The Prime House

我同家姐都係牛扒控, 間唔中就周圍尋覓下有咩西餐好食, 早排係網上搵到依間係灣仔區專食牛扒既餐廳, 見到Menu有Dinner set一於去食下佢咩料分別有頭盤是日餐湯, 自家製百里香蒜牛油餐包同凱撒沙律餐湯係蘑菇湯, 未飲已經聞到好香濃既蘑菇味, 飲落好Creamy同食到一粒粒蘑菇碎, 配佢地個自家製百里香蒜牛油餐包一齊食超夾, 個餐包個蒜香牛油味好強烈, 外皮係搽左層蒜香油, 完全唔同平時去扒房食嗰啲表面乾身嗰種, 係有誠意既餐包, 超好味而凱撒沙律每份都有四分之一隻雞蛋, 整體調味啱啱, 芝士粉唔會過多, 生菜都幾爽口開左個胃, 終於等到主菜出場, 有部分主菜係唔需要額外加錢, 我地就叫左依個280g美國WBI Double Gold 西冷牛排 (另+$50), 點左五成熟, 每個牛扒都可以自選醬汁, 依份配左阿根廷青醬, 配菜係脆炸薯條, 西冷牛排以炭烤方式煮法, 中間粉嫩色澤剛好係五成熟, 食落牛味好突出, 肉味香濃, 個牛脂香好正, 口感軟熟帶少許咬勁, 唔會太過冧身, 另外點阿根廷青醬估唔到個味道又幾清新, 鍾意食羅勒既人會喜歡另外塊係280g美國安格斯肉眼牛扒 (另+ $90), 一樣點左五成熟, 依份配左黑胡椒醬, 炭烤方式真係無得輸, 同樣煎得剛剛好, 口感比較有咬勁, 牛肉味道比西冷更濃郁, 點黑胡椒醬食完全係100%夾, 加埋黑胡椒香咁食真係回味無窮。 我地超欣賞啲薯條炸得好酥脆, 食落有薯味之餘, 放左陣凍左都依然係脆口, 另外不得不讚依度啲牛扒份量都算幾大塊, 我地兩姐妹各自食280g食一半都已經7成飽, 以依個份量如果男士黎一定夠食!餐飲叫左杯熱茉莉花茶同凍檸檬茶想食甜品可以加錢點, 又或者可以出去自取任食雪條同雪米糍, 真係可以食返夠本先埋單走人! 店員都服務好友善, 落單之前都溫馨提示我地邊款係需要加錢, 食完執碟既時候都問返我地覺得啲野食點, 埋完單仲好開心同我地講再見, 超窩心!…查看更多

2025年9月25日 星期四今晚難得同太太兩個人食飯，於是選擇咗一間比較有情調嘅餐廳，就係位於灣仔軒尼詩道餐廳裝修得非常有格調，無論燈光、音樂同氣氛都好浪漫，非常適合兩個人拍拖黎到餐牌有晚市套餐可以選擇，一個價錢就包咗幾個前菜同主食，而主食仲有好多唔同肉嘅部位可以揀，仲有餐飲添，於是我哋就每人叫左一個set點完餐之後等左一陣食物就開始陸續送到，首先有前菜凱撒沙律，沙律味道清爽，生菜脆口，煙肉鹹香微脆，配上濃郁芝士粉同香滑凱撒醬，層次分明麵包粒酥脆不硬，而水煮蛋更令整體更滑順，口感豐富又開胃餐湯有蘑菇湯，個湯質感濃滑，入口即化，帶有淡淡奶香同蘑菇既天然鮮味香草點綴提升層次，令整體味道更有深度每一口都暖胃又舒服，簡單但令人回味呢個係自家製百里香蒜蓉牛油餐包，餐包外皮金黃微脆，內裡鬆軟帶微微煙韌，咬開即滲出香濃牛油百里香清香淡雅，蒜蓉味濃而唔太霸道，完美融合，令人一口接一口停唔到主菜方面我哋分別要左230g安格斯牛頸脊牛扒同230g 美國平鐵牛扒，兩樣都要大約5成熟，牛扒外層煎至微焦，鎖住肉汁，切開時肉質嫩滑多汁，帶有濃郁牛香而安格斯牛特有既油花令口感更豐富，配上香草與醬汁，味道層次分明，令人回味無窮美國平鐵牛扒就肉味濃郁，油脂分布均勻，煎至外層微焦，內裡仍然保持嫩滑每口都帶有焦香同牛肉本身既鮮味，口感紮實但不韌，啱晒鍾意原汁原味嘅牛魔王最後埋單每人四百幾蚊左右，食得好滿足…查看更多

公司附近原來有間咁有氣氛嘅扒房，The Prime House 裝修優雅，加埋柔和嘅燈光，帶出浪漫氣氛，好適合約會或慶祝。晚市套餐  $388以呢度裝修氣氛同環境黎講，呢個晚市套餐價錢都唔算貴。套餐有是日餐湯、自家制百里香蒜蓉牛油餐包、凱撒沙律、主菜、餐飲🔸️凱撒沙律沙律菜青脆爽口，醬汁濃郁帶芝士香，搭配鬆脆麵包粒，開胃又清新。  🔸️餐湯 - 蘑菇湯蘑菇湯真材實料，蘑菇香氣撲鼻，而且飲得出微粒嘅蘑菇，奶油順滑增加口感，做得好出色。🔸️自家制百里香蒜蓉牛油餐包餐包外層微微脆，內裡軟綿，百里香和蒜香完美融合。  主菜都幾多選擇，12選1🔸️230g安格斯封門柳牛扒封門柳要左7成熟，牛扒外層煎得較焦，鎖住肉汁，內裡多汁鮮嫩，肉味濃郁，口感柔軟有彈性。  🔸️美國德州秘製醬豬肋骨 豬肋骨都幾大條，揀左原味。用刀輕輕一切已分開。豬肋骨肉質軟嫩易咬，醬汁帶微甜，濃郁又唔膩口。  …查看更多

🥩 牛魔王一定鍾意呢度食牛扒 @ 🌟 The Prime House 🌟.💁‍♀️ 圖片展示美食：晚市套餐 HKD 388.👀 難得周末可以約埋一齊嘆牛扒，晚餐仲要有套餐性價比高，會包括沙律、湯、主菜、配菜，同埋嘢飲。.🍞 熱辣辣上枱嘅「自家製百里香蒜蓉牛油餐包」外脆內軟，蒜蓉牛油慢慢融化。.🍄 是日餐湯係「蘑菇湯」，打碎咗嘅蘑菇茸口感CREAMY，濃郁有油香，暖笠笠。.🥗 「凱撒沙律」份量算多，羅馬生菜爽脆陪煙肉碎，凱撒醬蒜香十足好開胃。.🥩 主打梗係要食牛扒，揀咗「美國平鐵牛扒」，有足250g，MEDIUM火候掌控完美，外層焦香內裡粉嫩，簡單海鹽調味已經帶出濃厚牛味，點青胡椒醬更惹味。.🍖 另外叫左「威爾斯羊頸柳」，羊脂甘香充滿肉汁，份量夠大，薄荷醬清新配搭得宜，配上薯條邪惡又滿足。.☕️ 跟餐有埋嘢飲，咖啡同綠茶食完牛扒剛好完美中和膩感，為豐富嘅晚餐畫上句號。.😋 晚餐食牛扒套餐呢個價錢好抵，大份又好味，有機會可以試吓呢！.📍 灣仔軒尼詩道239號18樓.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

最近去咗𝘛𝘩𝘦 𝘗𝘳𝘪𝘮𝘦 𝘏𝘰𝘶𝘴𝘦 食𝘋𝘐𝘕𝘕𝘌𝘙 𝘚𝘌𝘛 晚市套餐($388)，幾高質𝘚𝘵𝘢𝘳𝘵𝘦𝘳𝘴: 🍄‍🟫𝘚𝘰𝘶𝘱 𝘰𝘧 𝘵𝘩𝘦 𝘥𝘢𝘺 - 𝘔𝘶𝘴𝘩𝘳𝘰𝘰𝘮 𝘴𝘰𝘶𝘱真材實料，飲到粒粒蘑菇，非坊間嘅忌廉湯，好正𝘊𝘢𝘦𝘴𝘢𝘳 𝘚𝘢𝘭𝘢𝘥清新!🥗🍞𝘏𝘰𝘮𝘦𝘮𝘢𝘥𝘦 𝘛𝘩𝘺𝘮𝘦 𝘢𝘯𝘥 𝘎𝘢𝘳𝘭𝘪𝘤 𝘉𝘶𝘵𝘵𝘦𝘳 𝘉𝘳𝘦𝘢𝘥 𝘙𝘰𝘭𝘭呢個自家製百里香蒜蓉牛油餐包係𝘩𝘪𝘨𝘩𝘭𝘪𝘨𝘩𝘵! 好鬆軟仲要微暖，好味😚 主菜係12選一揀咗:🥩230𝘨安格斯封門柳牛扒𝘈𝘯𝘨𝘶𝘴 𝘏𝘢𝘯𝘨𝘦𝘳 𝘚𝘵𝘦𝘢𝘬🥩230𝘨美國平鐵牛扒𝘜𝘚 𝘔𝘦𝘺𝘦𝘳 𝘕𝘢𝘵𝘶𝘳𝘢𝘭 𝘗𝘳𝘪𝘮𝘦 𝘈𝘯𝘨𝘶𝘴 𝘍𝘭𝘢𝘵 𝘐𝘳𝘰𝘯 𝘚𝘵𝘦𝘢𝘬兩款都高質✨😚 脂肪少、牛味濃，完美五成熟❤️ 所有牛扒套餐可選醬汁：阿根廷青醬/黑胡椒醬/洋蔥醬。推介💚阿根廷青醬💚 另外值得一讚係跟餐嘅薯條非常香脆，好正🍟套餐仲包餐飲🍹 咖啡 𝘊𝘰𝘧𝘧𝘦𝘦奶茶 𝘔𝘪𝘭𝘬 𝘛𝘦𝘢檸檬茶𝘓𝘦𝘮𝘰𝘯 𝘛𝘦𝘢菜莉花茶 𝘑𝘢𝘴𝘮𝘪𝘯𝘦 𝘛𝘦𝘢綠茶 𝘎𝘳𝘦𝘦𝘯 𝘛𝘦𝘢店員仲同我哋講可以自己出邊攞雪糕 (𝘰𝘧𝘧-𝘮𝘦𝘯𝘶!) 好開心😆整體覺得食物有質素，環境有情調，推介☺️…查看更多

在晚市套餐中，每一口都是一次美味的享受。首先，凱撒沙律新鮮爽口，搭配香濃的凱撒醬，讓人胃口大開。自家製的百里香蒜蓉牛油餐包熱騰騰上桌，散發出的香氣令人難以抗拒，每一口都夾帶著濃郁的蒜香和香草味，讓人回味無窮。接下來是蘑菇湯，湯底濃郁且富有層次，隱約能品嚐到新鮮的香菇香味，讓這道湯品成為晚餐的高峰。當然，最令人期待的莫過於230克的安格斯封門柳牛扒和美國平鐵牛扒，經過精確的烹調，外焦內嫩，帶有完美的肉質鮮美。Medium的熟度讓肉質柔軟多汁，伴隨著細膩的風味，簡直令人陶醉。最後，餐飲的選擇也很合適，為整個晚市套餐畫上圓滿的句號。總的來說，這次用餐體驗令人愉快，實在不容錯過😙…查看更多

一見到把特別既扒刀🔪印住Moo Moo字樣都唔陌生，Moo Moo 亦係牛🐮既叫聲，感覺幾得意😎 裝修亦幾有格調，門口有唔同顧客影既即影即有相，裡面有個大既紅酒櫃🍷，中間有個電視📺長期播住燃燒既炭火🔥，配合返扒房🥩既主題～ 整體味道都唔錯👍🏻，套餐亦都夠飽～(5 😍 係滿分，🤩係半分）230g 美國平鐵牛扒 🥩 - $338 (好味指數：😍😍😍😍🤩)黎到呢到當然要試下牛扒🥩啦😜 主要黎自肩胛，係個性價比高既選擇～ 叫左medium，顏色粉嫩，有焦香，牛味🐮濃郁，因為呢個部位既運動量幾大，口感軟嫩juicy幾正🤤 旁邊配左炸到🔥金黃香脆、裡面綿密既薯條🍟，同埋有酸甜芝麻沙律醬既沙律🥗都唔錯～美國德州秘製醬豬肋骨 🔥🐷🍖 - $388 (好味指數：😍😍😍😍)重點係個BBQ醬，係由煙燻肉桂、紅椒粉等製成，有煙燻香味，酸酸甜甜幾開胃🤤～ 而個豬肋骨🐷🍖既份量幾多，表皮有焦香，裡面肉質鬆軟，肉味香濃，如果再肥啲油香可以更加出就好啦～ 旁邊一樣配左炸到🔥金黃香脆、裡面綿密既薯條🍟，同埋有酸甜芝麻沙律醬既沙律🥗都唔錯～是日餐湯 🥣 (好味指數：😍😍😍😍😍)今次既餐湯🥣係蘑菇忌廉湯🍄‍🟫🥣，有芳香馥郁既蘑菇香味🍄‍🟫同埋黑松露⚫️獨特既味道，而且有幾香濃既奶香🥛，口感順滑，而且亦有啲蘑菇粒🍄‍🟫會有咬口啲～自家製百里香蒜蓉牛油餐包 🌿🧄🧈🍞 (好味指數：😍😍😍😍)有百里香🌿溫和既草本木質香氣、蒜蓉🧄同牛油🧈既惹味同鹹香，餐包🍞濕潤軟熟幾香口～凱撒沙律 🥗 (好味指數：😍😍😍😍)味道結合左濃郁既奶香🥛、微酸既清爽、同埋蒜味🧄同埋鯷魚🐟既鮮味，醬汁由蛋黃🟡、檸檬汁🍋、大蒜🧄、帕馬森芝士🧀同鯷魚🐟製成，質感滑順濃稠又有鹹鮮，羅馬生菜🥬清新爽脆，煙肉粒🥓有鹹香，麵包粒🍞金黃酥脆都幾好～好味指數：😍😍😍😍推介指數：😍😍😍😍…查看更多

灣仔浪漫情調扒房前幾日幾去咗The Prime House見到把斧頭刀就記得係La Moo Moo’s餐廳環境浪漫有情調 窗邊擺滿玫瑰花仲有火爐畫面佈置 幾浪漫 🌹晚市套餐🥩230g安格斯封門柳牛扒牛味濃郁 肉質鬆軟 油花較少 充滿肉汁🥩230g安格斯牛頸脊牛扒同樣牛味濃郁 口感軟嫩😋兩款牛扒輕輕加上鹽或者醬汁更能提升味道套餐仲包括蘑菇湯、沙律、飲品同雪條價錢合理 食物有質素 環境仲好浪漫添下次慶祝 又多個好地方選擇 …查看更多

平日晚去左呢間西餐廳鋸扒，餐廳暗暗地，播住有格調的音樂，情侶一齊去真係好適合晚市套餐包沙律、餐包、餐湯同飲品！都好有誠意，沙律係凱撤沙律，餐包有自家製百里香蒜蓉牛油，個湯仲有蘑菇碎粒，夠哂口感主菜叫左230g 安格斯牛頸脊配阿根廷青醬，因為牛要低頭飲水食草，所以哩個部位經常做運動，肌肉多油花少，肉質相對結實有彈性而且肉味亦比較濃！配特別調製嘅青醬，係西式芫荽感覺另外叫左230g 安格斯平鐵牛扒配黑椒汁 ，係牛嘅肩胛部位，油脂均勻，口感軟嫩，似牛小排風味，但油脂少啲兩款都叫左medium rare，煮得岩岩好！最後叫埋野飲，都真係好豐富…查看更多

今日結婚週年紀念，老公帶左去我灣仔上樓扒房鋸扒。餐廳以華麗英式木系風設計，每個角落都好似去左歐洲客廳咁，好靚、好有氣氛，感覺又warm又舒服。餐牌主打牛扒，同時亦有羊架、雞同意粉嘅選擇，而我同老公就揀左兩個$388套餐。套餐包餐湯、餐包、沙律、主菜及飲品，另外仲可以加錢叫甜品，都幾豐富。牛扒刀：餐廳幾專業，有專用牛扒刀，仲可以買架。餐湯：自家製蘑菇湯，每啖都飲到粒粒蘑菇碎，味道夠，好creamy，幾好。百里香蒜蓉牛油餐包：都係自家製，咬落去整個外皮都係輕脆，好軟熟，淡淡蒜蓉同牛油嘅味道，感受到餐廳心機。 凱撒沙律：羅馬生菜爽口，簡簡單單用左少許沙律醬mix埋已經好好味。230g安格斯封門柳牛扒：牛最瘦嘅部位，食落肉味濃郁，肉質較軟嫩，無筋，點埋旁邊黑椒汁仲好食。五成熟會比較好，如果唔係可能會有少少鞋。伴碟有火箭菜同熱辣辣炸薯條，前者mix左少少日式胡麻醬，後者就點茄汁食，兩款都好好食。230g美國平鐵牛扒：屬於牛第二最嫩滑部位，僅次於牛柳。平鐵牛扒口感較柔軟、嫩滑，有少少筋位，五成熟風味就最好。而呢個就配左阿根廷青醬，連呢個醬汁都係自家製架，帶少少辣味，配牛扒都幾夾。飲品：熱奶茶正常，茶非常熱，糖同奶自己加。甜品：店員好nice，服務態度又好，好客氣，仲請我哋去外面雪櫃攞雪條，每位客人都有，真係好開心。…查看更多

又到最難捱嘅星期三~ 需要回顧返前幾日食嘅牛扒大餐😝呢度無論係氣氛同埋服務都好適合朋友慶生同埋情侶周年紀念，員工仲會貼心同你影相，氛圍感爆燈💡▫️ 230g US 頂級Flat Iron牛排 (5分熟)粉紅色的肉質軟嫩到爆！配咗經典黑胡椒醬，濃郁辛香，面頭煎到焦香但入邊仍然鮮嫩🫰🏻▫️烤雞配阿根廷青醬
好好奇阿根廷青醬會係咩味，其實就係蔥油醬嘅概念，加上好多香草🌿烤雞嘅份量好多而且全部都充滿咗醬油醃料，非常惹味！驚歎嘅位係啲薯條係超脆㗎😝我估有翻焗過先可以keep到咁脆▫️ Soup of the day🍄‍🟫今日係蘑菇湯，啲蘑菇碎多過奶油味嘅濃湯😍有咬口! ▫️ 蒜蓉牛油包🍞裏面軟熟，蒜蓉牛油溶咗入麵包度，入邊好軟熟完全唔似出街現成買嘅麵包~▫️ 凱撒沙律🥗用羅曼生菜加帕瑪森芝士，食落好清新開胃🤪個套餐跟杯熱檸檬茶同埋甜品有Mega雪條😋成個套餐非常完整🥰…查看更多

晚上同先生去咗一間氣氛一流的餐廳撐枱腳，整體體驗非常滿意，特別是晚市套餐既食物質素同服務，真係值得推介！雖然餐廳主打牛扒，不過我哋就試咗比較少見的威爾斯羊頸柳，還有挪威三文魚，兩款主菜都超高質，絕對唔輸牛扒。羊頸柳係少見部位，肉質嫩滑得黎又唔會太膩，油脂分布平均，一咬落去充滿肉汁，好有驚喜。三文魚份量十足，魚皮煎到脆卜卜，配埋滑到溶嘅薯蓉，仲有濃郁嘅奶油同蒜香，令人一試難忘。套餐每位$388，包前菜、主菜同飲品。前菜有齊凱撒沙律、蘑菇湯同蒜蓉牛油麵包，沙律大份新鮮，蘑菇湯特別足料，有粒粒同切片蘑菇，飲落非常濃郁；麵包香噴噴，咬落去軟熟，滿嘴牛油蒜香。飲品之後，餐廳仲主動請食雪糕，有啲小驚喜，感受到佢哋對客人嘅用心。整體服務非常殷勤，店員有禮貌又細心，令整個晚餐體驗更加完美。…查看更多

嚟咗灣仔呢間扒房鋸扒，佢哋嘅晚市套餐每位$388，包含餐湯、餐包、沙律、主菜同餐，定價合理，有多款牛扒可以揀，亦有羊柳、豬肋骨同三文魚等其他肉類，選擇豐富。餐湯嘅蘑菇湯質感細膩濃郁，每一啖都係香濃蘑菇味，口感綿密順口。自家製嘅百里香蒜蓉牛油餐包，外脆內軟，百里香同蒜蓉嘅香氣加埋牛油，令人回味。凱撒沙律生菜新鮮爽脆，醬汁比例調味啱啱好。230g安格斯封門柳封門柳肉質較為軟嫩多汁，牛肉風味濃郁突出。烹調火候精準，切開呈誘人嘅粉紅色。簡單落少少海鹽就完全展現到牛肉嘅原汁原味。230g美國平鐵牛扒平鐵牛扒肉理分明，嚼感十足，牛肉肉味濃厚，肉汁豐富，配埋自選嘅醬汁味道層次進一步提升。兩款牛扒火候控制得唔錯，配菜嘅薯條調味啱啱好，食落夠脆身。。。The Prime House (灣仔)灣仔軒尼詩道239號18樓。。…查看更多

今晚專登嚟到呢間餐廳，為嘅就係一試佢哋出名嘅牛扒！我同朋友分別點咗230g安格斯封門柳同美國平鐵牛扒，兩款都跟埋香脆薯條。安格斯封門柳果然名不虛傳，叫咗五成熟，切開見到粉紅色肉質，肉汁鎖得恰到好處。牛肉味濃郁得嚟帶點獨特嘅堅果香，口感軟嫩得嚟有嚼勁，簡單用海鹽同黑椒調味已經足夠突出肉香。而美國平鐵牛扒就相對有咬口，牛味一樣濃厚，餐前嘅自家製百里香蒜蓉牛油餐包熱辣辣上枱，外脆內軟，蒜蓉牛油香氣撲鼻，令人忍唔住食多個。凱撒沙律新鮮爽脆，醬汁調配得宜；磨菇湯creamy順滑，菇菌香味濃郁。飲住一壺清香熱綠茶可以平衡吓肉食嘅膩感。最後當然唔少得雪糕櫃嘅雪條，食咗兩條不同口味，為呢頓豐富晚餐畫上完美句號。…查看更多

今次同個friend去The Prime House祭五臟廟，一次過試咗兩個dinner set（$388/位），前菜餐湯主菜熱飲全部打晒卡！等我呢個「為食凸警」同大家開心share下：🥗 前菜分別有沙律、自製百里白蒜蓉牛油餐包同蘑菇湯。🍖 主菜一：230g US Meyer Natural Prime Angus Flat Iron（美國靚牛）塊牛排著住炭燒紋身出場，性感過荷里活巨星！放入口個刻，啲肉汁係口腔入面開游泳池派對，嗰種濃郁牛味。🐑 主菜二：Welsh Lamb Tenderloin（威爾斯羊仔柳）有羊味但又唔會騷到似入咗羊圈衝浪，恰到好處！同隻羊仔嘅溫柔邂逅，嫩滑得嚟帶少少咬口，第一啖係草原清新風，跟住係微微羶香，最後回甘。☕ 熱飲：完美句號整體體驗：份量方面：睇落好似唔係好多，但食完成個set，我同個friend都要鬆一鬆褲頭，證明人類個胃同叮噹個百寶袋一樣，睇落細其實無限大！環境服務：服務好好👍🏻…查看更多