TV @ 30 & 鳥 at 29 (已結業)

今晚4大2細去食,叫咗蒜茸包X6條....好食,夠香,又唔會好乾,配咖哩汁好正越式薄餅X2塊....OK,都係用來配咖哩汁好食黃咖哩牛肉....只係一般,因為D牛肉一D口感都無,又無咩肉味,不過咖哩汁就OK,好彩有叫蒜茸包同越式薄餅!!芒果炒飯....好奇怪,炒飯帶有甜味,後來謎團終於解開,因為我食咗一啖有舊糖未熔炒粉(唔記得叫咩炒粉).....都係一般啦,但係都係甜甜地架喎三文魚壽司X10.....三文魚唔算肥美,最攪鬼係D米甜嘅,真係好怪三文魚手卷X1....同壽司一樣蟹柳手卷X1....呢件係個小朋友食,不過可想而知D米都係甜甜地加州反卷X6件....呢個我無食過,不過都係果句,佢地話D米甜甜地有D怪玉子卷X6....完全無祈望啦,又係甜嘅甜蕃薯天婦羅....呢樣最詭異,上面樣樣唔應該甜嘅就甜,但係甜蕃薯就唔甜,係咪玩野羊架X1....呢件係OK架,不過唔可以食太生嘅就要叫佢整熟少少!講真,野食就一般過一般,不過價錢算OK啦,我地今晚食咗$496,不過就無咩意欲會再食,因為食唔慣樣樣都係甜椰椰....

今次第一次去食, 感覺都幾好服務都唔錯, 食物質素都ok, 可以再去嘅餐廳

琴日一家人去荃灣悅來酒店探一個係星加坡過離玩嘅親戚,係酒店商場見到間餐廳幾特別就入去試下,初時係著就腳都唔抱期望,我地order咗個刺身併盤,一個大蝦天婦羅同手打蝦餅做頭盤,D刺身勁新鮮,尤其是三文魚,大大件又非常鮮甜,我地都忍唔著叫多兩份,天婦羅都唔錯,而手打蝦餅就好彈牙同好香蝦味,主菜叫左個黃咖喱炒蟹加四件蒜茸包,原來蒜茸包點咖喱蟹汁係咁好食嘅,真正絕配,親戚重話好食過佢地個便D咖喱添,其間見到D好似泰國人係廚房出入,唔怪得咁正宗啦!最後佢地送左幾粒甜品比我地,雖然少D(一人得一粒)但係又幾好味. 

之前同公司 d 同事去左荃灣打羽毛球，打完之後，就黎左悅來坊商場呢間 TV at 30 食晚餐。起初見餐廳入面冇乜人，仲以為佢 d 野唔多掂，不過因為懶得再行，先至入去做「白老鼠」。坐低後就開始叫野食，可能因為客比較少既關係，個侍應係咁同我地吹水~~傾左一陣後，最後就叫左以下既食物~~~蒜蓉包好好食，外脆內軟，加上個樣又好有特色，正！三文魚手卷絕不欺場，由前至底都有三文魚，唔似得某 d cheap cheap 日本餐廳咁，淨係得面果丁屎咁大塊既三文魚黎呃錢~~ 海南雞，好厚好大件！但最衰係佢仲見血...........唉~泰式炒菜唔係話唔好食，但天下「炒菜」一樣款........咁同日式、中式、粵式有乜分別.........泰式牛肉炒河...............同上面一樣，同其他「式」冇乜分別............蟹子炒飯！正！啖啖都有爆蟹子既感覺！椰汁糕，味道唔錯，但唔係用葉包住就比較失色少少。生果涼粉 & 西米，正正常常，唔多有特別~~

6/2/2009 (星期四)今日 Lunch 同同事一齊去呢間餐廳食飯，平時都間中有嚟幫親呢間餐廳，因為佢地點就腳，交通方便，係悅來酒店地下，門口就有的士站，而且環境唔錯都幾好坐，侍應的服務都幾好。Lunch set 價錢合理，由$29-$46 (要收加一)，款式幾多，有泰式及日式食物供應，亦有日式便當，包飲品一杯，凍飲唔須要好似茶餐廳另外加錢，如果想飲特飲(珍多冰、三色冰、咸檸蜜糖梳打….)就比多$5啦。我叫咗一個泰式海鮮泡飯($30)，可揀清湯底或冬蔭公湯底，我唔食得辣，所以揀咗清湯底。我嘅例牌係凍檸茶少冰少甜，不過好耐無飲過咸檸蜜糖梳打，所以揀咗佢。海鮮泡飯都幾多料，有兩隻青口，仲有尤魚同蝦仁，清湯底幾好飲，不過味精多，番到公司猛咁飲水，泡飯都幾好食，我唔鍾意食軟飯，呢間餐廳的泡飯軟硬適中，幾啱我口味。咸檸蜜糖梳打就有D令人失望，飲落好似咸檸七好飲D，而且只係得半個檸檬，個檸檬仲好袖珍，好似泰國青檸咁細個，唔係花旗國嘅新奇士檸檬。

返完教會有一段空檔時間, 未能跟大伙兒去飲茶, 故只好獨個兒尋食.以前的八佰伴全面裝修了以後都好少去, 只去過一次Fat Angelos, 今次步入TV30全因佢個格局好似幾適合一個人食飯, 而且lunch set價錢都頗公道呢!餐牌的選擇很有趣, 一係泰式, 一係日式, 門口display明明放住個便當, 裡面又放泰式的擺設, 是positioning不夠清淅, 還是想做大路生意?選了至愛的鰻魚拉麵, 完全跟正宗拉不上關係, 超港式, 港式的湯底, 冇溏心蛋, 頹頹的"6"了個拉麵, 撻兩塊鰻魚, ok交貨........幸好鰻魚是至愛, 厚厚地加埋d燒汁, 都唔會差得去邊ge, 但不用再來了.

summer holiday黎左幾次好鍾意坐面.個feel幾好.可以smoking不過d音樂太大聲喇今次食左:手打蝦餅(呢個真系好好味.好彈牙)咖哩蟹(OK啦)咩知咩咩薄餅(太油了.下次咪攪)炒通菜(好硬.吾知點解有腥味lor)blueberry cheese cake(賣相幾好.ok啦)服務員好nice.笑容好好.好細心.會問下你d野好吾好食.同你傾計甘.同埋黎左1~2次就認得你不過埋單收錢果個肥婆好冇禮儀.多謝晒都冇.好似好趕甘

忘記帶相機，就用新買的500萬像數手機來拍，總覺得效果不是太理想。鳥 at 29，原本標榜是做泰國菜，後來改吓改吓，家陣越南菜又做，甚至日本定食都有，餐廳裡面還播放著英文歌，好聽ｄ叫做新派fusion，難聽一句就係做到不倫不類。不過，價錢唔會太貴，當是食快餐咁都好。是日就一行四人來食飯餐，瞄瞄餐牌後拿定主意叫幾個菜大家share食。來一客燒豬頸肉、濕炒海鮮河、香芒蟹肉炒飯及馬拉棧通菜。服務員後來話沒有芒果，問介唔介意不要芒果，多給一些蟹肉。經商議後，決定照殺。馬拉棧通菜，蒜茸、椒絲、薑絲唔少，通菜炒得好香，又夠青綠，色水配搭甚好，而且十分野味；燒豬頸肉，唔會過份乾身，也不是太韌，咬落肉質其實好爽口，而邊有小小脆，再點上醬料，也是出色。蟹肉炒飯也不算差，起碼蟹肉夠多又大粒，口感不錯。飯本身炒得幾乾身，不會油淋淋咁。最後的濕炒海鮮河，有魷魚、蝦、青口等，濕炒比較開胃，汁也好有味，魷魚爽口而不硬，大家都幾滿意。服務員話頭醒尾，值得一讚！

很久也沒有到荃灣逛逛,今次適逢在附近打保齡球, 又有荃灣的居民帶路,所以就到悅來坊吃晚飯.原來想到3樓的金田日本料理進餐,可是人太多, 不知等位等到何時,於是就轉到地下的"鳥 at 29"去.現在的"鳥 at 29"好像不再主攻日本料理,反而它改了名字為"西泰日創意餐廳",顧名思義, 它有日本菜, 又有西餐, 更有泰國菜.最後, 我們大部分人都叫了醬汁豬軟骨拉麵,還叫了蒜茸飽和泰式串燒讓大家分享.首先上菜的是蒜茸飽, 我們都很滿意.蒜味濃厚, 飽也烘得軟綿綿, 比Pizza Hut的好吃.之後醬汁豬軟骨拉麵也來了,可是我覺得這個拉麵毫無特色,豬軟骨不是軟稔稔的, 湯底也熬得不夠濃.一會兒後, 串燒也到來了, 有豬肉, 牛肉和雞肉串燒.跟那拉麵相似, 串燒醬汁不夠濃,而肉質也不夠軟, 要花點力氣才能咬開.我都差不多感到飽了, 但女生們還想叫些甜品.我們叫了焦糖燉蛋和芒果糯米飯.一如所料, 甜品水準平平,焦糖燉蛋味道尚可, 但焦糖略嫌太少.至於芒果糯米飯, 芒果很可惜是酸的, 大家立刻對它的印象打了折扣. 總括而言, 我不可以說它的菜難吃,但是我覺得水準一般,雖然名叫"創意餐廳", 但我從

我覺得食嘢最緊要食我舒服~食得開心!!呢度啲泰國嘢食正宗好味~最緊要既係侍應啲服務夠warm~有班青春靚女侍應~~好笑容!舒服!仲有個手腳夠快,又有禮貌既男侍應~每次去等位,都有佢幫手!實在抵讚!

星期日原本係同男友同埋伯母一齊去大窩口食野....行行下..入到lee個panda商場...見到一間有泰菜feel但係冇咩人等位嘅餐廳我地行去睇一睇menu就入左去喇~ 發現係一間有泰, 日, 西餐食嘅餐廳，好多選擇，亦有不同甜品供應。服務ok...但人手不足....我地坐係corner位...經常要等一段時間先有人行過....一行3人...叫左五個餸同麵加白飯一個海車雞半隻($78), 燒豬頸肉沙律, 馬拉盞炒通菜, 炸雞軟骨, 忌廉蜆肉天使麵海車雞半隻 - 無味雞,一啲都唔香,亦無去骨, 但個汁做得幾像泰國吃到的...(但在泰國..此汁不是for海南雞的....)燒豬頸肉沙律 - 好味~燒得夠香口...但唔會太脆~汁做得同係泰國食到嘅豬頸肉有9成像,但佢地將汁同豬頸肉混了一齊，不能吃辣的伯母吃不到了....應該分開上會好一些...馬拉盞炒通菜 - 普通, 無乜香味....炸雞軟骨 - 普通忌廉蜆肉天使麵 - 天使麵ok,唔會太soft,有口感, 汁夠'杰'但味不夠香無叫飲品，埋單連加一共$303.00好似好貴..但係以我地食左嘅野黎講就一啲都唔貴，不過下次食，會選擇番泰菜or試下日

(2/8/08)平時行過此餐,也覺得它油煙味勁,無好感。估唔到這晚與老爺、奶奶,特破性地,去這「特色」餐廳食晚飯。亦估唔到那些o靚仔侍應都幾有禮貌&好services。先來越南薄餅(兩塊)極似中式咸煎餅脹bob bob,不過义一拮,一陣風咁,便”謝”了,成印度薄餅feel,不過我都係鐘意印度式咯!有口感d。南瓜蓉三文魚天使麵,奶油汁遠遠over 左敷衍的南瓜蓉,好失望,唯獨麵質合格。馬拉盞炒通菜,不錯、冶味。燒乳鴿 和 燒立魚,需久等,果然是即燒。其實我不太”好”燒物,不過這裡的都ok香。而條魚,侍應說是生猛魚o黎添~可惜下鹽過多,而且立魚過火,好”鞋”口。

今次係我第三次黎幫襯.蒜容包-都幾脆幾大件,可惜蒜容不夠多.(算ok)炸蝦天婦羅-炸粉不算正宗,但勝在熱辣辣,蝦都算大隻.(一般)蜆肉忌廉天使麵-蜆夠多隻大隻,忌廉汁夠濃,天使麵好味.(好味)冬菇&茄子串燒-沒特別.(一般)豬頸肉串燒-必食(好味)*但$24/串,貴左d.

1. 泰式併盤通常呢d野都係例牌,冇咩特別囉真係2. 泰式鳳爪本人呢一晚唔係太想食,冇食到..哈3. 海南雞原來冇油飯配既! 唔得,完全冇雞味,仲衰過茶餐廳4. 菠羅海鮮炒飯都係唔夠味,好啖口5. 蝦醬炒通菜ok喇6. 炸雞軟骨脆口,唔會淨係食到d粉7. 芒果冰,唔錯,真係用芒果打出黎,$25,唔係打死佢味道一般,朋友相聚,食物都是其次喇,服務ok, d 侍應仲成日搭訕

去過這間食幾次 lunch，初期的上菜時間實在太慢了，試過差 d 點飲嘢都飲唔忉，但個豬肉丸湯河加冬蔭公很好味，於是都間中去下。上菜時間進步了，如果可以再快 d 就更好。依然首推佢丸類的河粉，尤其是冬蔭公湯底，超正又夾，佢他飯都 ok，但飲品就差 d，龍眼冰、梳打都偏甜，還是最穩陣是凍檸茶。環境都唔错，侍應態度都幾好，值得試試。