Tonkotsu 8 by 三田製麵所 (香港國際機場機場一號客運大樓) (裝修中)

🍜叉燒炸雞拉麵呢個拉麵一共有三舊叉燒、兩件炸雞以及半隻糖心蛋。拉麵嘅湯底最怕就係好鹹，但呢度湯底確實唔錯！叉燒都香口，如果炸雞可以另上就更好啦！🤭🍛吉列豬扒咖喱飯食咖喱我就一定想配吉列豬扒！咖喱份量都算多，鍾意撈飯食嘅朋友就一定夠！吉列豬扒一共有四舊，啱啱炸起，熱辣辣，唔錯！🥰🍗炸雞中翼（黑胡椒風味）雞翼一共都係四件，又係新鮮炸起嘅，外皮打得幾脆，胡椒味幾香，覺得煮食唔夠嗌呢個小食絕對唔錯。

—————————————去左機場送移民既朋友一程😢送完之係Tonkotsu 8 by 三田製麵所食左個麵估唔到都有驚喜。𝐎𝐫𝐝𝐞𝐫:-孖住食套餐|$198⧐豚骨拉麵(黑麻油)⧐豚骨拉麵(原味)◎豚骨拉麵黑麻油味比起原味我比較鐘意食依個黑麻油，一黎自己都比較重口味，所以黑麻油真係啱哂我口味。◎豚骨拉麵原味都唔差，想試返原汁原味就可以簡依隻，可以食到濃厚既豚骨味。套餐仲有小食同野飲，圍返起條數同出面食都差唔多，係機場黎講都係幾親民，味道仲唔錯添😋。—————————————📝評分味道⁴/ ⁵環境⁴/ ⁵服務⁴/ ⁵衛生 ⁴/ ⁵抵食 ⁴/ ⁵—————————————📍Tonkotsu 8 by 三田製麵所 (香港國際機場機場一號客運大樓) 赤鱲角暢達路1號香港國際機場機場一號客運大樓5樓抵港層接機大堂(非禁區)

機場都有好嘢食香港人最鍾意就係旅行，特別係日本，成日都話日本係家鄉。我暫時都仲未有得去日本，但最近就去咗機場送朋友機😢佢要移民去西方，咁我地就揀返啲亞洲嘢食下，食個拉麵餞行啦其實我都係第一次食三田製麵所，見到有個孖住食套餐$198，喺機場嚟講一啲都唔貴，抵食啦我就揀咗保守嘢，食原味豚骨拉麵，一嚟到緊係試啖湯先，好香濃唔死咸，亦都唔係味精湯底，個麵質爽口，有手掌咁大塊叉燒，肉質腍滑，半隻溏心蛋，有喺日本街頭食開嘅水準朋友夠勇氣試撈麵，炸雞香辣撈麵，聽個名唔似日本嘢，個食落真係日式炸雞，皮脆內裏仲有肉汁，唔會話個醬撈完啲炸皮淋晒，個撈麵有少少辣味，最正係有隻日本雞蛋俾你撈埋一齊食，諗返起都覺得正，反而有啲羨慕朋友叫咗呢個二人餐仲有個小食餃子，外皮香脆入面鎖住咗啲肉汁，要小心咬唔好彈晒啲汁出嚟🤣🤣🤣食完呢餐希望朋友一路順風，我就下次有機會飛去日本食拉麵啦

一路以黎都好鐘意日本輕食類既餐廳，由其係拉麵/烏冬/便當飯既鋪頭仔就最吸引我，因為性價夠高之外又好味🥲今次終於食左Tonkotsu 8 by 三田製麵🤣 三田製麵咁出名，都無人唔知啦！叫左一個招牌豚肉拉麵加黑麻油。香到爆炸！又好食😋有我最愛既溏心蛋，好肥美既豚肉，食到shushu 聲。屋企人就食左一個黃金牛肉當飯，牛肉唔un易咬開，份量多，幾抵食！至於小食我哋都食咗我最鍾意嘅章魚小丸子！同埋煎餃子❤️ 係有少少邪惡既，全部香口野，但食左開心無計啦🥳

好耐冇去機場，今次都係因為送朋友機先再次入去，好多餐廳都冇關，見到三田製麵所有開就去試一試🤣咖喱豚骨湯拉麵期間限定既拉麵，咖喱湯底都幾濃稠，麵條可以掛上厚厚湯汁，爽口彈滑🥰無鹼水味，仲有半隻溏心蛋鐵板炒飯上檯時超級香🤤蛋呈半熟狀態，趁鐵板熱辣辣快炒飯同蛋，加埋蔥花一齊食，勁香勁惹味章魚丸子外型好吸引，粒粒都脹卜卜，外脆內軟，章魚粒彈牙，一份仲有5粒，正☺️薯仔沙律有青瓜、番茄、粟米、生菜，勁豐富

嚟到機場，歡送完摯友之後，難得嚟到當然都嘗試搵吓好西，😳尤其是以而家嘅機場咁空曠，雖然少咗好多熱鬧但係多咗嘅似乎係優雅嘅環境，嗰一份靜靜嘅環境甚至都可以聽到飛機起飛嘅聲音。肚餓就搵咗間以專食拉麵為主嘅Tongkotsu 8 by 三田製麵所。🍜咖喱豚骨湯拉麵—🍜 無論係傳統豬骨湯又或者係辛辣豬骨湯再或者係黑蒜油湯底，基本上每間拉麵店都會有，所以揀嘅時候當然揀一啲極少接觸嘅湯底，好似呢一個咖喱豚骨湯🍛，從個湯底上就已經feel到有幾濃郁，就好似喺三田製麵所食嘅沾麵一樣，當然強調嘅係濃香但又唔會做到鹹嘅效果，調味上到經過balance。🍜至於面底就用左幼身嘅面，咁就可以做到一啖面再一啖湯，咁就係最佳嘅食法，半肥瘦嘅叉燒亦都係一大焦點， 🤤即使肥嘅話，都冇出現油膩感覺。至於枱頭旁邊亦都放咗即磨芝麻同埋辣椒粉用嚟帶出更香嘅味道，配合拉麵亦都幾夾🍜特製炸雞— 🍗有拉麵當然都唔少得小食，呢一個炸雞最出色嘅地方一定係新鮮即整所以皮嘅部份格外酥脆，🍗肉質仍然係一絲絲嘅感覺，呢一啲都係新鮮嘅特徵。🍗Tonkotsu 8 by 三田製麵所 (香港國際機場機場一號客運大樓) (赤鱲角)赤鱲角暢達路1號香港國

🥹好耐冇去機場啦，今日去機場送別朋友順便探下呢間以前有得飛時好鍾意幫襯嘅🎱拉麵，味道依然保持水準。🌶香辣豚骨拉麵 $72豬骨味湯底香濃又唔會過鹹，拉麵質地比較幼身爽口，軟硬適中，做到掛湯效果，香辣味唔算辣唔會蓋過湯底嘅原味。叉燒大塊偏薄身，肉質軟嫰配埋完美流心蛋，好滿足。🐖黑麻油豚骨拉麵 $74黑麻油搭配豚骨湯底令湯頭味道更加濃郁，加埋香脆蒜片，啱晒鍾意較重口味嘅朋友。除咗拉麵，仲有多款丼飯類🍛🍱可以選擇，所有飯麵類均可以加$26-$40 跟餐，可以揀一款小食：炸雞、餃子、吉列豬扒、薯仔沙律、炸雞翼再加一罐飲品，加配埋就更加滿足。希望不久嘅將來，可以用一個旅客嘅身份再嚟食碗麵 🤞🏻

難得黎機場送朋友機，想搵間嘢食之後，都幾困難，因為疫情關係，好少飛機，所以好多舖頭都冇開，好彩都有一間日本嘢可以食。呢度裝修都幾光猛，座位都幾闊落，坐落都幾舒服！呢度職員嘅服務態度好好好殷勤，好樂意介紹食物俾你，又會好熱心咁斟水俾你飲！見到餐牌都幾多選擇，有拉麵啦有咖喱飯啦便當等等，諗咗一陣先諗到食乜嘢好見到隔籬枱啲朋友仔叫咗咖喱飯食，我梗係想試一試啦！咁我就叫咗炸雞咖喱飯，等咗一陣就有得食，都算幾快！舊炸雞新鮮炸起熱辣辣！新鮮炸起，九成都好食，呢次都唔例外！而家咖哩味道都幾好，好多汁，岩曬撈飯黎食！整體上都幾滿意，下次要再試吓啲拉麵，睇吓佢就係都咁好食！呢度職員嘅服務態度好好好殷勤，好樂意介紹食物俾你，又會好熱心咁斟水俾你飲！

Tonkotsu 8 by 三田製麵所 赤鱲角暢達路1號香港國際機場機場一號客運大樓5樓抵港層接機大堂(非禁區)以前機場有T 2都幾多嘢食而家T2進行大裝修加上疫情關係人流減少又開嘅餐廳都唔多送朋友機 接機 有時都會等得耐今日行過見到 入去試一試一入去 店員會用日文講歡迎語裏面四四方方 大約有九張枱面積唔大 勝在環境乾淨特別講一講炸雞幾好味😋跟餐有嘢飲 炸雞大約有4至5大件小丸子都唔錯 面頭好多木魚糠叉燒炸雞拉麵 粟米 半熟蛋特製炸雞套餐ZERO可樂（跟餐）章魚丸子

🇭🇰機場食拉麵～二訪🍜豚骨拉麵 黑麻油 $74豚味頗濃 蒜味吾太重 不過加咗黑麻油後幾香 拉麵口感Q彈～豚肉都好冧幾薄 重有半隻溏心蛋🍜叉燒炸雞拉麵 $883件叉燒 2件炸雞 半隻溏心蛋 呢款性價比就高啲好多餸 湯底就無黑麻油咁重口味 炸雞如果可以另上就好啦 浸左落啲湯令到個外皮無咁脆不過都啖啖肉好滑🥟煎餃子（5個）$34正常發揮嘅餃子再配上三個醬汁滿足吾同需要嘅人：醋汁、餃子鼓油、辣麻油餐牌好似改咗啲更新左～📍Tonkotsu 8 by 三田製麵所(赤鱲角)赤鱲角暢達路1號香港國際機場機場一號客運大樓5樓抵港層接機大堂(非禁區)

朋友移民要去送機。難得山長水遠入到機場，緊係要去幫襯我其中一間最愛嘅拉麵店啦！豚骨拉麵 黑麻油 $74呢碗岩晒熱愛重口味既我❤️ 一大佢叉燒+半粒溏心蛋，叉燒薄左小小但唔鞋口，溏心蛋出色，有滷過，好味。湯頭濃郁順口不油膩，黑麻油好香，令湯底變得有層次。麵條Q彈有嚼勁！再加埋即磨芝麻，更添香氣。叉燒炸雞拉麵 $88一碗有3片叉燒，2大件炸雞，同樣有半隻溏心蛋。同樣都係豬骨湯底，但冇黑麻油，飲落就比較單調一點。同埋最唔好嘅地方係炸雞冇另上，好容易就浸淋咗個炸皮。加$40配左3隻煎餃 & 4件炸雞，其實應該係得三件炸雞，但係可能因為size比較細佢畀咗四件我。開心。餃子就普通工廠貨不過不失啦，炸雞係好食嘅，外脆內軟帶有肉汁。隨餐仲送一罐罐裝飲品。呢個價錢，係機場嚟講，算係幾唔錯。食得過。

☕️ 食物：👍🏻👍🏻👍🏻 /5💰CP值：👍🏻👍🏻👍🏻 /5🤵🏻 服務：👍🏻 /5 🛋 環境：👍🏻👍🏻👍🏻/5 呢間拉麵之前停業左好耐，佢開返又好耐冇去食，又再一次同同事去食啦！炸雞辣肉碎撈麵 炸雞肉既份量都幾多，拉麵口感都可以，配上的肉碎同配料蔬菜都比較還可以 ～另外一提既係，食物質素還都可以，唯獨服務員既工作態度可稍作改善 ～

有朋友最近決定去外國讀書，所以呢一餐算係我地2021年最後一齊食嘅飯😢呢間拉麵我都食過唔少次，不過對佢嘅野印象都係忘記得七七八八，因為對上一次食都已經係咪接近兩年前嘅事🤕今次我就嗌左豚骨拉麵 黑麻油，其實就係同黑蒜油湯底味嘅湯底冇分別😂湯底嘅蒜味好足，而且試個湯時都食到有一粒粒嘅蒜，係好香好惹味嘅湯底😋麵質方面就偏淋少少，真係少少咁多😂溏心蛋就真係好好食！！非常非常之好食🤤叉燒就一般啦，不過不失咁，但少得滯，得一塊🤒評分：7.5/10，以喺香港機場黎講，呢餐拉麵嘅質素都唔錯，但份量就少得滯，飲埋湯都唔夠飽☹️

午飯時間有得一個choice 嘅lunch menu就係牛肉飯 全餐廳最平架啦六十幾蚊但係排完隊入去先話無飯🍚？焗你食一個七十幾八十蚊既拉麵🍜豚骨拉麵 黑麻油 $74蒜味🧄吾太重 黑麻油幾香豚肉都好冧幾薄🐽個蛋就過熟啦🥚炸牛肉薯餅 $36呢過吾錯 入面有啲牛肉碎重有醬點 無咁dry大大塊 性價比高⚠️機場員工免加一⚠️📍Tonkotsu 8 by 三田製麵所 (赤鱲角)赤鱲角暢達路1號香港國際機場機場一號客運大樓5樓抵港層接機大堂(非禁區)

呢間拉麵店真係可一不可再見佢個早餐menu四十幾至五十幾平平地先食成個menu碗碗拉麵都係得一塊叉燒唯獨是一款叉燒鹽湯拉麵幅圖係有五塊肉點知碗拉麵到左之後撩均晒成碗都係得三塊肉係到😡本身我係嘛嘛地鹽湯純粹因為有五塊肉先叫🙄食完成碗拉麵一啲飽既感覺都無個menu係後面係印住圖片只供參考但係咪印住就可以擺明欺詐先向店員投訴又驚加料食完想向店舖customer service投訴點知原來總公司網站、電話乜都無特登為左呢間過份拉麵舖開個ac留cm祝 早日執笠