UCC Coffee Shop (已結業)

一間日本式的西餐廳, 我同女友都來過好幾次, 最好而且我每次都食既係茄汁海鮮湯意粉, 茄汁濃, 海鮮有蝦, 帶子和青口等, 有不錯的味道係8:30pm前加$25可享有桃餐湯, 自助沙律吧和飲品, 沙律吧有番茄,生菜, 水蜜桃, 菠蘿, 粟米和薯蓉, 淨係食沙律都飽, 野飲又可以選擇ucc咖啡^_^不過呢度既waitress姐姐個個都好似好忙咁, 而且黑口黑面咁, service真係麻麻地ps 試過非繁忙時間都見到年青的歌手

星期六兩點幾左再次黎左呢度食~估唔到呢個鐘數都要等位喎~我要左芝士海鮮焗螺絲粉~媽咪同家姐分別要左焗海鮮飯同埋芝士焗菠菜三文魚螺絲粉~其中兩個加廿蚊轉set~有沙律呢同埋餐飲~個沙律呢都幾o個幾款la~吞拿魚,薯仔,粟米,生菜,紅腰豆,罐頭生果咁~ok la~冇乜特別~係志在可以出去裝下玩下~講返食物先~媽咪個海鮮飯最正~我個海鮮螺絲粉就通la~太濕lai~家姐o個個d三文魚仲有d腥tim呀~味道只係普通law~仲唔係好熱tim d野~同平時黎食差唔多咁la~值得一提既係我見d薯仔沙律所餘冇幾就問佢會唔會再refill~點知佢轉個頭已經去左refill~好好呀~~

足足一年多都冇光顧過UCC, 今次再去覺得比以前退步了兩個人點了一客波菜三文魚通粉及一客咖哩牛肉焗飯(+$28跟餐). 咖哩牛肉焗飯都值得推介, 整個飯都有咖哩味但又不會太飽. 但個波菜三文魚通粉就麻麻地, 同跟餐的湯一樣, 都係淡而無味, 認真一般除O左味道一般, 份量也不太足夠. 好在跟餐有自助沙律吧可以加很多薯仔沙律. 依照意粉或飯的單價就麻麻地底食

見手上有張UCC卡儲印仔, 今日就揀左黎呢度醫肚. 要儲印仔就一定係揀promotion items, 選擇唔多, 就揀左鮮果批.鮮果批其實係鮮果吉士酥x 3. 等左15分鐘先上檯, 以為係新鮮即製, 點知個酥皮淋"pat""pat"又凍冰冰, 而且份量好少. 可幸係吉士同忌廉好好食, 否則味道要俾1分啦!

應朋友意願都要勉強一行。汁煮漢堡扒：漢堡味道可以，肉質不太老茄味牛油奄列飯：內裡的炒飯異常硬，整體味道普通，無甚特別，但單是不能入口的飯已扣至零分海鮮奄列飯：與茄味牛油奄列飯沒有大分別鮮蝦帶子意粉：白汁尚算入味，鮮蝦帶子味道欠佳，齋食意粉尚可，但情願自製意粉加醬包沒有服務，人太多，應接不下

尋晚同同事仔食左一個海鮮意粉SET....之前都食過呢度d意粉&飯....水準保持到喎......不過d野慢左d唻(見人地個steak等左差唔多20分鐘都未到呀....好彩我地ok咋)...兩人一份都可以食唔晒架....因為我"筆"左好多沙律呀....沙律新鮮就最正....吞拿魚好味道呀.....我地又加多一杯咖啡唻....埋單都係120左右....不過salad吧到8:30pm架咋...好多人唔知所以冇set叫呀

尋晚趕project 到半夜, 今日再忙左大半晝, 終於攪掂, 可以抖抖同姐姐出黎食個tea補充下體力. 見到餐牌推介藍莓waffle(可+$20跟餐要咖啡), 費事諗就要呢樣, 但係好好人又靚女o既服務生細細聲問我,想跟餐定係散叫, 我話想散叫, 佢就同我講, 除非我想要餐, 否則叫主餐牌o既waffle抵d, 因為同一價錢, 會有多一quarter o既waffle. 佢仲話公司policy係唔俾提醒客人, 但係佢覺得唔應該呃客人, 好好人呀>.< 不過因為唔係好肚餓, 多一個quarter都食唔晒, 最後都係叫左個藍莓waffle.waffle好鬆軟,一半撈既滑又fluffy o既忌廉食,一半撈呍呢拿雪糕食, 好好味>.<要再次讚下有正義感o既女服務生!

Despite the long queue in front of the restaurant, this has always been one of my favorate place for dinner.The 3 items that I like most of this place are:1. SALAD BAR2. Hamburger Steak3. Set menu for the above plus coffee at HK$70I think the food is better than Pokka Cafe but service is one item that they have to improve.I agree that this place definitely needs more servicing staff. In fact, the under-manned operation has sometime turned customers off. If they would add more waitresses to the

10月8日同個朋友慶祝生日, 一行六個人, 諗住揀個地方方便, 價錢又唔貴既地方食餐飯, 於是揀左呢到.今次係第一次黎, 雖然有book位, 但都要o係門口等到3個字, 門口仲要無人既, 要我地走入去等人見到我地, 佢先叫我地o係門口等.終於入到去, 開始睇食乜, 要快d落單, 因為8點半之後就唔可以加$25, 有餐湯,沙律同餐飲.我地每兩個人就有一個轉餐,講下個沙律先, 千祈唔好包咁大期望, 因為得8款野食同兩個汁, 全部都係大路野,係個吞拿魚值得一讚, 可以叫做好味.其他都係d粟米,菠蘿,蕃茄,桃,菜...跟住我就叫左個茄汁海鮮飯, 因為睇之前既食評好多人都叫黎食, 咁咪叫黎諗下囉, 點知.......如果大家鍾意食一pat pat既飯就岩囉, 我就唔鍾意...係有茄汁味, 但就諗唔起佢有乜野海鮮....有個朋友叫左個日式西冷牛扒,嘩...有舊成寸厚既肥肉痴住.......朋友話唔知係咪日式係咁喎......哈..其實朋友食既野我都唔係好記得,但就無人讚過d食物囉, 大家自己諗下好唔好食喇.至於o個到員工既服務態度就好唔平均, 有一個就比較好, 其他o個d都拿埋口面,無笑容,大家應

tea with my friend, have a new york cheese cake and a cold coffee. the cake's texture is nothing but some kind of dry 'mud' and the taste is below par either. so, here's to other cake addicts, "forget about theirs!"

上星期日黎食晚餐, 知道都幾多人排隊下, 所以六點半度就到左, 好在唔使等左幾分鐘就有位. 我地兩個人食左一份tenderloin steak, 磨菇腸仔焗螺絲粉, 一個salad bar, 一杯ice cuppachino, 仲有一杯朱古力芭菲. 件steak都煎得唔錯, 伴碟有意粉再加埋一隻蛋, 感覺幾得意. 個焗螺絲粉d白汁焗得幾香. 食完正餐, 再加多個朱古力芭菲, 有朱古力雪糕+雜果+cream+雲呢嗱軟雪糕, 食得好飽~salad bar雖然加$20就有得食, 不過唔係好多選擇, 同埋只可以攞一次咁多...埋單二百六十幾蚊, 覺得算係咁, 食得過!

今晚既dinner 為左某原因去左lee到慶祝!!oh..no.. 好失望!! 首先services 唔得..估唔到係尖咀既海港城D服務咁唔pro!!跟住叫野食..點左茄汁海鮮飯&白汁波菜三文魚意粉..我地無加20蚊食沙律&餐飲..因為個沙律BAR好似麻麻地咁..朋友既意粉到左..有少少眼"特"好細碟而且買相一般..我的飯就ok..味道就..意粉ok啦!飯就酸左d lor!!食到咁..我地唯有出去食甜品被數呀!!

朋友唔餓，我建議兩個人share 一個餐。我地要左個芝士焗海鮮通粉及加25元，有南瓜湯、自助沙律及餐飲。雖然係share，但係真係好飽，因為沙律很大碗，食完沙律都飽了一大半。尤其欣賞它的薯仔沙律，好正！反而個通粉份量唔多，海鮮都頗少。沙律反而係我的主菜！冷氣頗凍，記得帶多件衫。同埋8:30後唔可以加錢轉set，所以於8:30 order 較着數。

2個人+左一個salad bar, 材料新鮮且好食.但炸雞奄烈飯一來就有d驚,因為個奄烈好油,反晒光.d雞好嫩滑,不過,我唔太喜歡d炸粉,而且3件好小.個白汁就最唔得,好似奶粉水.個墨汁意就ok,d汁好味但有d似味兒味.我見人地碟芝士焗飯好似好正,下次要try 下

講真，佢唔係話好食到ｄｕｍ一聲，不過＄５５一碟有質素既飯／ｐａｓｔａ，加＄２０有ｓａｌａｄ　ｂａｒ玩下，位處尖沙嘴海港城，我覺得物有所值ｌａｗ！（１）茄汁海鮮飯睇到呢度好多人話好好食，於是就試下，結果無令我失望，飯好有黏性，粒粒都有茄汁，茄汁又唔係一味淨係甜味，係真係食到鮮茄味！！海鮮份量雖多，不過無乜鮮味．食呢個飯，主要係食茄醬同質感～（２）茄汁海鮮湯意粉原理上汁同飯係一樣，不過今次唔係杰身，係希ｄ，西湯咁０既，都好好味～！！沙律ｂａｒ唔係真係有好多款，亦無乜特別靚野，不過好在夠新鮮，粟米好甜，吞拿魚好好味，蒜蓉醬亦好味！ｗａｉｔｒｅｓｓ招呼都ｏｋ，不過因為抵食掛，平日都ｆｕｌｌ　ｈｏｕｓｅ，都幾嘈！我就覺得無乜所謂啦，ｄ人都係斯文樣，無乜問題啦～