TV @ 30 & 鳥 at 29 (已結業)

今個星期六，我同我班好同學一共五個人去左一間環境都幾好既泰式餐廳食晚飯。餐廳服務同食物都幾好，我下次一定會再帶朋友再黎過。1. 手打蝦餅(蝦餅彈牙，鮮甜，值得推介)2. 滑蛋煎蠔餅(道菜是用鐵板上既，蛋滑、蠔甜、芽 菜既拌碟洽當地令依道菜無咁油膩，好味)3. 飛天通菜(味道只屬一般，同普通餐廳既蒜蓉辣椒炒 通菜沒咩分別)4. 黃咖喱炒肉蟹(咖喱味濃及甜，係餐既招牌菜之一， 只可惜依家無膏蟹，如果唔係仲正)5. 黃咖喱牛腩(咖喱味清及甜，可惜牛腩一般)6. 磚頭蒜蓉包(用黎點黃咖喱超好味，必定要食)7. 泰式雞(味道比較淡，同海南雞有點相似，唔值 得一試)8. 甜品-椰汁大菜糕(因為太飽既關係，我冇食到，不 過聽我既同學講味道都唔錯既)美中不足既是因為天氣既關係我地今次試唔到依度既招牌菜- 泰式生蝦刺身，下次去我一定會試試。

本人在８月１２日到該處食晚飯，當我們坐下，侍應把水和前菜一同送上，此餐廳的服務及食物水準尚算滿意．但埋單的時侯卻發現　”前菜　”帯子裙邊(Bird open food)收取２客共$56元,即＄２８元一個前菜，由於此前菜的份量相當細小，質數一般，份量亦相等於在迴轉壽司店的半碟前菜份量，本人覺得此價錢實在不合理！請大家留意留意！

我2個人7:00p.m.去到﹐無咩人等﹐叫左下列食品﹕1/活蝦刺身- 呢個真係好好味﹗值得一試最特別蝦頭是炸, 而且很香;再加上醬料惹味。78元有12隻, 算合理2/燒乳豬, 不過不失, 我在香港的tv at 10試過好食好多, 所以比較失望 3/蒜蓉包- 很好味, 熱騰騰, 又唔貴overall, 下次再去, 都是因為想食活蝦刺身, 應該是招牌菜

order左勁多野！都無乜邊樣特別好食！1.D食物都偏鹹。2.好多菜式都無呀！-Curry crab-D crab又不太新鮮，又鹹！加了garlic bread之後就更鹹!!!!!!-柚子shrimp salad-一D都不好味，好似不夠味，又不夠sour，shrimp又不新鮮！-鳳爪salad-又不夠酸-燒牛扒、燒豬頸肉、燒尤魚...都是好普通-串燒-就更加唔掂！-魚-又不新鮮，我們都沒有人吃-越式青口，我都沒吃，你們可以試試！個通菜就最ok總之今次就中伏...................叫他們去這thai restaurant ，負上了罪名......

講佢和食店, 其實都唔係咁有和風味, 店內嚴格講有一種騎呢感覺, 當晚坐位感覺上似去吧多, 黑, 西西化化, 但另一邊就好日式, 柚木bar 石英射燈, 兩種風格極不配合. 仲以為係兩間鋪. 有便當至愛當然唔駛講, order , 可惜係低水準之作, 表現眼前剌身, 摸黑博大霧都逃唔過法眼, 啞色, 咁攪. 如見光實即死. 唔通係原創無添加產品? 總之, 剌身實在失色. 另外前菜毛豆. 個人唔鐘意. 豆咬得碎, 豆衣咬一百次都唔爛要成塊吞落肚, 咁食好無意思. 不過便當內熟食算係咁, 所以講, 呢度都唔知係咪做開西餐掛名和食店.咁一種日式店實在同上面酒店lobby 果間有天淵之別. 所謂日菜, 扼得過上面熊貓自由行客, 但扼唔過本地經常可食到日菜香港人.

A friend bought us there for the first time, and I am very impressed with their food quality. I especially like their yellow curry and Garlic bread. We went back there for a few times, and has the same enjoyment every time. The waiters & waitress there are very polite, but may need more training.

是次一家四口夜晚十點幾去到﹐無咩人等﹐坐低諗左陣﹐叫左下列食品﹕1/活蝦刺身- 呢個真係好好味﹗蝦都尚算鮮味﹐而鋪面嘅醬料(辣椒+蒜蓉+魚露)又係超惹味喎。梅花間竹鋪碟既蝦頭亦炸得好甘香鬆化﹔2/香芒扎肉沙律- 呢味唔係好掂。唔知點解﹐個沙律幾暖/熱﹐好影響個味道。。。3/炸蝦餅- 好彈牙﹑味道鮮美﹑仲要好大碟﹗熱辣辣超正﹔4/咖哩牛筋腩煲- 估佢唔到﹗牛腩同牛筋煮得好稔好滑- 注意係要加埋好滑﹗呢樣真係唔係間間做到﹗又﹐個咖哩汁係偏馬來咖哩味﹐正正係全家都鍾意嘅味道﹗5/蒜蓉包- 唔使多講﹐有咖哩點可以無佢﹖有幾好食可睇之前幾位網友介紹﹔6/金不換茄子豆腐煲- 全晚敗筆一號。除左豆腐真係好滑入口即溶外﹐我諗唔到有咩可取之處﹔7/蝦醬炒飯- 不過不失﹐尚可接受。但係我覺得餐牌上其他炒飯會好食好多。。。既有敗筆一﹐就梗有敗筆二啦- 話說一開始叫左個煎倉魚﹐點知等左成粒鐘都無黎。問個侍應啦﹐佢話唔記得左撈﹐仲游緊水- WELL﹐有小許吹啤之感﹗還幸已經飽飽﹐無所謂囉。又﹐是晚叫左五杯飲料﹐埋單價$620抵唔抵食DEPENDS啦﹐全灣黎講﹐算好OK架啦。

今日忍唔住再去食,菜單同上次差唔多,有秘製蟶子沙律,生蝦刺生,泰式燒乳豬同椰青... （本來仲有通菜，但佢o地話冇通菜,所以冇菜食）唔知點解今日比上次多好多人,攪到我地要等位.. 但好快就有,所以都ok啦...可能因為太多人,攪到D waiter 都好滾水淥腳,隻碟未放好就已經走o左去,o野食o黎到但D碟又唔到,都係要叫至有．．o野食今次好快o黎,食物o既溫度話俾我地知今次唔係即叫即整，但味道依然ok!P.S. 開始覺得個老細<?>成日sell貴o野，當我地話要乳豬,佢就游說我o地叫什麼魚呀，蟹呀，話乳豬最少要45分鐘先有，點知我o地冇理佢照叫，就十分鐘之內到，雖然只有微温，但味道都ok!

自從o係九龍城食完好味o既泰菜後,就一直對泰式生蝦刺生念念不忘,成日都想搵o黎食,適逢今日行開熊貓酒店o個頭辦事,又冇乜胃口,於是就諗住去荃灣廣場食泰菜,其實o個邊間泰菜並不好食,只不過因為我o地實在太冇胃口但就剩係想食生蝦,所以就算遠都打算行去,但好好彩地,當我o地行過TV AT 30時,就意外地發現原來呢度都有泰菜食,仲要有生蝦,同埋當我o地o係鋪外研究菜牌時,個staff好有心機咁sell我o地,雖然佢好似好假咁樣樣都話好食,但因為我o地見D食物都幾o岩口味,所以都決定會幫襯,但礙於未太肚餓,於是同staff講我o地都係行下先,出乎意料之外,佢不但冇死拉住我o地,仲笑口'細細'咁話好同俾o左張卡片我地就放我o地走...行完街入到去坐低都八點半,一口氣叫o左四款菜: 泰式生蝦刺生, 秘制蟶子沙律,飛天通菜同燒乳豬... 等o左好一陣,先等到蟶子沙律,個waiter 好似想攪下氣氛咁嗌'聖旨到',雖然當時冇乜反應,但都覺得幾得意...一食落口雖然真係幾辣,但就好好味,... 我o地食下呌下飲下水都拖o左好耐,到我地差唔多食完佢先o黎第二道菜- 泰式生蝦刺生, 呢一個菜比起我o地o係其

服務太度好--每次經過這間餐廳，經理都會好落力咁sale，所以今次咪試下。食物到齊，食到大半時，waiter 會走過來問呢野食ok嗎，答完佢，轉頭又有個waiter走過來問呢野食ok嗎.好似驚死你唔滿意咁。雖然煩就煩咗d，但這種服務太度係值得讚賞。兩個人叫咗三個餸，一個咖哩炒蟹，一個粉絲雜菜煲，一個包。咖哩炒蟹好大隻，很新鮮，但我就覺得好辣。粉絲雜菜煲都唔錯，一般la。個包幾特別，用來點咖哩食都ok。餐廳播的音樂開得太大聲，有點嘈。

今日下午到那兒吃了日式定食, 嘩, 件三文魚好唔新鮮,, 而且有一件一pet pet 既壽司, 好惡心, 前菜係一碟白菜仔加豉油, 有點怪. 店內的待應, 好像不熟手似的, 對客不太禮貌, 好似我落單時, 有個好cool, around 30yrs old 既waiter 面無笑容地落單, 我問佢野, 佢重用手撥一撥, 指示叫我唔好問佢住, 十分不知所謂, 佢心口重有個"welcome you"既牌, 真係可笑. 唔會再來了, 不想再受氣!

蒜蓉包脆脆的，好味~雞翼薯條都好好味！薯條好正~不過我都係鍾意食雞脾多d！正~!原來飲品可以選蜂蜜綠茶~

炸雞脾+薯條好正！好香口~薯條好好味，不過少o左d~雞脾香脆~但又不會過乾~掂！蘑菇蜆肉Carbonara幾creamy!唔錯！上次來過食lunch~食牛仔骨，又係好好味~呢間野真係掂！哈哈~

星期六晚，門口有個牌寫著特價菜~試了$50半隻泰式雞，有點像海南雞！雞皮不肥，嫩滑好吃！$50好像是招牌菜的蛋煎蠔超好吃！最好味~蛋是一般，但蠔好像很新鮮，很肥美(雖然只是細細隻)~之後叫了個菠蘿雞絲炒飯，一般，原來是咖喱味的~由於店內已滿，我們坐在室外的位，侍應體貼地為我們開冷風機，值得一讚！不過卻聽聞另一枱多次落錯單，不過好像是新餐廳，俾次機會啦！哈哈！d侍應都好辛苦o架！

星期日叫兩個set雞扒烏冬+ drink豬扒烏冬+ drinkTOTAL : $100食物一般, 但跟SET的甜糕好好食招呼一般