The Lounge (香港JW萬豪酒店)

营业中

休息中

已有兩年未去過，今次酒店有8折再食過。大部分菜式差不多。炒龍蝦鉗轉左星加坡炒蟹，無咗蒸帶子，無咗蝦餃點心。一般肉食包括鮑魚，牛扒，羊扒，叉燒較靭，海南雞皮厚和漂到白色。人多，北京填鴨要排好耐。魚生中鼻拔蚌和北寄貝出色幾脆口。蛋糕幾多選擇有傳統，tart和chesse蛋糕三大類。自家雪糕以芒果出色，食到芒果原味。食物質素比以前失色，但價錢折實貴咗，這是時下自助餐定律。不過人手充足，很有禮貌，服務質素高。

好耐冇黎JW食bunch buffet，今次嚟到更加多嘢食，通常自助餐嘅片皮鴨都唔好食，但係估唔到JW嘅片皮鴨有啲水準，應該係我食自助餐咁多次最好食嘅一次，剌生類裏面有一款鮑魚，勁正，不過記住手快有手快無、龍蝦都有兩款，一款凍食一款芝士焗、魚子醬亦都有兩款選擇、仲有三款果汁任飲，唔怪得知咁難book位😅，雪糕除咗有Häagen-Dazs嘅三款口味之外，仲有另外三款口味嘅軟雪糕、雖然場地唔係好大，但係喺食物方面已經做到有好多選擇。

昨天去食自助午餐，食物款式不用多講，很少很少很少（重要事要講三次），好心酒店擺咁少食物就唔好叫自助餐啦。款少其一，絕大部分仲係沙律，熟食得幾款。其二，有幾個師傅幫手煮湯面，容我簡單粗暴講句（垃圾），煮唔熟食物，瓜菜生，竟然俾客人食。當時超想同佢酒店講返，顧及場合，忍了。湯面丸質素差，如何差？就是丸成粒係粉唔新鮮，擺係雪櫃十年八載拎出黎咁囉。粉面（河粉碎到一粒粒咁）成堆垃圾樣擺係到。熟食菜都冇幾條比人享用，加埋都冇十樣也。JW萬豪咁質素自助午餐，即係做衰自己牌子（想講句執佐佢好過），廚師煮唔熟食物炒佐佢啦，唔好害客人,深知一分錢一分貨，三百幾都唔係比唔熟食物客人食囉。

📍JW下午茶自助餐不嬲都好受歡迎🌟食物選擇多之餘 性價比都好高朋友介紹話JW嘅 Afternoon Tea 都好高質素 就忍唔住去試下餐點未上之前 職員會提供桂花冰茶作為Welcome Drinks 🥂味道清香 夏日炎炎飲落好透心涼📯: 少有地鹹點比較出色 ✔️:鮑魚撻芒果龍蝦沙律配魚子醬: 鮑魚鮮甜 芒果中和咗油膩感✔️: 虎蝦春捲配甜酸汁: 虎蝦大隻香脆 配上甜酸汁超開胃✔️: 鵝肝醬蜜瓜配提子無花果醬多士/ 黑毛豬火腿配無花果布利芝士麥法包: : 正常發揮 無花果香味濃郁✔️: 日本桃太郎番茄🍅配話梅汁: 好fresh 配上話梅汁 微甜帶酸📯: 甜點賣相好靚 打卡一流但部分甜點只係食到甜味 稍為失望🤦🏻‍♀️玫瑰士多啤梨🍓荔枝朱古力蛋糕 同 紅寶石朱古力芝士忌廉配朱古力脆撻 甜中帶酸😻 相對有層次 脆撻香脆最失望係牛角包🥐太乾身 綠茶味欠奉 不過整體性價比高 值得一試 食物質素正常 而且環境開揚 適合放假chill 1chill!🙋🏻‍♀️

JW Marriot嘅大堂下午茶一向都一位難求。周末嘅slot要預早一個月預約，估唔到平日都會fully booked要排waitlist，好彩最後都wait到一入座就有一杯冰涼的開胃桂花茶-🥧鮑魚撻🦐虎蝦春卷🥪鴨肝醬蜜瓜多士鹹點唔係平時常見嘅三文治，而係有啲亞洲風味嘅小食，夠晒特別又有新鮮感。鮑魚夠入味又唔會過韌。虎蝦很大隻，春卷夠脆配梅子汁一流 鴨肝醬蜜瓜多士就正常發揮。-🦞魚子醬龍蝦沙律🧀風乾火腿芝士伴無花果🍅蕃茄配話梅汁中層的鹹點就比較西式，魚子醬沙律賣相夠晒矜貴。風乾火腿芝士伴無花果入口味道鹹香，配搭了無花果也蠻清新。日本桃蕃茄配話梅汁就幾開胃。-🌹 玫瑰荔枝蛋糕🧁雲呢拿白朱古力慕絲🍐柚子忌廉配香檳梨榛子脆餅🍫黑朱古力香莓慕絲🍮香草杏脯芝士蛋糕🫐藍莓朱古力脆撻🥐抹茶紅豆牛角包甜點色彩繽紛，未食已經覺得好吸引每次吃下午茶都很欣賞廚師們把不同味道和元素融入在小小糕點裡的心思。藍莓朱古力脆撻最好食，好似食緊有黑朱古力殼的藍莓芝士蛋糕咁 玫瑰荔枝蛋糕都好清新。抹茶牛角包略嫌唔夠脆，但勝在不會過甜。其他的甜品都是正常發揮-鬆餅不是牛油味重的種類，吃下去不會太膩-大堂樓底夠高，窗外望馬路

【香港JW萬豪•The Lounge】————————————————————————#港女HighTea記 其實間唔中做吓港女都幾好👗☕️𝒥.𝒲. ℳ𝒶𝓇𝓇𝒾𝑜𝓉𝓉 ℋ𝑜𝓉𝑒𝓁送咗張coupon J先生早一個月book位 #識揀窗口位值得加分💯😘落地大玻璃 影相打卡一流無論係住定食 我真心欣賞𝒥.𝒲. ℳ𝒶𝓇𝓇𝒾𝑜𝓉𝓉服務❤️一坐底staff就俾咗杯桂花冰茶解渴 清香桂花味 嘆住杯茶等個tea set出嚟英式地道鹼甜美食三層港女tea set由上層開始介紹🥗虎蝦春卷配酸甜汁（外皮脆卜卜 蝦肉較軟身）🥗鮑魚撻（煙韌鮮甜）🥗鴨肝醬多士配蜜瓜🍛芒果龍蝦沙律配魚子醬🍛日本桃太朗番茄配話梅汁（有驚喜 配搭好好）🍛西班牙黑毛豬火腿配鮮無花果芝士麥包🍰玫瑰士多啤梨荔枝朱古力蛋糕🍰雲呢拿白朱古力慕絲及柚子忌廉配香檳梨榛子脆餅🍰黑朱古力慕絲及香莓紅絲絨海綿蛋糕配棉花糖🍰香草杏桃芝士蛋糕🍰紅寶石朱古力雲呢拿芝士忌廉配藍莓朱古力脆撻🍰迷你綠茶紅豆牛角包🍪原味/提子粒鬆餅係我最愛😍自從去完英國🇬🇧愛上了𝓈𝒸𝑜𝓃𝑒口感鬆化 香濃牛油味好緊要 配上果醬/𝒸𝓁𝑜𝓉𝓉𝑒𝒹 𝒸𝓇𝑒𝒶𝓂外面硬 入面少少濕潤 食落唔會太乾身

本身諗住食tea,朋友話tea set選擇唔多又有局限性，不如試下呢間tea buffet，選擇又多，又好食，只要早啲book位就得啦。地理位置方便，一出地鐵站就搵到。餐廳環境闊落，有落地大玻璃，係有日光照住下進食，感覺都會愉快啲。食物種類都唔少，前菜有麵包，涷火腿，芝士。凍食有沙律， 刺身，壽司。 熱葷有雞翼，乳鴿，漢堡包，即煮粥同麵。 仲有個甜品corner. tea buffet有咁多野食揀， 真係唔係hea我喎咁多嘢食，緊係介紹下必食itmes. 蝦多士啱啱新鮮出爐，一口多士，大小啱啱好，蝦肉爽口彈牙，外層有麵包糠，香脆可口。Ban Chang Kueh即點即煎，煎起好似薄脆咁， 裏面加埋花生醬，砂糖， 好似香脆格仔餅，得意好味。仲有一款口味係榴槤餡，鍾意食榴槤嘅朋友可以一試。象拔蚌， 螺肉刺身爽口清甜，可以排多幾次隊呀。 伯爵茶tart伯爵茶味香，入口幾滑，tart底層有少少柚子肉，酸甜適中，2個味道都幾夾。tea buffet由三點半去到六點，食完之後非常滿足，晚餐都可以唔使食喇

貴精不過多來形容這間 buffet 食物就最啱不過了！當你試完哂所以冷盤熱盤甜品後，保證你會抱住個肚走！如果想要多元化又多款式嘅 buffet, 咁這間就不多適合你了！但以 <$400埋單，環境又坐得舒服，服務又唔差，食物又有中等質素，咁就可以考慮一吓！當日刺身得三款，冷盤有蝦，青囗，芝士，沙律，壽司，而熱盤記憶中有北京填鴨，鮑魚，炒蟹鉗 ，鮮蝦雲吞， 羊扒牛扒 ，海鮮泡飯等等，雖然唔係話上等貨式，但勝在味道唔差！甜品有成十幾二十款，最開心有榴槤軟雪糕食！

又嚟到這裡食自助晚餐，星期二的晚上，客人不多，坐得好舒服。食物方面，海南雞雞肉滑身但醬汁不到胃，冬瓜燉乳鴿湯好清甜，炒辣蟹d蟹肉有啲梅，泰式牛肉沙律就辣左d但好醒胃，紅豆沙比較糊口。食下坐下，又一晩。

有一段時間沒有來JW 了, 剛好這天是課程最後一天完結。 天氣超好中午陽光普照。到黃昏來到金鍾依然係夕陽光照穿透大玻璃直入酒店cafe廳堂。那個看似屏風式嘅沙律吧同甜品區依舊不變。 蛋糕甜品款式眾多未必全部都好好食但好多都有玻璃罩罩住感覺衛生。這次發現自助餐有炸魚皮食同紫菜食算係有點創意而且炸魚皮都是新鮮炸出來的。主菜肉眼扒等廚師切至中心時才出去拿。肉的中心嫣紅。但牛肉味則一般的吧！羊架肉質稍稍偏硬但還是燒至剛剛好的。最出色的要算是蝦的食物。無論係普通嘅烚蝦凍食, 蝦球伊麵, 即煮雲吞嘅鮮蝦都完全ok. 但雲吞生麵係還未煮透身的是事實如果生麵能煮透身的話那將會是爽口彈牙的麵質現在是浪費了食材。甜品方面的蛋糕大部份唔太甜。蛋糕造型都算唔錯。

到過這裡幾次食自助晚餐，感覺吾錯，今次黎試吓佢嘅下午茶自助餐，原本系 waiting list，幸好後來都有位安排到，可能因為暑假嘅關係，都幾多人。講返d食物，蝦多士隻蝦好大隻又炸得香口吾油膩，炸乳鴿比較細小同炸得乾身左d，燒賣d餡嘅豬肉同蝦好澎湃，南乳豬手系彈牙嗰種，咖喱雞充滿椰香啖啖肉，燒肉眼扒半生熟帶點脂肪，迷你漢堡嗰包同件漢堡肉都好乾，雞翼就好厚炸粉。即灼了一碗雲吞魚旦牛丸米線，之前有食評提過佢嘅魚旦出色，所以今次試吓，果然彈牙有魚味，牛丸正正常常，雲吞就保持一貫水準，落左大量芫茜和蔥粒同食，吾錯。甜點方面，有款杯仔白酒啫喱甜甜酸酸好醒胃，鬆餅就原味比較出色充滿麵粉香，提子就好一般。食下坐下，加杯凍檸茶，埋單 $586/2位，在這地段，都ok 嘅。

這篇食評是在jw用餐時邊吃邊打如此劣質的自助餐真的令我大開眼界食物選擇少但品質也同樣低劣主打食物有酸齋油炸鬼雞翼加洲卷等刺身有三文魚加三款貝類選擇新加坡炒蟹又梅又乾拿海鮮泡飯時師傅又忘記給飯雲吞麵是生麵明顯還未煮熟羊扒西冷超薄切兼十成熟師傅把羊肉三文魚在客人碟上亂放一堆連最簡單的雞翼也沒醃過中間只有雪味再試試他們的麵包又是濕又梅惟他們的牛油非常幼滑香濃就連廚師也表現得沒禮貌完全沒有五星酒店的專業形象不清楚jw內部發生什麼事水準如此劣質實在令人震驚

年頭訂左改期再改期，昨日終於一試出名好食的Sunday brunch。慶祝朋友生日，4人準時11.00到達。巧合地安排係上次食lunch在窗邊的同一張檯，需有落地玻璃全景但講真好熱下，上次陽光普照食到身水身汗，呢日未有太陽及雨陰陰但都有少許擔心 (後段証實我的憂濾係有道理)。凍海鮮有開邊龍蝦及蟹，非常大隻，蟹好似有2款但吳肯定，蟹超級甜美，比龍蝦還好食，青口都吳錯。其實我比較喜歡熱食，但昨天的凍海鮮及魚生都好出色，帶仔鮑魚好甜，唯獨無試魚子醬因從來吳覺得好食。鮮蝦雲吞上次試過今日水準仍然出色，鵝肝煎得夠火喉，起初好似5毫子咁大，到後尾已變成一塊塊，但不能多吃。有我致愛的乳鴿及填鴨，必食。carving station羊架好嫩standard粉紅色(無血)但見好多人要加煎？個牛朋友話OK。Iberico ham 幾乾及柴，鹹得黎無油香。cheese cube無甚特別，有 parmesan (吳係aged 的,麻麻), Edam, Brie 一般，其他點心熱食， salad 都無試 (個胃越黎越細)。細細枝樽裝apple and orange juice 吳洗飲好多。初食時人龍較長熟正常，

呢間自助餐一直都好出名，今次終於到我去喇😍 今次同幾個好朋友book咗一晚staycation, package包早餐同每人除返開三百蚊嘅餐飲券，仲有得late check out 玩足24小時🤣 每人一千蚊有找👌🏻我地淨係book到check out嗰日嘅下午茶自助餐，不過呢個安排反而覺得岩岩好🤣 第一日游水，第二日食完早餐再做埋個gym先check out慢慢食自助餐🤣 呢度嘅早餐JW cafe同自助餐嘅中式食物都做得出奇地好味😋 早餐嘅點心，雲吞麵，自助餐嘅生滾粥，同牛肉湯麵都好正😂下午茶少咗嘅係海鮮，除此之外都有好多食物選擇🤩 甜品尤其吸引，大家一齊分享每樣一人食一啖都飽到暈低🤣 其中白酒啫喱同黑森林最令人難忘😚望住個大落地玻璃，食住咁多美食，呢餐非常滿意🥰🥰🥰

你中意凍虾有肥肥黑黑既虾屎?你中意好似象皮咬唔爛既牛排?你中意又霉又淋既炒蟹?你中意座位好似坐馬桶既感覺?JW一定滿足到你!收得平真係有原因架,4百幾蚊位係食垃圾架啦!