The Promenade餐廳

营业中

休息中

今日去左依度，以前有諗過但冇嚟過，原因係覺得交通唔方便，依家喺🚈黃埔站行去只係5分鐘就去試下，訂位時員工話上酒店eshop先俾錢仲有7折，每人連加一都只係$482，算唔錯刺身方面有好多款，帶子M Size, 赤貝L Size, 油甘魚，三文魚，冇根吞拿魚，魚，玉子，蟹棒全部齊哂冷盤方面，有即開生蠔都有海水味但唔算肥美，長腳蟹不食也罷，虾，蟹腳仔好甜好味，青口……熟食方面選擇都算多，燒牛肉個熟度剛剛好，焗蠔有兩款，煙肉粒焗會好食d, 另外仲有兩款韓式烤雞亦甜品有好多款，推介拿破崙同冧酒黑森林蛋糕總括嚟講依個價錢，配上live band望海環境，仲想點！

不會再去 九龍海逸君綽酒店 * 食中午自助餐 *1. 食物種類小2. 三文魚剌身 脂肪和肉分離, 吾新鮮3. 肉眼合格4.生蠔冇肉5.炒飯吾得6. 吾知點解好多人食麵 ? 可能他們很喜歡食 湯麵 或 冇野好食 !7. 勿貪長者小童憂惠8. 朱古力cake ok9.長腳蟹 有部份 未溶雪 及 太鹹如果不同意 請親自去試.......

好耐好耐好耐冇食自助餐了..今次見到有coupon又有折又唔貴就即刻約埋朋友黎食.自助餐主題係「蠔」所以都幾有期待.因為和朋友都喜歡食蠔.六點半開始..已經有條龍排更隊了.會有侍應帶你入坐.而我們幸運地是坐落地玻璃那邊.可以睇下夜境.好..第一round開始 沒有即刻拎蠔..因為預左會好多人會拎.我們就慢慢先吃其他食物先.刺生 - 叫左赤貝、帶子同墨魚！赤貝同帶子一定要食.好鮮甜同厚身😋 Salad Bar - 都有幾種菜同醬汁比你選擇..我最愛的煙三文魚.但我覺得呢間煙三文比較咸.拎左蟹、青口、蝦同龍蝦仔！蟹 - 其實好怕啲蟹會好咸.但呢間沒有啊！肉新鮮爽口青口-又大隻唔韌！蝦 - 覺得有啲唔新鮮龍蝦仔 - 朋友說冇肉食.可以唔食蠔 - 超級失望..細隻不特止.又唔creamy.又冇鮮味！好蠔的我們只食了二隻停手了..唔值得為佢排隊去拎..而朋友想試下蠔杯..但出了一round後就沒有了..飯飽飽到甜品..有我最愛即麵包布丁！而雪糕要了朱古力、咖啡、士多啤梨味！

今日黎左海逸君綽食自助餐，因為貪佢環境靚，有個海景，食完飯仲可以行下影下相。加上依家有25% off，所以就book 左食bunch buffet～次次食自助餐都好期待，因為真係好鐘意見到好多野食放曬係度任自己拎既畫面bunch buffet就食12-3，我早餐都唔食，食少少野就黎食自助餐～一入到黎見到有drink bar，要加錢既，汽水同果汁加廿蚊一位，再飲酒就另一個價錢。因為坐低淨係見到有清水，見廿蚊一位又唔係貴所以就加左啦！呢度既格局同對面海既intercontinental 好似，不過呢度真係有好多張檯因為我都好準時黎，所以都未有人坐低。隔左陣呢度都坐滿架啦期待左成兩個星期，點知呢度既自助餐水平真係好似放題，仲要係旺角個種，我真係好失望第一次食自助餐係可以食唔飽，因為真係唔好食同埋無野食頭盤就正正常常，因為食菜呢d 野根本都無得伏伏既呢就係入面既三文魚，不過zip 左係底，但係都望到既呢度既三文魚係用埋檸檬皮去醃，咁檸檬皮係苦架嘛，而且個味好strong，連煙三文魚既味都com 埋唔開心呀點解會連煙三文魚都可以唔岩口味架呢度既自助餐有蠔食，都係其中一個原因我會揀黎呢度食呢度拎蠔

每年總係會有咩咩記念日，咩咩節日去酒店食Buffet。呢間四年前嚟過，感覺唔錯，對住個海，睇返近期嘅食評幾好，決定嚟呢度補祝拍拖記念，又可以舊地重遊Lu。餐廳比以前更多食客，我大約一個星期前訂枱只可以訂到餐廳外加開嘅枱，不過唔係浪漫派食境嘅我無所謂。真心覺得餐廳性價比高，食物質素唔錯款式幾多，排隊拎嘢食唔會等好耐，職員友善又有禮貌，收碟快，又有歌聽更可點唱，如果甜品再多啲就更好。兩款即開生蠔新鮮但比較細隻，後面兩款oyster shooter無咩蠔味。海鮮吧海鮮唔錯，平時怕麻煩嘅我都覺得蟹肉好易拆，龍蝦仔好好味，在場好多食客不停追加。刺身新鮮種類又多，有九款，每樣師傅都會比兩件，赤貝同帶子會原塊比你。熟食款式多，其中我最欣賞係啖啖肉紅酒燴牛尾同香口嘅炸廣島蠔。燒味都唔錯，叉燒同燒腩仔肉質鬆軟，但後者皮唔脆。小籠包嘅湯汁好豐富，奶皇包細細個，做得唔錯。甜品種類唔太多，味道普通，芒果拿破崙最好味。飲品有茶，咖啡，橙汁同蕃茄汁。最後食埋回本嘅Movenpick雪糕，滿意嘅一餐畫上句號。

垃圾自助餐0630開始食，0800已經無refill ,0830已離開...依世人未食過差得咁 呢鋪嘅buffet唔會再試依間酒店， 嚟曬譜， 未試過食buffet食得咁嬲 廚師成日口黑面黑 生蠔紙咁 薄 長腳蟹食一次 唔會再有refill

今日同一班朋友黎到the promenade ，聽就聽得多，都係第一次黎食😋環境真係好舒適，地方細細但唔會覺得迫有落地玻璃望住大海景👍🏻食物選擇唔算好多選擇，但質素真係無得彈😋羊架稔滑，刺身新鮮，生蠔係即開，每人每次攞4隻，另有蟹腳，翡翠螺，凍蝦，龍蝦仔，青口。熱食除左有蒸魚，點心，燒味外，主要都係海鮮，每次出的份量唔多，但refill 得快👍🏻我最想介紹既係甜品😍真係好好食👍🏻雪糕係movenpick😋

今日去左凱逸酒店食晚間自助餐，呢度勁多不同款式嘅野食，多野食揀，其實好多酒店都係，但味道幾乎每款都好，就唔係每間自助餐都做得到。我地食左長腳蟹、小龍蝦、生蠔、鵝肝多士、pancake、梳乎厘、荷葉飯、黑椒牛柳粒等等，仲有好多，不能盡錄。其中生蠔、小龍蝦、長腳蟹好新鮮，台鵝肝多士我直頭食到停唔倒口，真係好好味，好味到我食左六碟，而呢個梳乎厘直頭好軟熟，唔會太甜，味道啱啱好。慶祝生日，同朋友三五知己一齊嚟聚會，亦係一個好地方。

食物質素一般，還可以，款式比較多，選擇豐富，沒有對用餐時候設限，可以從六點吃到十點。但，不能接受的是冷氣溫度實在太凍！一來不環保，浪費大量能源，二來各位食客都吃得不舒適，食物就算是好吃，也吃不出味道來！我明白有些餐廳會比較冷，但是如此低溫的環境還是第一次見，根本沒有考慮食客的感受和舒適。設這樣的低溫冷氣明顯是趕客，何不限制用餐時間，而要用如此下流手段！幾個人同行，都凍得受不住，回家都病了，為了一頓飯，實在不值！

對上一次嚟已經十幾年前，十幾年之隔，呢到依然無變，海景依舊吸引，嘢食選擇約略相同。今次用咗online booking平均每人四百八十幾，係一個相當吸引嘅價位，可惜味道比預期中失望。-今期自助餐主題為避風塘，現場驟眼睇避風塘嘅主菜卻唔多，只見一道炒蝦同炒蟹；招牌嘅海鮮bar款式雖多，但味道一般；長腳蟹無味，相反另一款蟹腳就好咸，其他貝殼類食物都並不太新鮮。甜品都係大路款式，切餅，朱古力噴泉，Movenpick雪糕等等。環境嚟講係舒服嘅，有海景亦有駐場歌手表演，而且當日現場並唔full，坐得好自在。-我記憶中嘅海逸自助餐係好grand，今次嚟到只可以講味道追唔過時代。以往仲未有咁多酒店嘅時候，海逸真係數一數二，同朋友講嚟呢到食自助餐館會令人羨慕，但係今時今日市場上咁多自助餐，target高檔嘅已經走貴精不貴多嘅路線，target中低價更多愈來愈多，尤其行內出名嘅五星級酒店都開始轉型sell親民價，仲玩埋團購，Promenade 再行中游路線終有一日會被淘汰。

見到OpenRice download coupon有8折，打電話問下知道原來lunch buffet都有生蠔同蟹腳，㩒下計數機，都係$250一位咋喎，於是即刻bk枱😬以前嚟黃捕覺得好遠，而家有左地鐵站就方便左好多，一出去行幾分鐘就到👍🏼估唔到星期四嘅lunch都可以咁多人🤔由於太興奮，只係影左我最鍾意嗰三類野🤣 蟹腳略嫌海水味唔夠，同埋每次一出都秒速俾人搶曬😂即開生蠔係正嘅，過左水都有海水味，有啲都大隻嘅😍😍😍冷盤不過不失啦，正常野個ham真係好正😋甜品我去到臨尾15分鐘先攞，不過我揀嘅呢3隻都好好味👍🏼 有brownie, cheese cake同napoleon🍰雪糕亦都唔可以唔食🍨其實全程都係食冷盤多🍣 熱盤係臨尾食左少少，即切牛扒係正嘅，仲有個牛仔骨都ok🐄最後呢.. 窗邊個view真係幾靚，影相幾好feel，食野個人都心情開朗啲😬

一不離二，繼續又是 Buffet 分享；同樣都是海逸系列的酒店，今天介紹的 都會海逸酒店 的 Promenade，除了鄰近紅磡港鐵站、地點優越，又擁有極美海景，重點是食物款式多得誇張，敢稱是全港之冠，連見慣大場面的甜魔媽媽，也試了不到半數食物.... 價錢反映質素，這裡晚市自助餐週一型四成人$578／小童$378（E-shop最多可享75折）；週五至日及假期或前夕$618／小童$408（E-shop最多可享8折），會比 8度海逸 貴上一截，但仍然非常爆場，魅力可見一斑～當晚開餐前，順便忍不住到景色開揚優美的 The Patio 先駐足欣賞～雖然剛由悉尼回來，非常為當地的美景讚嘆，但其實香港的維港景致也實在迷人之至，值得港人驕傲啊！ 遇上好天氣的晚上，胃口不大的，實在可以考慮就在外邊飲杯酒，點些輕鬆酒吧小吃，就是美好的一晚了！當然如果像我長著一張饞嘴的，還是乖乖進來欣賞空前未有的豐盛 buffet 陣容吧～由於款式太多，如有遺漏一點不出奇，坦白說拍照時甜魔媽媽連一整個甜品區都曾漏掉！也是由於款式太多，當中有幸有胃納品嚐，又覺的好吃的，將會以*標誌～ 由酒吧進來，一開始就有：莎樂美腸、

五朵金花今天約了在黃埔The Promenade吃自助午餐。我們先逛逛街，很久沒來黃埔，有了地鐵方便很多，人流多，熱鬧了，以前的JUSCO，現在是AEON ，裝修靚了，地方寬敞，設計時尚，尤其是Food Court，食物品種豐富吸引，值得再找時間到來瀏覽品嘗。去到餐廳，剛開始入座，我們臨窗坐下，無敵靚海景，再加上滿堂美食，心情大好。食物很豐富，應有盡有，凍盤有大大件松葉蟹，肉多，鮮味十足。即開生蠔，很肥美，枱枱必食，我們限於養生，少食，蝕了！燒牛肉及羊架嫩滑多汁，吃兩塊已回本。甜品以香橙蛋糕最出色。對著靚景，邊吃邊談，不亦樂乎！臨走已近三時，眼見侍應清理時，將剩餘食物倒在桶內做廚餘，覺得非常可惜！

出花紅日，食豪d,book左呢間酒店食buffet.酒店內有live band,幾好，可以點歌仔，幾好聽，咁岩個場有客人生日，有生日歌聽，幾有氣氛！望海景有歌聽。食物質素高，牛扒、羊架，吾錯，豬肉配萍果醬，幾吾錯。有蠔食，細隻，鮮甜！食物種類不多，質量好，海鮮盤都ok,湯好飲，尤其是個中湯，刺身好食，帶子好大隻，甜品都多種類，味道ok,最愛芒果拿破倫，生果新鮮，都甜。整體來說質素好，服務ok,如果總類多d，我先會考慮再encore

大約係三年前嚟過呢一間食我真係覺得好好食咁我嗰陣時就冇寫過食評跟住就滿心期待去多次仲要早左一個月訂位添去到同想像中都係一樣嘅但係要求坐窗邊位俾人調到坐最邊邊每次去拎嘢食都山長水遠咁講到食物因為我自己唔食生蠔咁我男朋友就話呢生蠔係有沙吾新鮮跟住我好記得呢間酒店以前個小籠包係超級皮薄多汁餡靚但係今次我食完覺得仲差過樓下啲＄10 4隻嘅餃子，可想而知你知道啲皮有幾厚啦⋯⋯仲要個小籠包係冇汁架，乾爭爭，咁咪即係餃子嚟㗎囉！我真係好失望當你明白到俾咗錢得唔到同等質量嘅食物你係真係覺得曬錢跟住其他嘢食真係好似一間普通嘅三星級嘅酒店或者街邊嘅餐廳都可以好食過佢全部嘢食係平平冇任何突出之處雪糕都唔係我鍾意食所以我今次係冇話中唔中伏嘅但係望住個境又唔係話真係可以享受到唔食嘢架嘛反而係得一樣野我最滿意就係圖中果棵聖誕樹紙杯蛋糕我係覺得呢個係唯獨是幾好味之外其他全部都唔好食啲啲蟹肉係黐實個蟹殼架仲要蚊唔出嚟你就知道佢啲蟹肉係唔新鮮總之我以後都唔會黎呢間食因為三年內都可以咁樣退步我唔知佢以後會變成點。