Two Days per Week (已結業)

見友人寫得甘高興, 湊個熱鬧黎試. 聽返來的comment係湯好飲, 意粉麻麻. 坐裏面. Bar 檯凳. 冇凳背唔係幾舒服. 一坐低未叫野已黎個湯. 果然快手.是日餐湯羅宋湯: 水左d, 但個味幾好. 料都OK夠.芝士侷豬扒飯: 個茄汁好好味. 好味過大家樂. 但豬扒麻麻. 少少"膿", 鞋~ 不過成碟野最大問題係個兜太細, d 汁一路食一路漏出黎. 同埋佢冇切開塊豬扒. 但個兜本身又好"兜", 自己切又切唔到. 食得有d辛苦. 連餐茶.老細卑想像中後生, 冇乜點講野, 可能多人唔得閒. 服務ok. 衛生情況可以改善下. 放嚮度d 野有塵. 總結: OK 啦. 野食幾好味. 但其他野要改善下.

四月八日 (星期三)今天在鰂魚涌"上班",終於可以有機會聽聞已久的"每星期兩天""Two days per week" 位於眾多食肆之後一條街,應會被搶去了很多生意,有點蝕底今晚七時來到,有點害怕和擔心,因一個客人都看不到,只看到三位職員在店內閒談但既然決定了,就儘管一試相位這三位職員也是這裡的老闆罷入內,他們熱情的款待令我們先前的憂慮掃除了不少經過老闆的詳細解釋,我們選了以下兩道菜:西蘭花煙肉波菜長通粉拌勻了波菜蓉的長通粉,很入味,煮得剛好,不太硬又不太林煙肉是切成碎粒的,但味道依然西蘭花更是我倆的至愛,很新鮮白汁青衣柳意粉用了較少店鋪採用的青衣肉質雖沒龍脷那麼滑,但勝在更有魚味魚肉質較煙韌,而在煎得恰到好處意粉用了扁意粉,我們較喜歡平時的,因更有口感白汁配上意粉,永遠是老公仔的至愛可能附近有大形屋苑,所以這裡的夜市較淡靜不過,依觀察所得,進食期間,有不少食客前來叫外賣或許,我們是這晚的堂食稀客不過,靜有靜的好,至少可以一邊看壹週刊,一面慢慢品嚐美食,悠然自得相信午市會是不同的景象,有盛意的食肆,是值得每星期來兩次的!

又係我.又係呢間.老細依然記得我係邊個....anyways今次個湯仲係好好味.主食係魚 + 菠菜麵.老細提話下個月會轉餐牌. 放完大假再去食先.

我同意: 呢到個老細真係好健談. 不過唔係同我.haha我去過呢到兩次, 每次想飲好味既湯都只係諗起呢到.一次飲雜菜湯 (清底), 一次飲粟米 (忌廉底)都好好飲.不過第一次去食一個蒜頭炒雜菜白汁菠菜麵. 廚房唔記得俾白汁o係面, 乾啃左個麵. 第二次去叫番同一款野睇下係咪又無白汁. 今次就有番. 好味好多.呢款意粉有條長青豆o係面, 上次食條豆無meet 梗 (呢d豆兩邊都有條梗, 要度走先得!), 食到我呢...店到經常播法文歌. 唔知老闆係咪識聽?????下午茶平d. 佢既lunch包飲品, 加湯要加幾蚊. 請留意.

12/2(四) 2:15pm海澤街的"Two Days per Week ",顧名思義,主觀願望是冀望食客一星期光顧兩次,事實並非如此.待人潮減退,跟同事們前來,以卡邦尼意粉$29及野菌菠菜麵$28作午餐.兩者除選用不同型號的意粉外,白汁同出一轍;欠缺了主角--煙肉的卡邦尼意粉猶欠靈魂,了無生氣...此外,原本亦以煙肉入饌的野菌菠菜麵以烚蛋代替煙肉,配以質地稀薄的白汁...再接再厲的是僅微暖,味道帶酸的港式咖啡.年青的長舌老闆兼廚師為此餐雪上加霜;屢次唐突坐下搭訕,喋喋不休,滋擾不斷!

前幾天一行六人到了附近的名時裝設計師 exhibition 參觀，離開時途經此餐廳，見餐廳的紅白裝潢幾舒服，於是便決定入內試試。甫入店內見到開放式的bar，店舖雖小但由於採用了落地玻璃，半化開放式的設計所以一點也不覺得侷促，感覺幾cozy。餐廳內的枱椅都比較高身，有點像cafe的感覺。另外餐廳內播放著一些輕快的外國音樂(音響好像也不錯)，令餐廳內的氣氛幾柔和，幾舒服。各人揀選了以下菜色﹝晚餐﹞：前菜：黑椒煙肉碎蛋薯仔沙律特色肉丸主菜：香草煎羊脾扒配紅酒煮扁意粉香煎雞扒拌香蔥鰻汁配紅蘿蔔飯法式焗青口配白酒煮扁意粉香草海鮮白汁煮扁意粉甜品：Banana egg飲品：熱情果特飲、水蜜桃特飲推介：黑椒煙肉碎蛋薯仔沙律 – 一點也不普通的薯仔沙律！薯仔咬落軟硬適中，一點都唔粉！沙律醬帶有清香香草味，再加上煙肉，十分惹味！特色肉丸 – 肉質鮮味、多汁，配上黑椒&芥末汁，十分開胃！香草煎羊脾扒配紅酒煮扁意粉 – (羊脾扒好像在一般西餐廳比較少見，一般羊架較常見?) 本人是不喜歡吃羊的，但友人個個都贊個不停，說一點也沒有羊騷味，令我也忍不住要試一下！結果真的一點也不騷，還有點兒像牛肉的味道！肉質鮮嫩，

同個朋友經過海澤街見到呢間野裝修得唔錯就入左去試下。望落d 價錢一d都唔貴, 加HKD20還有前菜及甜品!首先來個雜菜湯，有薯仔西芹紅蘿蔔，落足材料好夠味道　然後就是前菜黑椒煙肉薯仔沙津伴火雞片。我點的主菜係6成熟的黑椒Sirloin steak配白酒煮扁意粉，肉汁質地不俗。ｄ意粉好香蒜頭味。我朋友點了香草煎羊脾扒配白酒煮扁意粉，我不太吃羊肉因為怕有騷味，但仍然嘗試少許，竟然一點騷味也沒有。最後甜品係banana egg，幾有特色，賣相都唔錯，又有雪糕及wafar伴碟。還有杯餐飲　熱情果茶(hot) 好香。整體來說食物賣相唔錯，食物配搭好有心思，對比起其他餐廳，很難用呢個價錢去食呢D野。待應服務亦有禮，座位算寬敞，亦會播放著音樂。有機會再可一試　

嚴格來說，這店較像一間café。舖內有數張高身bar枱，舖外放了二張長枱，座位不多。午市套餐有十數款，價錢三四十元，連冷熱飲品一杯，尚算合理。食物賣相不俗，用料不錯。今天試了燒牛肉紅蘿蔔飯，整體味道唔錯，唔會求其俾塊牛扒你就當燒牛肉。燒牛肉薄切，大概六成熟，唔韌，有牛味。燒汁調校亦ok。白飯中混了紅蘿蔔粒，增添了色彩。另外，我也試了她的雜菜湯，味道顏色清清的，都唔錯。同事試了其他主菜，反應亦不俗。待應服務算殷切有禮，值得一試。