Top Blade Steak Lab VS PPPP

营业中

休息中

今次係第二次再來到 top blade steak lab 因為上次食完just burger之後念念不忘😁今次再返黎encore 呢個手打豬堡！！$118 包埋任食薯條，幾間過江龍漢堡店一個飽都已經差唔多要成舊水，呢度既CP值真係超高！餐廳有啲吧枱，岩晒好似我呢啲一個人黎幫襯，又或者想嗱嗱聲食個快飯既上班族👨‍💼 講返個包先呢個係午餐限定得一塊漢堡扒，雖然係lunch set 平啲，但質素一樣好高唔求其！切開一半睇到塊肉真係煎得好靚，岩岩好，個口感一啲都唔比牛肉差，漢堡飽真係好邪惡又好吸引！😈Lunch 黎食仲有另一個好處係有成日比自己去消化返啲食物😂食多啲薯條都可以😆

雖然我已經唔幾mind一個人出街食飯不過都幾多餐廳個定位或者個格調唔太一個人friendly😅Top blade steak lab 呢間平民扒房overall 裝修簡約，就算一個人黎食扒都無壓力! 仲有啲吧枱位，都係好舒適既…….. 環境：8/10 今日點左一個是日推介平鐵牛扒，店員介紹呢款係經慢煮既牛扒;經過慢煮完再煎香表面一上枱真係好香，調味好簡單，只有鹽、黑胡椒同埋香草 愈簡單既調味又愈睇到食物既質素 !牛扒肉質除左嫩之外係好淋同埋牛味好濃! 配粟米蓉汁同埋烤粟米，幾match ! 是日推介招牌平鐵牛扒： 9/10 不是重點都要推介：任食薯條🍟 呢個係邪惡既引誘！食完牛扒已經好滿足，但望住啲熱辣辣新鮮炸起既薯條，又比佢地吸引住，食左兩盤最後🫠薯條偏幼身似麥記個種，配牛扒我都係prefer呢種，太粗身口感反而麻麻….. 薯條我比：9/10 總結： 坐得舒適，無論一個人黎、情侶甚至幾個朋友黎聚會都適合食物有質素！ 呢個價錢都reasonable, 回頭指數極高！

平日提早係中環見完客，見個肚餓餓地都就周圍搵野食，見到呢間扒房就決定試下，我見子除左食牛扒之外，有好多款burger簡同黑毛豬扒😍🍔因為最近戒緊牛肉，店員推薦我試下佢地個Just 漢堡 ！呢個係豬肉漢堡黎，黎到好大個🤣 有兩塊豬漢堡同埋芝士、新鮮既生菜😌 女士都真係好難一啖咬，我都係分兩層慢慢食😋啲肉汁流晒出黎，都有少少沙律伴碟比你 可以飲食均衡啲☺️ 幾fresh !另外我叫左杯開心果紅茶特飲😝 啲茶味夠濃，上面啲cream好綿密😙 唔知道紅茶都夾漢堡包 唔會好怪😝 下次諗唔到食咩都可以黎試

同勁耐冇見嘅大學u mate reunion 有人推介黎呢度 大家返工都就腳就嚟試吓啦 OpenRice 睇定發現呢度menu 有牛有豬 都真係幾啱大家 仲有無限refill 薯條 真係啱晒我哋邊食邊吹水😚見到隔離枱個豬鞍架好吸引 我自己都order左呢個 豬鞍架既網紋煎得好靚  塊扒雖然好厚都有肉汁 無牛扒既肉味咁濃至於朋友們分別各自order 一個main 有牛扒同埋豬burger 食物overall 都好高質 而且環境都好乾淨企理 坐得好舒服最後食左足足兩round薯條😚有啲唔好意思霸住個位咁耐 食完兩round 就散band喇…. 下次再黎啦🥳

為咗慶祝自己呢半個月寒窗苦讀，終於考完IELTS！！！真係要食返餐好嘅賀一賀！（可能出完成績就無胃口😅）食左先啦 ！！  呢度嘅Menu都幾簡單 就係豬同埋牛扒同埋漢堡包 …… 唔係好知道每一款嘅分別,所以問左店員佢哋嘅分別同埋有咩好推介😇 店員簡而精咁介紹左餐牌，因為今日唔係幾想食牛嘅關係，店員推介我試西班牙黑毛豬豬羽毛！ 豬羽毛係一個比較稀有嘅部份，雖然佢算係珍貴（價錢都有啲貴），但份量一啲都唔小，食到有炭火燒過嘅香味😋😋😋 有同樣烤過嘅蜜桃加上洋蔥等等既配菜 👍🏻👍🏻互相好配合，可以中和一下，食完一口豬柳，又有啲配菜蔬果😌豬羽毛份量係唔細，我都食左兩碟薯條🍟🤣，打完大佬啊，梗係要食得盡興啲😁

最近我又好認真嚴格執行低碳水飲食 😌 男朋友話搵到間岩我食嘅餐廳引誘我😕 佢帶咗我嚟呢間扒房 呢度有幾款牛扒同埋豬扒 另外就係幾款burger！試咗一個比較特別嘅豬羽毛 $268 （今日有男朋友埋單 🤪） 啲肉質好嫩滑 個顏色直頭好似係牛扒咁 仲有啲水蜜桃伴碟 可以解一解肉既膩！另外加配咗一個沙律同埋餐湯，沙律勁足料 一樣符合我嘅低碳水要求！ 男朋友就喺我面前好放肆咁食咗burger 食到好津津有味 🥴🥴 仲有啲任食薯條 唯有睇咗當食咗😫（最後都係忍唔住偷偷食咗兩條 ） 下次一定要再黎 食夠3碟🤩

之前喺IG見到有朋友post過呢一間嘅牛扒同埋漢堡 ,覺得好吸引!!!一直都bookmark左好想試😍今日同男朋友去完大館 ,我就捉咗佢一齊嚟試呢一間餐廳!😌😎餐廳嘅style好有美式風格，我地都幾鍾意.我地order左 是日特別版招牌平鐵牛扒，同埋一個都係牛肉嘅終極漢堡。佢有幾款牛扒都唔係好分到個分別 就試下個是日特別版啦！😜上網睇返原來係慢煮過嘅牛扒嚟，又多肉汁又嫩滑🤤🤤份量好足！我哋連配碟嗰啲烤粟米都食晒！終極漢堡🍔牛肉煎到勁香，兩款芝士係一個半溶化嘅狀態😍😍牛扒同埋漢堡包吸引度大大比任食薯條高😌😌 最後想講埋杯嘢飲，係一杯lemonade ！好清爽，仲好打卡able , 嘻嘻，好滿足呢😆

身為牛扒愛好者嘅我，就梗係要搵塊靚牛扒食啦，今次朋友介紹咗我嚟呢間餐廳，話帶我食好味牛扒，所以就嚟咗呢間係中環嘅牛扒店☺️餐廳好似美式快餐店咁，入到去超有feel，坐低咗店員就搵我哋介紹餐廳有乜嘢食物，有問必答，服務都幾唔錯👍🏻just 漢堡：呢個包勁厚身，個包好脆，入面仲有塊厚厚嘅豬肉，識落基本上同牛肉冇乜分別，肉汁都係咁多😍招牌平鐵牛扒：呢個係店員話每日限定既, 根據建議叫咗medium rare，果然食落去味道啱啱好，只係沾少少鹽，牛肉味已經好出🥰呢個價錢食到咁嘅質素嘅牛扒，絕對超值😚

放咗工同同事嚟呢一間餐廳，之前都係沙田食過佢嘅分店，覺得相當唔錯，於是就試吓佢中環嘅分店😉餐廳環境都幾唔錯，座位都坐得幾舒服，一入到去侍應就好細心咁介紹餐牌上面嘅食物，呢度主力梗係食牛扒啦，但係原來呢間分店仲有漢堡同埋豬都有😆我哋三個人叫咗以下食物just 漢堡：麵包皮脹卜卜，而呢個漢堡包係用豬肉做嘅，加埋兩塊芝士，食落去都係咁JUICy☺️西班牙黑毛豬豬羽毛: 店員話呢一款豬肉係人哋稱為豬肉中嘅和牛，果然咬落去口感夠晒鬆軟😋招牌平鐵牛扒 (每日限定)：嚟呢度就梗係要食埋佢嗰個牛扒啦，果然肉味超級香濃，唉五成熟啱啱好入面仲好粉嫩😍呢間餐廳同佢其他分店一樣都保持水準

終於來到Happy Friday ， 最happy 係今日只需要返半日 (⁎⁍̴̛ᴗ⁍̴̛⁎)要將呢個happy 再放大！食一個好豐盛的lunch ! {USDA PRIME美國390日榖飼Prime級平鐵牛扒} 無錯 就係prime 級既牛扒！！ 牛扒非常出色！！（＾◇＾）兩大件牛扒，叫左店員推介既3成熟！ 牛扒既肉質軟，非常多既肉汁！ 牛扒無筋 啖啖肉🤭🤭🤤都唔會太肥太多油，勁爆滿足 (⁎⁍̴̛ᴗ⁍̴̛⁎)仲有無限任食既炸薯條，又再將我今日既滿足感再推高多一個層次！！！ 同時我吸收既脂肪都係一樣，哈哈！！！

一次過滿足晒我哋嘅願望😛兩個牛魔王出去覓食🐄🐮特登嚟到中環呢一度試吓性價比好高嘅牛扒同埋漢堡包 山長水遠嚟到 朋友話要試一試個usda prime 美國穀飼牛扒，叫左五成熟 再加一個 《終極漢堡》一齊share！食物上枱係熱辣辣勁新鮮 雖然要等一等 USDA prime 牛扒 牛味好濃 下次可以再試下三成熟 應該會再嫩滑啲🤤🤤漢堡包切開咗一人一半，好驚切開左會冇晒啲肉汁 但因為呢塊漢堡扒真係好Juicy 同埋厚身 完全冇呢一個擔心 我哋唔係真係好好薯條  但都K.O.晒兩碟 除左Burger半碟嘅少少沙律菜之外 另外都order咗一個藜麥沙律 都要中和一下今日重口味既一餐 非常推介鍾意食牛既朋友黎試 💯

今日係中環見完客 四點幾都未食lunch 🥴路經見到呢間餐廳 餐廳好光猛 玻璃外牆度貼左呢度既招牌菜poster 比佢個任食薯條吸引左🤣🤣🤣 Order 左 「終極漢堡」$168漢堡個麵包 好有光澤、唔乾  配菜正常 舊牛肉厚身 一口咬落去時 有好多肉汁啊 好滿足啊😍😍😍 食到一半有啲狼狽影唔到 舊肉既色好靚 熟到乾晒 係驚到岩岩好 薯條熱辣辣又係好吸引 （平時食完個包 我都差唔多飽）但今日真係好肚餓 我食完一碟薯條 再refill 左一次😂😂😂  一次過食咁多澱粉質 超級滿足 食完再減啦😌 餐廳環境都好舒適 口袋餐廳list 又多一間🥰

一個人過海整啲好麻煩既銀行野🥴🥴仲心大心細係咪要返返對面海食野時 男朋友醒起之前食過呢間餐廳 叫我去試下  呢間排房有豬食啊 岩我 因為啲皮膚敏感中醫要我戒口😵‍💫 唯有食住豬先 個豬鞍架既份量 加埋煎到一格格既紋 拍埋牛排度都一啲都唔輸蝕嫁 一上菜好香好吸引 塊肉好厚 雖然食豬無得揀 幾多成熟 同牛肉係真係有唔同  但呢度都係完全煎到岩岩好 就算舊肉咁厚 但都無乾柴既感覺 好食！ 另一個男朋友推薦呢度比我既原因係 有任食薯條啊🍟！ 對住薯條，薯塊，薯角 呢啲薯類食物 真係有啲著迷 平時有得揀我一定會轉薯菜 呢度係任食啊 食左兩round ！😛😛😋最後講下呢杯 開心牛 睇個樣好特別咁 就試下  個奶蓋好滑 配一個紅茶茶底 有別於一般手搖飲品 仲有開心果香味💨埋單都係二百蚊鬆啲 呢度既CP值好高！

四人幫好耐冇見啦☺️今日難得齊腳，shopping完梗係搵個落腳點食嘢傾偈吹吓水啦🥰中環呢間餐廳其中一個好姊妹話好好食😋咁就唔使煩直接搵呢間食🤓四個人有個好處就係餐廳都會安排卡位俾我哋坐，坐得幾舒服！又方便我哋傾偈🤪四個人揀四樣嘢，每樣都各有特色😉重點係全部都好好味☺️特別版招牌平鐵牛扒:侍應哥哥一講到係每日期間限定，我哋呢啲女仔就立即唔肯放過，一定要嗌返份嚟食😛果然好味，牛扒上嚟嘅時候已經切開咗六塊，啱晒我哋呢啲懶人😜牛扒完全冇得彈啦，我哋叫咗5成熟，剛剛好！牛肉汁好夠😚西班牙黑毛豬豬羽毛: 我哋講笑咁話食落去會唔會好似真係食羽毛緊乜都冇，哈哈😆不過份黑毛豬豬羽毛勁得👍🏻肉嫩唔會乾😍終極漢堡:漢堡都算大份，尤其是中間嘅牛肉漢堡🥳份量多，個醬好好味！乾式熟成西班牙栗飼豬鞍架：一定要推薦呢個西班牙豬鞍架🤤唔好睇佢有層肥膏喺度，豬肉其實識食一定要黐住層肥膏一齊食先好味！呢度個廚師真識揀🥳塊豬鞍架勁厚又唔鞋，不錯👍🏻仲有仲有薯條可以無限添加，四個女仔飽到傻咗☺️

經理話請食飯，梗係有大食大啦🤣🤣我哋一行四人去咗間平民扒房度食😏我哋已經好乖就住驚你個荷包啦🤣🤣因為呢間餐廳嘅牛扒比得上酒店嘅級數🤩唔講咁多廢話直接去相🫣❤️乾式熟成西班牙栗飼豬鞍架 $180❤️完全無豬腥味！果層肥膏堅得😏豬鞍架亦夠哂分量！❤️終極漢堡$168❤️食落就知道勁！呢個用牛肉製，漢堡唔會絞得好碎，咬落有口感，加埋啲肉汁同沙律菜同芝士食，perfect match!😚❤️平鐵牛扒 $160❤️呢個似英國flat iron!!!牛扒叫左五成熟，有少少血水伴隨😋旁邊仲有鹽同埋勁重牛油味嘅蒜頭俾你揀黎一齊食，掂啦🤩❤️just 漢堡 $188❤️呢個漢堡就係用豬肉製，食落去同牛肉味道上有分別，但一樣咁有口感同咁肉汁鮮嫩😋加埋薯條任食，呢餐經理抵比啦😏🤤