Triple O's by White Spot (太古廣場二座)

营业中

休息中

一個人想食好少少慰勞一下自己, 所以去Triple O 食左個$49 0既Original Burger combo, 個burger 有牛肉,生菜& 蕃茄, 仲有勁多醬汁, 好味到不得了,不過都食得幾唔方便, d醬汁多到食到我成手都係,如果有knife & fork provide 就好啦... 個薯條都幾好味坦白講, 味道,質素&價錢都同m記有好大距離,根本係想serve 兩種唔同0既客, 無得比0既

尋晚學人番下學上下堂啦，地點金鐘，就想起不如去Triple O's食下點樣唔係Junk food 既Junk food. 已有定心理準備咩價錢，所以望見餐牌寫五十幾六十蚊個餐並唔出奇。反而旁邊的小情侶就幾嫌貴咁。叫左個supreme chicken burger combo，果然大大件，比起老麥d Big Mac當然更大，厚厚的雞肉加上蕃茄生菜，龐大的體積真係要花上一番功夫進食才可以不太失儀。面飽鬆軟頗香，但雞肉就得個大件，冇乜雞肉味及肉汁可言了，也難怪，始終用料上所限，一定係預先加工再雪藏而成，點會期望有乜肉汁和雞味呀，肯好大得黎唔算鞋口，入口是可以的。反而幾欣賞個薯條，粗粗的，外皮沒有像麥記的炸得太脆，還有些見到薯仔皮，內裡薯仔肉還保持稔稔的，加上白醋及茄汁一齊食，一個人都可以食得晒。但整體而言，我都覺得係junk food，完全只適合用黎填飽個肚。P.S. 貴除了在品牌及用料外，請咩人都好重要，在麥記應該較難找到像這裡某一兩有質數的女侍應。咩質數？講緊服務o者！

在香港,想食快餐漢堡包,別無選擇,係得老麥,就係老麥.一係去美式餐廳,成舊水一客,不如去西餐廳食pasta.Triple O,s年前進駐Great food hall.終可為一眾漢堡包迷加多個選擇.當你話$60 一個set 覺得好貴之時,不如試左先好講.咁如果你一直覺得一個漢堡餐,係唔應該過$30的話,我建議你去大家樂買個飯盒填飽個肚算.眾人將漢堡包label成垃圾食物,老麥多少要負上責任,一個無heart,只會賺大錢,背後剝削員工的大企業.又點會做得出美食,漢堡包,其實可以做得好好食.Triple O,s個磨菇雞扒包,論size贏晒老麥Big Mac成幾個身位.塊扒juicy,啖啖肉,絕對唔係果d老麥六成牛肉,四成其他化合物之質素可比.個包本身漲卜卜,篤一下唔會留低指印. side dish薯條更比老麥french fries好吃得多,真正食著有薯仔味的薯條.我地唔係細路,唔好再比老麥呢d機械洗腦化的廣告荼毒下去,當你試過Triple O,s之後,包你I,m lovein it.

香港人已經習慣食薯條時醮茄醬, 但這裡就可以用傳統食法品嘗薯條, 就是鹽和白醋...正!至於漢堡飽, 雞扒飽的雞扒味道一流, 牛肉漢堡好有牛肉味, 食過Triple-O 的漢堡飽, 麥記的就差很遠, 其他食品就與麥記打個和

試了veggie combo + blueberry milkshake, 個包so so, milkshake just like Mc Donald's but cost $20, 真係咁值? 薯條好似依家Mc Donald's o既脆薯王好食過佢,只可以講句一試無妨.

今日試o左chicken supreme burger+ chips+ fried chicken sticks個burger 十分大個, 值得一讚係個包, 熱熱地又厚肉,但件雞好"鞋"口! 一d肉汁都冇, 乾爭爭咁...有d 失望chips 外脆內"淋", 口感不錯, 但食完個包已經好飽, 食幾條薯條就夠哂炸雞好油, 同好"實", 應該係雞胸肉, 下次唔order 呢個啦...但聽講original 個包好味d 喎仲有, 冷氣唔夠呀, 一路食一路出汗喇!

最近金鐘的GREAT大裝修﹐其中的食肆暫時只得Triple O's 照常營業﹐既然無選擇又未食過﹐當然一試無妨。如果你以餐廳格局去衡量﹐你會覺得價錢是不便宜的﹐因正正就只是自助快餐店格局。買了兩個Combo﹐一個是蘑菇漢堡餐﹐一個是BC (即Bachon & cheese) 漢堡﹐而替蘑菇漢堡再加一塊芝士亦要索銀十塊﹐兩個漢堡包餐Combo 盛惠過百港幣。如果你貪心﹐加完一樣又一樣又要薯條汽水加碼﹐這裡一個漢堡餐絕對可以貴過一個港式鐵板扒餐的價錢。到底是物有所值﹖又或者原來是一個呻笨套餐﹖平心而論﹐是值的。兩個包的size 都很大﹐甚至可以說是巨型﹐麵包豐滿肉夠厚料亦多﹐對於女士來說要一口由上至下咬下去會有點難度﹐而我當然無問題﹐亦把握此難得機會表現一下鯨吞絕技。當然﹐醬汁四濺﹐失儀是少不免的了。味道方面﹐漢堡扒口感味道俱佳﹐醬汁亦足。BC 漢堡的煙肉亦頗香口﹐以往吃酒店早餐的煙肉又韌又無味﹐仿如嚼蠟﹐所以一向對煎炸的煙肉有點戒心﹐但這裡的煙肉就多多都吃得下。唯一較為失色的就是蘑菇漢堡中的蘑菇﹐味道較淡﹐相比以前JITB 的蘑菇芝堡﹐是略有不及。而另外加的芝士﹐亦只有薄薄的一塊﹐要另加

星期四(22/9)，受細佬黎左試。叫左一個普通漢堡包餐share，杯野飲就改左blueberry milkshake($49+$20=$69)。個包即叫即做，花時間等都好值得，好好味，薯條粗過麥記，好食好多，奶昔好飲，不過加廿十蚊一杯太貴。個包大過麥記，雖然兩個人share，但食完個餐都飽過麥記好多。樣樣都好好，但頗貴，肉都赤埋。不過都想耐唔耐試下。staff很有禮貌和笑容，又主動幫我將個飽cut開一半，非常細心，抵讚。想帶屋企人黎試下，不過佢地實話太貴。可是，冷氣唔多夠，幾熱下。另外，佢餐飲轉橙汁都要加成$13，仲唔係好大杯，唔多抵。如果佢改野飲可以平d就更好。

A) The meat itself is flavourless, doesn't taste at all like beefB) The burger patty has NO chargrilled flavour whatsoever.They make it underdone JUST BECAUSE this way there is more juice and the meat looks biggerC) when you combine the whole burger and eat it together, you can hardly taste the meatD) The fries, they are not done right, JUST BECAUSE HK rarely serve fries with the skin on doesn't make it special. It just doesn't taste good!This place is hardly worth mentioning when compared to AN

28-8-2005 1256經過三個月的暑假後，人生再次踏入另一階段。今日再次踏進校園，正如黎明某歌某歌詞說：「…叫我永不斷自強…」。上堂前在這裡食過“豐富”既午餐，一早就選定左呢度，之前也知道這裡進行裝修。任何食店踏入第1步或make reservation時兼未選擇食物前，下至大排檔，上至fine dining，服務員的態度及感覺相當重要，這裡比到你的態度係smart and friendly，當然冇disneyland的服務咁好，但未致於其他快餐店咁差，總之感覺好自然及舒服。當過一輪考慮後，便點了磨菇包，佢問要唔要生菜及蕃茄，我話加多的，價錢都係49蚊，加廿蚊有杯奶昔，咁我問通常最多叫或喜歡係邊款呢？佢答係藍莓，咁橫掂都食開，唔通留番下次食先叫咩！係咁我就奉獻多廿蚊啦，不過整個餐要等十分鐘。等了十分鐘後，食物終於奉上，正當我吉枝飲管落藍莓奶昔時，有個員工來說唔夠standard，幫我換個杯，跟住我問點先至為之standard，佢話要深色的，當時我手執著相機，佢話駛唔駛映埋佢，我當然話唔駛，我再望佢整，真係新鮮用藍莓雪糕做架，唔係因時間關係而做定。好，講番正餐，一大片酸瓜片在包紙上

好鬼正呀.....本身以為veggie 個burger會好乾la~點知都好juicy wo*d bread又好軟熟,d "o" sauce至正呀,好似蛋黃sauce咁low~tomato又fresh又多汁,wow~咁大個人最好吃都可算係lee個lak>>>d french fries又夠粗wo*好過m記個d奀chichi....食完lee度後...就真係以後都唔想食m記lu

真係好好味~本身對漢堡冇乜興趣~不過之前聽d同事講話呢間野好正~咪同男朋友去試下囉~ 簡直一試難忘~我地叫左一個set兩份試下...就叫左個磨菇漢堡set~嘩~好正~個包好軟熟~d肉又多汁...再加埋d生菜,蕃茄...一絕~d薯條連皮炸~好好味~雖然係幾貴~不過值得再試~p.s.我想問下有冇人知佢果d牛肉汁係咪要問佢拎嫁呢?

been wanting to eat here for quite some time and finally did! (major factor pulling me back being its price) ordered a BC burger combo! frankly, was rather disappointed. fries were bigger than mcD's, but "lum jor", not crispy. BC burger was good and big and juicy! pretty good and the pickle was separately wrapped so you can spare the trouble of picking it out yourself =D added 20 dollars to upgrade the drink to a strawberry milkshake! 10 thousand times better than mcD's, tastes like you're drin

一入到去counter 前面, cashier 哥哥就好親切咁遞張menu比我, 之前就有個著suit既(我估係女經理)問我:你想食牛肉, 雞肉定素食? 我諗好食牛肉之後, 佢就好詳細解釋(+$10) 會有cheese, (+$5)會有多個sauce, (+$20)可轉milkshake, 由於佢幾推介加cheese, 所以我order 左:Mushroom Burger combo + cheese ($69)佢比左張reciept我, 叫我坐底等, 之後會有人拎比我, 由於佢d野食係即叫即整, 坐左5mins先有得食。Burger: 個burger 好大個, 咬落去好多汁, 好好味, 個beef patty同其他快餐店真係無得比, 好"淋", 好多汁, 好新鮮, 加埋塊溶左既cheese同本身個triple O sauce真係好味過其他地方既burger好多。薯條: 比起個burger就差了一點, 可能唔太夠熱, 但都幾好味, 外面脆, 入面"淋", 最好味就係o個d有薯皮既薯條law。整體黎講, 雖然貴左d, 但係快餐店有咁既服務態度, 同埋d食物真係名副其實咁好味, 都值得一試

慶起同男友去香港公園行,家姐介紹我地去食呢間Triple O's , 響great hall 入面,雖然一個餐要成$50, 但都決心一試, 兩個人叫左一個original burger, 一杯汽水(因為轉其他野飲要加錢的, 好似鮮橙汁要加$8)!d薯條好脆好多肉, 好好味呀! 不過我地唔知原來可以問佢地拎唔同醬料既...所以只係用茄汁點(好土...)後來見到人地食又有沙律醬又有醋先知可以咁點黎食...個burger好新鮮,我好鐘意佢片青瓜,好好味又大塊,佢地將個漢堡切開兩份, 真係唔錯! 不過始終都係太大份...一口好難晒咬入去...真係羡慕我男友個口劈到咁大! ~Q~個BRUGER D 肉應該係由外國入口的,因為食得出同香港出售既件肉味道唔同, 總括黎講,呢個咁貴既包包同條條,係值得我出$50去買佢的!(汽水太細了.............建議去隔離GREAT買...)