Todai (已結業)

本人覺得好好味...好過萬福好多倍~~d野食都好新鮮,仲要不停咁re-frill~~仲有海膽tim~~平時出去食海膽未必好食都好鬼貴..但係呢度任食bor~~~~好!!仲有個龍蝦同梳夫喱..dinner既時候每隔一陣就會見到個counter大排長龍...雖要要等,但係都值得~~!!不得不提佢地既服務態度真係好好,不但waiters同waitresses好有禮貌...連o係counters既廚師都好親切咁問你要d咩...有次試過d天婦羅冇晒我想食既蟹柳..我細細聲同個朋友講...佢地聽到即時炸俾我tim~~~價錢唔係真係好貴..但係我覺得真係有酒店既水準~!!值得一讚!!

I'd tried the lunch buffet around 3 months ago, and the quality is good and worth to money... How's the charge per head for lunch buffet?? still $98/head????

試過一個月內去食五次Lunch Buffet, 因為覺得非常抵食, 有魚生, 壽司, 冷麵, 熱盤, 日式湯麵, 中式點心, 甜品等等........ 太多啦! 最鍾意食壽司, 湯烏冬, cheese cake及雪糕(豆腐味及芝麻味)!

同事一行六人今晚去食buffet,都ok,壽司,魚生好多種類,鍾意日式食品一定開心,熱盤少左D. 即得推介即整既梳"負"里..記得親熱食呀....另外佢d cheese cake 雖然唔多好食,不過我d同事話chocolate brownie 幾好,我覺得佢d dessert 全都細細地,幾好...

平時都係行開美麗華商場,望落去todai,見到有buffet食,一直都無去試!~~之前有朋友提議之下就去左todai食左次dinner buffet!!見到好多食物揀,又有長腳蟹,龍蝦等等...魚生選擇又唔算多,不過總算好新鮮啦~甜品方面,好多款揀,而且件件都好細件,好精美,可以試多幾款唔同o既甜品~不過就覺得個梳乎厘同埋個法式焦糖焗蛋麻麻地..因為唔夠滑,同埋略為甜左d!~~雪糕都有d失望~

晚餐buffet$238，都幾多野食，好多刺身同壽司，仲有生蠔、長腳蟹腳、龍蝦等等，味道都算ok，我至愛0既甜品都幾好幾多款，比較好味係檸檬芝士餅，檸檬批同梳乎里都唔錯，哩個價錢咁0既質素算幾好

星期六晏晝去o左o依間食lunch buffet, 佢o係美麗華商場地庫, 差唔多成個地庫都係佢o既, 所以地方好大, 好簡潔, 感覺都好乾淨~~lunch buffet由12:00 食到2:00, 價錢$128一位(未計加一), 夜晚好似要$2xx, 因為見佢lunch buffet都坐滿, 所以最好預先book位~~o野食方面, 有好多選擇, 主要係日式, 有魚生, 壽司, 手圈, 冷麵....etc, 都幾新鮮, 而且不斷refill, 絕對唔使同人掙, 佢仲有凍蟹腳食, 不過唔好食, 又鞋又冇味除o左日式, 仲有中式o野, 好似餃子, 小龍包, 炒飯, 炸曼頭....etc除此以外, 佢仲有大量甜品供應, 有一個corner全部都係甜品, 有好多cake, 雪糕, 仲有pancake, 最正係佢d cake切到好細舊, 所以可以試到好多款, 有幾款都好好味除o左o野食, 值得一讚係佢d服務好好, 食完野d碟收得勁快, 沖茶又係好快, 最搞笑係見到有個小妹妹整跌o左碟野落地, 五秒唔使就有兩三個waiter過去同佢抹, 十秒唔使d waiter就抹完散晒, 真係快得有d恐怖~~~

尋晚同班friend去左呢度食自助餐，由7:00pm食到10:00pm。non-stop! 哈哈!呢個係日式自助餐，各類野既種類都幾多選擇，唔知係唔係因為日或既關係，熱盤只佔全部食物三分一左右。壽司、刺身既種類多，刺身都叫做新鮮，切得幾靚，不過食刺身最緊要係夠凍，而個度無搵d冰凍住，差d。蟹腳唔ok，好重雪水味，重有外觀唔靚唔係好新鮮，食左幾條無食。生蠔幾新鮮，size係比較細個種。(無乜研究)另外有用鐵板連殼煎既龍蝦味道都唔錯，要排隊，出得幾快，唔需要同人爭。有個counter係煮拉麵、烏東，味道口感叫做一般啦。星期日去真係好多人，個度地方夠大，食都食得幾舒服。整體黎講只屬一般。

補充: 炸到金黃色既天婦羅係會不斷re-fill！<br />唔錯架！

TODAI我食過2次LUNCH BUFFET,2次都係好多人食,要几日前BOOK位,去到又要排隊入去(唔知點解要排隊...)D食物我覺得都OK啦,都几新鮮,最鐘意食D魚生刺身,D沙律都几好食,不過款式少D.?D熟食就几一般,冇咩特別好味.至於甜品,我几欣賞佢D CAKE切到細細粒,咁我可以試多几隻味,唔洗食一件CHEESE CAKE已經飽哂. 另外個焦糖蛋蛋好有驚喜,好好味!!!好香蛋味,D焦糖又好脆好香~ 不過D雪糕就麻麻地....有D味仲几難食,有藥水味....X.X總括黎講都几抵食,百几蚊食到大家都好飽,好開心~

嘩，基本gentleman禮貌都冇，仲惡人先告狀，投訴佢啦。

22/11我同朋友去黃金海岸酒店qi chinese restaurant 飲茶,有個staff個name好難讀,好似係咁串(zero)有個四眼矮既男staff倒左d茶落我件衫到,sorry 都唔講就閃左去,個女仔見到佢走左即刻上黎比d 餐紙我,仲不停say sorry ,跟住我去toilet聽到佢比0個個男staff鬧叫佢唔好x擦鞋個女仔好似好sad囉,跟住個男staff又點佢做野(拿個勁重既大tray)條仔自己0係到同其他staff吹水,個女仔不停做,真慘,希望d 大佬會表揚下d staff

食物質素普通，但勝在很多花款。魚生、壽司、冷麵、天婦羅、淥粉麵、羊扒、點心、蟹拑、沙律、甜品、雪糕，應有盡有。由開始試到尾，唔駛重複，但唔包咖啡茶。最鍾意綠茶雪糕。$110，都食得過。

由於係日式自助餐，所以以海鮮、魚生為主，都幾新鮮，反而熱葷就唔多特別，而且選擇唔多。而龍蝦仔雖然要排隊，但出得幾密，真係唔怕食唔到；反而疏乎里就要等得耐D，一來歡迎，二來一次過整得唔多，所以都要排一陣先有得食。而甜品就好出色，種類都唔少，但無我至愛0既拿破崙餅，有D失色。最好係件件都細細件，的的骰骰，可以食多幾款，唔錯﹗雪糕有四種味，綠茶、豆腐、香檳提子同芝麻。其中最好味係芝麻，又香又濃又滑；綠茶味都好濃(因為我本人唔食，但朋友話好好味…)；香檳提子有D似藥水味，甜左少少，不過有D提子乾都幾得意；而豆腐味真係一D豆腐味都無，似牛奶雪糕多D，唔知係咪放錯左個牌呢？其實總括黎講種類都多，野食都幾新鮮，有乜喜慶日子都食得0既﹗

又一個日式自助餐，D人話好過萬福，所以試吓啦！招牌菜長蟹腳–望落去冇萬福咁大隻，咬落去好多雪水流出來，感覺有D唔衛生，D水重咸咸地，食咗一隻就唔想食。生蠔又細隻又唔新鮮，見到都唔想食，海膽壽司唔夠鮮甜，但我都食咗幾件，因為冇得選擇，之後排咗15分鐘攞咗半隻龍蝦，叫做全晚最掂果樣，成200幾蚊食半隻龍蝦……自己唸吓啦！