Tonkotsu 8 by 三田製麵所 (香港國際機場機場一號客運大樓) (裝修中)

下午兩點幾從日本回港，hubby話太肚餓要响機場揾D嘢食先番屋企，一齊還完pocket WiFi諗住去翡XX麵簡單食D嘢；後來佢話要去埋廁所，我等佢嗰陣見到呢間日本拉麵，因未食過呢間有D想食，不過心諗我哋剛响日本番嚟，hubby應該唔會再想食掛，怎知佢竟然話好我哋入去坐低睇餐牌，大家都揀义燒炸雞拉麵，而且價格$88唔算貴，味道我也很滿意，义燒唔肥但不韌，炸雞香脆，糖心蛋yummy,湯底比較濃味我鍾意 不過對拉麵有要求嘅hubby就話湯底唔夠好味喎

係一蘭隻拉麵 冇得自己跟喜好揀 麵偏硬 湯底係ok既 不過有種麵還麵湯還湯既感覺 其實佢拉麵唔算正 不過$70算係咁😂驚喜係個餃子到 $37 for 6 超勁餡 又冇同個皮分開哂 好唔錯^o^不過我係覺得機場難得有好食餐廳竟然價錢都算合理當然如果可以做到其他拉麵店咁有個人化啲既選擇就會好加分叉燒算肥美 overall experience不錯餃子係真係要試 因為好少食到咁好味既餃子個皮唔厚 煎得通透 唔會硬gwudgwud 好得!推介: /5

香港機場禁區外終於有新食店！位置係接機大堂，方便容易搵，唔洗行咁遠。仲係少有既日式拉面店，營業時間長，多個選擇都唔錯！MENU上食品選擇算多，價錢適中。以機場食店價格黎講，都算係合理！點左咖喱拉面，賣相吸引有誠意，份量足夠飽肚。叉燒肥瘦分佈適中，溏心蛋煮得岩岩好，蛋黃晶瑩剔透！湯底咖哩味濃但比較油膩。同行友人點左原味豚骨拉麵，同樣係比較油膩，有待改善！店面面積不大，但光猛乾淨，亦有存放行李區。值得一提係店員非常友善同勤力，落單快手，等餐時間大約十分鐘。有機會會再黎試多次！

早兩個星期，同女朋友去日本旅行，由於係七點幾早機嘅關係，我同佢大概六點鐘就來到機場check-in ，由於六點鐘嘅時候好多鋪頭都未開，所以就入咗嚟試呢間拉麵。本身見到呢間餐廳價錢都唔算太貴，一碗拉麵大概70零＄80左右，以機場嘅價格來講都算幾抵，但味道就真係不敢恭維啦。首先上碟嘅時候，見到碗拉麵係用個膠碗裝住，都心知不妙，食落去嘅時候，絕對係同自己喺超級市場買包拉麵返去求其煮嘅質素冇分別，麵質硬，湯底亦非常之鹹。總括來講，價格都算公道，喺冇選擇之下都算係一種飽肚嘅早餐，但叫我再食多次就咪啦。

滿心歡喜，機埸多了一間拉麵店。開業初期，午市時段，也坐滿了人，因不想等位，預啱下午茶時段才幫襯。結果…一試便知原來只是港人口味模仿日式拉麵的拉麵店。本人點了豚肉拉麵配黑芝麻湯底$78，湯底味道和外觀還可以，但食材就…,其中一片比較厚的黑豚肉就像港式的蓮藕炆五花腩中的肉類，而半孰蛋也像在家中也可以自的級數,(但橙色的蛋沁仍很吸引)，而主角拉麵口感也完全沒有日本拉麵的感覺，因拉麵的份量只是剛剛足夠，也未全飽，而餐牌也有優惠，可加$10配一件炸雞，(當然非常小型)味道也只是一般般。沒有打算再幫襯，試過就算。

博多豚骨拉麵by三田製麵所 (Tonkotsu 8) 在香港國際機場開了一間新分店，亦是唯一一間日式拉麵店在機場禁區外，三田製麵所的沾麵是好評居多，但T8第一間分店在沙田的評語只是不過失，博多拉麵加三田這個品牌其實可以有更好評語，當然我推測那個8字有否和8番拉麵有關，我的意思有可能是三田和8番合營這個T8。機場這間新店我認為最不好的地方是行李放在外邊，很多座位都看到行李處的情況，容易被人偷走行李。另外T8要加一服務費，機場食物特别貴，T8拉麵價錢雖和外邊差不多，但加一以至數目有小數點，收到豪子是感到討厭，特别是單身中年男人。我選擇了香辣拉麵和一件特色炸雞。拉麵普普通通，叉燒有兩塊，肩肉叉燒有8厘米長，較好味易食。腩肉叉燒有6·5厘米長，肥膏層還可以，瘦肉層要用好大牙力才可咀嚼。炸雞太乾難吃，沒有醬汁伴碟有點失望。唯一可以讚的是辣醬，夠辣得來作早餐肯定醒神，而且吃完辣感存在咀唇邊很長時間，冬天寒冷點點辣感感覺錯。

最開心是在深夜除了美式速食餐廳外，還有日本拉麵這熱食選擇！當日挑選了最保守的拉麵，以機場的價錢來看，是相對值的，但還是有點貴……這次初嘗試了的拉麵，味道不太差，也不算是會吃得飽，只是剛剛好的分量。細食的話也可以，同場見到有另一個客人加點多一碗拉麵😮😮位置舒適又不會太逼，剛剛好的位置可以值得一試👍🏻而且，還是24小時🈺️業！！店員姐姐除了會說廣東話，還會說普通話和少量英文，還能以聽得明白的日語表達幾位客人及「歡迎光臨」，不禁令人嘆為觀止👏🏻👏🏻👏🏻

麵很快便到，咖哩拉麵材料很豐富。麵底原來可以半份半份加。 炸雞很吸引。炒飯自己將蛋炒勻。樣樣都不錯。還有蟹肉忌廉薯餅，所有食物都很地道。因為t2停車場泊不到，來了t1 , 意外收穫不錯呢。