The Market

其實好小機會係香港酒店食自助早餐，今次嚟hotel Icon Staycation，所以順便食埋佢個早餐啦9點幾去到餐廳已經坐滿人，早餐嚟講好滿意，食物種類多，食物質素高，而且餐廳服務好好。有沙律菜、乳酪、生果、芝士、玉米片 🥗煙三文魚、莎樂美腸、鹹牛肉等等 🥓芝士竟然有Belcube笑牛牌芝士粒添呀 🧀熱食有炒蛋、奄列、薯餅、香腸、煙肉 🍳另外仲有西多士、熱香餅、麵包、鬆餅、牛角酥 🥐而中式就有點心、上湯水餃、粥、炒麵、湯麵 🍜🔝好豐富🔝綠茶pancake, 西多士, 薯餅, 芝士粒..🔝沙律區🔝🔝生果區🔝🔝包類🔝牛角酥有原味同芝士芝麻味，兩款我都食咗兩件。好酥脆而且好重牛油味，好食🔝熱食區🔝有牛肉芝士雞蛋, 煙肉, 香腸, 煎火腿, 炒麵, 上湯水餃..🔝熱食區🔝有茄汁豆, 雜菌, 蕃茄仔, 薯餅..🔝點心區🔝🔝乳酪區🔝側邊有其他配料可配搭，有藍莓, 南瓜籽, 雜莓乾等等..🔝可以向廚師點選唔同烹調方式嘅蛋，有煎蛋、炒蛋、奄列等等..🔝湯麵區🔝有六款湯麵可供選擇喔。🔝粥區🔝可以自選雞肉、牛肉碎、魚片等等..

今次終於有機會黎Hotel Icon入面The Market既buffet啦，之前聽朋友講呢間Buffet 好好味同好難book架。黎到呢到非講甜品不可，因為呢到有好少見到嘅榴槤甜品，唔係講笑啲甜品既榴槤味好濃，真係好有食緊榴槤既感覺，鍾意食榴槤既朋友一定唔可以錯過。唔食榴槤既話，呢到仲有Godiva雪糕，啲雪糕有好濃嘅朱古力味而且好滑，可惜太飽只食得一杯。當然其他主菜都味道都好味，而且款式好多，有長腳蟹、刺身、Parma等，不過價錢有啲貴。

2021年3月1日(一)我們又來最愛的唯港薈食午餐🍴The Market@Hotel Icon話說我第一次來The Market 係2011年11月，當時嘅Lunch Buffet係$248，而家已經$388成人每位$388 + 10%中午12:00-14:30每人包一杯餐飲。11:58開始入座，13:35攞賬單來埋單及通知14:30要交枱，因為佢哋要準備做下午茶市。沒有龍蝦、生蠔、熟蠔、鵝肝、鴨肝。凍海鮮類有：長腳蟹、蟹鉗、蝦、青口、蜆。溶雪溶得很好，肉質很好，沒有雪藏味。刺身都新鮮，有三文魚、吞拿魚、甜蝦、魷魚、螺。除咗海鮮湯係苦嘅，唔好飲之外，熟食就中規中矩。燒烤檔女職員不主動，要主動話俾佢知我要乜嘢，要幾多件，否則只會大家互望👀，或者講一樣比一件。燒烤檔有四樣嘢：羊架、牛扒、豬腩肉及雞中翼，肉質及味道都係好的。羊架冇以前咁好，以前是烤羊架，烤好、切好放晒出嚟，自己選擇喜歡的生熟程度，現在就由職員給你，已燒到9成熟。你Order燒烤物後，職員放回已烤熟的肉類在燒烤架上，再大火烤返熱俾你。個人覺得好味道嘅有：片皮鴨、燉湯、羊架、Parma Gam、甜品類、水果。甜品最出色，榴槤甜品

解放晚上堂食的第一天，就嘗試一下眾人推介的The Market，基本上作為消費者的我，當然滿心歡喜，終於有自助餐食，自助餐當然食晚餐才合適，因為環境，氣氛，質素都係晚餐的條件，我本以為食肆也應該嚴待重啟，食物質素應該很好，原來這只是我個人想法。沙律：十數款沙律菜，正正常常，無咩特別好的菜，但奇特在有3款蕃茄，唔通蕃茄唔賣得？頭盤：西式煙三文魚，一款火腿，3款風乾，中式6-7款：鹵豆腐，鹵雞眕，中華沙律，肴肉.....對不起，忘記了，正常可入口，肴肉口感似石頭。麵包：匿埋左沙律區中，找到，見到，但唔會有興趣。湯：同麵包離九丈，一款燈色海鮮湯，不過係大滾中，味道當然係2啖，唔該可以拎走，謝謝。季節：蟹肉醬魚子脆包，對不起，應該有蟹肉芝士同魚子，當然魚子係一定見到，其他部分就......，味道也哈哈哈。中式羊肉，羊肉不是腩，正常，腐乳就唔好食啦，旁邊有鍋可能是汁加水，俾大家自己煮菜。蟹粥：蟹肉霉，粥係正常，但差過很多粥店，湯底濃，濃到咸，個味道似鹽焗雞焗完出來個雞汁。蛇羹：瘦肉瘦肉同瘦肉，蛇肉係有，三份一個一毫子左右大小，數量就.....俾啲心機，一定有，好心啦，大陸急凍蛇肉又唔係貴。冷盤：

食物款式有很多選擇，不論熱或冷盤，味道都很好，量亦足夠，算係我心目中頭幾位嘅自助餐，但熱盤的食物再熱一點就更好。甜品款式都好多，未能全部試哂，覺得最好味嘅係榴連奶凍及榴連醬，椰子雪糕同Godiva 雪糕普通，都係果啲味。整體黎講都算唔錯，但性價比唔高，因為我星期日去食午餐，一個人加埋一都要5百幾六百蚊，有啲貴，但成家人食得好滿足同開心，所以都值嘅。可能因為疫情關係先易啲book到位，之前想book都成日話full booking ，間唔中一次都可以嘅，但值唔值要等咁耐同呢個價位就見人見智喇⋯重點一提，全場較為值得食嘅係榴連，所以唔鍾意食榴連嘅人可以考慮去其他餐廳會值啲

The market 的榴蓮 buffet 出名多款又好味， 但新出個聖誕Godiva就真係唔知啦⋯⋯ 上個月頭朋友生日， 揀左佢嘅下午茶試下。 如果鍾意甜食，尤其朱古力嘅朋友仔， The Market 呢個下午茶 set 就好適合啦 👍 scones 非常好味， 可惜無法添加 😅 godiva 軟雪糕就任食 😯 甜食下午茶不外乎馬卡龍、 忌廉杯、小熊浸入熱牛奶， 味道都唔錯， 只係比較甜膩。

想慶祝女朋友的生日，自助餐就一定沒錯了，決定到the market吃飯。想不到the market在平日也十分旺場。這裡是出名吃榴連的。但普遍來說，自助餐也很不錯。海鮮沒有生蠔，但有蝦、長腳蟹，青口，蟹仔，刺身。沒有海鮮味，感覺不俗。但一開頭鋪滿了層層冰，需要扭盡六任才找到美食。熟食有牛扒，羊架，牛柳，片皮鴨，燒石班，泰式豬扒，響螺湯，排骨，香脆炸蝦餅，紅酒繪牛肉，韓式炮菜炒五花楠，熟三文魚等。甜品區方面，可以隨便吃godiva雪糕🍦，一杯杯朱古力味雪糕放進我的肚子，不錯。movenpick雪糕就算了吧，相形見絀。預先跟酒店方面聯絡，想弄一個驚喜（蛋糕仔)給女朋友，看見女朋友臉上幸福的笑容，餐廳的服務絕對可以有五星星。我明白人越大就越不想慶祝生日，但我只想跟你渡過美好的每一天。能夠跟你渡過每一個重要節日，也是晴天。日期：2021.01.13

短暫入住這間酒店一晚，check out前想吃件小蛋糕，於是經Foodpanda訂購 (外賣自取有8折)。不知是不是因為經外賣平台訂購呢！包裝只用透明膠盒加純色牛皮手挽紙袋的組合 (完全沒印任何logo/酒店名)，感覺有點簡陋。說回蛋糕，今次點了一件從未在它自助餐中吃過的款式 - 海鹽焦糖蛋糕。蛋糕內層是由朱古力慕絲、蛋糕、焦糖醬和花生碎組成。蛋糕質感整體較軟，初入口時先吃到朱古力慕絲的微苦味道，然後那海鹽焦糖味道才緩緩滲出，兩者甜度雖然不是太高，但又不會覺得不夠甜，味道剛剛好，不過略嫌慕絲質地過軟，如果可以稍微企身點，口感會更實在。蛋糕層則沒甜味，反而帶點黑朱古力的微苦味道，但蛋糕比較薄身和較乾，如果跟厚厚的慕絲層同吃，蛋糕口感相對較細碎，存在感近乎零，還好內層的花生粒為軟腍的慕絲增添口感，不然整件蛋糕就只有“軟”了。總體來說蛋糕味道是不錯的，淡淡的甜度，沒有一般甜品的甜膩感，吃起來舒服沒負擔; 不過部份分層的口感未能突出，被埋沒了，這點建議改善一下。

Lunch 自助餐食佢片皮鴨😰非常一般，生果又少，只有3種選（西瓜，哈密瓜及菠蘿）沙律菜品質一般，佢個加拿大牛重死，冇味又唔好食，熱食只有幾仲選，甜品又唔多，又一般，總之成500元其實喺好一般，唔會推薦人😩😩

見openrice原來好少人寫brunch咁等我講下啦2021 新一年新開始去左the market食brunch$5xx好抵 好多野食仲有free flow sparkling wine🥂食品種類多甜品又好味 唔食榴連嘅我地 都覺得有好多甜品選擇仲有任食Godiva軟雪糕任食由11:45食到2:30真係都唔夠時間值得一提中或燉湯好好飲 好清甜足足飲左三碗😂西湯都好似 係海鮮濃湯 似龍蝦湯味

疫情原因取消了晚上聖誕自助餐，加左十幾蚊換左$2100 cash coupon。試左佢個一人take away晚市套餐$400，加$100要埋隻波士頓龍蝦，全數$500（如上圖），份量夠兩個人食（不包括水果）。取餐時場面有點混亂，切記預早半日打電話預約訂餐，因為聖誕假期吧，預約了還須要等15-20分鐘。如果無預約要等1個鐘以上。熱食外賣回家已涼掉，味道還可以。非常推介甜品，特別是榴槤卷超級好味👍👍👍❤️😍

🇭🇰The Market·一路都見到好多人推介ICON嘅下午茶 見佢近排出咗個Godiva既 tea set 所以我就同 @simplicity_hkfood 去左試 點知有啲失望😭首先因為佢而家有兩個tea sets做緊 又有榴槤 又有Godiva 所以其實佢係安排咗你去the market食 環境比較逼夾🤭而且佢係係你坐都未坐定已經放個scone落黎 所以觀感真係麻麻地😂😂·Godiva聖誕下午茶$658佢呢個tea set我自己覺得質素真係一般 最好食係佢嗰godiva雪糕 我哋每人食咗兩個😈之後佢個scone都ok既 質感唔錯 我尤其鍾意佢配嗰個jam😎鹹點比較好食既係佢個煙三文魚cracker 其他既唔知係咪因為佢擺咗比較耐 一上檯已經凍左 尤其係佢個酥皮盒同埋三文治有少少出油🤭🤭之後甜品方面佢大部份甜品都偏甜 而且佢有2個甜品都有車厘子醬 所以有啲藥水 我自己麻麻哋🙊最後佢有一個朱古力熊啤啤俾你放落熱牛奶度變成朱古力奶 呢個幾得意既 雖然個朱古力味有啲淡🤭🐻·題外話我本身request左一個生日畫碟架 但係個tea set到既時候佢無一次過上埋 我問個職員 佢同我地講佢地呢

黎staycation bk 埋佢既早餐the market 我已經食過lunch, tea 同dinner buffet, 今次試埋早餐，真係都食勻甘滯一入門口就見到d 鬆餅牛角酥類，賣相好吸引鬆餅正常，朱古力味唔算濃牛角酥夠脆，層次都幾多，唔錯西多士普通，蛋香唔算濃薯餅依d 大路野都夠脆， 其他蛋餅蘑菇都係正常甘奄列個型煎得唔錯，入面係全熟，口感就實左d粥反而唔錯，夠味，只係稀左d,但食落都夠棉最後試埋湯雲吞，肉餡偏多，比較滯蕃薯好軟糯又好甜，好好食佢仲有豬腸粉燒賣個d 就無試啦，已經好飽佢麥片係細盒完整一盒，比較衛生豆漿都係用屋型個種，疫情期間用依d 有包裝既始終比較好黎the market 都係食佢甜品就夠啦😂😂

5/12那天訂了四位自助餐，滿懷希望在網上看到很多東西吃，但當夭步進餐廳一看，放在桌上的全是三百多元吃的平食材，除了龍蝦好些，其他什麽也差勁。連基本的例如：燒牛肉，生蠔和燉湯也沒有。連網上看到的火雞世沒有還收取聖誕的價錢。那海南雞飯，上面的雞用上冰鮮的，在網上看到D好多嘢去到都冇囉！網上的照片簡直是用來騙人吸引人來吃的。一位價錢就收八舊幾！簡直就係垃圾！

見近排疫情個案下降就拿拿聲訂位食buffet先, 既然咁難得梗係訂間信譽可靠嘅餐廳食啦！果日12點鐘去到都唔算好多人,海鮮有蟹腳，龍蝦仔，大峴，翡翠螺，熱盤有豬仔骨，炸蝦餅，白汁魚柳等，最推介係雪耳椰子雞湯，好香濃，飲完成身暖哂，另外沙律bar都好多選擇且新鮮，仲有各式芝士，橙汁，西柚汁，檸檬茶都任飲如果甜品粉絲更加要留肚啦！每款甜品都好精緻，細細件可以試多幾款都唔怕肥，榴槤專區真係冇得輸，榴槤炸彈，榴槤三文治，榴槤班蘭蛋糕，榴槤芝士蛋撻....雖然價錢係貴d,不過係值得嘅。