Top Blade Steak Lab VS PPPP

营业中

休息中

雖然今日唔係星期五，但係都想食返餐好，做嘢咁辛苦，食啲好嘅對自己個胃都好啲🤣🤣🤣首先呢一間餐廳其實我食過佢何文田嘅分店，食過一次已經好想再食第二次，今日喺中環見到佢嘅分店，諗都唔使諗就入咗去啦🥰你間餐廳主打食牛，但餐牌上都有其他豬嘅選擇☺️咁一於牛叫一個豬又叫一個被比拼下😂《平鐵牛扒 $160》：牛扒好嫩，一切就開😚而且一啲血水都冇，肉汁鎖得好好👍🏻《西班牙黑毛豬豬羽毛 $268》：黑毛豬不嬲出名就係肉質鮮嫩，豬肉味好濃🤭所以呢一個豬羽毛值得一試🤤飲品叫咗兩杯《Dirty lemon tea $45》同 《開心果特飲》😏特別推介開心果特飲，濃濃嘅開心果味令我飲上癮😎

二人三個餐會唔會有啲過分？🫣我哋今日就打破傳統，去一間專食牛扒嘅地方食漢堡包同豬🤣但係唔好講笑，依然係高質❤️～終極漢堡$168～漢堡牛扒好厚，但又唔會乾！中間啲肉汁豐富。芝士亦好夠，溶溶地有拉絲☺️～just 漢堡 $188～呢個漢堡其實係豬肉打成架😍一啲都唔輸蝕比牛扒漢堡😋肉汁依然好勁，中間切開仲好嫩🥳～乾式熟成西班牙栗飼豬鞍架 ～我對帶骨嘅肉肉特別鍾意❤️而且黐住骨嘅肉零舍彈牙同滑，因為郁動得多呀嘛😎呢個滿分💯呢度仲可以薯條任加任叫，開心🥳既然咁開心就叫多杯開心果特飲🤣🤣喂呀！好飲呀，又滑但又勁重開心果味👍🏻

終於搵到機會食呢間中環嘅餐廳呀😋餐廳一出嘅時候，已經聽到身邊同事係咁讚，擇日不如撞日，今日經過見冇乜人排隊，於是就嚟食啦🤗🤗座位排得有啲密，但都坐得算唔錯😚望住餐牌後，竟然想試吓乾式熟成西班牙栗飼豬鞍架😁又真係幾好食，首先煎得勁香勁靚😍然後嗰層豬脂肪好似啫喱咁正！雖然肥但食完之後覺得勁值得😝！配菜方面，啲洋蔥好林好香甜，配塊豬扒一齊食，有少少中和左豬嘅肥膩感，唔錯喎！重點係呢度有得食任食薯條，薯條應該加咗黑松露油，食落相當香👍🏻I like it!!!!

今日小妹簽咗張大單，咁梗係要食好啲當慶祝啦🥳所以揀咗呢一間喺中環都出名食優質牛扒嘅餐廳，但價錢又唔會話好貴🤩雖然坐得就冇酒店坐得咁舒服，但勝在呢個夠晒親民，而且呢度嘅Service好好，職員會主動講解餐牌有咩食，雖然選擇唔多，但勝在都夠全面😎估都估自己唔到，聽完職員嘅介紹之後，竟然揀咗西班牙黑毛豬豬羽毛( $268)!！可能比個名吸引到😝不嬲都知道整豬係難整個牛，所以想知道一間餐廳嘅廚師功力，就梗係試吓佢嘅豬啦😂😂果然無揀錯，呢個豬羽毛超級好食，望落去好似牛咁，食落口有少少炭香味👏🏻好加分！配杯Dirty lemon tea ($45)，成個人爽晒😆最勁就係呢度嘅薯條🍟係無限refill!!!!!!感覺食多碟薯條已經賺咗😂

疫情後嘅第一餐，我終於的起心肝約朋友出街食飯啦😃第一餐就貢獻左比呢間TopBlade 😙餐廳喺中環，而且係專食扒，價錢對於我來講都相對相宜😊而且侍應度好細心同有心，細心嘅係會講吓佢哋嘅餐單，雖然食物款式選擇唔多，但勝在每款都精緻夠吸引😍而有心嘅就係侍應不停主動問需唔需要加薯條🍟（因為呢度嘅薯條係無限任加）👍🏻是日特別版招牌平鐵牛扒 (每日限定)$238: 嗰塊招牌牛扒應該出名都係人都會叫黎食☺️可以整到咁多汁啲汁咁滑嫩一啲都唔簡單😳而且佢嘅燒粟米🌽同粟米蓉都好正😃乾式熟成西班牙栗飼豬鞍架 $180:呢個慢煮豬扒夠哂火喉又有風味😋最愛就係佢有肥豬肉黐埋一齊，而且第一次將蒜頭同豬肉一齊食，又真係幾爽喎啲味！😍呢間餐廳絕對有下一次😎

我又獨自去偷歡！哈哈，其實約咗2:00喺中環見客，早咗到所以順便去食過午餐🤩途經呢間餐廳，聞到好香嘅牛扒味😳把心一橫衝入去食😈店員帶我入座之後，輕輕介紹個Menu，由於我心有所屬，所以直接問店員有咩牛扒介紹，佢話如果想食CP值高嘅牛扒，呢個平鐵牛扒絕對係唔錯嘅選擇，咁就咁話啦😝牛扒大塊切得好厚身，牛肉味好重，我叫左medium, 上枱顏色已經好靚😍而且唔銀，入口好似咬開👍🏻👍🏻呢度嘅薯條係任加，鍾意食幾多就幾多，而且係一個小煎pan上，份量極多！幾抵食😚黎多枝可樂真係完美🥳

想食平鐵牛扒，梗係去打正旗號嘅 “Top Blade Steak”，不過我哋係外賣返屋企，阿sir話限時優惠好平，唔駛二百就有兩客牛扒，雖然要特登搭車去拎，但我覺得非常值得。🍴香草平鐵牛扒 x 2客⭐️⭐️一打開盒比焗蒜嚇親，一般西餐廳配菜只會係薯仔、甘筍、豆類、西蘭花等，估唔到佢係烤焗差唔多一個鐘嘅蒜頭，阿sir見到非常滿意，平時響屋企煎牛扒都會整焗蒜，而家未試主角已經加晒分；至於主角平鐵牛扒，medium真係做得剛好，肉味香濃之餘仲好juicy，不過略嫌口感有點”實”，可能因為無乜脂肪，又或者可能係外賣凍咗嘅關係啦，呢方面我可以接受。至於薯條，入口食到好香松露味，我估應該係用松露油炸，雖然凍咗，但仍然好味！下次會去堂食，不過等疫情緩和返先。二人共消費：$167

如果想食平價但又高質嘅牛扒，呢間餐廳絕對要推薦比大家🤩佢勁有外國用餐嘅feel，有晒啲好high嘅音樂，個環境又坐得舒服😳坐下食下都唔捨得走❤️我同朋友兩個都好鍾意食牛，咁例牌一定要叫佢嘅牛扒嚟食啦😁而佢哋每個餐都會有得薯條任食❤️平鐵牛扒：跟住員工哥哥講，我哋揀咗medium rare黎食，牛扒上到枱時，見到玉嘅顏色就知道師傅煮得剛剛好🤭伴碟仲有啲鹽同埋蒜頭🧄，原汁原味食又好味，點鹽加重牛肉香味，配蒜頭又有另一番風味😳是日特別版招牌平鐵牛扒 (每日限定):我哋再要一個特別版嘅牛扒😍完全高質，平鐵牛扒已經好正，呢個特別版更上一層樓！除咗比普通版更加鮮嫩多汁，配菜更為出色☺️

一個人出街食飯，有人會覺得好寂寞！但對我嚟講就相當享受，因為可以真正咁享受份美食🥰🥰今日難得出中環，梗係要搵吓有咩好嘢食😃結果比我發現呢間香港版嘅flat iron😎餐廳嘅掛畫大大隻牛喺度，擺明就係話俾大家聽佢哋出名就係食牛啦😜咁我一定要叫份嚟試吓啦🤙🏻平鐵牛扒：$160一份，牛扒好厚身👍🏻餐廳本身已經幫你切咗幾份，自己再因應大細再切🤗擺入口出面層皮係有少少香脆，當然入邊就好滑，啲肉汁鎖得唔錯😎另外個配菜係半隻大蒜頭🧄粒粒都軟綿綿，好👍🏻🍟任食，但質素亦相當唔錯！Dirty lemon tea $45:叫多咗杯檸檬茶，唔會好似出面咁甜，係杯用心嘅檸檬茶😎

係朋友嘅介紹之下，今日嚟到呢間平民扒房好食一餐😜朋友果然冇介紹錯，無論係牛定豬食完之後，都令我眼前一亮🤩西班牙黑毛豬豬羽毛 $268:食豬來講呢個價錢算有啲小貴但又真係值呢個價，因為個黑毛豬超級嫩滑😋就咁睇相，仲以為佢係牛🤣但真係超級正！平鐵牛扒 $160: 呢款牛扒厚身得黎唔會柴，肉汁鮮嫩，真心好味道！個粒蒜頭都可以話係靈魂，勁香牛油味😆🤙🏻是日特別版招牌平鐵牛扒 (每日限定)$238:😳雖然大家都係平鐵牛扒，但呢份相對就貴一啲，貴梗係有佢當中嘅道理啦！牛嘅質素已經係高一班，食入去輕輕一咬就斷開，有少少即化嘅感覺！☺️配菜亦都相當出色，我有時仲會配埋啲牛一齊食，感覺相當良好！😚仲有就係任加任食嘅黑松露薯條😈邪惡但食得相當開心🤭

小妹雖然鍾意食牛扒，但係對比起牛扒，其實我更加鍾意食豬扒😆但竟然比我發現到呢一間餐廳出名食牛，但係佢哋嘅黑毛豬扒又好鬼正🤭真係滿足晒我👏🏻👏🏻先講餐廳環境，餐廳裝修有少少藝術feel，而且啲枱枱櫈櫈都好特別，又坐得幾舒服☺️再嚟讚一讚餐廳嘅員工服務態度幾好，因為而家好少餐廳會主動介紹餐廳食物啦！好多時都係自己坐低自己睇😅黎到梗係要叫我嘅西班牙黑毛豬豬羽毛 $268:價錢可能有少少貴，但絕對值回票價😍因為個黑毛豬真係好嫩滑🤗而且份量非常之足夠！另外嗰啲配菜都非常有水準😙！仲有仲有佢哋包埋個黑松露薯條任加，真係超級正🥰

去過英國都知道呢一間Flat Iron好出名，專食平民版嘅牛扒😳今時今日，香港都有一間Top Blade Lab🤭佢哋啲扒又係勁高質，但價錢又好抵食👍🏻餐廳環境都幾舒服，好chill好啱朋友仔坐低傾吓計敘吓舊😎所以好啱我同好朋友今日嘅目的，就係敘舊啦🤣題外話，我哋兩個真係傾到唔捨得走😝入正題啦，我哋兩個叫咗兩款套餐，包埋任食黑松露薯條🍟🍟🍟🍟係任食，真係不停可以refill！勁爽🤣平鐵牛扒：鍾意食牛扒嘅一定要揀呢個，侍應一攞上枱已經香氣十足，再見埋塊牛扒，中間嘅肉顏色勁靚👍🏻真係就咁睇都覺得好好食😋just 漢堡🍔 ：呢個漢堡係用豬肉來做，但係味道依然好濃郁👏🏻而且咬落去好Juicy!!!!開心果特飲:我係見到隔籬枱飲緊嘅時候俾佢隻顏色吸引住，所以問一問侍應呢杯係咩嚟🤭原來係開心果特飲，又真係幾好味😋飲落去好滑溜！yeahhhh ❤️

男朋友喺中環返工，今日諗住俾驚喜去接佢放工順便喺附近搵間餐廳食飯🫣結果比我搵到呢一間驚喜之選🥰因為佢算係平民扒房，食扒有質素之餘價錢仲好親民添🥳所以一定要介紹俾大家🤣🤣我同男朋友坐低之後，服務員立即主動介紹Menu👍🏻最後我哋兩個揀咗呢兩個👏🏻乾式熟成西班牙栗飼豬鞍架 $180:呢個豬鞍架煮得好出色😙舊豬扒完全唔會鞋口，切落去仲好順滑！而且有骨連住，又有少少肥膏黐埋一齊食，好有驚喜😎終極漢堡$168:個名夠晒終極，應該係終極好味！哈哈😆中間塊牛肉漢堡超厚身，好鬼足料！而且有少少牛脂肪咁，少少油多多趣！好啱我哋食🤩重點係呢度有黑松露薯條任refill😳估唔到我同男朋友兩個都可以食到三盤薯條，我覺得我哋好勁🤭

呢一間非一般嘅扒房餐廳，有別於傳統酒店級，但味道方面又可以話媲美酒店級😍因為啲牛肉好有質素，而且我聽返嚟嘅多數都大贊😚既然係咁，今日就同男朋友試一試佢嘅龍山真面目😛餐廳都算坐得幾舒服，而且店員哥哥非常之Nice，講解餐牌時亦好細心👍🏻👏🏻我哋兩個睇完餐牌一大輪，決定又要成日食牛又要食豬🤩試晒佢兩款肉，睇吓質素係咪同樣咁高😳just 漢堡 $188:呢個漢堡包特別之處就係佢用豬肉來做個漢堡扒☺️但個漢堡扒完全唔會乾爭爭，仲好Juicy添😜而且仲有兩款芝士Max埋一齊，好啱我呢個芝士怪🥳是日特別版招牌平鐵牛扒 (每日限定)$238:聽店員哥哥講呢一個係每日期間限定，咁就一定要嗌黎試吓啦☺️牛扒好食固然唔使講，但嗰個燒粟米勁香甜，下邊嘅薯蓉勁滑溜👍🏻👍🏻果然冇介紹錯😊

已經好耐冇試過出街食lunch啦🤪難得疫情開始放鬆，我都忍唔住要出街搵好嘢食😝今日挑戰呢一間叫Top Blade Lab嘅餐廳，我其實有食過佢喺沙田嘅分店，當然味道好唔錯我先再挑戰中環呢一間啦😚😚不過今日就唔係食佢哋餐廳最出名嘅牛扒，而係揀咗乾式熟成西班牙栗飼豬鞍架 （$180），豬扒一上枱已經忍唔住相機食先，因為個賣相好靚！有骨嘅豬扒果然係零瀉好味😋尤其是黐住骨邊嘅肉更加正😍啖啖肉食落去有少少焦香，好值得推薦比大家食😎當然佢嘅薯條任食都好吸引啦😝Lemon tea 感覺係新鮮製，fresh得黎仲有啲香草嘅味😚