Tom Bar & Grill

营业中

休息中

食物水準一直都好高和穩定。老闆，經理和伙計一直都落力及有熱誠去招呼客人。室內和室外的環境都怡人。食飯推介：蒜香雞，炭燒豬頸肉，炭燒牛仔骨，蝦醬炒牛河，馬拉盞通菜⋯

某月某日，和朋友一起去科學園行下，望到海邊有間餐廳，於是入去入面食午餐，價錢一般，但我們入去食黑松露薯條，黑松露只是一般，味道不夠濃味，食過一次已經夠了，朋友都是這樣說。

1/5What a waste for the amazing view. Ordered a beer while waiting for the food, my gunnies black deer taste like water and no bubbles, they claim is becos this is a no sugar version. Well then I changed to a asahi and still taste watery then the normal. My friend 1664 is fine tho.Thousand island sauce seafood pizza, tasteless dough, thin bread crispy edge, enough cheese, just I don’t taste enough sauce, just a little seafood sprinkled on top.Was trying to ask which sausage in the German sausage

餐廳位置是非常標誌，面對最靚吐露港景色，前面是單車路及行人路，沒有空氣污染的問題。由其假日做 brunch 到 high tea, 大批客人排長龍等位。可適管理不差，人手嚴重不足，户外眼見最小超過二十張台只見兩個仕應拾枱/寫單/派餐，客人走了超過10分鐘亦未能清枱。食物又是失望。Burger 要 medium 卻是全熟， 牛扒同大家樂薄切一模一樣，但價錢貴得多！連埋單都要三吹四請！這個收費加景色可以做得更好，完全浪費硬件！

好鍾意踩單車或者過嚟散步，然後喺度坐低飲杯野～1664 $85 500ml ,朋友叫咗個晏晝$88套餐 跟一杯嘢飲同埋一個青咖喱飯，味道都OK可以嘅～基本上都冇乜餐廳可以揀嘅如果係向住過海～所以呢度變咗首選㗎啦！科學園環境優美拍拖一流，心情都會靚啲因為個風景太優美、我未試過佢啲特飲次次過嚟都係飲1664～同埋食下小食，都還可以嘅！主要當然係食環境啦～淨係望住咁優美嘅風景都夠飽啦😂踩單車態度途中休息係又可以同朋友吹吓水又繼續踩！一個好去處！

揸車出去火炭嘢，買完嘢同阿仔去科學園行下，吹下海風，睇下景，順便可以食晚飯放寬四人一枱後，我同阿仔終於唔駛隔住塊板餵飯🤣🤣叫左4樣野1. 蟹肉大蝦天使麵配紅花忌廉汁唔覺有蟹肉同個汁太黏，唔係太好味2. 夏威夷pizza唔錯，個pizza整得幾薄，個邊夠脆，鍾意食薄pizza就岩晒3. Sausage plater 無提供芥末，同啲腸麻麻地好食4. 豬肋骨呢個係最好食，夠入味同淋配菜幾別緻，法邊豆好味不過呢間餐廳係食個景為主，可能日頭去望到個海會值啲

平時lunch 科學園無咩選擇，Tom and Grill 一星期內都會食一次。去年啲quality 都叫可以。不過近呢幾個月差到入唔到口....啲外賣成$6X.....我食clubOne 外賣好過. 送飲品都只係$50. 諗著今次廚房終於煮返紅湯，終於唔洗次次飲黑松露白湯.....今次外賣呢碗菜湯簡直喊到飛天，仲要得半碗....Remarks: 外賣成日執錯...香茅豬扒變咗冬陰功都得⋯⋯啲外賣餐具仲犀利，知牙籤未開入邊啲牙籤已經冇咗啦

差唔多每個星期都踩單車🚴‍♀️踩到科學園就會坐低食埋野⋯對住大海食飯係幾chill既今次叫左個煙三文魚扁意粉同雞肉串燒🍝🍢因為有小朋友，所以交代左煙三文魚都要煮到全熟🙈🙈意粉韌度岩岩好，蕃茄醬好濃，好好味，大人細路都鍾意食👍🏻👍🏻雞肉串燒，肉質都唔會好老，好怕食到好鞋既肉🙈🙈沙爹醬係好好味😋野飲叫左一杯熱朱古力，一杯Asahi當日好大風😂😂啲食物好快凍晒，呢個係坐out door壞處⋯呢間餐廳其實都食過幾次，個人認為食物同服務可以做得更好

講真，呢個位係踏單車既補給位，又對住海咁開揚，見價錢貴少少都無所謂，照入去醫肚。餐廳睇落格局唔差，都有啲期待佢既美食，我去到時間係下午茶，咁就叫過黑松露炒飯$88，千島海鮮薄餅$158，沙爹串燒$48，一杯mocktail, 一杯cocktail. 點知個炒飯一黎到已知不妙，衰過茶餐廳炒飯，仲要無黑松露味，邊似係一間餐廳既出品。咁諗住個薄餅穩陣啦，點知一黎就知道係急凍貨啦！收我$158, 起碼都俾返啲人手薄餅我呀！餐廳俾啲咁既食物客人食，但收費絕對不合理。個串燒梗加唔在講，乾到咬唔開，CLS。唯一係個水吧啲飲品正常，大家真係唔好中伏，性價比係零。

呢間係科學園比較多人訂枱既餐廳之一，主打東南亞風味同西餐，海南雞啊~咖喱飯~漢堡包啊~肉眼扒~但佢連小炒都有~排骨炒面~炒牛河。而佢有室內同室外位， 同埋鄰近單車徑，吸引左唔少外國人同埋單車手泥呢間鋪，室內闊落，有哂安全距離，如果坐室外仲可以對住海邊食飯，更加寫意。午餐要左個泰式風味黑椒汁牛仔骨配薯菜，配奶茶仲加左個小食鳳爪 ，牛仔骨煎燶左啊今次，但都幾好味 佢真係有種炭燒既感覺 ~ 鳳爪醃到入哂味 重口味既朋友可試下 。🥰

我和女兒去新界東踩單車，通常都會設定中途站，科學園是我的補給站。女兒小時候，在科學園買雪糕食，然後回程。女兒長大一點，由沙田入大埔，在科學園一間餐廳吃午餐，補充體力。科學園，單車徑旁，有幾間餐廳，我暫時試過兩間，建議坐在露天位，向東有無敵海景。今次介紹 Tom Bar & Grill。泰式海南雞飯，$85，一般，飯不夠熱，海南雞和飯，正常味道。下午茶，泰式豬扒凍檬，$68，這個不怕不夠熱，凍食，豬扒OK。  卡邦尼意粉，$88。公司三文治，$88。總評味道：一般；環境：建議坐在露天位，向東有無敵海景。服務：可以；衛生：正常。Tom Bar & Grill 沙田白石角香港科學園科技大道東16E號海濱大樓二座地下S088-S089號舖

呢間餐廳正正位於科學園近白石角嘅位置，對正單車徑同海濱長廊，所以就算唔係去食嘢去飲杯嘢吹下海風傾吓計都係一個好嘅地方。——————————————————————- 我嗰日係甘啱喺平日七點嘅時份去嘅，撞正佢哋仲係happy hour嘅時間，真心叫酒好抵。啤酒先二十幾蚊杯，如果正常嘅Cocktail都係三十幾蚊，啲複雜少少嘅cocktail就五十幾蚊。而且佢happy hour時代重有d泰式嘅小食都係賣緊$50左右內，非常正。———————————————————————我嗰日就叫咗佢哋其中一個限時優惠嘅套餐。佢包一隻黑胡椒炒或者避風塘炒嘅麵包蟹同一杯大啤酒都係$168。不過講真蟹肉份量冇特別多，但拎嚟打卡都可以嘅，味道都唔差。$168對住過海仲有隻蟹食仲有埋杯啤酒飲，算係咁㗎啦。———————————————————————本身我同朋友打算叫啲蠔嚟食下，因為佢有個六隻嘅set ，但佢哋咁啱冇貨😖所以我哋就嗌咗個焗田螺同埋白汁帶子扁意粉。我哋以為焗田螺會係一隻隻上枱嘅但原來佢係已經拆咗殼擺喺啲薯蓉上面焗。呢個味道唔錯，仲有少少酒香。———————————————————————總括而言黎

科學園海塝餐廳第一次去科學園，屋企人話入去行下，於是乎坐佢地車，佢地帶埋2隻毛孩，一行6人開車入科學園。應該好多人都鐘意放假入尼relax 下行下，而我真係第一次。原來科學園係咁大咁悠閒，又好多Pet friendly restaurant，又可以租單車玩，又可玩水上活動，確實係唔錯嘅放假好去處。尼到下午茶時間，當然要搵地方醫肚飲杯野。間間餐廳都好似好爆，較難搵位，又難搵服務員幫忙收走桌面上的東西，要耐心等待啊。搵左一陣先搵到兩張tables，6人要分開坐。我地坐左係室外，望著海景嘅，又唔曬所以都舒服嘅。但此中放假人多，周圍都係人。餐廳啲地下同枱椅都有啲污衊😌叫野食方面，我就叫左豬扒凍檬粉 加 凍Lemon tea，食物味道唔錯😂，價錢合理。lemon tea茶味就清啲～～而黑松露薯條好味，賣相靚！影相打卡好吸引。家人就叫左尼個，佢就話普通，覺得我個撈檬好味啲。

朋友介紹科學園好多餐廳都PET FRIENDLY, 而且泊車容易, 好適合帶2 位主子去。於是我哋一到週末就帶埋2 隻狗狗去科學園O既Tom Bar & Grill用餐, 貪佢哋戶外位望住海, 好舒服。LUNCH MENU 會轉的。香煎石斑魚配青胡椒汁配意粉 - 第一次食青胡椒汁, CREAM CREAM 地但有粒粒胡椒碎, 好得意! 用黎配意粉, 唔會好膩。石斑塊有2 大塊, 肉質係實O既, 不錯! 香煎龍利柳配檸檬牛油汁 - 因為牛油汁O既關係, 放耐咗油係會分離O既, 除咗賣相冇咁靚, 係冇影響味道O既! 龍利柳有2 大塊, 呢個普普通通. 下次可以試其他。瑞士汁乾炒牛河 - 呢個有D 驚喜, 唔太油, 好味! 牛肉都入味! 可以一試呀! 戶外位環境幾好, 不過就比較難D 叫職員, 大部份都係要行去餐廳門口先搵到佢哋。另外, 戶外位地下有D 污糟, 可以再清潔一下。

The food was very salty, but the service was even worse. Will never come to this restaurant again.The waitress just ignores you. Guess what did the waiter say when it starts to rain? “ It’s just drizzling.” And all your food and belongings all got wet.