The Right Place (寶勒巷)

营业中

休息中

間餐廳睇落幾靚幾chill所以就入去啦。出面係happy hour既setting，入面就dinner setting。坐位夠寬敞，舒服。我地兩個人嗌左個Snacks -Signature Platter, 有燒蠔，豬腩，炸雞翼，炸軟殼蟹，燒粟米。個蠔好新鮮，肥美多汁燒得啱啱好。軟殻蟹同粟米都唔錯。雞翼就太咸，本身已經有醃，再加避風塘炸會over咗。豬腩就普通中規中矩。然後重嗌左個帶子鹹蛋黃意利飯，好香口，兩人share啱啱好。最後加左apple pie + ice cream甜品，個蘋果批好有驚喜，焗到外層好鬆脆香口，入面加埋蘋果，重有肉桂同焦糖做吊味，太熱加啖雪糕balance翻，真係好味👍🏼飲品方面，因為cocktail既款式太新奇所以唔敢試，最後叫左荔枝芒果mocktail，略嫌過甜，不過都叫好飲既。欣賞呢間餐廳既staff態度好好，食物又好味，會再黎的👍🏼👍🏼

之前同朋友食過The Right Place，覺得呢到嘅食物，環境，氣氛，價錢整體都幾唔錯，呢個weekend就帶媽咪一齊嚟Chill chill佢🙌🏻餐廳位於寶勒巷，尖沙咀站N2出口行過去5分鐘都唔駛，十方分便。餐廳有室內/室外座位，呢日落雨，同媽咪揀咗舒舒服服坐室內，室內樓底高，空間感足，座位寬躺坐得舒適👍🏻✨阿拉斯加皇帝蟹腳，蟹肉及芒果木瓜藜麥沙律 HKD158沙律嘅上層全部都係蟹肉😍下面就係芒果木瓜藜麥同沙律菜。蟹肉份量好多呀！鮮味十足！芒果同木瓜孫酸甜甜入口清新，藜麥煙煙韌韌增強咬口，沙律菜新鮮爽脆，呢個沙律令人胃口大開🤤✨墨西哥牛肉捲餅 HKD128墨西哥牛肉捲餅餡料豐富，有粟米，紅腰豆，生菜，蕃茄，牛肉同芝士，多重口感，味道仲配合得好好，配埋三個美味嘅醬汁 : 乳酪，蕃茄莎莎，牛油果簡直係一絕！✨烤智利銀雪魚柳伴西班牙辣肉腸炒韭菜花，荷蘭豆及油封手指薯配芒果莎莎 HKD298銀雪魚肉身豐厚，魚皮十分香脆，肉質鮮味嫩滑，而且冇骨👍🏻伴碟菜亦都係用心有水準之作，芒果莎莎酸甜清新，辣肉腸炒韭菜花惹味，手指薯少少咸香軟滑唔粉。✨Right Place Tour HKD98賣相討好

星期日在尖沙咀逛完街後，又再重臨The Right Place享用晚餐，以前來過都覺得食物質素之高實在令人難忘。裝修雖是走懷舊風，但卻同時注入摩登時尚氣息，設有室內外空間，環境開揚，坐得舒服，最適合與朋友們把酒當歌。餐牌同樣都是中外合璧，除了有西式的意粉、burger等食品，還有中式的避風塘小炒。墨西哥菠菜芝士卷 $118和平時常見的墨西哥捲餅賣相有點不同，金黃餅皮烘得像酥皮般焦脆，卻依然保持乾爽不油膩，加上鋪面的蛋黃醬，香口又醒胃。烤得微焦脆卜卜的外皮，加上鋪面的蛋黃醬，香口又醒胃。內餡裹滿菠菜、生菜和蕃茄，全素口味夠輕怡，捲餅包得充實飽滿，咬一口即將餡料全打包，與白汁芝士醬料綿滑交織，以蔬菜帶出爽口滋味。泰式燒原隻魷魚筒釀蝦膠 $138原隻魷魚筒肉質爽口彈牙，佐以辛香辣勁的泰式香料，將魷魚的鮮美慢慢帶出。魷魚鬚更是燒得香口，焦香撲鼻，鮮味與惹味相互交替。釀得胖胖的魷魚內藏蝦膠，口感QQ爽彈，蝦鮮味十足。日式照燒茄子美國安格斯牛肉芝士漢堡伴薯條 $128黑色漢堡令賣相變得冷酷有型，麵包佈滿芝麻粒，麻香四溢。竹炭包身烘焙出外層輕脆的口感，比平時的漢堡包更煙韌富彈性。鹹中帶甜的日式照燒醬

The Right Place是一間以特式雞尾酒和中西fusion菜作賣點的的酒吧餐廳，餐廳以六十年代的懷舊修作主題，種種富玩味的元素反倒吸引了一班年輕酒客。＊＊＊＊＊＊＊＊＊＊＊＊＊＊＊＊每逢周末，The Right Place特別旺場，所以建議要預早訂留座，否則可能只可坐臨街的座位。作為一間酒吧餐廳，The Right Place的酒品選擇非常多，但當中最特別莫過於雞尾酒，因為全部以中式飲料作主題，例如我今次點的My Cup of Tea($148)不單以中式茶壺和茶杯盛載，而且雞尾酒內還加入了綠茶，非常特別。雞尾酒酒味都挺重，大茶杯內的雞尾酒因為加入了蘋果汁，帶點甜味都易入口，而小茶杯入口暖暖的，真的有如飲茶一樣，但酒味其實比大茶杯重，一冷一熱輪留喝，都幾棧鬼。Dr. Kitty($66)這是一杯以荔枝為主的mocktail，味道清甜，非常適合女士。清酒蒜片辣椒卡拉布里亞辣香腸煮美國馬尼拉蜆($178)馬尼拉蜆體形適中，夠厚肉不會太細隻，碟底的湯汁帶點微辣，都幾惹味。鮮蟹肉煙肉海膽汁扭卷粉伴鮮海膽($188)扭卷粉有點似加長板長通粉，但口感較為彈口，海膽汁很creamy，味道非常

呢間店好多人慶祝生日😂因為有閃閃爍爍的蠟燭插在蛋糕上面，拍片一流呀，不過要快手，因為都燒得幾快😂我們叫咗三文魚沙律同帶子飯，都幾好食！然後三個女人每人一杯cocktail or mocktail。呢度無再classic既cocktail，所以唯有叫一啲特色飲品，要留意係有凍有熱最好飲係Dr. kitty (mocktail，凍既)，似果汁。其次係呢杯：不過一開始飲覺得似藥水，飲飲下先OK。上面戈塊係陳皮而呢一杯就酒精味太重，唔係好適合女孩子🙈所以朋友都無飲晒不過影相一流！

係寶勒巷長期爆滿既依間bar & restaurant 係我同男朋友最愛既一間餐廳 所以我地間唔中都會去食下飯撐下枱腳 我地食7點鐘 去到既時候outdoor area都full哂 -野飲男朋友揀左giner season$98杯內有幾塊薑片 每飲一啖都有薑味伴隨 飲落係好fresh既一杯mocktail-而我就飲左造型可愛既 Dr.Kitty $88用左龍眼肉砌左個hello kitty係杯 啱哂打卡🥰味道方面 酸酸甜甜更加可胃-低溫慢煮燒法國春雞釀鮑魚栗子及薩丁尼亞珍珠麵配薯條$278皮脆肉質鮮嫩 雞肉入面釀滿哂鮑魚栗子同薩丁尼亞珍珠 所以食落有好多唔同口感 仲有粗薯條 好香口 一啖雞肉一條薯條甘食 大滿足😋-避風塘軟殼蟹$98男朋友每次都指定要食既一款菜 軟殻蟹用蒸蘢上 又係呃like既擺設 同埋軟殻蟹有成四件 大大件 食完絕對夠喉 好脆好香加上係面有鋪上薯片 令成個軟殻蟹更加香口啊-焗蘋果批伴自家製雲呢嗱雪糕$68個蘋果批係我既最愛 好香肉桂味 熱辣辣好鬆脆 唔會太甜 加埋雲呢嗱雪糕一齊食簡直係絕配

之前去過大埔嘅right place感覺不俗，發現原來尖沙咀都有間唔洗由港島走到新界咁遠喇😂 對於呢間最有印象一定係佢地啲mocktail同cocktail，全部都超精緻✨嘢飲叫咗cocktail mocktail各一杯，一個係用西洋一個係用中式茶杯成伴事好fusion，有酒精果杯我飲唔到酒就評唔到啦而杯mocktail就用咗乳酪加伯爵茶，同埋自家製嘅龍眼漿，飲起上嚟除咗清甜次外仲潤潤地，幾養生下😂然後今次食啲嘢其實都幾有fusion味，上次食兩個都係肉，今次就試下啲麵食，海膽扭捲粉個感覺有啲似番茄炒蛋，原過有蟹肉同海膽作鮮味嘅加持提升咗成個層次✨而另一個珍珠麵係因為上次食作地個春雞時徹底愛上，今次見到當然要再叫啦，同上次唔同嘅係，上次啲麵係索雞汁，而今次則係索海鮮汁，令成個麵都好勁鮮味，而魚蜆蝦三樣都係高質貨，對得起個價✨最後係主力推介避風塘軟殼蟹，超級無敵巨型😂 初時見作咁大隻就估個炸漿應該上得好厚，但食落原來真材實料真係咁大隻，啖啖肉咁好痴線而作呢個仿避風塘炒法除咗同樣加咗炸蒜之外仲好過癮咁加咗薯片碎，出嚟個效果又好正喎，下次煮嘢食都可以學下佢咁用薯片碎先😛

今晚同同事即興係公司附近搵地方chill一chill..見呢度氣氛唔錯，燈光暗暗地又有outdoor位~ Caesar salad+ smoked salmon ❤️滿滿的芝士片，啱哂我地呢班芝士控，份量幾多，沙律菜新鮮無苦澀味，開胃菜必選🤟手工貝殼粉❤️含澳洲和牛肉醬，辣肉腸，水牛芝士 ，溫泉蛋。芝士味極重，每一下都有拉絲效果🥰🥰大滿足👍醬料酸酸地，同貝殼粉好夾，又入味。羊架配珍珠麵❤️半架大份，肉質嫩，易入口😋😋仲有配菜👉煙肉，車厘茄，嫩菠菜~超豐富。 底再有薩丁尼亞珍珠麵，口感好得意，好似食緊爆珠咁🤣Local fashion ❤️Rum, whisky, soda,red date, Ginger, orange peel👉酒味幾重，橙薑味奶濃，好岩女仔飲~ Dr.Kitty ❤️荔枝，芒果，菠蘿，乳酪👉味道遍甜，飲到所有生果味，菠蘿味則較突出。 下次再會同同事嚟chill一chill 😍😋😁🥰

一班朋友生日揀左The Right place 慶生.The right place 係適合三五好友happy hour/聚會的地方.酒吧飲野加野食。加左中西合璧的元素落去真係幾特別。我地叫左個芝士蒜香松露油薯條同三款避風塘小食(蘿白糕/軟殼蟹/魷魚)個小食一流.最適合送酒仲有好多有酒精/冇酒精飲品.三五知己談天好地方個手工芝士粉拌鵝乾好正wo!帶子risotto做返一定水準仲試左個牛扒。我地自己買左個蛋糕黎慶生.餐廳提供噴火蠟燭攪氣氛。野食野飲Ok ar.果然係the right place !!!同朋友聊天飲野好地方

同好友S去完觀塘厨具2折開倉血拼一番，好想坐低飲杯嘢，食個dinner, 輕鬆一下，毫不考慮我就諗起The Right Place, 其實最主要又係為左隻德國咸豬手，同S講過好多次，今晚終於可以同佢一齊食Menu除了飲品和Snack外，還有Salad, Soup, Main Course, Pizza, 意粉和甜品，選擇都頗多飲品方面有酒精類的，也有Cocktail和Mocktail阿拉斯加皇帝蟹腳蟹肉扒芒果木瓜藜麥沙律~顏色好鮮艷，蟹腳肉質鮮甜，蟹肉mixed埋芒果粒，木瓜粒和三色藜麥和沙律菜，分外覺得清新健康墨西哥牛肉捲餅~墨西哥捲餅中包住粟米，紅腰豆，番茄，生菜和牛肉碎一起焗，蘸埋莎莎醬和cream cheese 一起吃更加惹味烤德國咸豬手~原隻上枱，影完相店員先幫隻豬手分解咸豬手烤得剛剛好，塊皮仲係脆卜卜，黏口又有頭，肉質嫩滑juicy, 亦不算太咸，S亦讚不絕口，話下次一定要再encoreThe Tofu Pudding~好驚喜的cocktail落單時店員已提示我們這個cocktail要食完嘢才試，首先店員把豆漿撞落有whisky嘅食用石膏中，然後蓋上蓋等十分鐘打開蓋後呢個

之前食過一次,, 今日再帶閏蜜去呢度食好西餐廳氣氛環境好唔錯, 播住音樂, 好relax係三五知己傾計談心的好地方Strozzapreti Crab Meet - 鮮蟹肉,煙肉,海膽汁扭捲粉伴鮮海膽第一次食扭捲粉, 比較長身好煙韌, 個人十分喜歡啖啖都食到蟹肉, 海膽好甜配上扭捲粉, 好match!Soft Shell Crab - 避風塘軟殼蟹避風塘炒香味十足, 軟殼蟹炸得好脆口, 一切開黎蟹汁流出, 好好味!!最特別既係加左著片, 食落更加香口Beef Bacon Burger - 安格斯牛肉芝士煙肉蛋漢堡上次食完已經好難忘, 今次再Encore七成熟的牛肉岩岩好, 牛肉相當Juice一切開Burger, 蛋黃汁流出, 食落更加香滑薯條炸得脆又不油膩, 真係無我輸呀!!$128呢個burger真係十分推介!!Right Place Tour - 味道比較甜, 岩女仔飲帶有蜜桃同蘋果味裡面有牛蒡, 自家糖漿, 健康又滋潤每種Cocktail的名, 都改得好特別, 而呢杯Local Fashion入面有紅棗同橙皮等等.. 帶有好重的whiskey同橙味

今日女朋友黎尖沙咀接我收工，見佢咁乖就請佢去食個西餐啦，經過寶勒巷見到呢間燈光柔和，獨特格調既酒吧就二話不說拖住女朋友隻小手進入！未到門口已經有位穿著四正西裝既靚仔接待我倆，配合親切既笑容，望真d與劉華有半分相似店內有一部投影機正播方著一些歐美的獨立音樂，與我呢個Indie友既身份不謀而合，烤澳洲羊架伴煙肉、車厘茄、菠菜薩丁尼亞珍珠飯點了這份羊架七成熟，五條骨的大份量，兩人食已經十分足夠，肉汁剛剛鎖在肉內而又不會造粗，分切羊架後肉汁滲透在珍珠飯中，珍珠飯表面鬆軟，內里帶丁點煙韌口感，配上菠菜、煙肉及車厘茄，香氣十足，每一口都帶有蔬菜的清香和肉汁的鮮味，下次一定會再吃。帕馬臣芝士香蒜松露油薯條薯條新鮮熱辣，表面舖上厚厚既芝士絲，濃郁既芝士香氣配上黑松露，酥脆得黎唔會十分油膩，份量仲要十分大，簡直邪惡萬分墨西哥菠菜芝士卷餅皮烤焗得恰到好處，芝士混合沙律醬配合得好好，菠菜香濃沒有被芝士既味道掩蓋，口感豐富而帶點清新既感覺，仿佛置身於墨西哥中LocalFashion今晚無需開車，所以點一杯Cocktail，橙味配合威士忌是我第一次嘗試，感覺很好，橙味既清新感覺令我忽略了威士忌的濃烈感，不經不覺

前身係酒吧而且變左做有特色既fusion菜餐廳， 剩係見到個menu都已經非常吸引！用原條魷魚包住蝦交， 配上泰色醬汁， 這個組合好對味漢堡都幾大個， 好好味海膽意粉，海膽味道一般， 但配搭醬汁就好好味，而且呢款意粉比較小見， 好入味menu入面有好多特色cocktail, 花多眼亂， 本身唔係特別鐘意飲酒， 但點都要叫1杯試下用茶壺裝住， 份量不多， 其實睇佢簡介一d都唔覺得係酒， 果然， 試入口非常甜。。。飲左2啖就飲唔到啦

公司附近嘅酒吧餐廳，平時都會去食下lunch，$100左右就有set，而dinner嘅食物就高質啲。燒黑毛豬五花腩伴芥籽蜜糖青蘋果$88本身怕會肥膩，但食落都ok，加上有青蘋果，可以解膩。出面層皮烤得香脆，內裏juicy。烤澳洲羊架拌珍珠麵 $308一上枱有啲嚇親，比想像中大份，有四大塊羊架。要medium,都有做到，切開中間好juicy，食落帶少許羊羶味，調味適中。而珍珠麵個口感好特別，食落有咬口，充滿牛油香。法式熱情果焦糖燉蛋$58估唔到加左熱情果都好夾，酸酸地，食到尾都唔會太heavy。預先同餐廳講話朋友生日仲有煙花蠟燭，影相好靚。Longan Grey 唔會太甜，估唔到Earl grey同yoghurt都夾到。My cup of tea朋友叫嘅，賣相好靚，一杯冷一杯熱，酒味幾重。

Friday gathering with friends few weeks ago. One of my friends recommended this restaurant located at TST.The Right Place best describe the restaurant. The atmosphere is nice and chill. Best for friends gatherings for food and drinks. They have many different interesting cocktails to choose from. Overall, I’ll rate the restaurant 4/5 and definitely will come again. Must Try:- Pork Knuckles, Uni Pasta, Tea Cocktails, Whisky Tofu Cocktails, Deep Fried Soft Shell Crabs.