Tivoli 意大利餐廳

营业中

休息中

朋友聚會其中一個朋友推介呢到~~~ 聽到食意粉我就梗係無問題啦. 4個人, 一人叫一款野, 點左:公司薄餅 ($98): 意大利薄底PIZZA, 個PIZZA底焗到好脆好香口. 不過我就覺得芝士味唔濃.呢到既意粉真係幾好味. 意大利雲吞 ($88) 個蕃茄汁好多蕃茄肉, 食到蕃茄既酸酸地既味. 蜆肉意大利粉 ($98) 老實說我好似食唔到蜆肉, 可能俾我D朋友ling晒. 不過意大利粉既口感同出面其他舖頭唔一樣! 比較硬身d.... 唔係唔熟嗰種~~ 反正我就喜歡有d口感既意粉. 法式焗田螺 ($78) 就麻麻地. 田螺肉無咩味道, 加上叉左舊田螺出黎之後個殼無咩汁~~ 所以個薯蓉都只何以就咁食, 無得用黎撈汁! 焗得太乾喇~~習慣食完飯都會望下個餐牌有d咩甜品吸引到我. 不過呢間餐廳既真係好似無咩吸引力. 所以我哋決定轉場. 由坐低到我哋埋完單離開前後都唔駛30分鐘! fast servic唔係唔好, 只不過唔知點解我哋感覺好似食m記都無呢餐咁快. 好奇怪既感覺~~~ 究竟係邊個環節令到我哋呢餐飯咁快完成呢?

星期5晚約左朋友喺Tivoli食飯傾計...訂左2人枱...原本帶左我地去近廚房那邊嘅枱..因為太噪嘅關係而要求轉枱..部長亦都好快轉左枱俾我哋 (讚 ^^)叫左以下食物番茄蒜蓉包 - 好味~~蒜蓉包好脆波菜生蠔湯 - Creamy soup (my friend said ok)洋蔥湯 - 幾好味~~海鮮燴飯 - 唔掂 - d 意大利米好硬~~好似未煮熟咁~~問個部長佢話係咁~~但係我喺意大利食左成個幾月飯都未食過d咁硬嘅意大利米~ 燒羊鞍 - 值得推介~~ ^^唔知係咪expect太高定係叫錯野~~it's really below my expectation..

呢間餐廳咁多人讚,一於同朋友黎試試~預先book左枱,7點半黎到,叫左龍蝦湯,公司pizza同蜆肉墨魚汁意粉。龍蝦湯:尚算ok,都有蝦肉既.. 個包凍架,真唔開心!!公司pizza: cheese 的香味唔夠! 餅邊lone左少少,d海鮮都冇咩味..蜆肉墨魚汁意粉: 好香的蒜蓉味,不過覺得個名改做蜆肉炒墨魚汁意粉會貼切d. .食物普通,主要都係食個氣氛,上菜都幾快,服務都唔錯,而且唔係太嘈,可以同朋友傾下偈.想食好好味既野既人,我唔推介呢度~

同同事傾開剛新婚既我地去慶祝第一個結婚紀念(紙婚)有咩好既餐廳選擇, 同事即時介紹意大利餐廳, 一黎地點係tst好方便, 二黎食燭光晚餐, 一於叫老公打去訂枱^^ 7:30pm 倆位放工即時離開公司約埋老公一齊慢慢行去(因為我以家肚內有6個月小b係到^^)一入到餐廳, 可能時間尚早, 人唔太多, 燈光比我想像中光, 我地一坐下waiter為我地點上candle晚餐唔係咁吸引, 決定散叫係黎之前心已決定叫燒羊鞍同焗雪山 (因為同事介妱及openrice讚既都係此2款)一於試試最後, 再加蜆肉墨魚汁意粉, 原本係pizza但因為前幾日食過, 所當日無叫, 下次同fd黎先食啦首先黎個蜆肉墨魚汁意粉, 我就幾鐘意食意粉, 覺得有勁香蒜味, 不過d蜆肉就細dd. 老公就覺得無咩特別, no comment接住係燒羊鞍, 好大件, 7成熟, 好吸引^^ 超初我地用刀叉食, 但manager行黎同我地傾計, 同時叫我地試下用手食, 果然好juicy ^~^ d蜜糖同薄荷汁, yummy~~~已經好飽, 不過都好期待個甜品 --- 焗雪山真係好似傳說中咁好食呀^^, 一定要2個人食先得, 有生果, 蛋

其實我住尖沙咀多年,一直好想試呢間餐廳,但硬係每次都遺忘佢,早2日去完教堂,一於試試一入餐廳,待應好明顯做咗好多年,態度好好(唔似太x館,超老pat pat).....洋蔥湯 $48 ~ 味唔濃, 好飲, 不過以$48 +10%就太細碗喇......意大利肉腸pizza $78 ~ 一直在尖沙咀搵咗好多年嘅薄薄脆pizza(我同老公一向唔鍾意食港式pizza),終於響呢度食到(仲有一間係habitu),老公激攢有多年前在美國自己整Home Made Feel~~~~ 味唔太濃,絕唔似pizza express咁咸,正!焗田螺 $78 ~ 一樣, Home Made Feel, 味唔濃, 我老公覺得好正, 而本人認為唔錯, 但未到好正, 我鍾意老富昌多d意大利雲吞 $88 ~ 正, 尤其個蕃茄汁mix得啱啱好,成個感覺無多無少, 正一定會繼續幫襯,不過如果d嘢食大碟d就更好!

同老公一起慶祝, 一入去感覺環境不錯, 燭光晚餐羅宋忌廉湯都唔知似什麼味道, 味道怪, 只有蕃茄味蜆肉墨汁麵, 有好香的蒜蓉味, 都算好味 燒牛柳好硬沒有牛味, 好難吞招牌甜品朱古力谷咕, 外面加朱古力粉內是雪糕,沒有什麼特別**總括來講價錢與食物不相符,好失望, 感覺好似上左賊船

諗住佢氣氛咁好﹐就來同另一半開餐﹐做個小小慶祝。點知成餐飯不知所謂到呢...叫左個拼盤﹐七十幾蚊得四小塊 ham, 仲要係厚切的﹐平時果 D cheap cheap 自助餐上面凍肉盤上的ham, OMG...最頂癮係竟然仲有一大 pat 罐頭鹽水浸 Tuna ...唉天呀﹐你想點呀之後來的公司 pizza, 芝士係典型的卡夫﹐其餘的配料好似去左九十年代的 pizza hut 食至尊一樣。如果佢係一間普通 pizza 店賣緊五十蚊一個的我會收貨。但係！！Given 呢個環境﹐呢個收費﹐呢個 size, 完全唔合格。最後係大家勁讚的墨汁蜆肉意粉。...即係咁﹐我以為自己食緊豉油王炒意粉。好夠鑊氣﹐但唔該﹐我唔係食緊大排檔。成陣味都係中式炒意粉咁的味﹐唔講仲以為自己係茶餐廳食緊炒意。呢個價錢﹐呢個 setting, 但竟然係咁的食物.....對唔住﹐真係一肚火。人來﹐拖出去﹐斬!!!!!!!!!!!!!!!!!!!!

見D人話呢間餐廳唔錯,小小熊同小虎就來試下可惜令人失望叫左2樣食物:蜆肉墨汁麵-好油, 味道好一般, 唔覺有咩咁特別燒牛柳set-個湯好稀, 牛柳係幾淋, 但個汁只係一般茄汁, D配菜又唔好食唯一讚既係D野食好快到

在黃昏時間兩個人到了油尖旺一帶，想找一間不錯但又不太貴的西餐廳用餐，用手機上搜索OR就找到了這餐廳。餐廳就在木球會對面，地處人流不多。一進去感覺環境幽暗，椅桌厚重，每桌都放一枝長長的紅燭，冷氣很足，部長侍應人數不少，就是老香港西餐廳格局。入座率半滿，星期一來說算是相當不錯。於是叫了OR口碑相當不錯的蜆肉墨汁麵，另加一個燒牛扒的Set，周打魚湯，half-litre Sangaria，甜品是侍應推介的招牌朱古力雲呢拿雪糕切件。蜆肉墨汁麵也不過不失，就是有點用中式弄西菜感覺，比茶餐廳好一點的質素。燒牛扒餐只需$98，包餐湯（綠豆忌廉湯），牛油及沒烘焙過的小方包，主菜的牛以這價錢來說也不差，配菜是芝士薯仔及小紅蘿蔔。餐飯咖啡很香濃，咖啡糖放在一個鐵罐內任落也很特別。甜品沒記下名字，同樣不過不失啦。值得贊許的是Sangria，很清新，會讓人（尤其女的）忍不住一添再添。

黎過好多次 ! 只影底幾款特別的 ! 推介菜式:燒羊鞍蜆肉墨汁麵 好味到要黎多碟甜品方面, 只試佢招牌果個就 ok 了 !基本上係呢度, 搵唔到唔好味既菜式, 肉類佢真係做得出色 !老闆好似刻意搵呢種非旺市既舖位但平日都依然做到 FULL BOOKING !勁 !

難得早收工,下午茶又過了時,啱啱路過此餐廳,牛柳餐七時半前埋單都是$65 (+10%).時間尚早,沒太多人,很清靜,點了早烏餐: 麵飽,餐湯,主菜牛柳,餐茶; 牛柳點了八成熟,師父煎得啱啱好, 再加杯紅酒, 享受一番, 見隔離枱的蒜蓉飽,又唔低得, 又點咗,十分香脆,蒜香味濃; 嘆紅酒加埋每枱都有燭台, 下次帶埋女友來試吓燭光晚餐, 試吓此處嘅燒羊鞍,蜆肉意粉.

都唔知點解會有咁多朋友鍾意呢間嘢，我去完覺得間嘢格局同食物都好低檔，地方又嘈又逼！我無法想像竟然有男女喺度興祝生日，唔通貪熱鬧?首先講吓啲食物，一大碟意粉飛到成碟都係，賣相好似大排檔啲茄汁燴意粉咁，味道差又多味精，真係無食過咁弊嘅意大利菜！講到格局，除咗佢個天花板嘅裝修風格比較地道之外，枱櫈走廊極度擠逼，一啲privacy都無，搞到要聽埋隔離枱個肥仔大發偉論，真係慘，食完即閃無下次!

好耐無來原來國內的自由行, 也要使餐廳只出四人餐, 六人餐的中文餐排, 無英文, 這叫識時務, 國內的朋友入餐廳多過洋鬼子呀二人套餐 $2881. 前菜, 芒果鴨胸沙律 芒果有四份一個, 4 件鴨胸, 2 粒意大利少型蕃茄, 另有一大堆鴨絲伴生果沙律 好開胃, 2. 龍蝦湯, 法飽 是濃萫茄湯底, 碎粒龍蝦肉, 食用時加少少黑椒粉, 3. 主菜, 黑椒汁牛柳 黑椒汁牛柳是店的名菜, 牛柳你要幾熱都可以控制剛剛好, 黑椒汁加了好多磨菇, 除了食牛柳也可以食到磨菇香味, 4. 第二主菜, 海鮮茄子(短瓜)磨菇芝士意大利長條麵 (長通粉) 芝士非常多, 原來焗茄子食落好甜又不會太過淋呀, 喜歡長通粉煮得硬, 因為不喜歡食淋5. 咖啡或茶還叫了一枝意大利merlot 2007, 2百幾元, 這個酒也可以食得過, 差就是差在環境實在大嘈, 以前比較靜, 還有就是年青人, 不理會這是公眾地方, 用餐時, 共然親熱, 親嘴, 到甜品食完, 依然繼續,直到有客人投訴, 經理只有在這對年青人的桌邊多站崗, 希望騷擾他們, 但都要15分鐘才結帳離開

之前和朋友來過兩次,印象好好.這陣子和鬼佬老細在佐敦附近外勤,他說要找似樣,價錢合理,有沙律吃的餐廳食午飯,就想起這間老牌餐廳.午餐價錢好合理,而且讚擇幾多.鬼佬老細對他的鴨胸沙律讚不絕口,而且蒜蓉包十分香脆.我和同事分別吃焗吞拿魚意粉和芝士焗西蘭花.吞拿魚好多,入味,好大碟,抵.同事的西蘭花亦非常好味.值得一提的是,番茄湯好得!唯一可以再改善少少的,是其中一個好年青的待應生,他的英文不是太好,鬼佬老細講完又講,他都不太明白,要我們翻譯.心思思,搵日再同朋友去吃pizza至得.

今天是七夕情人節,但因為香港沒過七夕,所以人不多.男友找到這間有情調的意大利餐廳,有訂位,一進來燈光暗暗的,很有氣氛!服務非常好,這是我在香港很少見到的好服務!侍應見到我們在拍照,還主動要幫我們合照.因為是情人節,所以開一支紅酒, 叫了牛排+大蝦, 羊排!餐前麵包的butter很濃,餐點裡的配菜都很好吃,尤其是黃黃的,好像是薯仔,特別好味!不過有點單調,如果可再多附點沙律或頭盤會更好!