TORIO喫茶部 (已結業)

位於觀塘工廈入面，有間非常日式復古喫茶店，裝潢以木系為主，環境幾舒服，都幾適合去食tea~我叫咗個Torio cake 🍰 （$48），有吉士、布丁同海綿三層質感，仲有香甜奶油味，幾特別👍🏻至於杯latte就不過不失啦~

今日同朋友行完街誤打誤撞黎左呢度食晚飯星期六晚六點幾唔洗等位係門口見到餐廳就已經覺得：嘩～好靚啊野食選擇唔係話好多 不過都幾吸引！大約一百蚊就有湯有沙律有包有主菜個包雖然係黑色不過其實食唔到有咩特別嘅味道😝不過係熱嘅而且幾軟熟而個湯就好濃南瓜味沙律一啲都唔求其！好特別有塊哈蜜瓜😱而且塊哈蜜瓜仲好甜😋咖哩雞飯～味道都唔錯 份量都幾大！大蝦野菌忌廉意粉隻大蝦唔知煎定炸得幾香～幾重忌廉味不過會有少少膩但平時唔鍾意食野菌嘅我覺得啲野菌幾好味啊唔記得咩茶😆係最多料果隻茶有甜味又幾香☺️總結係值得推介價錢唔貴 食咁多野每人都係百二蚊左右而且份量算大 食到好飽！有下次😋

呢間野每個月都會出新menu，前前後後都黎過幾次，次次都有新驚喜！真係好鍾意呢度個環境,因為有種唔似係香港既feel,幻想自己去左日本～哈哈！今次十二月見佢出限定聖誕大餐，當然要試下。一入到好，嘩，佈置得好靚，成個天花都吊燈，仲有一大棵聖誕樹好岩打卡。不過個晚可能聖誕前夕full house有d嘈，好，講番食物，聖誕餐有前菜、湯、沙律、主食同甜品餐飲。食物一如既往的好味，超豐富，最後飲埋杯靚靚拉花咖啡畫上完美句號。食飽已經同朋友約定要黎試下個月既菜單！

其實第二次幫襯，第一次已經覺得唔熱，初頭以為對方一時失手，好！我俾多次機會你！仲帶個朋友去！點知今次連我朋友都覺我唔熱！好！我好心同佢講唔熱！佢居然同我講咖啡係唔可以太熱！我知係唔可以太熱，但唔係唔熱囉！我飲咖啡飲得多，差唔多一日一杯，飲均全港第一次飲熱咖啡唔熱仲要話咖啡唔可以熱。雖然杯咖啡只是$28，平過Starbucks，環境不錯，但咖啡真係唔得，差過Starbucks!機會已經俾左！真係唔會再有下次！

因為見到紫薯先想試呢間，點知上菜先知無💔💔💔朋友叫左菠菜雞肉青醬飯，味道無pesto sauce味，單純因爲菠菜整出黎既色所以叫青醬，味道普通，啲蘆筍夠嫩無渣。佢跟餐個沙律係另上好奇怪地我個莎莎醬鯛魚蓋飯係夾埋沙律一齊，將啲沙律放係魚同飯之間，搞到啲沙律熱晒⋯⋯⋯勁奇怪，第一次食熱既沙律同火龍果🙄🙄🙄分量都好多，最後食淨大半碗白飯。follow 完佢fb/ig會送野飲。熱既蘋果綠茶有幾片蘋果但飲落無蘋果味，似飲緊煲熱左既道地綠茶。坐係門口面向牆個啲位，放唔到袋又無得捱住唔太舒服，建議可以俾啲儲物籃擺袋。

凍凍地就最啱搵間cafe休息一下，睇下書，咁啱經過觀塘就去感依間一直聽到朋友介紹嘅依間TORIO，果然無令我失望！店內環境就好似日式cafe咁，以木為主題，再加d綠色植物嘅點綴，感覺好舒服，好令人放鬆野食方面，分量夠大，但係食物配搭夠light唔會食唔晒或者係太膩，再配埋個西柚雜菜芝麻醬沙律，一流呀！另外值得一提嘅係佢地嘅甜品賣相都係好靚，不過味道方面就要留翻下次翻去試埋先知道喇！野飲就要加錢或者like佢地兩個facebook page就可以免費換到兩款飲品唯一美中不足嘅係喺觀塘站行過去cafe度都要段時間，不過環境同食物都好，好值得去！

臨近聖誕，又係出動試新餐廳既時間。原來工廈都有裝修靚靚既餐廳，仲要野食okay。大蝦忌廉意大利份$88送沙律 個沙律有驚喜，有個大大既紫薯球，又甜又滑，影相仲好靚。仲有新鮮火箭菜同瓜，有少少芝麻醬提味，好清新。意份隻蝦新鮮大隻，估唔到意份中仲有幾多隻細蝦，意份有咬口，每條都掛到忌廉汁，唔錯。另外$8 加左杯橙紅茶，呢個真係有驚喜。紅茶唔澀，甜甜地，仲有新鮮橙味，好少熱既水果茶係好飲既，係呢度搵到。燉雞飯$68本身無咩期望，點知都幾好味，飯有蔬菜味，雞亦唔會鞋口淡茂茂。個環境完全唔似工廈，一入餐廳已經有holiday mood.

由服裝店經營到餐飲，好欣賞呢個本地品牌所有設計，入貨到現在餐飲不單只親力親為，每樣食品都有自己特色，還時常換餐牌吸引客人。今日同友人特意找這家小店感受不一樣的日系Cafe。有味道剛好的日式咖哩，還有大大杯咖啡，建議小食女生可以share主食再另叫甜品。友人叫了柚子梳打，真的有不少柚子再加上橙皮，一口小清新。店內有濃濃的復古風裝潢，人少少坐得舒服😌親民的價位，男仔都可以食飽飽不怕份量少的女生cafe。

先講環境，睇得出用心佈置，有種城市中綠花園感覺！但枱與枱之間距離太狹窄，其實留心小小都聽到哂隔離枱講緊咩！環境雖然靚，但人流客人一多其實影唔到靚既相！我同朋有一齊上去，睇完餐單要自己去櫃臺落單先付錢後食！（（呢餐朋友請食飯，所以無影到張單！*））食物質素一般，都係樓上cafe質素，志在環境靚想影下相！好可惜，個度既員工見到客周圍影相好似唔多like(black face🙂)食物我要佐一個「三文魚松露意粉」朋友點佐「咖啡牛粒飯」。先講左邊沙拉🥗，菜唔新鮮，比較乾口，但個沙拉醬幾特別，出面暫時食唔到，沙拉最滿意應該係黃色個舊蕃薯泥！另外，主菜三文魚，不新鮮無三文魚的鮮味，松露意粉未食都聞唔得到松露味，食落更加無咩松露味係入面。意粉比較乾身，食佐一半都食唔落！朋友點佐咖哩牛肉飯，都係有一半沙拉🥗。咖啡味似日本咖哩，甜甜地。牛肉好食好有牛既肉味香，不過d牛粒大大舊，太大舊又好難咬，咬到牙都軟。但係比我既三文魚松露意粉好食。最後佢杯茶係好普通既茶包茶！餐唔包要另外加錢的！

朋友推介話觀塘有呢間日式cafe，一齊上到去，真係好靚，當日得兩位女侍應，大概6-8台客，有時行埋去收銀台都冇人得閒。座位都幾闊落，兩人坐張四人枱，同隔離枱唔會太近。芝士南瓜雞肉多士好juicy，個南瓜蓉相當多，最面層加塊芝士烘到香噴噴。另外個牛油果雞肉三文治相當香脆，我本身唔係好食牛油果都覺得好好味，雞肉整得好香滑！香橙朱古力smoothie打得好幼細，出面好少見呢款飲品，朱古力好香濃，同淡淡香橙味好夾。水果pancake塔好豐富，每一塊pancake都夠share到啲水果，pancake烘到微微香脆。

間餐廳響小時光附近，夜晚同朋友興生六點去吃，可能早去又落雨，唔係太多人所以影左好多打卡相！原本對復古vintage 冇乜太大興趣，但氣氛同環境超出預期的好又有聖誕音樂做背景，係亮點！正，個環境好似走出左香港咁，冇錢去旅行唯有自己ff下lol 至於食物 個人五係太好日本style 既野食 但食物水準不錯👍整體都enjoy 重點提示 個pancake 好鬼飽 我哋兩個女仔叫咗一個套餐連湯加飲品加埋個pancake (個人prefer 多啲生果) 係飽到一個點 鬼叫我哋忍唔住一開始叫埋薯條配牛油果醬 (正正常常幾脆) 🤣 跟餐20炆又叫多咗個布甸 (personal favorite) Total 全單290個人認為食裝修+嘢食唔差+唔太貴,呢度係幾超值

呢間三個月前睇過，終於去左食。係觀塘工業大廈，較偏僻但不難找，到一樓走一圈就發現到了😬一行到入餐廳，環境幾好，文青日系感覺，都舒服。睇menu，我對西餐要求蠻高，尤其黑松露。所以簡左個黑松三文鮮意粉加沙律🥗78蚊不貴，賣相幾好。不過味道以78蚊既價錢黎講，首先沙律係中下，極普通同加胡麻醬，姐係超市都買到既沙律。不過唔緊要，要試主食先知實力，黑松三文鮮意粉，um...淡，冇香既黑松露味，越食越冇感覺，三文魚正常。一分錢 一分貨。。。總之總結是78蚊的味道，中下，對食物沒太大要求可以一試。咖哩嘗了一口，與連鎖店或出面咖哩一樣，沒驚喜然後焦糖布甸28蚊，我只可以講，便利商店的森x焦糖布甸味道層層仲豐富過佢所以，沒下次了。。。

我們三人下午2:30到，等咗唔夠5分鐘有位。店舖好適合港女拍照要求，睇得出用咗唔少心機佈置。現場又真係有唔少女生不停自拍又話者拍餐廳環境。講返食物,我去到時仲只可以店lunch set, 未有tea time menu. 其實佢地tea time 又唔係有set, 唔明點解lunch time 不能點dessert menu 上d嘢。不過，食物質素係ok 嘅，特別係lunch set，抵食又味道唔錯，對得起個價錢。我地其實已食過lunch，所以點咗一個set之後便等tea time。一等到3點再加一個pancake，green tea pancake,好味，甜度適中，白玉丸子和jelly,都好soft 。最後要提，整餐飯好自助，自己出收銀點之後送到你枱，由於我地食完鹹野又食甜野,成枱碟都唔會有人收。（lunch set忘記了影，其他都係散叫的）

之前食過晚餐，因為唔想夜晚食飯，就無揀到咖哩，但一直念念不忘所以今日又去喇！有次lunch無book位，去到無位。好在今日食到je見到個menu, 竟然轉左有3個餐都好想食但最後都係揀左咖哩，其他嗰啲，下次再試呢個係frd叫的E餐。佢話個飯淡味左啲。紫薯蓉就好好食，好creamy但我見到佢碟大沙律就心心眼呢個係我的set A。唔係好日式的咖哩，有少少辣，但都食到。牛肋肉整得夠淋。有蘋果片，仲食到爽的口感，未煮到淋曬。個紫薯蓉真係好creamy是，啲啲甜味，好natural.鍾意呢間的原因係有大量蔬菜比較健康。而且食物味道清新。坐得又舒服

在觀塘工業區裡藏有不少咖啡店，而當中我認為最日式和文青風的就是這間Torio喫茶部。這間咖啡店的環境佈置十分漂亮，多個角落都有濃濃的日式風格，同時亦擺放了不少特別的擺設供購買和欣賞。幸好當晚早了一點來臨，未有太多人，因為晚一點開始就很快會坐滿了整間餐廳。點餐叫了一碟三文魚白汁意粉，配有沙律菜，味道都較為香口。另外點了一杯特飲和一杯咖啡啫喱作飯後甜點。我個人最喜歡這杯咖啡啫喱，外觀非常日式可愛同時都很好食。