UFUFU CAFE (荃灣廣場)

营业中

休息中

今晚到荃灣廣場食晚餐，餐廳走日式和風木系風格，食物有新派美食，又有甜品Ufufu 芝士牛肉漢堡Ufufu 牛肉漢堡兩款期間限定漢堡都好吸引，漢堡牛肉好香口美味，入面有蕃茄青瓜生菜，整個漢堡好好味道豚肉生羗燒烏冬日式燒豚肉配生羗，配上彈牙日式烏冬，還有日本雞蛋混合後好滋味😋牛乳軟雪糕 Basque 芝士蛋糕日本牛乳做雲呢拿雪糕，配上充滿空氣感 Basque 芝士蛋糕熱泡沫咖啡食芝士蛋糕再配上咖啡，真係好好享受

#🐒😋今日係 #荃灣 按摩完 例牌搵嘢食夏日熱辣辣 去咗 #荃灣廣場 嘅 #Ufufu其實我都係想去食吓 #雪糕 同 #芝士蛋糕 多啲不過唔知係咪我都算晏嚟 廚房截咗單無得後上食個陣個多士都林林地 下次要再嚟試吓── ✦── ✦ ── ✦ ── ✦ ──ʚ #蜂蜜四色芝士薄餅 ɞ 呢個Pizza係我平時比較小見加上我今餐想係我嘅 「無肉餐」但啲芝士真係好鬼香 同埋一定要襯熱食ʚ #牛乳軟雪糕Basque芝士蛋糕 #醇白咖啡 ɞ 個芝士蛋糕我覺得好正 好多芝士蛋糕都會變咗好膩食唔哂一件 但今次呢個唔會食完仲會想食多件嘅感覺ʚ #焦糖香蕉多士 ɞ 時間關係無得後上 味道係幾好食中間係好軟熟 外皮都仲有小小脆 不過唔知原來都有配埋雪糕早知問吓有無得轉埋抹茶啦── ✦── ✦ ── ✦ ── ✦ ──

今日嚟到荃灣終於試咗ufufu! 餐廳地方唔算好大，都幾開揚，但閒日夜晚唔係好多人所以環境都幾舒服，日式西餐加甜品都算食得幾過癮呀🫶🏻恒生卡8折後都算幾抵食，晚餐西餐嚟講4個人人均唔過$150九洲漢堡扒法式吐司 $158 （8.5/10）幾有趣嘅fusion, 甜同鹹嘅嘢同一碟，不過就無乜fuse到兩種食物，純粹好似甜品正餐前菜擺埋一碟。不過食物質素好，漢堡扒整得幾淋好香肉味，雖然肉汁就無乜，但味道唔油膩又香口，幾推薦嘅一道菜。仲有唔少沙律菜做配菜。法式吐司加埋蜜糖同士多啤梨，幾清甜同簡單嘅一個甜品😋帆立貝明太子忌簾意粉 $128 （7/10）辣辣地嘅明太子加好掛汁嘅意粉，醬汁味道一流🥰可惜嘅係意粉量可以多啲，同埋帆立貝得兩粒，亦都唔係好彈牙🥹照燒親子雞薄餅 $118 （7/10）有蛋有雞有京蔥同好多芝士嘅pizza, 只可以話每一樣食材都整得好好食，芝士好香但唔油，照燒雞肉入味，蛋都煮得啱啱好。但撈埋一齊就唔係好夾味，好似同時食緊好多樣分開嘅菜式咁😂🤪草莓物語芭菲 $88 （7/10）牛乳雪糕好香牛奶味，士多啤梨都清甜，最底嘅脆脆都幾夾味，但係就都幾多cream吓，得中間係雪糕，同埋

荃灣呢間Ufufu Cafe 走日系風格，有齊我鍾意嘅咖啡同埋甜品，今日主要試吓八女抹茶甜品，原來係呢間Cafe獨家，八女茶歷史悠久，綠茶控必試！採用正宗八女抹茶製作甜品飲品，味道究竟係點嘅呢？🥛牛乳八女抹茶🍵 $48呢個拉花真係靚到爆呀💚貴婦狗狗真係好得意呀，八女茶風味較溫和，唔會太苦澀 ，呢杯飲品以茶為主，自帶清香茶味，喜歡抹茶嘅朋友應該好鍾意！日式芭菲💚八女抹茶Matcha Soft Cream/ Matcha Jelly/ Warabi Mochi/ Dark Sugar/ Red Bean/ Chestnut日本芭菲賣相真係好精緻💚入面配料好豐富，一層層都有唔同嘅配料，配合香濃綠茶🍵互相配合！🥪ꜰʀᴇɴᴄʜ ᴛᴏᴀꜱᴛ 法式多士🍵八女抹茶 $138賣相超精緻、配料十足嘅西多士，入面有我鍾意嘅紅豆、白玉小丸子，面頭有香甜嘅士多啤梨，最鍾意係抹茶雪糕，混合一齊食，非常滋味，建議要即刻食，溶咗就冇咁好食㗎啦！🧡明太子帆立貝忌廉意粉🍝 $128 明太子意粉一向係我至愛，橙黃色嘅忌廉醬，打得都算香滑，意粉軟硬度亦都啱啱好，仲有大大粒帶子，味道都唔錯！🍔醬油燒雞腿漢堡 $88日式漢堡非常

醬燒雞腿漢堡 個漢堡包生得好標緻🤣🤣，食落好軟熟，雞髀肉用豉油燒過，面頭有陣焦香，入面好嫰滑。夾住新鮮番茄片、青瓜同生菜，五顏六色好搶眼。一啖咬落去，雞肉啲汁爆出嚟，豉油嘅鹹香同啲菜嘅清新撈埋一齊，口感味道都好有層次～～Ufufu牛肉漢堡 個包同樣軟熟又有咬口。塊牛肉餅又煎得啱啱好，面頭少少焦，但入面係滿滿嘅牛肉汁。塊牛肉漢堡扒真係好大塊好厚，加埋爽脆嘅生菜、番茄同青瓜，同牛肉嘅濃味好夾和風蜆肉意粉 啲意粉掛滿辣辣哋嘅和風汁，啲蜆肉粒粒都脹卜卜，食落好都幾鮮甜。面頭灑咗啲紫菜絲同香草，望落好似唔多，但食嘅時候會有紫菜嘅香味。意粉食落彈牙，成個食曬都完全唔會覺得膩牛油果雞胸法式多士 件多士焗到金黃色咁，係用法包整噶！面頭脆卜卜，入面唔係普通嘅軟熟，而係香甜煙韌🤤雞胸肉切片，淡粉色咁，面頭灑咗黑椒，完全完全唔會柴，再唔怕健身要食雞胸肉啦～牛油果片鋪喺上面，好新鮮，熟度啱啱好，唔會硬亦都唔會黃。旁邊仲有烚蛋、小蘑菇同沙律，擺盤好精緻，啱曬打卡～份量都唔少，一個人食夠飽有凸！

520當日我同老公就去咗荃灣ufufu café ，佢地既甜品好精緻，食物質素仲好美味，而且餐廳環境舒服寬敞。我叫咗佢地獨家採用正宗八女抹茶製作嘅甜品有超過600年歷史，產自日本福岡縣八女市，當地以出產優質綠茶及抹茶聞名。風味較溫和、茶味平衡，主要以甘味（甜）為主，同時帶清香茶味‼️綠茶控一定必試‼️八女抹茶法式多士 $138賣相都好吸引，法式多士外脆內軟，搭配丸子同紅豆蓉味道好夾，口感好滿足，抹茶雪糕好幼滑，抹茶味濃不苦澀，真係完美嘅組合。🍵✨️冰牛乳八女抹茶$53八女抹茶配上香滑既牛乳好夾，甘甜又解渴，夏天必點。牛乳軟雪糕抹茶Basque 芝士蛋糕 $98甜品顏值爆燈，Basque芝士香濃，蛋糕口感鬆軟配上香滑既𝒸𝓇𝑒𝒶𝓂好吸引🤩抹茶味道剛好，底部有一片片脆脆，連埋滑溜既牛乳軟雪糕，食落好有層次感，好滿足。照燒親子雞薄餅🍕 $118照燒雞肉香脆可口，配流心蛋好味的配搭 ，底部烤得外脆內軟明太子帆立貝忌廉意粉 $128意粉份量充足🫶🏼 帆立貝新鮮大粒,滿滿忌廉汁,夠晒creamy.餐廳環境木系日式裝潢，主打日式菜式和精緻出品，所有甜品都好吸睛，整體感覺好滿意。

荃灣有間Ufufu Cafe 座落在荃灣廣場 ， 店內裝修文青 Feel 十足，環境舒適，有直落玻璃窗看看街景，主要做🇯🇵 日式洋食料理，我同朋友到飲下咖啡☕️食下美食不錯必食蜂蜜四色芝士 Pizza🍯🍕芝士控的我對這個蜂蜜四色芝士 Pizza 情有獨鍾，一咬落去，流心芝士香氣撲鼻🧀 四款芝士完美融合，鹹香濃郁，再淋上一層金黃色嘅蜂蜜，甜鹹俱備！醬油燒雞腿漢堡🍔荃灣限定的日式照燒醬完美包裹嫩滑雞扒，啖啖爆汁！配埋鮮甜番茄🍅生菜🥬清新口感！最後配上特色香橙朱古力parfait 滿足極了！

同閨蜜去咗荃灣廣場UFUFU CAFE歎個輕鬆下午，環境真係好舒服，木系風加盆景，感覺好治癒～😌☕️🍝 明太子帆立貝忌廉意粉好Creamy，個汁掛麵掛得靚，帆立貝仲要夠鮮甜，完全冇雪味，食落仲有少少Surprise，真係估唔到咁好食🤩☕ 熱泡沫咖啡泡沫好滑，啡香濃郁，熱辣辣嘆住真係好暖心❤️🍔 UFUFU芝士牛肉漢堡 牛肉夠Juicy，芝士濃香冇得輸，麵包又酥又香，夾埋爽脆青瓜同蕃茄，口感夠豐富，真係忍唔住大口咬落去😋🍵 天山 雪糕好滑，抹茶味濃厚但唔會苦，帶回甘，簡直完美收尾💚🍨呢度食物質素真心唔錯，坐得舒服，又有啱拍照嘅日系氛圍，真係值得再訪📍✨

吉士忌廉芒果($88) 嘅size略嫌細咗啲，同埋有好多芒果都太凍，似未解完凍。不過可以加$28有杯熱Cappuccino就還算可以啦。焦糖香蕉($138) 價錢相當唔平，製成品算OK大份，同埋個法式多士係幾好食嘅。Matcha Latte ($48) 表面上抹茶味好濃，但其實佢嘅味道同奶味係分開嘅，好似各有各飲咁，做唔到融合嘅效果，有啲可惜。最重要係佢個拉花歪咗，我係幾失望嘅。+$28嘅Cappuccino雖然個拉花冇歪到，但咖啡味就略嫌苦澀，同樣唔達到我嘅要求。呢度嘅嘢食同性價比算中中挺挺，法式多士係幾好食，值得叫嘅，至於其他嘢就打卡味道比較濃。下次再試吓佢啲熱食。

今日行到荃灣廣場，見到呢間餐廳個餐牌好吸引，就入去試吓！一睇餐牌，有好多好正嘅美食，即刻忍唔住點咗幾款招牌菜。首先講吓個「UFUFU芝士牛肉漢堡」！個漢堡包一上枱，已經香氣撲鼻！大大塊嘅牛肉扒煎得外層微焦，咬落去肉汁爆發，肉質鮮嫩多汁。再加上厚厚一層會拉絲嘅芝士，芝士控真係忍唔住尖叫！芝士同牛肉嘅味道完美融合，夾埋新鮮爽脆嘅生菜同番茄，口感層次好豐富，成個漢堡包份量好足，食落超有滿足感！再試吓「草莓家族多士」，呢個真係好有驚喜！法式多士煎得金黃酥脆，外層微微焦香，入面軟綿綿。最正嘅係上面配埋牛乳雪糕，雪糕口感幼滑，奶香濃郁。鮮奶油上鋪滿咗各種莓果，士多啤梨、藍莓、紅莓……酸酸甜甜嘅莓果味同奶香十足嘅多士、雪糕一齊入口，味道清新又甜蜜，完全唔會覺得膩！仲有「吉士忌廉芒果芭菲」都好出色！鮮芒果片鋪成靚靚嘅玫瑰形狀，賣相已經好吸睛！新鮮嘅芒果清甜多汁，下面嘅鮮忌廉口感輕盈幼滑，吉士味香濃，一啖芒果一啖忌廉，食落好治癒，好啱鍾意食甜點嘅朋友！飲品方面，叫咗杯「沖繩雜果梳打」，一上枱就被靚靚嘅漸層色吸引！入面有唔同嘅雜果粒，飲落清清爽爽，雜果嘅香甜味同梳打嘅氣泡感好夾，好解膩，好啱配埋前面嘅美食

成日經過呢間Cafe都見到好多人，而且望到啲食物都好吸引，今日終於望吓佢個Menu，原來價錢好平，咁就一於嚟試吓啦。一開始我哋就叫咗個牛油果雞胸多士，賣相感覺好健康，而且好靚好多雞胸，雞胸好嫩滑，食落感覺好健康，調味唔會太重，啱晒健身人士。朋友叫咗個醬油燒雞腿漢堡，上面竟然插住一把刀，好特別好適合影相，我試咗一啖，雞腿非常嫩滑，加埋個醬汁真係越食越開胃。呢個草莓芭菲真係10分推薦，因為佢嘅賣相好靚，好適合打卡，應該所有女仔都會鍾意。而且食落唔會太甜，裏面仲有啲麥片，成個感覺好健康，啱晒女仔食。熱泡沫咖啡竟然有拉花，好少Cafe咁認真拉花，而且拉得好靚，咖啡飲落好濃郁，估唔到一間餐廳都可以做出咁好嘅咖啡。

今晚嚟到荃灣,試下 Ufufu Cafe ，吃了幾道都值得讚的菜式芝士牛肉漢堡肉質厚實多汁，漢堡扒煎得恰到好處，搭配融化的芝士與微甜的漢堡醬，口感濃郁卻不膩口，附上的薯條亦香脆可口。 蒜片大蝦蕃茄汁意粉香氣十足，大蝦新鮮彈牙，蒜片炒得焦香，與微酸的蕃茄醬汁十分搭配，意粉軟硬適中，整體風味開胃。 八女抹茶多士是亮點，外層酥脆，內裡鬆軟，抹茶醬濃郁帶微苦，甜度剛好，配上冰淇淋更添層次，完美作結。 餐廳環境舒適，服務友善，價錢合理，適合朋友聚餐或獨自享受一頓日式洋食。

呢間回訪餐廳，真係最適合抹茶控！最近仲推出期間限定Burger餐，所以我特登過黎試下。✨️UFUFU芝士牛肉漢堡呢個牛肉漢堡真係份量十足，表面微焦，內裡好多肉汁，芝士滿瀉，醬汁清爽，質素真係好高。每一啖都令人回味。✨️八女抹茶多士食物嘅擺盤好似一個京都嘅園景，真係好靚。抹茶雪糕好幼滑，抹茶味濃而回甘。多士好鬆軟，有蛋香，加埋忌廉同抹茶醬，真係完美嘅組合。✨️冰牛乳八女抹茶呢杯飲品真係清新解渴，抹茶同牛乳嘅融合令到口感更加豐富。💖再次回訪，呢度嘅食物質素依舊美味，而且服務親切，令我感受到賓至如歸嘅感覺。真係值得一試！

UFuFu Cafe - 日系西式Cafe今日嚟到一間位於荃灣區嘅Cafe，店內充滿住日系嘅設計風格，除咗有唔同嘅主菜同埋小食之外，甜品都相當吸引。UFUFU芝士牛肉漢堡 $98超級推介嘅漢堡包，拉絲嘅熱熔芝士加上超級厚身紮實多汁嘅漢堡扒，配上生菜、蕃茄，同埋烘過搽上牛油嘅香脆麵包，覺得最鍾意嘅係中間加咗爽脆清新嘅青瓜解膩。豚肉生姜燒烏冬 $98濃郁嘅生薑燒醬汁配上薄切份量多嘅豚肉片，仲有隻溫泉蛋，蛋汁加上醬汁同埋烏冬，非常完美嘅配搭。熱泡沫咖啡 $28午市套餐可以用$28加配嘅咖啡，大大杯之餘，咖啡味亦都香濃。草莓物語芭菲 $88幼滑嘅牛乳雪糕加上吉士醬仲有香甜嘅士多啤梨，底部係士多啤梨果醬同埋脆米，經典嘅草莓芭菲。

荃灣廣場行街見到一間日式甜品咖啡西餐廳"ufufu cafe",木系裝修座位寬敞格局舒適休閒，最適宜情侶同三五知己閒談.Ufufu芝士牛肉漢堡 🐂$98厚身牛肉漢堡外表焦香，內裏juicy牛肉味香濃，加上香濃芝士非常惹味😋，仲有大量新鮮沙律菜甜甜酸酸醬料非常醒胃🥰草莓家族Mixed Berry 🍓$178大量草莓擺設精緻,紅紅綠綠好似一件藝術品非常吸睛,令人不禁拿起手機立即打卡，法國多士外表酥脆，內裏鬆軟，加上大量軟滑鬆軟厚cream，連同牛奶雪糕脆片一齊食口感豐富🥰Basque芝士蛋糕雜莓 $88🧀芝士蛋糕味道香濃，配上新鮮雜莓十分清新😋Coffee set+ $28☕Latte咖啡香濃配搭甜品食一流👍