The Promenade餐廳

营业中

休息中

昨晚同親戚朋友聚餐,第一次於the promenade食飯,個人認為有不少的驚喜.1)海鮮凍盤-海鮮都幾新鮮,refill 的速度都幾快手下-生蠔都幾新鮮,開蠔師傅手勢都幾好,今次仲加多幾隻俾我😄2)刺身及壽司-算多種類選擇,蝦刺身同帶子都新鮮.3)熱食-今次見到有鵝肝多士,天婦羅等,試完味道不俗. 今次都算幾多客等緊,廚師做到踢曬腳都面帶笑容.-個人認為最吸引ge係--即整即蒸小籠包.師傅兩三下手勢包出一隻皮簿又唔穿,加上包入邊仲有湯汁,十分juicy.-中式熱炒係新鮮整起熱辣辣(或許我地係第一批入席),同行的長輩亦大讚.4)甜品我個人不太喜好甜食,但經過驟眼望落都十分美觀,我個人試左芒果拿破崙,覺得味道不俗.是次聚餐同行的人都覺得不錯,下次亦有機會再回頭.

好耐冇去食buffet 琴日朋友聚會去左呢間酒店食完忍唔住要寫下食評讚下食物種類都算多 海鮮方面蟹腳唔錯幾新鮮 而咖哩本人食過幾間酒店既咖哩菜 呢間算高水準牛肉生熟岩岩好 建議到中段時間先去摞 salad方面都有幾多野揀 味道算可以 到甜品方面 種類非常多 我就最中意食佢地既芒果那破倫 個皮好鬆脆仲有個朱古力噴泉 食飯當日見到都好多小朋友去排隊食飲品方面有咖啡同果汁任飲 如果想要飲酒精飲品就雖要另外加錢 整體黎講算唔錯 可以值得一試

第一次去The Promenade食自助餐，絕對冇中伏，帶畀我一個食到飽飽嘅晚上。今晚一行四人食晚飯，我哋六點半就去到餐廳，可能時間尚早冇乜人同我哋搶食物，第一轉食咗海鮮有蝦青口龍蝦仔，花螺呢啲指定動作，最值得一提係佢哋啲長腳蟹非常鮮味值得一讚。刺身除咗一般三文魚，吞拿魚呢啲基本嘢外，估唔到日本帶子都有，我大大話話都起碼食咗六粒以上。沙律種類都好多，雖然冇試曬全部，不過我就係咁食佢個南瓜沙律同雞蛋沙律，佢落嗰啲醬汁真係好好味。生蠔食咗大約半打，雖然唔算大粒但起碼係睇住師父即場開，新鮮就新鮮啦，不過就唔算好肥美。熱食最期待就係佢個鵝肝，配埋個多士麵包，我覺得係全晚最好味嘅一樣嘢。另外佢個汁煮牛尾又係冇得頂，仲有炒大蝦都值得一提。甜品方便種類比我預期多好多， 我覺得最出色就係佢個拿破崙同芒果布甸，就算食到幾飽都好，都一定試。總括嚟講，食物款式多，加食物速度算快，仲加埋個無敵海景，下次一定會再嚟。

老婆生日，見近近地，所以一家大細去食自助餐。首先講下食物質素,燒牛肉做得非常好,juicy and tender!壽司魚生款式好多,小朋友都好鍾意,尤其是係帶子同三文魚，小朋友食完又要再食。最令我印象深刻嘅係甜品,好在老婆非常滿意,款式又多,佢哋個芒果拿破侖簡直係冇得頂,D皮非常脆，芒果好甜。十分推薦!其次就係服務質素,佢哋都好有禮貌,佢哋都好快清理枱面啲碟。最難忘係我小朋友扭計要飲鮮橙汁,我啲侍應講,佢哋立即幫我整到一杯鮮橙汁出嚟俾我小朋友｡

當晚本來和朋友在約黃埔吃晚飯，但想吃的餐廳也訂不到位。便上網調查有冇其他合心水的餐廳。看到這黃埔海逸君綽酒店，本來見食評一般不想去。但見有時間便走去看看再決定食不食。但結果又不錯食物種類很多又有必食的生蠔雖然唔係大隻但係經過師傅介紹原來唔一定係大隻先好味。還有長腳蟹凍蝦和翡翠螺⋯⋯必食嘅熱食有骨燒牛肉、鵝肝和很多餐廳布菲也冇供應的羊扒。真係回本必食。還有刺身甜品。甜品種類也有很多。食物以外個環境真係一流我會期待再去

網上有優惠，酒店下午茶自助餐，不用300元，款式多，有咸有甜，有熱有凍，還有三小時免費泊車，抵！今次的主題是榴蓮，榴蓮蛋糕外型很似榴蓮，上層是六個榴蓮肉加白色忌廉，下層是忌廉蛋糕加綠色忌廉，起釘，榴蓮肉不是D24級數，味道還可以。芒果拿破倫，芒果肉鮮甜，脆餅很脆，忌廉少少甜，口感層次豐富。梳乎厘，即場焗製，熱辣辣，很鬆軟。榴蓮酥餅，餅底有少少硬，榴蓮味道香濃。熱食有炸蝦天婦羅、炸雞、點心、粥等等。海鮮有蝦、青口、魚生等。Haagen Daz杯裝雪糕和朱古力雪糕棒任食。總結：款式多，抵食。

本人第一次寫食評(因個人要求不高，吾太差都接受，所以之前都未寫個食評),但今次终於要寫，因為本人未食個貢差的自助餐，1) 先講魚生，我發現雪得好耐及極不新鮮，2) 生蠔太細隻， 但好在都上算新鮮，3) 至於啲凍海鮮, 簡直離曬譜, 我相信應該是雪咗好耐， 長腳蟹太乾， 凍蝦無味，唔明白咁樣都可以攞出嚟，4) 其他 熱葷只可以當一般, 5) 全晚最過得去就係塊燒牛肉， 勉強都入得口， 最後我只可以講一句這餐叫做"維持生命餐", 我相信我以後都唔會再去這間酒店食自助餐。

之前食過兩次，不過已經是一年前，之前係生蠔自己攞，海鮮不停出，所以今次再黎，但見openrice的最新食評，話海鮮出完唔 refill都唔信，講到咁差真定假呀～點知星期六食咗，長腳蟹每次出10幾隻，當見倒人攞你想出去睇下已無，重要成晚只出幾次，我未响出面碟見過，海鮮bar長期冷清，蝦細隻螺有沙，其他野極度一般，8點幾連豆腐花都無，有個點心區我好似黎食 brunch buffet咁，連D熱盆都refill勁慢，出到去十室9空8點幾重出單骨雞亦同勁咸 軟殼蟹（極快清哂唔refill) 總結：雖然而家做緊買二送一，但咁嘅質素再做落去買二送三都無用，自己做衰自己

見到the promenade 有buy two get one free ge promotion，就帶左屋企人來食自助餐啦！$598一位，就都有點兒失望呢😔 海鮮有長腳蟹，青口，蝦等等，一食完就唔會refill，結果淨係食左一條長腳蟹.... 食物款式亦唔多，咸食都係淨返送頭送尾，失望諗住進攻甜品，但比較好食既都係比人清哂 淨返d唔好食既好失望，比咁多錢早知食其他野好過....認為附近既都會海逸選擇同質素都高好多

復活節同女朋友屋企人一齊食自助午餐，由於小弟住油尖旺所以過去酒店都非常之快因為由黃埔地鐵站行過去都真係幾分鐘！由於大家早到咗我哋book咗12點，酒店職員非常之有禮貌細心等左一陣就可以入得去，我哋一行七個人安排左窗後邊俾我哋對住個海食零舍好feel！可能係下午關係。。人唔算非常爆環境都幾舒服，大家排隊攞嘢食都非常守秩序！雖然食物款式唔係話非常之多，但普遍來講質素都幾好食！好似長腳蟹蟹腳，藍青口，螺肉，生蠔等等都幾好食！生蠔就要排隊，每次每人只可以拎兩隻！不過都好唔使等啲人一次攞一大堆返去食有12點食到三點鐘，無論熟食，魚生，海鮮都ok好食！甜品都好出色！希望下次可以試吓夜晚個自助餐

老老實實 自助餐呢家野 真心真係食過好多次今次我又返去九龍君綽海逸酒店食自助餐，但之前兩次都係食夜晚 今次食中午 唔知有冇驚喜呢⋯⋯食之前比較過好多間 其實坦白講復活節邊度食都係貴 而且問過有啲酒店貴得來仲要冇生蠔冇蟹腳終於揀了又揀之下決定咗嚟呢度食•••依家去呢度嘅交通非常方便 只要搭地鐵喺黃埔站D2出口 幾分鐘路程就到酒店⋯⋯食之前嘅一個星期上官方網站可以用六七折嘅優惠價預訂 當然呢啲優惠價一經預訂 就不退不改 但除翻開每位大人都係$320多啲 超級優惠準時12點去到 一入到去 安排靠窗口嘅位置 落地玻璃仲可以望到對面北角 有海景非常開揚 樓底亦夠高 舒適！之後急不及待就去開動 海鮮方面有蟹腳 有小龍蝦仔 有熟蝦 青口等等，當然少不了生蠔⋯⋯ 蟹腳非常之正 平時食過好多間都係得一個字~咸！ 出奇地呢度係一啲都唔咸 好好肉非常正 而且不停供應 超抵讚 ⋯⋯雖然我唔食生蠔 但友人說生蠔也不錯 ！新鮮 ！每人每次限攞兩隻⋯⋯熟食方便有蜜糖雞翼 炸蠔 燒銀雪魚 火腩 不同口味嘅印度咖喱 牛肋骨等等 呢啲就不過不失 另外仲有粉麵檔 刺身檔 雪糕水果甜品沙律全部都有 雪糕係大牌子M字頭的 不

阿媽星期六就生日 不過為左平少少就揀左星期三平日去提早慶祝☺️☺️一家人就幾時食都咁開心啦～一行入門口就比佢啲海鮮吸引左 除左蝦同蟹腳之外 佢地仲有青口 螺 同埋生蠔🤤🤤海鮮黎講都夠多 同埋佢都有一直refill👍🏻之後食刺身 佢地啲帶子超級大粒 可惜食落又冇乜鮮甜既美 有啲失望 三文魚同八爪魚就一樣咁好食 特別在佢有北寄貝刺身🤣🤣拎野食個陣聽到人講話依到最出色既係小籠包同擔擔麵 個小籠包真係好好食😍夠哂多湯汁 佢地係即場一路包一路整比人食😄真係要試下！依個係紫薯雞肉卷 望落個配搭好奇怪😂甜品種類都唔少 試哂咁多隻之後都係覺得最好食既係朱古力慕絲🥰佢地野食area唔大 食返兩三round就差唔多試哂啲野😂如果種類再多啲會更好 不過佢地有live唱歌 好似話仲有得點唱 所以一路聽一路食都幾嘆☺️

比起我食過嘅其他海逸集團其他酒店 buffet, 呢間啲嘢食叫做高檔啲啦，但係其實又唔係話好好味。之前有食評話好多內地人又爭又搶食物，但我今日去又冇呢個情況。食物方面其實都係大路嘢，但魚生刺身稍嫌冇乜味，豉油太鹹。可能唔係咁多客，見佢盤壽司擺到乾哂，更加冇人有興趣攞。蟹腳係佢供應嘅海鮮裏面最好味，最有味的了。蟹粥，周打蠔湯比較好味，希望今晚唔會太口渴啦。甜品呢，佢嘅芒果拿破崙輸咗畀 8 度海逸，仲係慘敗添；豆腐花又唔滑... 飲品佢有 Expresso, coffee, 紅茶，橙汁任飲。但expresso 同 coffee 都冇乜味，奶係凍奶，加咗落去立即凍哂；紅茶味怪，熱水最穩陣。最特別係佢有 live band 演唱。但係唱嘅大多數係舊嘅廣東歌同國語歌，演唱者仲會同食客傾計互動。咪就係「流行經典 50 年」囉！反而場內職員工作態度好好，收碟快，笑容可躬。

The Promenade is a buffet restaurant in Harbour Plaza Hotel. The restaurant is really nice and spacious. The buffet had a variety of dishes to choose from. There was Western food, Asian food, dim sum, a salad bar, Chinese bbq, dessert, sashimi, etc. I tried getting a bit of everything to eat haha.First plate consisted of ribs, beef, pan fried fish and lamb. Beef was soft, but not very flavorful. I don’t really like lamb, but wow, this lamb was pretty good. I paired it with truffle sauce, but the

今次自己去食，這餐廳沒有很差，不明白爲什麽會有很多負評！所以要為餐廳平反......👍位：1. 今次食了Brunch，網上75折約350元一位，小童好好，6嵗以下也是免費。真心希望其他酒店學習。2. 食物有我喜歡吃的生蠔，活開，每次限兩個，但是沒有長長人龍，非常好！ 這次吃的是美國生蠔，很肥美。其他有長脚蟹，青口，小龍蝦等，不過我無食。3. 甜品種類很多，有非常美味的芒果千層酥！souffle，Movenpick 雪糕當然好味，有5種口味4. 有原條Prime rib, 肉質很不錯 5. free flow 紅白餐酒只需另加55元（連加一），真係好抵！ 6. 有live band 伴奏7.有粉麵檔，如果食素也可以多些選擇 8.其他有cold cut，點心，日本壽司（也有油甘魚），curry等大路食物。其實我覺得只是上面幾樣已經值回票價了！會再來。要改善： 1. 雪糕箱内雪糕會融化，覺得是溫度太高 2. 沙律選擇可以多些