The Farmhouse 咖啡廳 (裝修中)

三點三，又是時候找姊妹下午茶啦！最近我有一個抵食推介：在Hotel VIC的The Farmhouse餐廳，下午茶兩大盤，兩位用才$388，吃的不是便宜貨，而是加入了優質「文茶」茶葉的精緻點心，還奉送無敵海景，想談心、想吃、想打卡都一流！去Hotel VIC十分方便，北角地鐵站A1出口一出即是。酒店的餐廳不多，其中之一是The Farmhouse，做自助餐及下午茶等，餐廳設有室外及室內座位，坐擁無敵海景。坊間下午茶一般每人有10-12件，The Farmhouse則十分闊綽，每人有18件，十甜八鹹，今期主題以「文茶」優質日本茶葉為基礎，設計出一系列以茶入饌的日式下午茶。鹹點 迷你海膽蟹籽丼油甘魚壽司 抹茶鵝肝凍 烤南瓜配麵豉醬 辣麵豉醬烤北海道螃蟹 燒鰻魚配法式甜多士慢煮肉眼粒配抹茶醬油 熊本小墨魚餡餅別以為「平嘢無好」，單看下午茶的造型已經十分精緻吧！再細心留意，你以為螃蟹杯和海膽丼旁邊的是魚子？少年你太年輕了，其實是豉油分子料理，吃時就不用再蘸醬油了，好細心！我的最愛還有抹茶鵝肝凍，抹茶味雖不強烈，但色彩滿Fun，鵝肝凍軟滑好吃！甜品 抹茶松露朱古力抹茶紅豆卷蛋 焙

裝修唔錯有海景。 Lunch 價錢可以、$198 免收服務費！ 不過食物款式少，環境唔錯 幾舒服😌 仲有 玻璃樽裝汽水 任飲🥂 服務員態度都好好！ 但唯一有一個嚴重問題！ 食到最後個甜品🍮有隻曱甴陪襯。 🤦‍♂️ 話晒都是四 五星級酒店。

去過的,應該不會再去,未去過,一定唔好去,保證會後悔!!!正價$668,另加一,這次用了75折優惠後,每人幾$56X,這價位,應該不算平了.沒有生蠔,重點應該是龍蝦吧,但是,龍蝦太鹹,肉韌,明顯是下價貨.熱食選擇極少,食完一轉,下次可以空手而回,還有就是,食物只是暖,不熱的,很多食物,沒有REFILL,例如韓式炒蟹,7點半之後,已經一直空著.魚生,只有3,4種,帶子都沒有,魚生質數比2百幾既日式放題差得多.甜品選擇少,應該有10種吧,全部普通野.串燒只有雞肉,沒有其他,串燒蝦,牛肉,雞軟骨...全沒有.天婦羅開始時出過蝦,7點後再沒有出現過,只出蕃薯天婦羅,想節省成全,都不要太過份.總結:絕對配不上這價位,$200都不值.

新鴻基旗下集團新酒店啱啱開幕 新鮮滾熱辣到呢 下午茶又得吾得先....由於開幕不久 所以奶嘢指數極高同我一樣中意試新嘢嘅毋必要睇埋落去先講環境裝修酒店本來座擁無敵開揚海景 但就被木屏風設計遮住 嘥唒總之行到入去無忽被驚艷到就是了下午茶以透明箱盛載 上層鹹點 下層甜點嘢食本身吾錯亦都幾別緻弊在等咗成！粒！鐘！有多先上枱睇嚟廚房尚未Run熟 以致全民皆等本來仲嗌多咗個薯條 但就起我哋差唔多食完個Tea先出奉勸有嚴重*Hangry嘅朋友(*註: 一肚餓就即刻嬲豬的) 千祈吾好空肚嚟食Tea 直頭同黎明叫人唔好空肚食早餐嘅妙論有異曲同工之妙服務方面 又係夠哂經典當我下單叫野飲時 佢話我知出面有部咖啡機 Self service 自己斟的你中意斟多幾次又得 吾知仲以為去咗 7-11自由斟咖啡機係連Nespresso都不如天啊 我究竟喺度飲緊啲乜🤷‍♀️🤷‍♀️ 綜合上述 我無法相信此乃五星酒店下午茶四星都比凸佢唯一可取嘅係價錢原價$328/2 新張期內八五折連埋加一都係三嚿水左右五星級酒店價而言 確係有一定嘅吸引力 最重要係新到無人知 實book到位 🔽🔽🔽🔽🔽🔽🔽🔽🔽🔽🔽🔽🔽🔽🔽Afternoon

因為媽媽生日所以book咗酒店buffet，呢間都唔錯，喺選擇方面都比較多，最重要係甜品部份，有我地都鍾意食嘅品牌嘅雪糕。基本上喺冷盤方面都有好多選擇，為一個鐘意我哋嘅座位望唔到海景。

適逢媽咪生日，母親大人指明要食自助餐，所以我特地選擇了北角hotel vic 的farmhouse來試下。他分開了兩個地方取食，一個前菜、海鮮🦞及甜品，然後在另一面是取熟食的。海鮮是重點！都頗新鮮及會經常補給，食完唔驚無得攞。我食咗幾轉然後個會旋轉的雪糕櫃我也是心心眼😍！佢個Cream Brûlée 我也是很喜愛如果你有家人或者朋友生日，於訂位時說明，佢會有小蛋糕送上，不加收費！侍應都服待周到，很滿意的用餐體驗。

聽老公講呢間自助餐好抵食，二百蚊免加一，今日就走咗去試下啦!烤薯仔個皮微窿，都幾香口 燒魚個賣相唔得，我冇試到 燒雞個雞肉唔夠嫩 扒雜菜我試咗一兩舊，有好重嘅蕃茄味 中式炒飯炒得都幾乾身，尚可以 菜心好老 紅咖喱鴨，咖喱嘅味道好香濃，惹味 炸三文魚第一盤唔得好乾，第二盤好好多，三文魚肉好嫩，有魚味美國西冷牛扒同埋pizza我係冇食到嘅， pizza放嗰個位置有啲隱蔽呀! 仲有攞pizza嘅位置都唔方便。粉麵都幾好呀! 起碼個湯底有少少鹹鹹地，唔似得平時食到個啲淡茂茂。 墨丸牛丸個質感同味道都係正常。魚生壽司腍腍地沙律裏面我最鍾意就係香橙紅菜頭，紅菜頭甜甜地，香橙少許酸，個味道好夾，好開胃。 其他沙律配料紅腰豆、粟米、沙律菜、蝦都好新鮮。最驚喜嘅一環就係有個港式三文治，有個廚師會喺嗰度即製一份三文治，配料有午餐肉、五香肉丁、蛋，麵包有白麵包同麥包。材料豐富， 炒蛋好滑，五香肉丁和午餐肉又唔會好多油，不過麥包就唔夠新鮮，比較乾，過左氣。配支忌廉真係一流!我食自助餐大多數都係攻甜品，今次我冇失控，因為佢嘅甜品賣相真係唔得囉! 亦都唔好食，隨便攞咗兩三個試試，唔掂。西瓜蜜瓜係唔甜。不過勝在有一

Lunch Buffet 🍽 @ The Farmhouse.是日表姐既BB女百日宴，所以去左食lunch buffet！刺身區有三文魚、呑拿魚、油甘魚等等，油甘魚最推薦，味道最鮮油脂又多🐟凍蝦唔錯幾爽口彈牙，Parma ham夾埋蜜瓜好食～熟食方面💫牛扒牛味濃不過稍為硬左少少🥩；有原隻熟蠔，但係有啲個殻打開唔到，同埋去貨後要好耐先fill返！燒鵝就挺唔錯，夠晒肥美👍🏻仲有粉麵類🍜，魚蛋蘿蔔豬皮等餸就覺得無乜驚喜，湯底如何有特色啲例如擔擔/喇沙會好啲啊🙃燒烤區有燒大蝦🍤，質素發揮得唔夠穩定：第一輪燒燶晒，第二輪就燒得剛剛好，食得返蝦既鮮甜味，係正架！🤤.甜品方面🍮有職員即場製作crepe，之後可自行加配料，有大量水果可以選擇好似蜜瓜、蜜桃咁，都可以加埋朱古力同士多啤梨醬！🍓不過件裝蛋糕選擇唔多🧁，芝士蛋糕、栗子蛋糕等細細件係好，但味道就一般了！

又隔咗一排冇寫食評。。今次high tea選喺屋企附近新開嘅hotel VIC,除咗試新嘢外，亦因為粉色系嘅tea set相當吸引，粉藍較清新，紫則略顯高雅。鹹點以粉藍色盤盛上，食物雖與menu有些少出入，但無損小妹興致，皆因各款鹹點都相當出色，尤其大蝦嗰款，蝦肉份量足且相當彈牙，配合茄醬酸甜醒胃，另外牛柳粒大大件有嚼勁又唔韌，肉都煮得夠入味; 吞拿魚壽司雖然唔係咩特別菜式，但都幾好食; 紫薯撻批皮脆口，紫薯蓉滲出啖啖清甜甘薯味，質地亦軟稔，恰到好處。甜品以長方形膠盒另上，有色彩繽紛嘅珠仔點綴，甚有氹小朋友嘅感覺 當中芒果拿破崙最得我心，酥脆得嚟有微甜吉士同勁甜嘅白朱古力湊合出不一樣嘅口感。。深藍紫色嘅mousse啫喱杯造型充滿夢幻感，亦不錯吃~ 其他兩款蛋糕仔質地輕盈鬆軟夠creamy,係個藍莓cheesecake比較飽滯;一藍一紫macaron互相映襯，做到外脆內軟甜度適中，係中上酒店水準。最後不得不提嘢飲，選擇都頗多，既有juice同各種西式茶，亦有幾款不另收費嘅wine可供選擇，以呢個價錢係相當令人滿意

生日食這個，因為新開張，而且景觀不錯。不但場地靚，生蠔， 海鮮都有，熟食方面沒什麼特別，但甜品種類都算多，有雪糕， 而且仲要係Movenpick最最最開心的事，有鮮榨果汁因為本身book咗一晚酒店房，同女友一齊過， 晚餐自助餐只是加了300元一位。

上星期趁仲放緊農曆年假，相約朋友喺北角區聚會，比相約時間早到咗，依稀記得附近海匯酒店有個細細 cafe，既可以 hea 吓、又可以免費上吓網、仲有電制插埋叉電，爽呀！由於自己唔太好咖啡，卒之侍應姐姐介紹咗我飲 Daily Special - Green Tea Latte。綠茶味幾濃、基本上唔駛加蜜糖都已經好夠味，盛惠$38，以後唔駛再去 Starbucks又 或者 Pacific Coffee 同人迫嚕！p.s. 淨飲絕無雙計

之前因Facebook廣告留意到這家餐廳, 後期更在Openrice看到比官網更優惠的推廣, 於是選了在媽媽舊曆生日的那天試試看! (全單7折)♀▴ ▾▴ ▾ ▴ ▾ ▴壽司部 • 推介原隻牡丹蝦及海膽壽司, 印象中不常在自助餐廳出現• 供應量充足, 食物新鮮▴ ▾ ▴凍櫃海鮮 • 有螺/ 青口/ 龍蝦▴ ▾ ▴飲料區🔝• 冰箱櫃都是支裝可口可樂/ 忌廉/ 雪碧• 還有現搾雪梨汁/ 西瓜汁• 畢竟自助晚餐不是每家都有飲料無限添飲, 加分!▴ ▾ ▴燒羊架• 少有地一開始吃的第一道菜便是它• 現場看着燒的感覺太棒了,食慾大增▴ ▾ ▴原盅肉骨荼• 藥材味不大, 是為了迎合各人口味吧▴ ▾ ▴甜品部• 蛋糕與甜點款式都很平均• Häagen-Dazs冰條/ Mövenpick冰淇淋• 即叫即做梳乎厘/ Pancake/ 窩夫棒🔝• 有很多種自選配料⓼

 🏠北角北角邨裡1號海匯酒店西座2樓💰人均港幣400（午餐）這裏自助午餐環境不錯，價錢唔算太平但有海景黎講都算係咁可以黎打卡影相都唔錯地方大而且有海景觀看，這裏烤羊架丶牛肉丶烤蠔及蝦不錯，現場新鮮即烤，熱辣辣，味道很好，羊架不會太羶味。刺身及熟食食物中規中距，款式都唔係話太多但都ok ge此外這裏最特別是有一台旋轉的雪糕機，有多款的雪糕選擇，食完飯個甜品胃都飽左haha不過個人覺得這裹晩餐自助餐會比較豐富。

生日前去食buffet 本來去grand hyatt食，見呢度新開改嚟呢度但大失所望。 凍食、熱食、甜品， 種類選擇少之又少， 食物質素一般 ，炆伊麵都可以煮到黏埋一pat 嘅。 試過一次唔會再嚟 ，冇嚟過嘅亦都提議唔需要嚟， 因為咁嘅價錢、咁嘅食物種類、咁嘅食物質素真係唔抵。 仲要煮麵嗰度係對住廁所。

如題，今日同朋友泥hea泥tea tea佢，呢間新酒店我地都未泥過，試下咩quali先新酒店入口靚靚係應該既二樓有d open area俾客人hea，呢個位我覺得幾靚附近就係farmhouse入口，入到去，樓底高，多座位。今日人唔多，侍應醒目俾我地坐海景位細個住附近，對住呢個景+東廊+釣魚人士回憶都返晒泥下午茶有套餐，仲有單點食物，可惜今日暫時供應，只可以點套餐。我地全部點晒，要試晒甘多款（其實唔多😂）都話架啦😂 第一碟最好味係蝦球，熱辣辣既，d汁特別酸少少辣，蝦肉彈牙。另外兩樣一般，合格既。呢碟賣相極求奇Parma ham唔咸又唔香，蜜瓜都唔甜。墨西哥雞肉餡餅都係即製，熱既，足料，合格既。cheesecake ok不過不失。Menu唔見話包餐飲，但其實每人有一杯咖啡或茶。我點左呢杯，幾香滑既整體泥講，呢個下午茶最優勝之處一定係環境同景觀，第二係價錢，真係好平埋單每人$75，茶餐廳都收緊$50啦，實在太優惠喇😂如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️