The Point (已結業)

好多人話飲凍野對身體唔好，會好容易水腫，天氣熱左咁多，唔飲凍嘢點得，食得是福嗎，肥就肥啦，吸引了我入這間餐廳其中一個原因就是為了飲嘢。第一件事首先看飲品，冰茶無酒精雞尾酒酒色彩繽紛，細心選擇之下一杯 Mango Tango，因為極鍾意芒果汁，見到即刻相機先食，上面橙色下邊紅色，調得好好，真係又靚又甜，即刻涼快哂。跟住我哋食咗沙律及招牌龍蝦意粉，水準都好，新鮮沙律，以梨及醋汁吊味，龍蝦超大隻，好好扺食。

大家都知道登龍街最多既就係來自世界各地唔同既美食所以我默默咁SET左個目標 就係要由街頭食到街尾今晚我地就試試街頭既呢間"The Point"望望餐牌  食品種類繁多  緊有一款岩你口味而坐低望落好多都係約埋三五知己黎食飯傾計既朋友的確呢度坐低傾計係幾舒服既   我地睇睇今晚食咩喇!龍蝦湯龍蝦湯真係西湯入面我既最愛黎  雖然眼前呢碗看似平平無奇但係飲落係高質既   有好多舊龍蝦肉  味道亦都好足 絕對係餐前一好選擇凱撒沙津呢排好少食蔬菜  所以有機會無論中式西式  我都要食返D菜今晚呢個沙津份量唔算多  但係如果一枱人3-4個人食既話就岩岩好  可以俾你胃口WARM UP一下黑松露芝士旦黃醬薯條熱辣辣  脆扑扑    黑松露  加 芝士  呢個配搭真係冇得輸係呢個仲係凍凍地既天氣  食返個薯條真係唔錯不過記住要熱個時食呀   放到最後  D 薯條就會俾芝士痴埋哂一舊嫁喇香蒜檻欖油炒野菌配溫泉蛋呢個係我今餐前菜小食既重點推介今次係我第一次遇到野菌同埋溫泉蛋呢個配搭   平時牛油野菌食得多埋埋溫泉蛋感覺係新鮮既一放上枱即刻撈撈撈   非常味美    素食既朋友另一個必食之選呀!Green

之前食過尖沙咀店覺得唔錯，今晚再帶朋友黎銅鑼灣店晚飯，銅鑼灣店比尖沙咀店少人，環境較寧靜。我地點左軟殼蟹沙律，龍蝦mac & cheece同Hawaiian pizza~軟殼蟹沙律分量唔少，中間有一隻溫泉蛋，加埋芥末醬幾好味，而且軟殼蟹大大隻好多肉。之後既龍蝦mac & cheece都好吸引，通粉唔會焗到好淋，同埋芝士份量剛好，唔會好膩，中間有少量龍蝦肉幾爽口，如果多d通粉就更好啦。最後Hawaiian pizza好大份照！有成11吋，材料有松子，焦糖菠蘿，parma ham同火箭菜，好足料！咁都係百幾蚊真係幾抵食。不過餅底有d韌，同埋蕃茄醬唔夠多。飲品點左red sangria 同mock champagne ~ red sangria酸左d同唔夠酒味~整體好喜歡呢度既pizza, 款式夠多又足料抵食。

登龍街通常都係諗住食拉麵但其實起轉角位有間手製PIZZA店質素都唔錯~龍蝦湯 $78 龍蝦味都幾濃 不錯不錯個pizza係有成隻軟穀蟹起上面本身好喜歡軟穀蟹既我一見到就忍唔住叫可惜軟穀蟹炸得唔太好 食落一口油但pizza底是唔錯的the point既pizza都係手製的 有一定質素但叫番啲正常味正啲!香煎虎蝦配香濃海鮮汁意粉 $228 虎蝦普普通通但意粉相對有驚喜海鮮味好濃 意粉煮到岩岩好~

happy friday 當然要食餐好嘅放鬆下啦今晚同男人走左去燈籠街搵食除左拉麵以外 呢間西餐廳絕對係我地首選好彩我地早去 唔洗等位 8點已經全場爆滿叫左caesar salad+pama ham 做前菜沙律菜夠爽甜 重有大量我至愛嘅芝士重有香蒜辣椒白酒煮大蜆 上枱已經香噴噴大蜆入口夠鮮甜 好新鮮 配埋啲汁 食唔停口最後pizza 終於到啦 份量都幾大架最好係隻溫泉蛋另上pizza底係手拉口感 厚薄適中 三文魚加上魚子 重有沙律醬 爽左

登龍街曾經是日本拉麵街，拉麵熱潮稍減之後演變成新摡念小店街，但始終多以日本食品為主，近月發現多了一家另類的意大利餐廳，名叫 The Point，主打意麵薄餅。 座落於角落，遠望如一玻璃屋，門面廣濶，早幾個月前經過常有客人在門外等位，今晚六時正到埗，可以立刻有位。 早食或宵夜有七折，聰明的生意之道。 簡約型格的裝潢，與鄰近地舖小店比較，舖位最大。 看看餐牌，整只龍蝦的薄餅及意麵最吸引，不能抗拒選了後者，另選個薄餅，在加個沙律、甜點及飲品，二人分享非常正路。 Mango Tango  芒果汁混合橙汁及梳打水，大家可以想像到的甜美味道，打扮得都幾靚，闊身玻璃杯四周沾上適量橙皮粉，相信靈感來自Margarita，小小心思，增分不少。 Arugula & Pear Salad  喜歡這個組合有新意，含少許甘味的火箭菜剛好被甜美梨子中和，合桃、芝士添口感，黑松露醋汁倍增層次。 Lobster Linguine  全隻波士頓龍蝦的造型是重點，大頭巨鉗鮮橙顏色搶鏡，意粉裏面仲有很多龍蝦肉，另一焦點在伏特加忌廉醬汁，調得滋味。 奈何龍蝦本身只是普通貨色，味道一般，少少鹹味而欠鮮甜，頭亦沒有膏，不要

其實經過the point 好多次，次次都見好多人客，心想野食一定有番咁上下水準，今次終於黎到食喇！七點半黎到都差唔多滿座，店員安排我地坐近玻璃窗，一路食可以望到街外既情況。打開menu 見到有好多款pizza 同各類西餐食物，好多野食呀！有酒精同無酒精飲品哦～仲有各款甜品呀😍表示食完飯一定要試埋甜品😂Mango with lemongrass $48哩左杯無酒精飲品，甜甜的唔算太飲到芒果味，反而帶點蜜糖甜品，整體味道係好飲既！Homemade meatballs $84肉丸沾上酸酸甜甜既蕃茄醬汁好開胃，食到係豬肉丸，肉質軟林，麵包點個蕃茄汁食都好正！Spaghetti truffle carbonara $146個黑松露白汁好creamy, 意粉煮得剛好，有好多野菌同露荀好健康呀！Conchiglie with wagyu beef ribs $156係我最欣賞既一道菜，估唔到係咁好味！個牛有d中西fusion feel似牛腩味，個醬汁好濃，貝殻粉好耐冇食過，吸晒個汁既濃味好好味，係驚喜的一道菜Soft shell crab 11 inches pizza $17811吋既pizza

同事每次食完好野都會同大家分享，今期佢話係銅鑼灣登籠街食左龍虾Pizza, 前菜意大利風乾火腿拼盤同意大利粉都好出色。搞到我同其他同事都好想試，即刻急急腳夾好日子時間去囉。店內裝修簡潔讓人舒服，服務有好。先黎個凱撒沙律配香辣烤雞先，烤雞真係辣中帶香，配埋新鮮salad菜做成凱撒沙律，好惹味又健康。前菜意大利風乾火腿配水牛芝士拼盤 $148超抵食價錢合理，平時超市都幾十蚊一包得幾片，而加起碼4款，每樣都好味，沙樂美就帶點油脂唔係個好，火腿鹹香帶甘唔肥膩，加埋火箭菜的獨特的味道我個人覺得單食好寡要配其他沙律菜或者火腿同食最夾。水牛芝士本身較淡但蕃茄又係佢拍擋。小食棒棒雞亦配蜜糖燒烤醬 $72可選4 or 6 件，我地揀左4件，鬆脆啖啖肉細心位將雞肉起晒保留單骨方便客人拿起食，點埋個醬汁更開胃。原隻龍虾pizza 11" $328價錢較高但物有所值，熱辣辣好香脆嘅pizza底配上芝士車尼茄同龍虾肉，食材足每口都味覺享受，而龍虾頭同身都讓左虾肉同芝士香菇，好滋味，我竟然不自覺食左三片。果然無介紹錯，真係掂Mojito $68喜歡薄荷味嘅朋友必order, 酒味唔太濃，清涼感覺！Fruit Pu

星期五的晚上，在寧靜的登龍街裡，Full House的The Point成為其中一焦點。其是平民化意大利餐廳，幾乎每檯人客都點選Pizza，相信亦是其最大特色。甜蕃薯條配香辣沙律醬 ($68): Crispy之選，新鮮炸起，香味撲鼻，蕃薯味道香甜，相當惹味。香草蕃茄醬家鄉火雞肉丸長通粉 ($138): 蕃茄醬酸酸甜甜，配鮮味香草和芝士，味道濃度適中，醬料剛好鎖緊每條長通粉。肉雖說火雞肉丸，但與一般肉丸無異，其也鬆軟及多汁，本人喜愛。M5和牛西冷牛扒 ($318): 炭燒網紋，賣相已是相當吸引。厚切牛扒有肉感，和牛級數品質不錯，牛味適中，雖然肉汁豐富，但邊位的一層脂肪稍厚和韌。Tiramisu Affogato ($58): 意大利忌廉芝士、脆餅、雲呢拿雪糕、Espresso Shot - 不要誤會這是Tiramisu Cake。Espresso咖啡味濃，將其淋在杯中，一次過享受多種口味，但可按自己口味調整份量。脆餅吸收Cream Cheese、Espresso，再配雪糕吃，味道層次豐富，但必須盡快吃掉脆餅，避免變得淋掉。

自新年過後都沒有相約老爸見面，今晚趁老媽有節目，只有老爸留在家中，一於兩父女撐腳枱。老爸一向都好好，次次都願意出到港島遷就我，今晚也不例外。來到美食雲集的登龍街，餐廳門口是一排大型的落地玻璃門窗，途人可清楚看到內裏的環境，感覺開揚。內裏裝潢時尚型格，最吸引我注目是頂頭鑲了多個燈泡的店名招牌，好型！餐廳地方不算大，分有兩行座位，泊牆有一排沙發座配二至四人枱, 中間就預設數張四人枱和長枱，空間不多，但樓底高，感覺也挺舒適。安坐後, 店員隨即送上清水和三份設計精美的餐牌, 分別有一份Hot & Spicy Specials、一本A la carta餐簿和一份飲品餐牌。A la carta分別有Soup & Salad、Nibbles、Crossover Pizzas、Specialty Pizzas、Pastas、Mac & Cheese、Mains和Desserts; 而飲品則分有Mocktails、Cocktails、Craft Beer、Wine、Coffee & Tea和Others, 不論食品和飲品都有不少選擇。******************************二話不說便

登龍街不只是拉麵那麼簡單，更有不少高質餐廳 The Point 就是其中一間，所有食物無論種類、服務、價格都大眾化•而且平日更加坐無缺席·可想其吸引力!Soft Shell Crab Salad $124以沙律來說可能偏貴一點，不過內含軟殻蟹、烤甜椒、水波蛋沙律、蜜糖芥末汁，分外開胃•即炸的軟殻蟹香脆可口加入醬汁!Capellini With Smoked Salmon $148煙三文魚露芛刁草忌廉汁天使麵，一上桌想當吸引煙三文魚的份量頗多而且內裡更有三文魚肉。值得推介莫過於忌廉煮得Creamy·天使麵麵質軟身配合少許黑胡椒美味極了。OX Tongue $168此店的pizza 簡直可以用出色來形容.牛魔王來了。鹹牛舌配合Pizza的第一次，另外更有靈芝菇、烤甜椒、煙燻水牛芝士、墨西哥辣掓、燒烤汁。熱騰騰相當美味，人流太多的關係，更見有食客外賣係街上進食真的不得了！Banana Heaven Pizza $72Pizza 除了咸食點少得甜食，烤香蕉、棉花糖、杏仁片、朱古力醬、雲呢拿雪糕·份量不會太多，流心的棉花糖及香蕉令人涶延不絕，杏仁片帶有口感與雪糕冷熱交融混合一起。另外更點了一杯#

通常黎銅鑼灣唔知食咩好，就會黎登龍街行一圈～今次就比街頭嘅the point吸引左～決定入去試試，氣氛好好，好輕鬆原隻龍蝦配車厘茄伏特加忌廉汁扁意粉 $268原隻龍蝦嘅意粉，好吸引！最正就係龍蝦身已經切粒起左肉，只係淨返兩個鉗未起肉，賣相好好～而且好多蝦膏。個意粉汁係車厘茄、伏特加、忌廉煮成，雖然有加伏特加，但煮完揮發後，酒精含量唔多，個醬汁主要係車厘茄味嘅酸甜，意粉索滿醬汁，好開胃呢～Posh Hawaiian Pizza $172呢度主打手製pizza,一行入舖頭已經聞到好香嘅烤焗pizza 味，每枱必叫呢～我地揀左Posh Hawaiian Pizza，配料有焦糖菠蘿、意大利風乾火腿、松子仁、火箭菜、蕃茄醬。上枱時熱辣辣香噴噴，芝士做到拉芝效果，餅底較薄同香脆，好新鮮嘅感覺～同一般pizza唔同，呢個pizza係用焦糖菠蘿，所以特別香甜，意大利風乾火腿同火箭菜焦焗好先放上去，風乾火腿唔油膩而且入口即化，火箭菜十分新鮮，難怪咁受歡迎軟殻蟹沙律 $124軟殻蟹、烤甜椒、水波蛋沙律、蜜糖芥末汁。軟殻蟹比想像中大隻，所以蟹身好多蟹肉，好甜，食之前先將水波蛋拌勻，令沙律都沾滿蛋液，口感豐富

今日經過銅鑼灣食街"登龍街" ,煩緊食邊間之際, 見到街頭有間 落地式嘅玻璃嘅西餐廳, 睇一睇menu, 原來係食pizza, 勾起我想PIZZA 的癮！佢嘅薄餅選擇非常之多, 價錢有平有貴, 又最平嘅一百幾十都多三百幾都有, 我就點選一個中價嘅pizza, Pepperoni有辣肉腸芝士同蕃茄醬, 11吋大嘅pizza,四個人分, 每位食兩件, 分量係啱啱好，PIZZA皮底非常之脆身, 又唔會焗到燶曬, 材料辣肉醬 芝士鋪滿曬成個批面, 蕃茄醬配芝士味道十分之夾, 芝士嘅香十分之吸引, 辣肉腸夠惹味！另外再食咗個海鮮意大利脆米湯飯, 餡料十分之多, 蝦開咗邊, 令到大家方便進食, 咬落去肉質彈牙，青口同蜆令到嘅湯底非常鮮甜, 青口同蜆浸過湯之後都唔會變靭,肉質鮮甜。另外就係佢嘅脆飯, 咬口非常之脆撲撲, 又有湯底嘅加持, 十分滋味

星期六晏畫係時代廣場睇完戲，大家肚仔開始打鼓，一於近近地行去登籠街揾特色野食，係轉角已經有間食Pizza店，朋友就話呢間同The One食過的同一間，佢無為意原來登籠街都有，她話呢間嘅原隻龍虾pizza好正， 就係咁樣我地就直接入店內，見到每枱都叫左唔同款pizza, 餐廳入口已經見到開放式的pizza嘅烤爐，感覺良好。Menu色彩奔紛 由朋友介紹佢話好味嘅食物：原隻龍虾Pizza 11" $328 Pizza上枱時賣相已經💯啦！ 每片pizza都有龍虾肉架。Pizza底用薄批，但唔會太難拿起食，熱辣辣又香材料足芝士滿滿，整體都好好味！前菜意大利風乾火腿水牛芝士拼盤 $148有齊晒唔同種類嘅意大利風乾火腿，沙樂美，巴馬火腿。。。。薄薄片帶鹹香還有水牛芝士火箭菜，精彩的前菜！露荀黑松露卡邦尼 $146口感綿密食時陣陣松露香氣配寬條麵好夾，卡邦尼醬汁令成寬麵提升左，好creamy 帶濃濃黑松露嘅菌香味❣QQ 燒春雞 $198春雞賣相靚食落多汁又滑又嫩連胸肉也出奇地鬆軟，伴碟連三種唔同口味嘅醬汁，甜酸，燒汁同一款香草汁，食過令人回味。原來除左食物佢地連cocktail都好好出色喎！Red S

又濕又熱的晚上，於銅鑼灣鬧市閒逛，實在不爽，我們決定提早開飯，選擇了登龍街的 The Point。這裡空間感十足，帶點工業風的時尚裝潢，氣氛舒適自在。坐下來先點了 Strawberry Lime Basil Iced Tea，悅目的淡紅色調，香甜的之中混著青檸的果香及羅勒的草香，味道十分醒神。朋友的是冰涼舒爽的Ginger Ale。Caprese Salad，囗感輕盈的水牛芝士，伴著新鮮水潤的番茄，還有翠綠的火箭菜，蘸上黑醋汁及自家製的意式香草汁，那份青青的醒神芝味，實在令人胃口大開。香蒜橄欖油炒野菌配溫泉蛋，賣相吸引，吹彈可破的溫泉蛋，伴著爽口的野菌，輕輕拌勻滑溜溜的入口，美味十足。棒棒雞翼配蜜糖燒烤醬，炸得金黃酥脆，蘸滿醬汁，送入口中，惹味可口。主菜是 Roman Pizza，熱辣辣上桌，餅底厚薄適中，面層饀料豐富，翠綠的火箭菜、花朶造型的意大利風乾火腿、還有無花果，這個11吋的薄餅，比想像中的大，趁熱咬下，鹹香的火腿當然美味，經過烤焗的無花果，那份綿綿的口感份外香甜，鹹甜之間還有火箭菜的青鮮，豐富滋味，令我們停不了口。蟹肉白酒刁草紅胡椒天使麵，啖啖鮮甜的蟹肉，伴隨著胡椒醬汁的辛香