The uniek

营业中

休息中

餐廳位置方便，一進入南豐紗廠，行上大樓梯轉左就會見到。南豐紗廠有很多動物友善餐廳，但The Uniek 比較特別，店舖左邊是Cafe，右邊是精品店。所以食完飯，順便可以拖住狗仔一齊行街shopping 。Weekend Menu 食物款式雖然唔多，但種類夠多元化，想食清淡一點，可以食三文治; 想食邪惡一點，可以食漢堡包薯條; 想飽肚可以食意粉，甚至係牛扒。 我點了明太子雙魚漢堡，魚柳炸到好香脆，裏面嘅魚肉鮮甜，明太子加入漢堡包都係第一次見，配合魚柳原來比沙律醬更夾。同埋漢堡Size大，唔好睇小!我男朋友點咗All Day Breakfast ，雖然大部份Cafe都會提供All Day Breakfast，但裏面嘅配料總會有一兩件是比較有特色。今次所有配料中，薯餅就比較有驚喜，因為薯餅上配搭了沙律醬，食起來又咸又甜，幾過癮。咖啡當然係Cafe嘅靈魂，所以今次叫咗一杯常見嘅Dirty，令一杯係聽都冇聽過嘅維也納咖啡。呢度嘅咖啡，咖啡味唔會太酸，亦唔會太苦，幾啱一啲口味清淡唔喜歡刺激嘅人。 維也納咖啡係係黑咖啡上加上cream，飲嘅時候cream嘅甜味會三倒入咖啡裏面，比較適合女仔飲。今次狗

行左陣南豐紗廠就見到呢間cafe另一邊有來自歐洲家品朋友話想試下英式周打蜆湯材料十足，入口順滑同好香韓式泡菜軟殼蟹天使麵＄128呢個真係幾好食，用韓式泡菜配天使麵食落唔會太辣，但又做到開胃效果，仲有一隻好大嘅軟殼蟹炸粉口感不會太厚真係啖啖都係軟殼蟹，用天使麵口感食落不錯 👍🏻燒烤菇芝士薯餅風車包＄118風車包都幾大個，因為中午食咗大餐，所以想夜晚無咁heavy 而簡左佢，大啡菇啖啖肉，夾埋芝士同牛油，仲有夾蕃茄同生菜🥬伴碟亦有沙律菜及醬，食落都幾健康😜The uniek pink（草莓咖啡）The uniek green（薄荷咖啡）兩杯都巧靚仔 個人喜歡薄荷咖啡多啲，因為同咖啡好夾！🫣The Uniek📍荃灣白田壩街45號南豐紗廠1樓111號

假日的南豐紗廠是文青聚集地，而平日卻是好逛又好拍的聚餐地點🍸這天下班後與友人相約在這裡的一間寵物友善餐廳 - The Uniek 🌷寧靜又好坐☺️除了美食外，餐廳的另一區域也有賣些精品先來酸甜濃郁的番茄湯🍅開胃又暖胃🍴 澳洲穀飼牛肉眼·伴薯菜（$158）點了7成熟，切開中間還有點粉嫩🥩只用了一點鹽去提味👍🏻沙律新鮮、粗薯亦脆而不硬🍴 日式五重芝士薄餅（$88 / 8”）芝士味香濃☺️喜歡加了鰹魚碎及少量沙律醬調味👍🏻令薄餅有日式的感覺🍸 熱情果焦糖菠蘿梳打（+$25）清爽又Ig-able 的特飲💙焦糖菠蘿的清甜，還有酸甜的熱情果梳打，非常適合夏天☕️ 維也納咖啡（+$25 / 冷+$3)先入口的是柔和的奶油，緊接著微苦的咖啡，再與底層的糖漿混和🤎是能喝的tiramisu * 沒加一

假日去南豐紗廠, 可以帶埋寵物~ 入面有好多寵物友善餐廳，今次見到The Uniek 有寵物餐牌之餘，仲有生活用品買，咁有新意，一於決定喺到食午餐啦~！ 日式巴馬火腿薄餅 $98 🍕有別於傳統pizza， 餐廳嘅pizza係用咗日式醬汁🇯🇵甜甜地幾特別🥰再加上木魚絲同巴馬火腿，帶出鹹香味！ 明太子雙魚漢堡 $128 🍔漢堡超邪惡勁高身！😈有兩塊魚柳，外皮炸得好香脆！配埋番茄同生菜好juicy! 再伴沙律中和返，所以唔會膩！ 👍🏻另外幫狗仔揀咗 紐西蘭無激素雞肉南瓜🎃 雞肉補充能夠讓狗狗維持每天適當的蛋白質，配搭上南瓜，西芹，西蘭花，糙米，薑黃椰子油，三文魚油和蛋殼粉， 連狗仔嘅午餐都好豐富同健康喎！見到狗狗開心，更加係雙重滿足💞飲品有多款選擇! 茉莉茶同菊花茶配有lotus餅， 茶味香~夠濃味！ 檸蜜清甜，有柚子香味，絕對係清新首選⛱The Uniek📍荃灣白田壩街45號南豐紗廠1樓111號

點解有啲cafe有加一，有啲又無？唔係好bye cafe 有加一依樣野飲杯野，無service都加一，唔緊要。坐底叫哂野先講原來有最低消費茶記咩咁算na 唯有外賣豆味個啲唔講na 都好個人喜好下但杯野都幾空設計上係咪可以好少少？搵幾多foodie sell都無用？基本工都未做好唔怪得lunch hour 都好似無咩人但咁岩係咁？不知道了同埋啲xx時間都幾唔容易就不過依啲係點安排，點解會咁安排就唔清楚na 或者下次多人啲先會再去食下佢哋嘅餐

難得放假😛 就梗係想chill 下🤓 所以就去咗南豐紗廠~ 呢間係pet friendly 嘅餐廳, 我見仲有寵物食嘅餐haha🫶🏻 .韓式泡菜軟殼蟹天使麵🍝 $128呢個真係幾好食, 估唔到都crossover得好好食, 用咗我最鐘意食嘅韓式泡菜 mix with 天使麵😚 唔會太辣, 但又幾開胃, 仲有一隻好大嘅軟殼蟹同埋仲有唔少三文魚子同蟹子🤩 令到成個麵都fresh, 好欣賞佢哋嘅軟殼蟹冇乜炸粉, 真係啖啖都係軟殼蟹🤤 .蜜糖芥末吉列豚肉漢堡🍔 $128個包都幾大haha, 吉列豚肉炸得好脆, 仲有好多沙律菜做配料🥗 啲沙律菜已經落左醋, 食落無草青味👍🏻.✨Tiramisu Latte☕️$49 我好鍾意呢杯呢😚 同menu一樣咁靚, 有一塊tiramisu獨有嘅手指餅係上面, 浸落去同杯嘢飲埋係最好飲的☕️ 好濃咖啡味, 又有tiramisu嘅特色 大推!!! 絕對值得一試😛 .Expresso Tonic🍸 $49Expresso Tonic 顧名思義, 就係expresso 加tonic water, 朋友就話好好飲, 係少有高質嘅expresso tonic, 飲落酸酸地

今晚兩個女仔GirlTalk，喺南豐紗廠隨心走入哩間北歐feeL 嘅Cafe試吓，餐廳牆上掛佐風情畫，分為兩邊，一邊是主食，一邊是賣一些生活百貨精品，有香薰、特色酒、酒杯、布口罩、北歐風嘅掛鐘，很別致，食完可以走走逛逛inspire家居擺設很不錯👍🔺蒜香蜜汁珍寶雞扒·伴薯菜$98一上菜見到大大份😋 珍寶雞扒好大塊，煎出Juicy 口感，個皮好脆卜卜好香口伴隨少量汁。薯菜有炸薯條🍟入口酥脆，伴隨三文魚籽嘅沙律菜，有啲千島醬汁撈埋一齊令沙律菜好鬆軟又夠味，不會感覺乾爭爭⋯🛑照燒水飼豬肉眼·伴薯菜 $128豬肉眼偏瘦，內裡部分很少量肥豬肉，啱晒我地哩d想食美食同時注重身型嘅女孩們，煎得啱啱好，唔會覺得好鞋，同埋豬扒好有厚度，配合埋個醬汁，整體出色🥳英式周打蜆湯 忌廉湯好夠熱，調味啱啱好，質地creamy，而且入面好多蜆肉很有驚喜😋飲品方面點了一杯熱泡沫咖啡，好豐富嘅奶泡。上面灑佐dd焦糖及咖啡豆，層次豐富另外一杯凍飲朱古力，朱古力味濃郁，唔會太甜，特別一提Cafe 注重環保♻️沒飲管，此點挺欣賞👍整體野食+環境舒服美味😌正合GirlTalk主題🥰順帶一提餐牌有Pet Food, 很適合有寵物嘅

好耐冇去南豐紗廠，趁今日星期六同朋友hea 下做一日文青，朋友見到一間以藍色系列為主cafe感覺清新時尚，不妨入去一試，cafe內還有來自歐洲家品售買，好多都是獨家設計。黑松露雙層芝士漢堡自家製牛肉，加入香濃黑松露同芝士，口感豐富，漢堡牛肉鬆軟Juicy, 牛肉味道濃郁，加入厚厚芝士充滿層次感，麵包也是自家製，烤得外脆內軟，再配合番茄生菜，清新健康燒烤菇芝士薯餅風車包如果是素食者，燒烤菇一定合心意，大啡菇烤得香濃，菇味濃郁，芝士烤得半溶狀態，咬落多汁，自製麵包型似風車，自製麵包鬆軟美味。The Uniek Pink (草莓咖啡🍓☕️）用新鮮草莓加入牛奶打成，咖啡味道濃，感覺清新可口意式蛋糕咖啡☕️香滑牛奶配咖啡不錯，口感像意式蛋糕Tiramisu, 味道濃厚香甜，頂部放上一條意式蛋糕條，配合一齊食，感覺好sweet

假期最後一日同主子去南豐紗廠行下，同佢識下朋友仔。行過見到樓下餐廳已經好多人，睇過下MENU 好似唔係好岩食，所以就轉去樓上The uniek 食。店員一見到我哋就立刻安排坐位，同狗狗一齊嘅話，只可以坐出面，但係都寬敞。而且狗狗都有位坐，仲有安排防水墊，貼心。餐廳以QR CODE 落單, 簡單快捷。MENU 有飯、意粉、PIZZA 同包，飲品有咖啡同茶，算多選擇。我就揀咗燒烤菇芝士薯餅風車包同美式咖啡。燒烤菇芝士薯餅風車包一上枱就好似漢堡包伴沙律咁，2塊包夾住大啡菇, 菇上面滿滿芝士。首先沙律菜以醋汁拌，味道清新，沙律菜亦好新鮮。大啡菇上面佈滿芝士，一切開，菇汁隨住刀而流出。而且大啡菇極鮮甜，唔會太乾，口感好好!差不多食咗一半大啡菇先食到薯仔，薯仔份量不足以用薯餅嚟形容。2 塊包好鬆軟，包塗上酸酸甜甜嘅千島醬，但本人不太鍾意千島醬，所以覺得塗得太多，如果少D 會好D! 另外美式咖啡方面，因為冇得揀想要NUTTY D 定FRUITY D，今次飲落唔夠NUTTY。如果可以俾客人揀，會更加加分。店員服務周到用心，讚! 

紗廠一向都是主子必到之地，咁奴才可以做咩？除左行市集，打卡餐廳都有架。我試左幾間，呢間我自己比較中意，因為佢地裝修唔浮誇，好舒服⋯⋯除了餐廳亦係家品店，一個地方滿足食行要求👍亦都係因為主子特別中意食佢地嘅南瓜三文魚蓉，次次黎主子都食到lam lam 利，見到佢咁開心，我地做奴才嘅自然開心💕💕💕我亦好中意佢地嘅咖啡杯，2隻湊成一對嘅圖案，很有心意。韓式泡菜軟殼蟹天使面$128好少見軟殼蟹原隻上，無切開一半的，賣相更好👍👍天使面沒有出面食開嘅咁淋，我更中意，口感實在日式巴馬火腿薄餅$98餅底好香脆，巴馬火腿份量絕對超值👍面層大量木魚+紫菜，很和風之餘同時中和巴馬火腿嘅咸咪口

👧🏻😋👅🍽✨我同狗狗都有食神🥰-The uniek🇭🇰 荃灣白田壩街45號南豐紗廠1樓111號舖 🇭🇰-除左係餐廳, 仲係賣生活用品既鋪頭, 食完野睇下屋企有咩添置就岩晒小店weekend menu一頁過但款款都好吸引! 重點係有狗狗menu!!-🐶 🥩 🫑 Pet Food - 紐西蘭牛肉三色燈籠椒 $40💯平時狗糧都係雞鴨魚為主, 今日食下牛肉食到佢勁開心😁💯Gucci今年14歲喇眼睛唔好有少少白內障, 三色燈籠椒幫佢進補下😆-🐖 🍟 🥗 照燒水餇豬肉眼 $138✨豬肉眼油份較多, 香煎後邊皮香脆, 入面肉質又好腍✨配上沙律菜同薯條好fresh-🍄 🧀 🥔 🥯 燒烤菇芝士薯餅風車包 $118💯厚身燒烤菇勁juicy, 薯餅內外都有滿滿芝士💯個風車包又超脆, 一啖咬落大滿足!-🍰 ☕️ Tiramisu Latte $49✨芝士同咖啡味好夾, 面頭個手指餅乾浸左少少咖啡真係超似食緊甜品 tiramisu-🌱 ☕️ The uniek green (Mint) $49💯熱天最岩飲薄荷, 薄荷嘅清涼更突出奶香-

朋友約我嚟呢個商場行吓睇吓hea吓shopping吓🤩，順便食吓嘢😋 … 我哋見到呢間餐廳，食西餐，乾淨企理，咁就決定喺度開餐😆$118「燒烤菇醬油天使麵 Portobello Mushroom Shoyu Angel Hair」: 大啡菇上邊放咗薯條🍟再加芝士🧀️然後焗溶咗，口感有趣🤩；天使麵煮得軟腍腍，口味大眾化😋；其他配料包括 法邊豆、洋蔥、野菌 等😋$128「明太子雙魚漢堡」：魚柳有脆漿包住炸得脆脆哋，幾香口🤩，仲加咗沙律菜同埋三文魚籽😋$30「法國有機甘菊花茶」：熱辣辣，幾香 Camomile 味😋$43「鮮奶咖啡」：幾滑 😋呢度仲可以帶寵物一齊嚟🤩

天氣開始熱熱地☀️，啤啤🐶出街都好辛苦🫠所以我哋去左文青聚腳點、寵物友善的南豐紗廠高裡有很多食肆，而位於一樓的這間，一邊是售賣精品，另一邊就是cafe ， 還提供寵物食品😍 寵物可以同主人一齊食😌先來一個令人滿足的All day breakfast 全日早餐，有8款配料，牛乳滑蛋、薯仔船、茄汁豆、煙肉、豬肉腸、燒烤菇、多士及田園沙律等， 當中的薯仔船🥔🛶好可愛，外層脆口， 裡面有一粒粒薯仔，幾有口感。好耐無食天使麵，這款燒烤菇醬油天使麵，令我食到停唔到口😋 大大隻燒烤菇，加上溶咗芝士及蕃菇片，爽脆多汁芝士香，天使麵加入紫椰菜絲、車厘茄、什菌、法邊豆，醬汁滿滿，每一口都好豐盛至於啤啤🐶就有紐西蘭無激素雞肉南瓜，雞肉配搭上南瓜，西芹，西蘭花，糙米，薑黃椰子油，三文魚油和蛋殼粉，補充蛋白質，又防止皮膚過敏問題，仲幫助年老狗狗改善泌尿問題，控制體重飲品有黑朱古力鮮奶咖啡，朱古力同咖啡味均勻，奶滑香甜另外凍Tiramisu 意式蛋糕咖啡，夏天熱熱飲好啱，入口酒醇香咖啡味濃，配上柔滑不膩口的cream，加上一件手指餅，好似食甜品咁

呢間the uniek位於荃灣南豐紗廠1樓111號鋪❤️cafe以藍色作為主調 牆身有好多唔同地方嘅景點照片 成個感覺好有度假feel😳 首先，我哋叫咗一個黑松露卡邦尼天使麵🤤我本身就好鍾意食黑松露嘅食物 黑松露嘅香味好重😍配合天使麵 非常掛汁❤️之後係一個黑松露雙層芝士牛肉漢堡😚🐮牛肉十分厚 肉味香濃 配合溶化嘅芝士 加埋鬆軟嘅麵包 成個感覺好夾好好味😍😍😍飲品方面，我哋分別叫咗凍柚子蜜同埋Tiramisu咖啡☕️咖啡賣相好靚 好適合打卡😚😚而柚子蜜亦唔會過甜 可以解膩😘😘總之呢個地方食物味道良好 賣相美觀 環境舒適❤️食完仲可以過隔離行吓🥰所以我都幾推介大家去㗎😘

當你行厭左香港一板一眼倒模式嘅商場，不妨走轉南豐紗廠。南豐紗廠進駐了很多餐廳、café、特色商店等，其中The Uniek 是一家“家庭”概念店，擁有來自歐洲的優質設計和高品質商品。🍳 All day breakfast /全日早餐🥗薯仔船、牛乳滑蛋、豬肉腸、茄汁豆、煙肉、燒烤菇、多士、田園沙律🥗擺盤精緻，色彩繽紛，沙律菜新鮮，還有數粒魚籽作點綴，層次提升不少。牛乳炒的滑蛋，非常嫰滑，上面有紫菜絲，配搭新穎。薯仔船外脆內軟，充滿著薯香味。大啡菇多汁，上面有一片芝士和番茄，食落芝味濃郁又juicy 。整體份量好足夠，有菜有肉，非常健康💓🍕日式巴馬火腿薄餅薄餅鋪滿木魚絲，有種吃大阪燒的感覺。薄餅烤得香脆，外皮酥脆，內部鬆軟，芝味香濃。🧊奶蓋青蘋果綠茶高顏值打卡飲品，果味香濃，杯底仲有數粒切粒青提子，清甜消暑，好啱夏天飲。🧊維也納咖啡充滿視覺和味覺享受的泡沫咖啡，細滑忌廉配上濃郁咖啡，幼滑口感，特别好喝。