照了，牠們都十分乾淨又有活力（尤其有食物的時候動作超快），毛毛順滑無臭味，非常惹人憐愛。回到桌已上了前菜及湯。是超足料南瓜蓉忌廉湯，每口都有帶絲的南瓜肉，味道甜甜的。至於用了胡麻醬的沙律則有菠蘿、車厘茄、沙律菜等，相對清新。安格斯牛肉手工漢堡十分光滑的麵包蓋賣相吸引。薯條量多，中心薯肉軟稔，如果熱一點外皮會更香脆。還有降低邪惡感的沙律菜，色彩豐富。麵包做得鬆軟，半溶的芝士躺在超過1吋厚的安格斯牛肉扒上，入口芝味濃郁牛味充足，肉餅本身又多汁香口，加上清爽蕃茄及生菜，好正。挪威煙三文魚溫泉蛋卡邦尼扁意粉醬汁量十足，有煙肉片、爽口的菇片、帶鹹鮮味的煙三文魚及大大隻溫泉蛋都是十分相配的食材。溫泉蛋是使用日本無激素雞蛋，一大顆放在扁意粉上任君處置。當然全