The Lounge (香港JW萬豪酒店)

营业中

休息中

一直對JW嘅buffet都冇乜好感，但大部分人都話ok，所以今次就嚟試吓。結果，差！！！我哋預先買咗lunch buffet。嚟到reception報到，我哋問佢細節問題，唔答，只係直接帶我哋去餐枱。原來lunch buffet有分幾種package。一個侍應只係放低咗一張buffet分類嘅package餐牌喺枱面，乜都唔解釋就走咗去，服務態度其差！只睇張嘢真係一D都唔明我哋嘅buffet屬於邊一個package。食物方面只是普通水平。全場只有自選餸嘅車仔麵和沙律。D牛肉仲要俾人搞到霉晒。咁嘅價錢食D咁嘅嘢真心唔值。服務方面，眼見全部員工好似好唔開心，好似焗住留低做咁，黑口黑面。仲有幾個經理級嘅西裝人，戴住耳機走來走去都唔知做乜，一D都幫唔到D下屬和客人。睇嚟JW真的名不符實。冇下次！！！

今晚一行三人又嚟食自助晚餐。餐廳樓底高，坐在梳化卡位，十分開揚舒服。食物方面，凍蝦好大隻又彈牙，甜酸炒蟹幾特別，义燒有d系半肥瘦邪惡但好食，酸齋多汁得黎個味又調得幾好，海南雞好滑，肉眼扒比較生但都可以，羊架就真係一般，燒賣大大粒食肉獸一定喜歡，即灼雲吞麵保持一貫水準，後期有潮洲粉果，但個胃已經無位啦。甜點方面，葡撻、檸檬慕絲、甘筍旦糕、日式芝士旦糕好味，斑蘭戚風蛋糕吾系好覺有斑蘭味，New York 芝士旦糕味道有d怪、麵包布甸焗得over 左d所以有點乾。埋單 $1305/3位，都可以嘅。但希望餐廳可以轉下食物款式，因為6月尾食嗰次同今次d食物有8、9成是一樣的。

今晚去到位於金鐘萬豪酒店入面大堂lounge 食自助晚餐，一入去量體溫掃左安心出行，因為早到了要等到6:45分才可以入座7:00取食物，到取食物區發覺擺位十分陝窄和人多時空間擠迫食物種類不多，海鮮只有蝦和青口，長腳蟹都冇，刺身也很求其hea 做，最離譜是炒蟹是死蟹肉質梅的肯定不是活蟹，同待應反映居然同我講話人哋隔離枱食得好滋味喎！好似被譏諷！四百幾自助餐好食過它的大把啦，服務態度又差這樣的的自助餐一次就夠！

朋友話JW tea set出名想試好耐嫁喇，於是我就早左成個月打去book位，唸住滿足下朋友，到時又可以幫佢影下靚相~ 不過可能期望太大所以食完之後都有點失望... 餐廳員工服務好好，坐低後好快拎左welcome tea比我地，係桂花香芬冰茶。飲落清甜冰涼好舒服，不過要襯d冰未融好快d飲左佢，隔耐左比嚿冰溝淡左就會唔好飲淡mou mou嫁啦。Waitress 相隔一陣都好熱心地主動走過黎幫我地order埋野飲，我同朋友都想飲coffee，於是就揀左ice cappuccino & ice latte。Tea set 方面，我地覺得鹹點整得好食，比較出色就係虎蝦春卷 & 芒果龍蝦沙律 鴨肝醬配蜜爪多士&鮑魚tart亦不錯，其他鹹點不過不失但甜點方面就覺得比較遜色，覺得都係用黎影相比較合適。而有d顏色既野食食落味道都比較假。唯一ok既就係綠茶紅豆牛角包Scone 方面有兩款，分別係提子&原味。比起出面既tea set，呢度既scone 確實唔錯了，微温而且口感幾soft，加上果jam & cream幾好食。食多幾啖難免有點乾澀，我唸如果配搭熱飲會更加舒服消濟呢~ 不過餐廳景觀都不錯，幸好被

JW酒店餐廳水準高好多人都知，到過好多次 The Lounge 都係食Buffet。但最近睇完兩位馬拉食家係vlog 大大力推介JW呢個正宗既皇室Malaysia Tasting Menu，搞搞新意思去試一次。.Malaysia Delights Tasting Menu 💲428/pp⭐️4.6/5.肉骨茶 Bak Kut Teh ⭐️4.2/5唔太鍾意中藥味，所以一向都避點肉骨茶呢類菜式。但JW呢個做得好好味，湯底好清得一枝有份量既骨，中藥味唔濃仲帶點清香。配埋香脆油炸鬼非常助湯，我自己可以飲哂全部。.怡保芽菜雞 Ipoh Nga Choi Kai ⭐️4.5/5怡保係馬來西亞既第四大城市，而芽菜雞係佢地街頭美食代表作。怡保芽菜外表短短、粗粗、肥肥，比一般芽菜多汁清甜有咬口。而放面雞肉其實極似去骨海南雞，一樣咁嫩滑有雞味。健康之選一上檯就極速被清碟。.印尼椰奶咖喱雞配油酥餅 Kari Ayam ⭐️4.9/5呢個咖喱雞不得了，咖喱好香甜好重椰奶香味。上檯時覺得佢好似細細碗，但原來內有滿滿既雞件，雞質素同前一道芽菜雞一樣咁嫩滑。佢個塊Roti Canai都係無得輸，秒速連汁全清，仲要向向行者

朋友聚會，一行六人分了兩枱到這𥚃食自助晚餐，雖然是星期四，客人也不少，比起我四月那一次的到訪，確實多了人外出用膳。食物方面，凍蝦大大隻肉質爽彈，海南雞依然嫩滑，义燒今次有d半肥瘦，所以冇咁乾，酸齋有意外驚喜，d炆鮑魚就縮左水細粒左好多，幸好師傅不停補給，片皮鴨依然餅皮厚不太出色，即灼雲吞麵，麵身彈牙，又自加了蝦球及鮑魚，效果不錯，肉眼扒都幾嫩，羊架味道吾錯但就吾熱。甜品今日略為失色，迷你葡撻微暖鬆化保持水準，甘筍旦糕上面有d奶油，同個旦糕幾夾，斑蘭戚風蛋糕鬆軟非常，其他日式芝士旦糕、麵包布甸、綠豆沙、藍莓旦糕，以酒店水準就比較一般。整體來說，有少少退步，但都ok 嘅。信用卡優惠折扣後，每位 $413。

今次係第2次食JW既Tea Set，對上一次食已經係大年半前，食完覺得好高質素所以一直都想帶媽咪黎試下，今日終於有機會喇！一坐落會有杯桂花烏龍冰茶，好岩熱辣辣既天氣，係食Tea Set前飲杯淡淡既冰茶都幾唔錯。Tea Set黎喇！鹹點既種類同我年半前食既差唔多，而甜食就比較多轉左款！虎蝦春卷脆卜卜，食落個味好似炸雲吞咁。媽咪話個芒果龍蝦沙律配魚子醬好好食😋而甜點我覺得今次比上次再好食左，三層架上面既食物無一件係伏，真係件件都好唔錯。甜點同鹹點都做得好食，真心推介比想試既朋友！Scone黎到暖暖地，脆脆既外層入面夾啲clotted cream好正

lunch buffet食物數量少得可憐，今時今日咁嘅自助餐質素點先！自助餐食物竟然只有粉麵、沙律，個場咁大，沙律醬同埋一堆辣椒醬用咗兩張枱，沖撐場面！一家人高高興興來，然後失望到極點而走😢😢

話說講唔停同朋友前排又港女症發作😬 所以就搵咗間聽講都幾唔錯嘅afternoon tea黎試吓啦😝JW Afternoon Tea $488/$548 for Two呢個下午茶包左勁多嘢食🤩 普通女仔食完嘅話應該唔使食晚飯🤔 講唔停覺得咸點好出色😍 最鍾意個龍蝦沙律同埋春卷！除咗個蕃茄配話梅汁有啲奇怪之外🤫 其他都好唔錯👍🏻👍🏻 而甜點比鹹點遜色🙈 大多都比較甜 食多會有少少膩🤢 不過味道大致都正常☺️ 覺得個chocolate Madeleine最好食🥰 但係個scone真係唔多掂 好乾又冇乜牛油香😢整體黎講 講唔停覺得呢度嘅afternoon tea性價比都幾高❤️值得一讚嘅係環境好舒服 好啱同朋友黎打吓卡傾吓計👭而且staff 嘅服務都好好😚提提大家Book 位嗰時可以reserve window seat 影相會靚啲呀！😛

都有一段時間無食the lounge buffet 🥗🍣🦀🦆🦐雖然仍然都係咁full。。。19:00-22:00 食物整體質素都差不多。。（其實這個buffet唔算係正式嘅晚餐。。原本未有疫情前是20:00-23:00的宵夜buffet。所以他的海鮮🦀🦞菜式沒有5樓Cafe的豐富。。後來疫情才改到晚上七點開始）但係我覺得佢最令我期待嘅炒蟹🦀🦀就有點失色。。。寫着星加坡炒蟹。。。但我吃了發覺奇奇怪怪的味。。酸酸甜甜。。都唔係平時的味道☹️。。不過我仍然喜歡他的片皮鴨🦆和鮑魚😋熱燙燙😋。。但當晚就遇唔到有蒸扇貝☹️。。。以往次次嚟食buffet都有🤷🏻‍♀️整體服務仍保持👩🏻‍💼🧑🏻‍💼而且座位編排得算寬敞。。有安全距離。。酒水🍻其實唔貴。。而且仲可以用$200任飲wine🍷

Reserved a table for 5 in celebration of Mother’s Day 2021 and was indeed impressed by its food quality and great value for money. Food choices wise, they serve cuisines from Japanese, Chinese to Western but not a wide variety of choices I could find. The buffet area was rather small, but surprisingly the food quality of each was quite good. It’s my first time going back for the sashimi several times at a buffet as they were really fresh and tasty! They especially outperform with their Chinese f

輕量版buffet😋但非常滿足去之前已經聽過JW啲自助餐正，今次餐JW個快閃優惠買咗折扣券去食。一入到去已經覺得個環境好靚，個幾層樓高嘅玻璃，可以一路食飯一路望住中上環啲高樓大廈😆每張枱中間都隔得好開，唔會迫迫夾夾。甜品嘅款有好多🍰雖然蛋糕有超多款，但推薦豆腐花同葡撻，葡撻可以加個雲呢拿sauce, 超好食。豆腐花好滑同有豆味。鹹點方便，有西冷牛扒 同羊架。仲有廚師即場片北京填鴨，啲皮好趣，好食😋

上年12月打去book位嘅時候，個Staff同我講要book到去四月尾，我真係嚇咗一跳！點解一個brunch都要等成差唔多五個月咁耐，究竟佢係唔係真係咁好食呢？今朝去到餐廳，佢其實佔地都好大，都有好多張枱，再加埋酒吧入邊嘅位，其實都有好多位，都唔明點解要等咁耐！餐廳環境好光猛，好多自然光，樓底又高，但因為間餐廳都有返咁上下歷史，啲梳化已經俾人坐到林晒，一坐落去成個人會跌咗落去咁。佢攞嘢食嘅地方分2度，出面近座位果d就係甜品，入面就係冷同熱盤。先講講冷盤啦，個selling point應該都係任食魚子醬，佢仲要有兩款咁多！除此之外，仲有凍海鮮，刺身，煙三文魚，ham等等。凍海鮮方面，龍蝦好好食好彈牙，唔似雪咗好耐。刺身都有好多款，最特別嘅係有鮑魚同埋帶子。Ham係新鮮切出嚟，所以好夠油份同保留返個火腿香味。到熱盤啦，除咗燒味（叉燒好食！）點心（個蝦餃都好好食，但個皮就厚咗啲仲有焗龍蝦，焗生蠔，北京填鴨，煎鵝肝，燒牛肉同埋羊架！個鵝肝毫不吝嗇，佢切到又厚又大嚿，煎到兩面勁脆，好正！焗蠔就最搶手，每次一出，因為數量唔多，好快都會俾人攞晒！除此之外，粉面檔嗰度仲有佢自家製嘅鮮蝦雲吞，呢個一定要

較早前在JW 官網買左d現金券，今晚用黎食自助晚餐，以前這𥚃只是在 weekend 做宵夜自助餐的，可能因為限聚令及疫情關係，現在已經改為每晩也有供應的自助晚餐。可能因為星期四嘅關係，大約只有五成客，加上樓底高及客人比較斯文，所以用餐環境十分舒服。講返食物，海南雞幾嫩滑，燒乳鴿肉質都juicy ，义燒睇個樣好乾但食落都幾淋，燒雞翼就真係好乾啦，大蝦燴伊面隻蝦好大隻又彈牙，片皮鴨的餅皮一貫的厚，燴鮑魚就真係細隻過以前，肉眼扒同羊架都略為生左d，但我又覺得ok ，雲吞麵就雲吞大大粒，入面全部都係蝦，麵身爽口彈牙，好食。甜點葡撻微暖鬆化，香橙撻比較少有，日式芝士餅淡淡芝士香味，白酒啫喱口感清新，斑蘭戚風蛋糕鬆軟有斑蘭香味，麵包布甸略為吾夠奶香。最後嘅凍檸茶茶味夠。整體而言，食物質素不錯，待應普遍有禮勤快，久久黎食下，都ok 嘅！

We went there for dinner and are absolutely impressed by the food quality there. Unlike many other buffet restaurants (in hotels), they may have less options but god, each one of them are top notch and even exceeding many restaurant level.I'd come back even if they charge double the price.Definitely will be our regular go-to place in the future.Oh forgot to mention their service is very good too.