TV @ 30 & 鳥 at 29 (已結業)

好耐無去，今次想去回味那個椰汁大頭蝦湯。但餐牌上找不到，已經沒有供應，好失望，早知的話不會再來。叫了一客紅酒牛尾煲，水汪汪，味道還算可以。越式薄餅，好油，下次咪搞。招呼都算幾好，不過坐的位置隔鄰係卡啦OK，好嘈。水準一般，沒有什麼叫人回味的賣點，下次不會再去。

雖然價錢不算好貴,但在此區及此環境就一點也不值得.而且服務質素完全唔掂.豬軟骨拉麵$38 ~ 豬軟骨好少好細件,拉麵煮得過火了馬刀貝壽司$15 ~ 幾特別霜燒彩虹卷$68 ~ 內有三文魚,吞拿魚,鱆紅魚,用火輕輕的燒過,OK喎

呢間(鳥)個環境唔錯,服務ok..set lunch價錢唔算貴,平均每位$30-50不等.我最鍾意食佢網燒西冷牛扒定食lunch..^.^時間整得剛剛好.d肉汁好香好味,重有鮮魷桶例食...hahahhaa

環境是OK的，午餐的價錢也OK。平均$3X-$5X一個set, 有野飲同甜品。我要了雞扒烏冬，呢個好好味。跟餐的甜品是一件小布甸，味道過甜。朋友叫的是吉列蝦定食，味道都好，尤其係個用來點蝦的沙律醬。哈!!

第一次黎呢間餐廳,感覺唔錯,環境幾舒服~食物方面,有平有貴囉...好似話海胆呀~天婦羅呀~set dinner呀~ 個d 都幾低食~~各類刺身都幾新鮮~~d 服務都幾好,d 侍應行到埋黎實會笑笑口咁嫁~~一句講哂~呢度幾舒服囉佢有個刺身拼盆幾低食,2百幾蚊,真係樣樣食齊~我記得有活赤貝-帶子-甜虾-金蒼-劍魚-三文-八爪魚...總知有8樣野啦~~每樣都有3片~~散叫個價實唔止啦!超好味丫>"<下次會約埋成班fd 黎~~等大家知道有呢個好去處~~

之前食過啦，無咩太特別，今日又同一班人去吃。都係唔正宗的泰菜咁啦，d野都唔辣，冬蔭公得個鹹味，甜點又唔係咁得, 服務亦一般，水都要等好耐。又唔係太醒目。青咖喱係好味過黃咖喱，黃咖喱不辣的。叫左個叫擲界多士，賣相都幾特別，係幾條好厚既多士搭卡啦卡啦咁搭高囉。其他，無咩特別，所以唔寫。可能係心情影響食慾啦。

4月9日約咗幾個舊同學一齊食飯, 有人提議呢間都試得過, 所以就一試! 我地3個人叫咗個2人餐加個炒粉, 味道都ok, 環境都算幾好, 就算嗰日係假期人都唔太多, waiter態度殷勤, 不時問我地d野好唔好食, 啱唔啱食, 見我地有一客泰式鳯爪食剩, 都細心問我地係咪太辣, 態度好到不得了!我地叫既2人餐如下:1) 蒜茸包2) 咖哩蝦3) 鹹魚炒芥蘭4) 小食併盤5) 泰式鳯爪另加泰式炒河

第一次吃已經是上年十二月的事了。係看完朋友婚禮之後吃Tea，見裝修幾靚呀。主要吃泰式東西，tea set係特式麵包，沙律，或湯粉麵等。都很好吃的。服務唔錯。

我地一家5口, 4個大人, 1個細蚊女, 第一次去呢處食晚飯, 點左都唔少野, 野食價錢俾我心目中貴, 不過唔係成日咁樣食, 都無乜所謂... 我地見有waiter攞甜品俾客人, 咁我地當然問下waiter喇, 跟住佢\\\話要問一問經理先, 最後都有送, 其實間公司都唔係收得平, 送少少甜品俾客人都無乜所謂啦, 唔洗左問右問呀! 埋單俾錢$650大洋左右, 但有樣野唔明就係居然每人要收茶位之類既收費, 收左我地$50大洋, 另外重有加一喎, 真係唔應該囉, 你估你係酒樓咩!!! 所以覺得好唔抵食, 唔係好食定唔好食既問題囉.....

適逢深圳同事到港辦簽證，經理請吃晚飯。不想捨近求遠，就到這兒來一頓泰國菜。環境不俗，咖哩蝦做得不錯、青咖哩什菜煲稍甜、馬拉盞炒芥蘭算是中規中矩。服務，也很不錯。冬蔭功湯，不夠辣，但材料豐富。怕辣的朋友也可以一試這店。

第一次去，叫了四樣野：椰汁大頭蝦湯好好味，值得再試。不過好腻，叫了個細的兩個人飲完都幾乎飽。豬頸肉都算好味，但沒什麼特別，和我自己做的差不多。滑蛋煎蠔餅唔係好得，水汪汪冇乜味，潮洲打冷的煎蠔仔餅好食得多。擇界蒜蓉多士個名夠古怪，味道一般。不過很大份，六大件加埋幾乎有一磅方包咁多，食完都飽晒。招呼都幾好，可以考慮再去。

家人下星期出殯。趁星期日唔使返工，去修修髮，免得到時頭髮過長，先人在天之靈看到也不好。可能近過年，舖頭人山人海，我先去吃個下午茶再來過。於是，獨個兒到附近的TV at 30去。選擇唔多，只得湯粉既下午茶餐。都冇所謂，反正志不在食。我點了香芧雞扒湯檬，飲黑加倫子梳打。先來梳打，可能平時很少會飲到，感覺唔太甜，但幾清新。香芧雞扒湯檬，檬粉加芽菜幾爽口，雞扒也夠味，亦不"韌"；不過就找不到香芧的蹤影。花了約45分鐘在此餐廳，再回理髮店恤髮。間中食個湯檬，嘆杯特飲，思想一下，這樣的生活也不錯。

早兩晚去左呢度食野,叫左個泰日式兩色火鍋(原絛魚及牛肉)($238),一煲蟹粥(好大煲架)($88),兩杯特飲(@10跟餐價),魚及牛肉好新鮮湯底都幾好味,個粥都好鮮味同煲得好靚,特飲都ok,值得一提係送的甜品都好好食......而呢度服務都好好,雖然唔係一種好高級的感覺,但係佢地都好殷勤,好樂意去為客人服務......不過上述食物就唔太平了,二人吃了400元....不過都ok啦,因為好好食.......

今晚同我媽媽去食晚飯,因為之前有線活得很滋味介紹過,想試試!!!叫左1.炸皮蛋(蝦膠包住隻皮蛋)2.黃咖哩鴨胸煲(連4條蒜茸包)3.串燒半打(牛肉)4.波羅海鮮炒飯5.雜菌炒露荀首先,炸皮蛋個蝦膠唔夠硬,幾削,唔多掂,我覺得旺角街邊的更好味。第二,個咖哩都麻麻,得5-6舊鴨而且不是全部胸(我只愛食鴨胸,其他部位唔食既),咖哩味道一般,入面d青豆係苦既,跟果4條蒜茸包都不太脆,仲要呢個煲要118蚊!第三,串燒我地選左牛肉,好un,un到咬唔開,而且無咩味,但用黎點串燒既沙爹汁就不錯!第四,呢個炒飯無咩點食,食左兩啖覺得一般,甜甜地咁,但真係好大兜!第五,雜菌炒露荀係一般既貨色,不差都不算好!但係呢餐食左四百幾蚊!!!完全唔抵!!!實在好貴!!!如果好好食都話,仲要咁既質素!!!要一提既係服務不錯!侍應哥哥上餐時,見蒜茸包好燶,都主動問我地需唔需要換!之後都走黎問意見覺得好唔好食,不過真係唔多好食!!!同埋阿侍應哥哥送左兩杯青檸梳打比我同媽咪飲!!!不過無下次,唔會再黎呢間野食!!!

1. 手打蝦餅- 呢個菜係全晚最好食既！几有水準！夠彈牙！2. 滑蛋煎蠔餅- 唔好食！蠔好腥，芽菜唔熟令到更腥。3. 芒果炒飯(大概係咁既名) - 芒果同飯唔係一齊炒。芒果係鋪係飯上面，雖然D芒果几甜，但係咁樣都唔係叫芒果炒飯啦。同埋個炒飯好一般，冇乜味。4. 蒜蓉包- 几得意！冇諗過係咁樣，仲以為一係塊塊。未食過可以試下。5. 珍多冰- 一D都唔似泰式飲品，好難飲！餐廳環境一般，音樂好大聲好嘈！D野食都几大碟！但食物選擇太少。侍應未免有D煩，剛剛坐低想睇下有乜食，不停咁走埋黎介紹。同佢講我地自己睇下先，但唔夠一分鐘又再走埋黎，前后几次，好似驚死我地唔落單走人咁。但應該都唔會再去食。