the Engine

营业中

休息中

#大角咀美食 #小蓮星呑食大角咀🔻 the Engine 大角咀嘉善街18號利奧坊地下G702號舖/越來越多人生酮飲食，令到生酮餐廳都越來越多，最近大角咀開咗一間太空科幻主題嘅生酮餐廳， 最欣賞係佢每個三點下面都會有carbs, fat, protein嘅資料，真係好keto friendly ,一於買個外賣試吓！/ 🧃The Moon $118Burger 主打low carb, 見到金文畢芝士牛肉漢堡由兩大塊金文不芝士，夾住牛肉漢堡，真係流晒口水！漢堡扒厚得嚟好鬆軟，牛味濃郁，配上芝士梗係重口味，但係因為有生菜、青瓜、蕃茄等等夾埋一齊，平衡咗唔少，輕鬆食完成個芝士漢堡，一餐就頂足一日！/🧃慢煮豬腩肉椰菜花飯套餐 $82呢個套餐包埋是日餐湯，今日係南瓜合桃湯，南瓜超甜，好Creamy，非常足料！豬腩肉肥瘦夾雜，因為慢煮嘅關係，所以好稔好入味，雖然係椰菜花瓣飯，但係都整得幾乾身同埋粒粒分明，有炒飯嘅感覺，好好食。/🧃煙三文魚煙肉粟米牛油果沙律套餐 $88另外仲叫咗個沙律，跟餐叫咗Peach oolong，係低糖梳打，微甜嘅白桃清香，可以解膩。一打開個外賣盒都幾驚喜，因為個沙律真係好多料

The engine 喺一間生酮漢堡外賣店，大家食漢堡都可以有健康嘅選擇！ 店舖門面已經好有特色，非常有創意！ 除咗漢堡包之外，仲有椰菜花飯同其他小食！ 慢煮雞扒椰菜花飯套餐 $68包低糖梳打 椰菜花飯係冇飯嘅，啱晒想食飯又怕肥嘅人🤣雞扒唔會太油，而且肉質幾淋，有小小燒焦了！ 除了椰菜，仲有磨菇同蛋絲，所以都幾豐富！ 煙三文魚椰菜花飯套餐$68包低糖梳打 煙三文魚嘅鹹香味令椰菜花飯更加好食，而且三文魚嘅分量都幾多！ 慢著雞胸肉天貝漢堡$78漢堡唔係用一般嘅包造嘅，而係用咗天貝！ 天貝係由黃豆造成，所以食落質感比較粉，也比起麵包更健康! 入面夾有紫薑， 酸酸甜甜幾好食！ 燒豬腩肉天貝漢堡$78豬腩肉唔會好肥，燒得好香口，夾有菜同番茄，唔會覺得油膩！ 飲品係少糖同有氣的，有得揀lemonade/ 蜜桃烏龍茶！兩款都好飲👍🏻

今日試咗一間係大角咀嘅餐廳，主打生酮同低碳飲食，健康又好味😍餐廳雖然得一個位置可以堂食，不過裝修好有風格，以銀色形格風為主，似太空倉，幾有趣。生酮飲食選擇都好多，漢堡包、沙律、椰菜花飯，全部都可以做到低碳健康版，點食都唔怕肥😍慢煮燒豬腩肉天貝漢堡，$78豬腩肉唔會好肥，好入味，燒得好香，漢堡包用天貝黎整，口感雖然偏硬，但同豬肉一齊食又幾得意。煙三文魚椰菜花飯，$68呢個係lunch set，包嘢飲，以生酮餐廳嚟講算好抵，用細細粒椰菜花扮飯，食再多都唔驚肥，成個飯比較淡口味，一啲都唔油，非常健康。燒雞胸天貝沙律，$78呢個都係lunch set，大大塊雞胸，加隻烚蛋，下面係凱撒沙拿，最特別係天貝粒，細細粒脆脆哋幾特別，又健康又不失風味。天貝薯條，$38呢個薯條又係生酮嘅，不過今次就食唔出天貝豆嘅口感，應該磨成粉狀整薯條，口感偏實，唔係好似薯條，但係都幾好味。如果多啲類似嘅舖頭，我係咪就可以瘦少少啦😌

成日好多人問我出街食邊度有生酮低醣既餐廳今日就去左大角咀一間新開既外賣店佢地既menu係店主精心設計 睇得出好用心多款自家制生酮漢堡同椰菜花飯 好吸引最抵讚係佢地menu上面有齊哂carbs fat 同protein 既成分比重👍🏻慢煮雞扒椰菜花飯 $68慢煮左既雞扒 再微微煎番香塊雞皮🤤椰菜花飯入面仲有雞蛋、菇粒、火腿等等既配料簡直係炒飯咁😋😋😋係我暫時食過較高質既The Moon $118呢個漢堡不得了 用2塊厚厚既芝士做包面同包底入面就夾住一大塊牛肉漢堡扒再加左洋蔥青瓜蕃茄同生菜真心鍾意食芝士既先好食🤣🤣🤣🤣雖然好漏 但口感真係好滿足 邊個話減肥食唔飽架🌚天貝薯條 $38天貝係黃豆發酵出嚟既食物 低脂 高蛋白食落似係脆卜卜既餅乾條 不過好香芝麻味個生酮茄汁都好加分 過下口癮幾好架🤭

#超香燒烤味健康大餐#健康一樣可以好好味😋網上見到依間生酮餐廳漢堡包🍔好出名。我一直都以為生酮嘅食物一定係比較淡味，今次食完呢一間the Engine，原來健康得黎都可以好好味😋#均衡菜肉配搭🥬🥓🥩#震撼味蕾嘅燒烤好滋味🥒🔥一行到入舖頭，就算係陣陣嘅燒烤香味😌🤤，即刻流晒口水。店舖簡約設計，主打外賣👍🏻即叫即燒即做😍#Green Planet 🍔生菜包牛肉法式丸芝士漢堡超厚身手打牛肉漢堡扒，上面仲有明顯烤烙過嘅痕跡，肉味香濃但又唔會太油👍🏻，再配上全片厚身金畢文芝士🧀及大量蔬菜🥬配料，最特別係用生菜代替左傳統嘅麵包包皮，全個漢堡肉菜均勻😋咬落去好Juice💦好夠濕潤🐖🐖🐖#慢煮燒豬腩肉配青蘋果青瓜莎莎及椰菜花扒呢款係多肉系列嘅其中一個菜色🤣啱晒冇肉不歡嘅我😍🥩除咗燒豬腩肉之外，亦都配合咗好多蔬菜，包括南瓜、椰菜花扒、蘋果、青瓜粒等等，全部食物都經過燒烤，經過烤烙嘅食材，好惹味之餘，亦都有種獨特嘅焦香味🤤🤤食完都好飽足👍🏻小食🐂#炸牛腩配合桃及意大利黑醋平時食開都係炆牛腩，第一次食炸牛腩估唔到都好好味，牛肉入口軟腍多汁，配合意大利黑醋酸甜果香味，估唔到咁match，菠菜苗沙律🥗墊底，配合

生酮飲食文化愈來愈流行，位於大角咀The Engine亦係其中一間生酮餐廳😊提供生酮漢堡、低碳薄餅、椰菜花飯等，小店主要都係做外賣生意，可以先網上落單，節省等候時間，星期六去都有Lunch Set，可配餐湯或梳打🍸生酮其實都可以食burger🤣餐廳研發幾個食法去取代平時麵包，用生菜包牛肉或用厚身芝士夾牛肉或者用上無麵粉生酮麵包，所以唔洗擔心會攝取到過多碳水👍🏻🍔The Moon 金文畢芝士牛肉漢堡｜$118｜7/10兩片烤過厚身芝士取代漢堡包皮🤪中間夾著牛肉漢堡、生菜、德式酸菜、番茄、青瓜，攞上手好軟身同埋油感都比較重，芝士表皮有烤過網紋，少少硬身，中間質地好軟滑🤤愈食味道愈濃郁，牛肉相當厚身同埋實淨，配搭蔬菜可以解膩，不過如果芝士薄一點會冇咁滯膩🙈🍖炸牛腩椰菜花飯｜$82｜7.5/10相比豬腩肉，炸牛腩脂肪原來冇咁高，同埋蛋白質多d，椰菜花飯加左蛋一齊炒，口感比起米飯碎，不過健康好多，食完真係會有飽足感😆炸牛腩上加左合桃同埋配黑醋汁，有咬口同埋牛腩炸過後有嚼口，加黑醋汁調味不錯🧆香辣腰果芝麻醬牛肉丸｜$52｜8/10我超過鍾意食果仁，呢個醬我很喜歡🥰腰果芝麻醬冇攪到好碎，仲保留腰果粒

#西式eatcovery #大角咀eatcovery💡健康有驚喜的lunch相信近黎好多人都愈來愈追求健康的飲食，呢間主打嘅生酮burger，low-carbs就好有驚喜，用上生酮麵包，純天然醬汁，仲有買椰菜花飯，最特別係每款都有講明protin、carbs、fat比例係幾多，咁就唔怕食多左啦。🍽慢煮雞扒椰菜花飯🐔雞扒唔會太油，好足料又夠厚肉。而且仲有少少炭燒味，雞扒香濃，食落夠香口，而且唔會鞋口，夠juicy。椰菜花飯粒粒爽口，入面仲有少少蘑菇，多左層口感。 🍽慢煮豬腩肉椰菜花飯🐷豬腩肉都有點燻燒過，所以都會帶點燻燒味，豬腩肉有驚喜因為一啲都唔肥，整得好香口。而且都係用上椰菜花飯，夠健康。🍽慢煮雞胸天貝漢堡呢個真心推介，好特別。雞胸一啲都唔乾身，同埋都幾彈牙。最特別中間夾住red ginger，估唔到又幾夾，將個味道昇華左。另外漢堡用上生酮麵包，更美味健康。🍽香辣腰果芝麻醬牛肉丸🐂肉丸牛味香濃，經過炸過，又唔會乾身，加埋個醬少少辣芝麻味都好香。而且個底仲有沙律菜，夠開胃🍽Peach Oolong 低糖蜜桃烏龍茶 低糖蜜桃茶，飲落唔會好甜，好解渴！🤤🍽Lemonade 低糖檸檬汽水🍋

喺大角咀發現咗呢間生酮漢堡外賣店The Engine，主打生酮同低碳飲食，當然要買黎試下。鋪頭會用無麵粉嘅生酮麵包或者用生菜、芝士等材料代替麵包，健康得黎又有特色。餐廳有lunch menu同dinner menu，今次買嘅就係dinner menu。煙三文魚牛油果生酮漢堡 ($102)用嘅係生酮麵包，麵包食落更加有口感。入面夾住有牛油果醬、大大塊煙三文魚、煙肉、生菜同番茄。營養豐富得黎又夠健康。金文畢芝士牛肉漢堡 ($118)呢款漢堡非常特別，芝士控必試。佢係用咗兩塊厚身烘過嘅金文畢芝士代替麵包，入面夾住juicy嘅手打牛肉漢堡扒、生菜同番茄，香口惹味。其中一個漢堡加咗$28轉咗做低碳漢堡餐，咁就可以跟半份小食同飲品。跟餐小食揀咗香辣腰果芝麻醬牛肉丸(半份)，飲品就要咗低糖蜜桃烏龍茶。牛肉丸雖然係半份，但份量都唔少，肉丸牛味香濃，夾埋個醬少少辣芝麻味都好香。曰式燒豬腩肉配紫薑 ($48)我哋另外仲叫多咗款燒豬腩肉嘅小食。豬腩肉燒到好香口，肉質爽嫩，而且仲有沙律鋪底，消除返油膩感。。。the Engine (大角咀)大角咀嘉善街18號利奧坊地下G702號舖。。

🍔生酮，Keto，low-carbs，都係近年注重健康嘅都市人好著重嘅課題🧐今次試咗間主打生酮漢堡包嘅小店，好味之餘又有創意，對生酮飲食有嘅興趣嘅朋友絕對應該一試❤️🍔今次食咗兩款包同兩款低糖飲品😋The Moon，十分新奇地用咗兩塊Camembert芝士嚟做漢堡麵包個包😱😱😱中間再夾上Juicy牛肉漢堡扒、蕃茄等等，我係直到咬落去先知個包係芝士嚟，滿分推介💪🏻另一款係Galaxy Guardian，簡單直接係用生酮嘅麵包，夾住牛油果，煙三文魚同煙肉，都係唔錯嘅選擇👍🏻👍🏻～飲品分別係蜜桃烏龍茶同熱情果香橙梳打， 就低糖得嚟好清新，都十分之推介😋🍔小店主要係做外賣，都有小小位可以堂食，今餐埋單$244，個人認為性價比唔錯，尤其係生酮飲食人士必去朝聖地🌟

The Engine 主張推動食物革新💥革新大眾對食物營養嘅認知同選擇嘅態度💫🧀The Moon 金文畢芝士牛肉漢堡 $118 鐘龍食芝士嘅人有福了🧀呢個burger 嘅表層同低層喺2大塊 厚厚嘅Camembert芝士🤪咬落去好軟身！芝士味道喺口腔爆發🤪同平啲食開啲漢堡皮好唔同吖🤣中間夾住厚厚又超juicy嘅牛肉漢堡🍔生菜🥬蕃茄🍅青瓜🥒洋蔥🧅呢個burger食落去會有啲啲膩～飽肚感Max💫🍔Galaxy Guardian 煙三文魚牛油果生酮漢堡 $102呢個皮由喺自家製生酮嘅漢堡皮🍔質感有少少實身～裡面夾住煙三文魚，煙肉🥓牛油果醬🥑生菜🥬食落去滿滿新鮮感😆Peach Oolong 低糖蜜桃烏龍茶 $28Menu 上寫明含有4.1g 糖，味道就好似低糖蜜桃茶咁～呢度嘅飲品以透明罐裝住，都幾特別😆Lemonade 低糖檸檬汽水 $281.2g糖 呢款一啲都唔甜吖！淡淡檸檬味可以去除芝士嘅油膩感～原來呢間主打嘅生酮burger 經過嚴格品質控制✅採用優質生酮食品供應商提供嘅純天然醬汁🧂生酮麵包🍞自家製肉類餡料同優質食用油🍯確保大家唔會「食錯嘢生錯酮」💫

最近經過利奧坊，見到有間裝潢以科幻及太空為主題嘅小店，望清楚先知原來係主打生酮飲食嘅小店，供應生酮漢堡包、低碳沙律、椰菜花飯等，好特別！The Moon 金文畢芝士牛肉漢堡($118)麵包係高碳水化合物食物，生酮講求低碳低GI，所以呢個漢堡包就好特別地以兩舊Camembert Cheese取替，夾住厚肉多汁嘅手打牛肉漢堡、大量生菜、蕃茄、洋蔥及青瓜，味道豐富！芝士微微烤過，表面有網紋，內裡軟滑，作為芝士控，呢個真係非常滿足！ 因為有芝士，所以都幾飽肚下！Green Planet 生菜包牛肉法式軟芝士漢堡（$98）睇個樣覺得一般般，但係味道方面真係幾有驚喜！用大量生菜取代麵包，包住Camembert Cheese、手打牛肉漢堡、蕃茄、洋蔥、青瓜。由於有大量生菜，所以冇The Moon咁漏，食落比較清新開胃！蜜桃烏龍茶/熱情果鮮橙梳打(套餐+$12)餐牌上列明每款飲品嘅糖分有幾多，好欣賞呢度嘅飲品全部都唔會太甜，蜜桃烏龍茶有淡淡果香，食完漢堡包飲一啖有解膩功效！

你知唔知啊？月亮係用芝士做㗎！唔知有幾多人同我一樣，細個有睇過呢一套卡通片呢？😂我仲好記得主角Wallace同Gromit為咗月球上面嘅芝士，特登起咗一㗎火箭，仲帶埋Crackers上去食芝士🧀咁先係人生😌經過大角咀呢一間 #生酮漢堡 小店，一樣以火箭做主題，而裏面都有芝士包漢堡扒嘅burger😍童年回憶返晒黎！🧀The Moon 金文畢芝士牛肉漢堡($118)第一口咬落去，已經要叫出嚟😳唔好以為佢個包用Muffin做，其實係兩舊大大塊嘅芝士嚟㗎！因為生酮飲食講求嘅就係低碳低GI，所以麵包呢啲咁高碳水化合物嘅嘢，基本上都唔會出現喺生酮飲食嘅餐單裏面！加埋超juicy嘅手打漢堡肉，勁惹味🤩不過細食嘅人士就要留意啦，呢一個包都幾頂肚，食完一個基本上晚餐都唔使食😂🍔Galaxy Guardian 煙三文魚牛油果生酮漢堡($102)Omega 3🐟大滿足，大大片嘅三文魚，加上一層層嘅牛油果，絕對係健康之選，最特別係佢嘅麵包，講明生酮漢堡，麵包係選用印度嘅天貝製造而成，食落去嘅味道有啲似芝麻餅乾，但係又有麵包嘅口感，啱晒一啲鍾意唔喜歡太濃味嘅人🍑蜜桃烏龍茶/🍋Lemomade(套餐+$12)我第

/𝑇ℎ𝑒 𝐸𝑛𝑔𝑖𝑛𝑒🇭🇰/#sa大角咀篇 ➖➖➖<有驚喜嘅外賣店| 多款生酮burger/椰菜花飯>➖➖➖間唔中都鍾意食burger 但有時食包又會有少少食到厭左🤣不過呢間店burger 嘅包我係覺得較特別非一般平時食到嘅包體✨例如有天貝包、生菜包 芝士做嘅包都有！除咗包 亦有低碳沙律、椰菜花飯等顧及到唔同飲食需要嘅人😁😁➖➖➖1️⃣The Moon $118 (8.3/10) 鍾意食芝士嘅我真係覺得大滿足☺️☺️亦係第一次食所以覺得幾有驚喜滿足過食double cheese burger包體係用左金文拔芝士做 取代左平時嘅包賣相有少少似muffin 包 ～夠曬厚有微微烤過 有網紋 所以帶少少脆口係塊芝士拎上手會有少少油🙈入面亦有生菜、番茄同手打牛肉漢堡扒 漢堡扒肉質唔太韌 但幾有咬口✨➖➖➖2️⃣ 慢煮雞扒椰菜花飯 $68 (7.2/10) 呢款相對無咁大驚喜 不過味道都唔錯！幾鍾意入面仲加左炒蛋同肉條 椰菜花飯粒爽口 可以稍為再加少少調味～雞扒唔會太油 肉質都不會太乾柴係雞皮邊位稍為有少少overcooked 燶左呢個係lunch menu 黎架！ ➖➖➖3️⃣低糖檸檬汽水 $2

大角咀近日開了一間生酮漢堡的外賣店，他們的漢堡全部都不是用麵粉做的麵包製成的，非常特別，而且外賣店的裝修給人一種好cyber的感覺！Major Tom，這款burger麵包的部分用了天貝製成，天貝是一種素食的蛋白質，能夠改善血管及腸道健康，是一款非常健康的食品，餡料方面有雞胸、生菜、青瓜、紫薑，最特別就係漢堡入面有紫薑，味道酸酸辣辣，而且雞胸嫩滑，不會好鞋口！The Moon，這款burger不得了，用上兩塊Camembert芝士作漢堡麵包的部分，入面再夾上自家製牛肉漢堡扒、蕃茄、生菜等，漢堡牛肉味濃郁，芝士軟身又不會好咸，非常特別又美味！Lemonade，低糖的檸檬汽水，帶有淡淡的檸檬味，非常消滯！熱情果鮮橙梳打，味道清新，好解渴！

而家流行生健康飲食見大角咀新開咗間生酮burger店平時係食肉獸嘅我一於去見識吓😝原來除咗有多款漢堡 哩度仲有沙律、椰菜花飯仲有低糖飲品我哋就叫咗2個burgers外貌睇落唔算精緻但估唔到食落係好味 會回頭個種！🔸生菜包牛肉法式軟芝士漢堡（$98）超級巨型，由大量生菜取代麵包，中間係好厚嘅牛肉漢堡，牛味好香濃又juicy！仲有我勁愛嘅金文畢芝士、番茄、紫洋蔥……，係滋味+清新嘅配搭。👍🏻👍🏻👍🏻🔸煙三文魚牛油果生酮漢堡（$102）生酮麵包食落似係豆蓉、奇亞子嘅合體，煎到好香！內餡係creamy牛油果醬、肥美煙三文魚、厚煙肉、蔬菜，感覺似食panini，材料新鮮好味。🔸Lemonade （$28）🔸低糖蜜桃烏龍茶（$28）飲品係檸檬梳打水、蜜桃茶，飲落唔會好甜，幾清爽解渴。