Todai (已結業)

壽司款式好多，其他熱食較少，味道亦一般最失望係甜品，款式少，味道亦比普通酒店buffet水準差，梳乎厘尤其唔夠「梳乎」但侍應有禮貌，食物refill速度亦快

星期四去, 食食下已見座無虛設, 我已經早兩個禮拜前訂位, 但個位俾我想像中冇咁好, 因為始終二人檯唔係主流, 冇乜好既二人檯, 四人檯會正d~限時供應既龍蝦, 排隊唔算等好耐, 我拎左兩次, 龍蝦都算有鮮味, 以自助餐既龍蝦黎講, 差唔多係最好架啦, 其他全部野包括梳乎里都唔使點排隊就有. 魚生有三款, 三文, 吞拿用立魚, 不過唔係咁好食, 唔係話佢唔新鮮, 係冇乜魚味, 唔知係咪雪得耐得滯......生蠔一流, 好新鮮, 係我食咁多自動餐見過最新鮮既一間, 補得又快, 唔會去到拎唔到, 源源不絕供應, 我食左十隻, 咁多樣最抵食我覺得係海膽壽司, 鋪到滿一滿, 絕不取巧, 又係拎極都有, 甜品比我想像中少款式, 尤其是Cake, 某d 酒店Lunch Buffet可能都多款過佢, 梳乎里我不嬲少食, 不過佢果度就好好食, 可能係我比較鍾意食重蛋味甜野, 食左三杯, 生果要食蜜瓜, 超甜超好食, 一盤裡面只有部份, 要拎趁手, 不過時令野, 可能只係咁橋.中間有個洗手盤, 抵讚設計!番到屋企肚痛, 都幾痛, 不過茶左白花油就冇事, 我老婆冇事, 佢腸胃不嬲硬過我, 亦可能係d生蠔,

幫襯過在於美麗華商場地庫Todai 餐廳lunch自助餐3次；感覺每次都好好，地方舒服；服務幾好！每次食完一碟已經好快有人收碟。食品幾豐富，尤其鐘意壽司愛好者！見到咁多不同式壽司真是好開心！甜品穜類都幾多！d cake 細細件可以試多幾件；我最鐘情法式蛋白幾好，和芝士cake 味道幾好！燒羊脾無乜騷味！連怕食羊肉的我都忍唔住口。冷有蝦撈！味道真是好正，炸帶子串都唔錯！不過小籠包太肥膩！栗米羹都好味味飲完感覺成口香味，總括食過幾次都好好水準！忍唔住遲d 會再去過！

上個星期三晚去到此餐廳, 人座率果然厲害,全場滿座。此店食物種類很多,目不暇給。單是壽司已經有四十種之多, 海膽壽司,吞拿魚壽司,各樣反卷....唯刺身種類只有三種, 三文魚,立魚及吞拿魚。本人覺得雖然款多, 但係新鮮程度一般,元氣壽司刺身絶對比此店新鮮好味。至於腳蟹, 我個人嚟講就唔太欣賞, 肉唔算多, 味度鹹鹹地,多水,唔大隻.....熱葷方面,有某幾種食物都幾有特色, 開邊焗大蝦以及半邊龍蝦仔都係食客鍾情的食物, 但係因為龍蝦仔經常要排隊,所以我最後都冇食過,聴朋友講味道都係一般。甜品方面, 種類很多, 味道亦不錯, 我喜歡此店將cake 切到可以兩三口食晒成件的size, 咁食客就可以試多幾款,不至於太飽啦!!

星期一同公司同事黎食lunch,真係好多款式,我都唔可以樣樣試齊,而且每款都係淺嚐即止都已經好飽,所以我覺得食得過喎首先第一round,我就食佢d壽司,d款都真係唔少,每款一舊都擺唔晒係一隻碟...之後食沙律,蟹腳(都好大隻,不過好難剝殼),點心,熱盤,炸物,pancake,湯,湯面,甜品.....好多好多大家可以去試下.....

生日在此吃自助餐，蟹腳越吃越有海水鹹味。龍蝦鐵板燒好多人掛隊，甜品都唔錯的，特別是雪葩！吃了三四杯。如果吃悶了普通的自助餐咁多肉的話，呢度係一個好選擇。不過訂座都好多人，未夠鐘開始，都要係出面排隊。

三個禮拜前的星期六和朋友仔兩個人去了todai食buffet dinner~我地大概7點鍾去到,已經見到好多人食緊.由於我地無訂位,所以只好坐吸煙區,起初我都不大願意,但係原來吸煙區d位都幾闊落喎,咁就張就啦~~ 出到去見到好多野食,壽司有十幾款,都幾新鮮,魚生長過飯,其他食家話有海膽,點解我o個次見唔到o既>.<"試左蟹腳同埋開邊大蝦,普通啦,唔夠新鮮....我覺得全場最值得食o既野係龍蝦,夠新鮮同惹味,不過好多人排除~軟殼蟹都幾好,夠脆同多肉,但係好熱氣.甜品有十幾款,全部都細細件,我試左tiramisu同埋藍梅乳酪,藍梅乳酪好好味,我食左幾柸 總結係值得一試~侍應們有禮貌,食物質素高右唔洗爭食但係價錢真係略貴,差不多300蚊一個人,下次都係食buffet lunch算啦,平百幾蚊一個人~~

一間唔算平既餐廳，仲要係自助餐既餐廳，可以令我一個月去兩次！可想而知有幾得呀！我未試過佢既Lunch，次次都係食夜晚，因為佢有海膽同蟹腳！而且壽司款多過其他既自助餐！我次次都係去食海膽，甜蝦，蟹腳，甜品已經飽晒！但每次都會食一食個專人處理既蝦！之後就會食小小熱盤，熱盤當中，個羊最好食，可能我自己鍾意食羊啦！甜品中值得一試，一排再排係熱辣辣既梳乎里！仲有細細件既蛋糕仔，都好好味！個法式燉蛋好味，唔太甜，面頭既焦糖好脆！二百幾蚊食一餐，聽萵好似貴左些少，但好少地方二百幾蚊可以任食海膽，甜蝦，蟹腳同梳乎里，已經好抵，不過如果包埋野飲就簡直無得彈呀！值得一讚係餐廳既細心，明知自己有要落手落腳食既蟹腳，居然係餐廳裡面有個洗手盤洗手！雖然我唔知個真正用途係咪咁，但我有理無理洗左先算，唔通要我次次走去洗手間咩！係其他地方我就無見過！係咪好抵讚呢？不過我就未試過佢既Lunch啦！但在此奉勸各位去之前記得訂位！

o係今年五月,經朋友介紹下,我第一次去呢個地方,我覺得呢D服務好好,態度好親切,收碟,Refill又快,氣氛又好好呢.出去拎o野食時都唔會人迫人,好守秩序食物方面,個人認為sushi係最有特色,最好食都係"軟殼蟹"壽司,整得好香,海膽壽司都好新鮮,仲有個壽司唔記得叫乜名,佢入面係加o左Tuna fish+cheese,好suprise!味道…都不錯,cheese幾香,但又蓋過tuna陣味,幾有創意另外,生蠔又大隻又新鮮,仲有甜蝦,好鮮甜!呢度d烏冬又係出名好食,果然冇令人失望~好爽翻本作長腳蟹方面,可能我冇咩興趣啦,食o左一支咁大把,只係覺得好多水,但幾有肉地熱食方面,龍蝦真係一流,好香,又多膏,唔怪得咁多人排隊食,仲有開邊大蝦,好好味!都係好香~至於帶子都幾大隻同新鮮,最好食都係燒牛肉,五成熟,剛剛好,勁鮮味,絕對係翻本之作,天婦羅我冇乜點食,因為冇咩興趣甜品喇,最鍾意食佢個提子雪糕,好香,好好食!Tiramisu都幾唔錯,仲有chocolate cookies,幾鬆脆,口感幾好,梳乎里就真係一般般,味道太淡總括而言,可能都叫做酒店buffet,所以價錢較貴,但係物有所值,食物有驚喜

今晚星期六去食，貴左少少，每人要$284，唔係話好貴，叫做值但無驚喜羅。的壽司好多款，味道亦都唔差；生蠔都幾肥美，亦refill得好快；的蟹腳好鹹，青口好食的；熱盤就無之前個位朋友所講咁多喇，我坐得幾入，響的熱盤隔離，我差的唔記得有熱盤。今晚淨係得海鮮湯、日式魷魚、炸帶子、炒飯、意粉、燒排骨天婦羅同即煮粉麵羅，仲有的白灼紅羅白呀、西蘭花呀咁啦。的開邊蝦幾好味，個廚師仲好好人tim，牛排亦有肉味，不過我無試帶子；甜品就真係遜色左少少喇，款少，亦唔係樣樣都好食，的puff一早放左出來，上面又有的糖漿，jam實左響隻碟度，好難夾，又硬；tiramisui好重咖啡味，好苦，而朱古力蛋糕就真係成舊朱古力咁，仲好硬tim；總結就係：環境、食物、服務加埋，二百幾蚊係值既，但若果比我揀，我就會比多幾十蚊去港麗、萬豪又或者香格里拉羅。

之前打親黎book即日位都話full,今次幾日前打定黎BOOK﹐終於有位﹐去之前一日間餐廳打返黎confirm booking﹐心諗一定好多人喇﹐但去到原來唔full0既﹐原來佢地有好多位reserve 比walk in 客。老實講﹐去到時有d驚喜﹐因為幾方面都比預期好。呢度裝修唔錯﹐個人覺得唔會比酒店差﹐不過座位比較放得密﹐同隔離枱近得滯。食物好多款﹐同埋全部都好企理。首先sushi就唔駛講﹐話哂係sell 日式自助餐﹐款式多到望落去都有d眼花﹐味道都唔錯﹐仲有一d貴價少少0既sushi﹐好似海膽、軟殼蟹(好過萬福﹐萬福冇海膽﹐而軟殼蟹只出一兩次﹐仲要排隊先有)﹐最好係有靜係蛋sushi上面舊蛋拎﹐又厚又大舊﹐真係fit 哂我呢d只鐘意食玉子sushi舊玉子但唔想啃舊飯0既人﹔我貪得意拎左舊海膽﹐甘甘地唔係話臭或者鯹﹐但個人唔太欣賞﹔軟殼蟹就幾好﹐口感脆脆地幾得意﹔除左有日式冷麵外﹐仲有冷烏冬﹐我比較喜歡烏冬﹐但豬頭話唔夠煙un。熱盤都有好多好多：即燒counter(燒牛肉、鐵板帶子、鐵板虎蝦)、熟食、即淥粉麵(雲吞麵、日式烏冬、拉麵)我食左燒牛肉﹐可能要左中間部份所以生左少少而且略

真的不懂表達我現在這種憤怒的心情!!!!!我覺得好似比人欺騙了一樣!!!話說朋友生日...我問佢想食0羊?佢就提議食buffet...我之前聽聞呢間的buffet好評如潮..價錢雖然係好貴(對一個好似我這樣的窮苦學生是very very expensive),但朋友生日大過天!!所以還是屈服了...當日去食dinner buffet!因為朋友說dinner會試到多0的野!唉...總之生日大晒啦...可能以前真的未去過,所以一見到它的格局,大吃一驚!!好似去左food court甘!唉...吃一餐大約$300的buffet,竟然好似在food court食...興奮的心情即時降了一大半!此時,如果閣下是一個正常人(like me)的話,應該會好期待食物的質素,收得我$300,不會是甚麼劣質級數吧!唉...甘大家就錯啦..我可以講...全晚我吃的款式不多..因為有些食物..真係見到都唔想食..例如三文魚壽司,生蠔這些大路的食物..我眼見...就無人店過..又好似0的蟹腳..蟹鉗甘..又係無人問津!!其他的...好似sushi & salad...不算太好食,所以食左兩三件就無再食!!而這裡

呢間餐廳係我個好朋友介紹我去o既~佢第一次帶我去o既時候, 我已經開心到傻o左!因為我是一個好鍾意食壽司同甜品o既人, 而佢o地o既壽司有成差不多20款, 有三文魚、墨魚、生帶子(^^!!)、北寄貝、甜蝦、蟹子、黃金墨魚(^^!!)、甜蛋、八爪魚、腐皮、熟蝦、蟹柳等等新鮮o既壽司, 我本人好鍾意o既係"鰻魚壽司", 熱辣辣, 醬汁o既濃度剛剛好!不得不提的是, 逢星期六、日仲有蜂蝦壽司! 好新鮮, 我阿媽仲笑說新鮮到仲有o的海水味^^!出面食要成$35一牒o架!!甜品方面, 有芝士蛋糕(正到冇野講)、橙酒布甸(味道好似葡撻)、百合南瓜蓉(不太甜, 好有百合味)。此外, 仲有紅桑莓、黑莓、奇異果、藍莓果撻仔, 純朱古力撻皮, 裡面有小小忌廉, 上面就有四、五粒莓, 好好味!蛋糕方面, 就有士多啤梨、朱古力、芒果、藍莓等小蛋糕, 的的骰骰, 唔會太飽又可以試多幾款!我男朋友就好鍾意佢o既朱古力粒, 佢話好濃味, 好o岩鍾意食朱古力o既朋友。熱盤方面, 有小籠包(唔好食太多, 如果唔係會滯)、一至兩款中式點心、羊扒(我細佬同男朋友都話ok)、日式餃子(我覺得ok, 但兩粒起三粒止)、煎雞扒(

There are really many kinds of fresh sashimi, sushi & dessert (incl. freshly made souffle). However, it's ridiculous that the dinner buffet pricing at app. $283 (incl. 10% surcharge) does not incl. an after-meal drink. Moreover, the restaurant closes at 10pm (so early in TST).

來了這裡食lunch buffet(119$連加一)很好食。壽司刺身refill得好快。下午只有青口，不過都ok好食。因為沒有飲品，於是找湯飲。個法式魚湯好味，似羅宋湯，但是沒有飲完口乾的感覺。試了博多拉麵，個湯底又是一流，奶白色的魚湯味。見有小籠包，一試之下都不差，皮簿，但是有點乾。cake方面芝士蛋糕就麻麻，太實。不過朱古力類就不錯。一試豆腐雪糕，太甜。即製pancake都不錯。可能星期五下午，人數不是太多，環境好適合六七人來傾計。時間是十二至二時半。服務只都有笑容，換碟同加茶都快。