URBAN Cafe (彌敦道)

营业中

休息中

今晚同朋友出波鞋街買鞋，順便響旺角食飯，上網見到呢間cafe既野食好吸引，結果上左去食😂果然無令我失望，佢有個2人餐都只係$278，加$25仲有埋甜品，真心抵食👍🏻👍🏻響點餐前望下個環境，地方都算大，仲有窗邊位望到街景，都唔錯👍🏻👍🏻前菜沙律🥗好開胃，之後忌廉湯唔會太浠，味道夠濃，唔錯👍🏻👍🏻我地叫左個大蜆扁意粉，色香味都做得幾好，擺盤好靚，用青蟹籽放響碟出面，蜆肉鮮甜，意粉煮既時間岩岩好，好爽，味道適中，加埋忌廉落去煮一流😋😋青蟹籽大蜆大蔥忌廉扁意粉之後再叫多個巴馬火腿拉絲水牛芝士薄餅，切完拎上黎真係可以拉絲，小弟比較鍾意食芝士，所以覺得好好食，好香芝士味，芝士鋪滿全塊薄餅，再加埋巴馬火腿，好好既配搭👍🏻👍🏻巴馬火腿拉絲芝士薄餅到最後當然要叫埋個甜品先係完美既一餐，於是叫左搽茶心太軟同朱古力心太軟，心太軟最緊要做到流心，一切開就流朱古力出黎，再加埋雪糕，真係好好食😋

呢間Cafe已經唔係第一次嚟食啦，因為佢個性價比係超級高㗎，我哋叫咗菲力牛扒 fillet steak、綠茶雪山心太軟、比利時窩夫配雪糕、蘋果醋荔枝伯爵茶同蜂蜜紅棗茶！首先講吓菲力牛扒，我完全冇諗過佢個牛扒係咁大份量㗎，我哋兩個人share食都好足夠，而且佢個薯菜都好大份！除咗講大份之外佢嘅味道都非常好，唔會煎得太熟，牛肉非常嫩滑！！甜品有綠茶雪山心太軟，真係唔係度度都食到㗎，有淡淡嘅綠茶味感覺唔會好清新而且唔會太甜，完完全全啱晒我呀！朋友點左比利時窩夫配雪糕，個窩夫都幾有份量！今晚食得飽飽所以叫杯蘋果醋荔枝伯爵茶清下腸胃，感覺上比較輕盈！

上年同朋友來過一次，前幾日突然好掛住d主子，又去多次啦！夜晚都幾多人，一入去我地個位已經有4、5隻貓貓訓左係度啦😻佢地一d都唔怕人仲會主動行過來討摸摸🤣👐🏻我地叫左個2人餐($278)，包兩個餐湯、沙律，滋味2人小食盤(加配價$28），主食同2杯飲品，呢個價錢真係好抵！即磨芝士黑松露野菌意大利飯 份量好多呀🤣我同⛄️兩個人share都已經夠飽，芝士味道比較出，而且好足料，每淡飯都有野菌，d粒粒分明有咬口👐🏻-西班牙黑毛豬肋骨呢個ribs不得不讚佢焗嘅火候啱啱好，d肉切開時已經feel到好嫩口，肉質夠鬆散而且油分充足，醬汁亦十分美味🍖-紫薯latte 身為紫薯控我可以好負責任咁同你講，杯紫薯latte真係幾高質🍠佢唔會話好濃，但會係奶香中透出淡淡紫薯香味-Oreo朱古力脆脆冰沙 呢杯oreo迷可能會失望，雖然面頭有好多oreo碎碎，我覺得朱古力味蓋過左oreo味，好似飲緊杯普通朱古力飲品咁，但味道係ok的🍫👍🏻

相約朋友去左貓cafe治癒一下。Cafe 門口放置了兩部鞋套機，著上鞋套，就可以進入餐廳與貓咪共享晚餐，既細心又衛生。食物都好多樣化，可以單點，亦有套餐可選，超多選擇，因為當晚限聚令仍然生效，每枱最多坐2人，所以好多人都選二人套餐，我們都不例外。二人套餐$278餐湯: 南瓜忌廉湯，將南瓜打成容，有口感之餘，南瓜嘅香味超濃郁。沙律: 沙律菜好新鮮，配上微酸嘅柚子沙律醋，清新又醒胃。安格斯牛肉手工竹碳漢堡配薯角漢堡夾有生菜、蕃茄、芝士、安格斯牛肉，牛肉入面有洋蔥碎，好juicy，口感好有層次感，重點係個竹碳包外脆入軟，再配上香脆薯角，令人回味。三重芝士肉醬意大利麵超濃郁芝士配上肉醬，芝士肉醬汁掛上軟硬度適中嘅意粉，黏度恰當又不油膩，超絕配。餐飲方面都唔錯，飲品係用一次性外賣膠杯，如果飲唔晒都可以帶走👍！我地分別叫左一杯Oreo脆脆特濃朱古力及紅豆抺茶。 Oreo脆脆特濃朱古力 (跟餐補差價$20)特濃朱古力奶，再加入脆脆Oreo曲奇碎，令人心曠神怡。紅豆抺茶 (跟餐補差價$20)香濃帶甘嘅抺茶味加大大粒紅豆，甜道適中，一定要試。雪山心太軟（跟餐加$25)，有兩款口味選擇👉抺茶或朱古力味，我

今日同男朋友喺旺角行完街超級無敵攰於是就搵咗間樓上cafe hea下呢間Urban cafe用咗貓去做主題 冇限時同埋入場費非常抵玩 入到去人唔太多 座位偏僻夾 不過主打嘅貓貓就非常熱情 泰式紅咖哩雞肉野菌忌廉意大利飯 用咗紅咖哩去做意大利飯 超級特別 辣辣地椰香同忌廉香都十足 意大利飯煮得軟硬適中 十分惹味燒紐西蘭牛肉眼扒 牛扒嚟講價錢算幾平 牛扒份量大不過牛肉味唔濃郁 而且有啲港式西餐嘅味道 仲有勁多嘅薯角份量超誇張挪威煙三文魚班尼迪拼盤 egg benedict 水波蛋生熟度啱啱好下面間上鹹香又瞓十足嘅三文魚簡直絕配合荷蘭醬 一啲都唔吝嗇

今晚去了一間好耐之前都來過旺角樓上cafe..亦因爲好多愛貓人士都會曾經去過這間。舊地重遊是因為最近我開始養貓。令本人想起以前的事和物。燒紐西蘭肉眼扒。少年時曾經斷食「牛肉」。因當時社會盛行牛肉重毒素。。但後來本人「還俗」再食返牛肉。到現在依舊不離不棄。最愛係靚牛食3成熟。簡值享受。。近兩年本人比較喜愛肉眼扒。但今晚食這肉眼扒真是「滿足」的一夜。入口脂肪與肉汁好配合。加上醬汁更無與倫比心太軟。心太軟的配搭加上了鮮忌廉。再搭配曲奇的雪榚。令整晚有一個完美的結局。

這間餐廳bookmark左好耐，一直都想來試試，今次友人好醒目book定位帶我來。由於有不少貓貓會在餐廳內行走，所以餐廳做好防菌措施，每位客人進入餐廳前都要在門口的鞋套機把自己的鞋套好，消毒好雙手。坐低後店員給予指示及餐牌給我們。二人套餐包括有沙律、餐湯、兩份主食同埋飲品。沙律、餐湯，沙律菜拌上了沙律醋，還有車厘茄和菠蘿，感覺很fresh!而餐湯是忌廉蘑菇湯，湯內有蘑菇、洋蔥等，都幾足料!即磨芝士黑松露野菌大啡菇忌廉意大利飯，即磨芝士份量都幾多，意大利飯不算很creamy，飯有點偏硬，而飯有淡淡的黑松露味，還有不少菇菌肉，味道都不錯!巴馬火腿拉絲水牛芝士手工薄餅，薄餅是細批，有4件，批底算是厚批，不過都幾脆口，薄餅上的芝士可以做到拉絲的效果!薄餅有濃濃的芝士味，巴馬火腿味道剛剛好，不會太咸!雪山心太軟，套餐加$25可以有心太軟，有兩款味道可以選擇，而我揀選了綠茶味!味道不會很甜，有淡淡的綠茶味，再配上紅豆味雪糕，很滿足呢!水牛城雞翼，雞翼份量都幾多，有五隻，炸得香口又juicy，雞肉嫩滑，而且水牛城醬份量多，令雞翼味道酸酸辣辣，十分刺激味蕾!紫薯拿鐵、芒果荔枝梳打，這裡的拿鐵不含咖啡成

2020年9月8日咁岩出開旺角做野。見到呢間好評夠多，就決定試下佢！都唔算難搵。地點都幾方便！一上到黎就見到有鞋套機。一入到去就消毒手同埋探熱！客人比我相像中多好多。好滿。每張台都有膠板隔住。都幾放心。提一提。佢地呢度都幾多貓。如果係唔鍾意貓既你。就唔好黎了。餐牌。我地叫左個牛扒同魚柳。牛扒無問幾多成熟。整體上有啲失望。但唔係難食。大家唔係特別好牛可以唔叫。魚柳，似即炸，加分！兩杯野飲。水蜜桃蘋果醋。一般。薄荷咖啡。意外地唔係用薄荷糖漿。似用新鮮既。加分！跟住叫左兩個甜品。一個雪山心太軟（抹茶味）普普通通。一個芭菲杯。麻麻地。啲粟米片唔脆。係新鮮生果加番啲分。甜品可以唔試。整體黎整都幾好。係唯獨店員態度麻麻地。最後大家要唔好介意貓毛。因為佢啲貓唔怕人，周圍行。食緊野好易會有貓毛係野食度。

#urbancafehk 位於旺角的🐈🐈cafe，一開門進入餐廳，已經發現有很多貓貓店員，貓貓們都很會招呼人客，它們都會陪你玩，陪你吃，一齊拍照等等，超級可愛又乖乖，完全是治癒好介紹❤️❤️❤️食物飲品也有多款選擇，我就點了二人套餐 $278 有沙律，餐湯，可以選兩個主菜，飲品🔹日式青蟹子大蜆忌廉汁扁意粉，份量蠻多的，扁意粉軟硬度適中，蜆肉都唔少，鮮甜味道浸泡入忌廉汁，難怪大定都推薦👍👍👍👍🔹 安格斯牛肉手工竹炭漢堡 ，安格斯牛肉是厚厚的，肉汁都多，竹炭包就普普通通，整體也不錯😋😋🔹雪山心太軟 跟餐加 $25 ，真心抵食，除了有朱古力味心太軟，還有一球雪糕🍮🍨認真製作😉😉😉🔹 香橙檸檬茉莉花茶 跟餐加$31 大大壺，透明壺看見花茶和鮮果，感覺超治癒，建議泡10分鐘以上，味道會更佳😘😘😘Urban Cafe地址: 旺角彌敦道566-568A號僑建大廈2樓電話: 6832 6990

前排疫情比較嚴重，真係連同朋友食飯見面都難過登天。見呢排好似緩和返啲，就決定同朋友食個tea，見下面。岩哂兩個女仔嘅約會呀。餐廳門口有鞋套，感覺比較乾淨同對貓貓好啲。入到去超多貓，貓貓仲要都好嗲人，好中意同人玩。我地都唔係好餓，就叫咗一個main同一個甜品share食東瀛蟹子卡邦尼煙肉扁意粉$58 +8 湯朋友想食意粉，我試咗少少。意粉好creamy，忌廉加埋蛋汁好濃郁。煙肉炒得好香口，面鋪上嘅蟹子令口感更豐富。同埋意粉嘅硬度都適中，我最怕食到好硬嘅意粉，整體味道都唔錯。另外加8蚊就可以跟個餐湯，好抵飲，朋友話都唔差美式鬆餅配精選是日雪糕$68呢到嘅pancake唔係日式個種好鬆軟嘅口感，反而係偏厚實蛋味重嘅美式感覺。配上雪糕一熱一凍嘅反差，幾特別。旁邊仲有cream同朱古力碎，口感豐富。青檸薄荷蜂蜜綠茶$58 +$20夏天好熱，叫咗杯比較fresh嘅飲品。青檸帶酸嘅味道有種好爽開胃嘅感覺，雖然加上蜂蜜，但唔會太甜。蘭花皇家伯爵荔枝紅茶$69 +20 朋友叫咗熱嘅荔枝紅茶，大大一壺。味道佢話都幾好，甜度適中。如果中意貓嘅絕對要上嚟試試，加上野食都ok，係貓奴嘅天堂呀！MENU

一個人都會上去食食物好好食，重要係主子們好親民！上去食個午餐心情舒暢減壓首選，不過探貓主子要守規矩之餘仲要吾好阻到職員做野～盡快食完餐後可以買個貓罐頭慰勞貓主子，不過吾可以比同一個貓主子食太多，會獲利回吐。最後除左貓主子，對職員都要有禮貌哦～^_^

💙 晚間終於可以堂食啦！😭 終於可以拍拖去食晚飯🙈 上次我同🐼去左Urban Cafe，估唔到野食好味，仲有好多可愛貓咪😍💙 我哋叫咗個二人餐 $278，包左餐湯, 沙律🥗, 兩個主菜, 同兩杯飲品 (特飲補差價)💙 加$28 有小食拼盤，加 $25仲有雪糕心太軟☺️ (有朱古力同抹菜味)💙 Main我地揀左 日式青蟹籽大蜆大蔥忌廉扁意粉 🍝 青色蟹籽好特別！食落有少少辣，再睇下英文原來叫Wasabi Crab Roe! 💙 西班牙黑毛豬肋骨，可以配薯菜或者意大利粉。呢個好入味！啲肉好冧，🐼都話鍾意食👍🏼💙 Oreo特濃脆脆朱古力🍫 味道都夠濃！我就叫左蜂蜜柑桔檸檬梳打☺️💙 地方不大，不過就可以同貓貓有更親密接觸😂 隻隻都又肥又可愛，貓奴一定會好開心！

食物方面要讃，本身以為貓cafe食物質素唔着重，但係佢嘅食物真係合理價錢又高質。坐嘅地方好舒服，下午嚟嘅時候陽光曬住成間餐廳，有feel ! 入面嘅貓都幾親近人，數量易都好多，所以滿足各位貓奴。-Menu選擇多：🐱唐揚炸雞（$48）: 熱辣辣嘅佢肉夠嫩滑，唔會炸過龍搞到鞋口亁身🐱辣肉腸Pizza（$98）: 芝士完勝！芝士多但係唔膩。🍹（$42）水蜜桃蘋果醋梳打/芒果荔枝梳打：對我呢個飲開微糖嘅人黎講有啲太甜，不過我自己都幾鍾意芒果荔枝梳打.*每人有90分鐘，最低消費為$100* - 我覺得動物Cafe來講呢個價錢好合理🤍

~貓貓cafe初體驗~大家黎之前，一定一定要預先book位啊！Book咗位，上到黎都要等大概10分鐘。入餐廳前，要先帶上腳套，見到d貓仔係門口已經急不及待等大家同佢玩啦❤️❤️❤️Cafe嘅食物完全不馬虎，個湯好飲啊～小食拼盤都好足料俾大家睇下貓貓嘅英姿先Risotto 正啊 好多芝士整體:🤤🤤🤤🤤

疫情之下真係好耐冇同朋友一齊出嚟食飯，難得近期疫情開始有舒緩跡象，所以就約咗朋友去旺角食飯聚一聚，今次就去咗旺角其中一間樓上cafe，當中佢嘅食物質素都唔錯值得再去。一開始當然就睇吓佢個餐牌啦，整體嚟講食物選擇都足夠，當中有唔少意粉、意大利飯、Pizza等，而最後我同朋友就叫咗二人餐。等出餐嘅時間，可以同餐廳內嘅貓貓影相近距離接觸。是日餐湯及沙律個人相當鍾意佢個餐湯，內裏相當足料，每一啖都飲到南瓜甜味。而沙律亦相當新鮮，水準正常。溫泉蛋煙肉野菌黃金卡邦尼扁意粉賣相精緻，而且味道相當出色，特別鍾意佢意粉熟度剛好，配上芝士醬與溫泉蛋一齊食真係相當滿足。西班牙黑毛豬肋骨豬肋骨煮得相當軟淋，絕對唔會又乾又柴，配上醬汁一齊食相當惹味，而薯菜份量都相當多，抵食。抹茶心太軟茶味濃郁，鍾意抹茶嘅朋友一定唔好錯過。最後一邊撩貓、一邊飲嘢真係可以Rleax番咁耐無出街嘅生活。