Todai (已結業)

哈哈~第一次來這兒寫食評~以後請大家多多指教^0^講番先~早排黎過食LUNCH BUFFET~剌身新鮮~壽司細細件~都有好多款~不過就冇左好耐之前食既軟殼蟿卷LU~最好食~即製加州手卷!~紫菜脆卜卜~仲有最鐘意的牛油果~燒羊脾~超好味!~配埋燒汁&介末~仲有少少(穌)味^0^TIRAMISU~綠茶芝士蛋糕~細細件~前者做得唔太濕~後者有綠茶味又不失芝士味~食左唔覺滯!~仲有好多款架!不過不失~都唔錯~未食過DINNER~但係都覺得LUNCH比較抵!~

為慶祝生日, 有人請我來這裡食dinner buffet~得幾樣野係真係好味: 長蟹腳(一大口蟹肉超正), 生蠔, 炸軟殼蟹, 梳乎里, 法式蛋布丁麻麻地: 壽司, 刺身, 龍蝦, 焗帶子, 焗蠔, 薄牛肉超超難吃: pancake (塊皮煎得唔夠脆), 芒果椰汁糕(唔知係咪用左爛芒果, 有跌打酒味)如果唔係食到跌打酒味的甜品, 果晚我心情應該會比較好.

早兩日去左呢度食自助餐發現自從萬褔汁左之後再找不到既長蟹呵呵...咁梗係第一時間拎返廿隻返去食啦d蟹都ok好食^^仲食左好多其他野...龍蝦多人排隊等,但味道好普通呢道d甜品可以一試...正總括而言...可以一去i will be back !!!

朋友同我...補番慶祝生日...諗左好耐..見食評話唔錯...所以黎左呢度....我好遲先訂...所以坐近樓梯底...又多人出入拿野食...不過d野幾好食..就ok啦...d魚生...不停refill 好好食呢...食左好多次..^^我諗住有海膽壽司.....點知無呢...有d失望...d生蠔都ok...不停refill...都幾鮮甜架.....d甜品都好多款....我食左好多呢....好多人話lunch 都好抵食...平成一半架....所以我下次..都try lunch buffet 先^^ 朋友請我食...又送禮俾我.....多謝朋友呀

第1次去食lunch buffet~星期一去lor~聽下面食評講話星期一去食好似冇咁好~但我食完都覺得ok丫d野真係好多款~鐘意食日本野就會覺得ok lor~百三係食呢d la~有手卷~sushi有好多款~樣樣都好新鮮~又有蟹~跟住熱葷都算幾多~同埋好好味~有小籠包、羊、豬骨面、、青口、什菜面、面豉湯、煎餃、魚、薯條……refill都好快tim^^我覺得時間唔多夠囉~多d時間就好了而且d dessert都幾多款~樣樣dessert都好好味~我會再幫趁~!同埋5歲或以下小朋友去係唔駛錢架~好抵囉!

上星期一第一次去食lunch buffet，真係好抵！平時食餐日本野都八十蚊，係呢度可以任食刺身壽司大蝦天婦羅，都只係加多三十！佢d野食refill得好快！甜品好有水準！個朱古力噴泉好正！係呢度食甜品好過去bistro食甜品buffet！壽司係手握，又有即製手卷，舊飯係好好好細而刺身係大件，款又多，個韓式魚生飯都唔錯！即製既拉麵個豬骨湯底好靚，冇油又夠濃！上星期食完今個星期又再食，雖然加左價$10，但仍然都抵過好多buffet啦！聽聞dinner麻麻又貴左一倍，下次都會選擇lunch去食！

6月3日同最可愛嘅老婆去慶祝,好準時6:30入席,不幸地被安排坐o係離食物bar都幾遠嘅座位.不過同隔離枱相距都唔算太近,又近洗手盆,所以唯有照坐啦!第一round就梗係去攞蟹脚,啲脚都幾肥美新鮮,我攞咗2隻鉗&2隻脚.幸運地老婆唔介意做揻殼嗰個,有幾次仲差啲整親手指o添,啲蟹肉好重海水味,本人覺得麻麻地啦!跟著我哋就去攞魚生同壽司,2樣都好新鮮,尤其三文魚生好正呀!!生蠔都ok啦.我個人認為bar度啲野最好食.不過海膽壽司""腥爆"",認真一試難忘,再試暈低!!食咗一輪bar之後,開始有好多人排隊攞龍蝦,見咁多人我同老婆去排隊攞梳乎里,因為條隊短好多.梳乎里幾好味,老婆話一定要趁熱先好食喎,唔好甜嘅我都幾鍾意食.雪糕有專人服侍,有6種左右,老婆鍾意食豆腐味而我就鍾意綠茶味.跟著我哋去排隊攞龍蝦,唉......比想像中"差",完全唔好味又無乜特色,燒牛肉就真係要試吓!!!

是日忘了帶buffet club 的卡﹐沒了八折﹐每人虧損了六十大元!! =( 果排匯豐又無端端變左沒折(宜家有返, 10% off). 有點bummed. 海膽壽司一D都唔好食. 腥到暈. Lur 晒出黎. 本來想來吃海膽回本的. 算吧. D蠔都唔係其他人講咁好! 有沙+ 不算新鮮(講真, 有幾可食buffet 食到蠔吧質量的蠔啊) Crab legs 是晚最好, 至正D“降”! Sashimi 款也不少, 很新鮮!! thumbs up. 甜品幾好, 好多蛋糕. 食得最多係雪糕. D Chocolate 雪糕有Chocolate 粒, 味道幾濃, 印象最深. 個souffle 也好, 細細個容易食. 水果Pancake 也好, 最好係加個scoop of ice cream 落去, jengz! 帶子/ 焗蠔不過不失。需排隊的龍蝦仔僅屬OK﹐沒有驚為天人的感動. 連加一近$300, 沒附送一杯飲料﹐扣分!座位很窄﹐食堂格局﹐常要拉椅讓座給鄰座. 扣分! 試一次便夠了. 食物不過不失, 對重質不重量的食客﹐這裡或許是Over-rated了

如果你鍾意食冷盤食物，這裡真真好，好多選擇，長腳蟹唔算勁鮮甜，但都食得好滿足，是關佢d食物refill 得好快﹐其實仲有好多野想食架，不過真係多款到食唔晒。壽司都幾好，舊飯比出面食少一半size，唔會太飽肚。一定要食梳乎厘，好食。三個鐘好快就過去，美中不足你侍應催埋單、同埋冇左杯餐茶。仲有一樣，可能之前呢度出過事，宜家嚴謹執行生、熟食物分開放，你有生食物在碟，佢真係會唔俾燒牛肉你架。

未試過係openice留言,今次去todai首次令我有留言衝動!是晚我地一行六人去慶祝生日,興致勃勃,可惜overall都好強差人意~綜合六人的comment, 我地得出以下總結~ (絕無誇張):food court格局(好嘈好多人)酒店級收費($268仲要餐茶都冇)茶餐廳服務(俾呢個價錢9點幾逼我埋單?)食物仲要係~k buffet質素! (除左剌身其他嘢好唔新鮮!)唉, 香港經濟真係好返咁多?行兩步去諾士佛台好過啦!

$268 per head(fri / sat/ holiday)....really expensive for such quality of food... nth worth eating except the above two, i wont come again.

好耐冇黎過Todai 囉. 因為健康所以近年少左食Buffet. 個日興緻湧上心頭, 所以揀黎食lunch buffet. 多D時間消化嘛. Todai 的buffet都唔會點失手勢的. 食物不斷refill. 唯獨係壽司師傅好busy 咁做Salmon sushi. 因為實在去貨太快.. 我今次只會講認為有水準的菜式如下. 頭盤檔: 魚子蟹籽飯-十分有口感. 脆卜卜; 三文魚壽司-肥美厚身; 蟹肉芒果沙律- 芒果蓉係撈左入去的. 清新之選.熱食: Tempura 蝦, 香草磨菇意粉, 燒羊. 田螺批甜品-chestnut cake, Tiramisu( 濕口適中, 香濃酒味) 綠草紅豆蛋糕, Chocolate Chip Gelato.媽咪最欣賞係Dessert. 總算冇揀錯地方~~ $138 + 10% service charge, Value for Money!

上星期同個friend食, 雖然係平日一樣咁多人! 環境當然唔可以同酒店自助餐廳比, 但整體尚算乾淨同舒服.雖則嚮自助餐食海膽Sushi鮮極有限,不過對於我講巳經好唔錯,我一個人就食一打.哈哈! 三文魚都不過不失. 因為食壽司食得太飽,其他熱食都係試少少,大體唔差!!我份人最憎嚮自助餐廳排長龍等食,所以冇去排龍蝦。睇我地果邊哥仔好勤快, 讚!!一定會再。

昨天第一次去TODAI. 去年生日撞母親節搞到FULL BOOKING.都幾滿意, 只是燒牛肉的牛肉本身比較一般, 但介末則很好, 那種白色的介末忘記了叫甚麼, 在加拿大是用來配烤薯的.燒龍蝦真的不用排隊...大家每次見D人開始拿才出去都有得拿, 大約八成機會會拿到. 去到九點半有龍蝦無人要...我自己吃了三隻左右(六邊)...生蠔...並不是即開, 只是拿出來時, 他們在水盆中洗了一洗. 即開不會咁快及可以一手拿兩隻出來炸軟殼蟹跟羊扒都很好, 焗蠔和蒸扇貝一人一隻則麻煩了一點. 蚧腳很好, 但如果可以拿一半去燒烤便更好這裏的壽司真的很多款, 但看來下便的人兄走漏了海膽壽司, 這個比一些回轉的做得更好.食完蚧腳, 有個洗手盆在店中間, 很方便

今日阿爸生日，一行四人早兩日book諗住同阿爸食餐好，好在有位，之前試過早成個星期都可以話無位...今日星期一，雖然係平日，但都幾爆幾多人，女友就話like佢人多好氣氛，我就覺得有少少迫。一開波緊係要去食齊佢d魚生，真係好鮮甜，食埋廿幾款壽司，正!阿媽反而勁食鮮貝同長腳蟹，話要回本，不過又真係幾大隻幾好食。食完冷盤，即時轉戰熱食，唔可唔提即炸天婦羅真係幾正，其他都係一般自助餐必有的，水準亦ok。有件事要提一提大家，如果大家好有心咁去排d即燒龍蝦仔的話，可能會有d失望，因為真係幾普通下，仲要我今日特意早十分鐘去排，點知我阿媽臨派完果下行開行埋出黎仲有佢份，我頂.........食到8成飽，開始轉戰甜品，一開波飛去排梳乎里，正，必食，甜餅凍糕亦不錯。總括而言，哩個價錢去食真係無欺場，唯一可惜就係每人差杯drink，個個齋飲茶......