UCC Coffee Shop (已結業)

因為Starbucks人滿為患，見這裏環將寬敞舒服，服務生笑容又很親切，於是轉至此，飲杯水小歇。朋友點了法式咖啡，而我則又犯甜癮，揀了紅豆奶昔。法式咖啡做得算講究，奶是已經加好的，在底層，而細杯中則是蜜糖漿。朋友不喜甜而淨飲，問他味道如何，他很滿足的點頭。我雖試過，但自知並不懂得品嘗咖啡，只能說十分香濃，與鮮奶搭配得很合適。朋友常飲咖啡，亦話是他試過的最好的一次，咖啡味很正宗濃厚。而我的紅豆奶昔，剛上來時坦白講有點慌，因為它竟是乳白色的。試過先知紅豆味其實夠濃，只是磨得極碎，混在香醇的鮮奶中“隱身”了。過一陣它們沉澱分層，才顯原形。再次打敗Starbucks，它的red bean frappuccino, 雖然都很美味，但不會如此自始至終的濃郁香滑，只會愈飲愈淡。來UCC，請飲杯咖啡，相信不會失望；嗜甜者，都可以嘗試這裏的奶昔，誠心推薦。

星期日晚黎, 要等一陣位.個裝修幾得, 入到去坐房, 幾舒服. 但係食物完全唔得!個餐有跟湯. 係水湯. 難飲.叫左兩個餐牌上推介既意粉:一個日式醬汁意粉, 其實係面豉醬, 但係好似湯面o甘稀. 完全唔知食緊湯粉定係意粉!另一個三文魚菠菜意粉, 又係o甘. D汁稀到水o甘. 菠菜真係一條條, 好似食緊阿媽煲湯凈低D菜渣o甘.另外叫左個咖哩漢堡扒飯. 個漢堡扒幾好. D肉唔鞋. 但係個咖哩原全唔知乜黎. 又唔辣. 但係又唔係日式咖哩. 總之就難食!!全晚至好食係自砌o既Salad!!

在海港城，想budget control 到，又吃得飽，到UCC 係比較穩陣，因為賣的是標準化的簡餐和輕食。倒是排隊等位，座位都比較擠迫，比較頭痛些少！解決方案係晚上七點前入座，就不用等位。來這兒吃個主食，約$55 ~ $70，係港化的「和式洋食」，骨子賣相佳。大部份人都會加$30，就有湯、自助沙拉、冷熱飲料。誰料，今晚，UCC 完全失準！先是主食「白汁炸雞塊配咖哩雞肉蛋包飯」出事。UCC 的蛋皮過厚過硬，白汁係漿糊貨色，內裡的咖哩雞肉炒飯味道淡茂茂的，飯粒超硬超乾，有幾趟還卡住在食道，險！那兩件炸雞肉係正常的雪藏貨色。忽然懷念臺北「蛋蛋屋」的蛋包飯！！女伴的漢堡鐵板餐，狀甚恐怖，就連意粉都係over-cooked！最正常可能係跟餐的磨菇忌廉湯（金寶湯質素，夠穩陣嘛！）、自助沙拉吧（勝在夠簡單，唔夠煮的罐頭和膠袋貨色。）、凍咖啡（現煮貨色，點都好過茶記的凍啡！）埋單$202，其實唔貴，不過今次師傅手勢真係差到庳，似乎下次要吃D 低風險的食物項目。

下午和朋友六個人一起走進這間餐廳，看見環境還可以，便進去了。一個自助的Salad bar，不過只準拿一次。雖然Salad bar可選的種類不是太多，但味道也不錯的，任何飯、意粉或扒類加$23元便可以。主菜叫了個咖哩海鮮飯，看到一個不錯的賣相，便滿心歡喜準備試第一口。誰知，咖哩的味道竟然怪怪的，不太鹹也不太甜，香味也不太濃，真的有點不能入口的感覺。不過花了一百元(連加一服務費)的大餐，不好吃也可以飽肚的...

Dinner there for several times. Love it's salad bar. . . .!!Curry Beef Rice. . . also good. 要焗果隻bor!!Coffee. . .. woo . . .good!! I like it!!

星期六要返公司做野，又唔想食citysuper food court，所以就試下UCC。去到差唔多2點都仲要等位，照計都唔會太難食既，點知就出事...2個人叫左-日式菇菌帶子意粉($58)::: 味道同普通cafe食緊冇分別，意粉好似未熟，帶子細隻又太\"鞋口\"，紅螞蟻都好食過佢\日式咖喱豬扒飯($58)::: 超級難食!!! 未食過唔係吉列既日式豬扒都算，但係又薄又乾，好明顯就炸得過左火，好似食緊豬肉乾咁!! 飯係好似係日本米，但太\"林\"，好似食緊糊仔咁!!叫menu上面部分食物可以加$23有salad bar同一杯野飲，但salad bar只可以出去出去一次，但我就見到隔離有人食完之後又再出去過... 諗起都好恐怖!!真係唔明d咁既食物質素都可以full house!!!

到Gateway 開會係，晚餐順理成章在Harbour City 解決。女伴選這兒，點了兩個主食（約$60 份），配套餐（另加$30）。主食點了「咖哩海鮮湯意粉」和「咖哩海鮮飯」。日式咖哩的香辛，唔係度度都做到。配套餐，湯係猶如「金寶」字母雜菜湯的紅湯，算濃稠。沙律吧賣相豐富，但其實只有生菜、蕃茄、鳳梨、紅腰豆…。味道麻麻，當係纖維補給站，亦未嘗不可！（同場當然有好多無聊人係度玩叠沙律。結果咪又係食得果一半，浪費浪費！）餐飲點了凍奶茶（好淡）和凍咖啡（好味）。題外話：環境OK，但客路就有點奇相。鄰桌係一對內地情侶，女方忽然從那價值兩萬多的Gucci Indy 手袋拿出兩叠各吋半厚的港幣現鈔，好豪氣！說不嘩然，就是騙人，臉孔強裝無野（莫視），但心中「嘩」了無聲。不是因為那幾萬現鈔，而是驚訝他們唔使用電子貨幣？講真果句，我買嘢唔鐘意用信用卡，鐘意用EPS，即時過數，乾手淨腳，又唔怕出trip 開唔到支票，pay 唔到信用卡公司。

今日同朋友3點幾先睇戲，點半鐘去搵野食，因為唔想行街，所以諗住搵間可以hea到3點幾的cafe，於是，我地說去左ucc啦~我地一行三人，去到等左5分鐘就有位，原來呢到lunch都可以配set，加23蚊，不過，無湯~我地三個人，叫左海鮮蛋包飯、炸雞意粉，再加左一個set~我同朋友出去攞沙律，當然有我最鍾意o既薯蓉，其他料都係平常見過d：水蜜桃、菠蘿、番茄、生菜、栗米、吞拿魚，重有唔係成日有的紅腰豆，不過，就無左o者喱。當我地攞完沙律返去，d主菜已經黎左，我地都係食左沙律先，但到食主菜時，主菜已經凍左...食完之後，佢都走過黎問左3次飲咩餐飲，由於我地只叫左1個set，只有一杯野飲，不過，佢都不斷過黎添水，都ok~整體黎講，我覺得呢間係hea得幾舒服的cafe~~(我係見到無咩人等位先hea架咋，唔好鬧我阻住晒)

同兩位朋友見面，想搵間餐廳坐得comfortable d ~所以選擇lee度~ 我地叫左三個dishes, 加$28, 有沙律吧、餐湯、同Drink ~ 都好抵食~茄汁海鮮燴飯:幾好味，茄味好重白汁海鮮意粉:好一般日式奄烈飯:好味！salad bar:個薯仔salad 正呀！蒜蓉好味~waitress:麻麻地

真係好好好難食.第一次食,開頭見有人排隊等位.心諗都唔差得去邊.等左10MINS,入去坐底,只覺同旁邊的位很近,不舒服.睇左成2個字MENU,雖然無人催叫野,但係水都無一杯,台又唔清潔下(好多水印),覺得好無奈.服務差都唔係問題,心諗都$60/$70(如叫SALAD加$28).野食都唔會難入口啦.SALAD吧平平,洋蔥SOUP垃圾(食到一PAT PAT未溶既野).叫左茄汁海鮮燴飯,0分,無料又無味,難食過隔夜飯.飯一圑圑,吉開入面係白色,明顯係無咩炒過.完全無茄汁味,3個人每人食幾啖都唔想再食.第2樣係海鮮PIZZA,估唔到$65 1個細PIZZA會得3粒帶子.第3樣係咖哩漢保扒飯,D味嘛嘛,漢保都叫唔差既.未食完已經催我地叫野飲.張TABLE已經唔大,放哂D野食,已經無位.真係食得好無癮.最未埋單$250.真係唔值,出面$30茶餐廳餐都好味過佢啦.一定一定一定唔會唔會幫襯.

沙津巴既薯仔仍然出色, 但其他食物如旦包飯d旦老曬, 又包到d飯...日式加哩亦好杰....果塊漢堡扒成塊都係粉&雪味,感覺好似d食物完全無quality control...食物質素都算...始終食一間餐廳的食物再好總有強差人意既時候, 最離譜係侍應服務質素奇差, 唔係個別, 而係有成3, 4 個都係甘. (樓面既waitress我見只得3, 4個)以下為其7宗罪:1) 座低左都唔夠10秒, 就衝埋呢問我地食物, 叫佢轉頭先, 就每隔30秒有找再泥....我老婆仲講緊電話, menu都未打開...2) 等果個黑面神落左order後, 到上菜前都無開水給我們. 由於我老婆大肚,要飲溫開水, 我要求一杯暖水, 一杯凍水, 以我的音量, 黑面神2號無可能聽唔到. 但係1分鐘後佢就砰兩聲擺低左兩杯滾水, 係成起碼有7,80度...最後要勞動經理才有水飲....3) 在suffer在失望之食物途中, 要求加水, 黑面神問都唔問就倒左兩杯再滾d既滾水落泥....4) 當一個主食食完後,另一個還未到...招手找個侍應跟進, 佢第一句係用極不耐煩的語氣"點呀又?"....5) 用極不愉快的心情完

食完樓上super sandwiches 抵食二人餐後另一朋友先到....轉戰UCC...佢食焗飯我地食甜品...要左個芒果waffle...waffle 外脆內軟....好正....芒果又甜....食完飽到上心口....

大除夕到處也人頭擁擁，食飯的地方人也特別多，價錢又特別貴。幸而時間尚早，兩個人在不用等位的情況下，找到了UCC的吸煙房。來UCC其實也不再貪渠好食、也不貪其咖啡好飲，反而價錢適中、環境高雅、又有自助沙律吧才是賣點。以往的服務也很多，但當日負責那間房的侍應一般。點了茄汁海鮮意大利飯與芝士海鮮意粉。對自助沙律吧有點失望，只有吞拿魚及長通粉沙律，生菜不多，醬汁選擇也不及以前的多，又沒有脆脆麵包粒，比以往差很多。主菜基本上保持了水準，但感覺不太好，意大利飯飯質造對了，但茄汁過分的乾身，質感不好。對於那僅有的一片青口及帶子也沒有太大期望。餐飲例牌點熱咖啡，還好的咖啡味不算濃，但那小瓶奶依然香濃，質感很滑，算是補償了沙律吧的不足吧。環境確實不錯，每張也是四人方檯，兩個人坐、就算四個人坐起來也很舒適，梳化凳又好坐，水晶燈與火爐壁有點味道。

今晚八點半先食聖誕自助餐，所以五點半去呢度食下午茶，發覺其他人已經食晚飯。叫了朱古力夾餅和蒜蓉多士，夾餅配朱古力雪糕好好味。多士好像賣剩的麵包皮一樣，水準極差。不過食完個夾餅都己飽了。

與男友在港島遊玩完畢，一起到tst的ucc晚餐。由於沒有book位，我們6點半已到達，但門口已有很多人在等候了!我們要等三十多張枱才可入座，但沒有想到，竟然30mins後就可入座了!我們要了海鮮意大利飯餐和煙肉忌廉意粉。正當我們在堆salad的時候，侍應已送上餐湯及飯!!真的不得不驚嘆其快!難怪如此快有位。意粉和飯都好食，可惜salad食不到薯仔。再加上一杯ucc咖啡，感到很完美。可能心理作用，總覺得在這裡的咖啡總比在其他餐廳喝的ucc coffee來得好味。不過是晚平安夜客人很多，很嘈，枱與枱之間沒有空間，感覺像搭枱。值得一提，餐具很dirty。