The Cottage 1920 (已搬遷) 新店位置

又貴又等得耐，兩個鐘食食樣野，好貴又好吾飽！比零分都衰左。條剌身魚完全係見到把刀吾夠利，啲魚肉都係切都難既有啲。然後個海盜芝士，黎到我都嚇一嚇，女朋友食都吾食。等左好耐都成半個鐘先等到隻腳。凍既，個時又肚餓又眼瞓。。又係等左勁耐先到個牛肉，得個十塊，條骨就好粗呀。個量就少到爆炸。最後個龍蝦，心諗終於都有條肉條可以食下。點知收得比人貴，但係份量一個人食都吾夠飽，啲肉超乾。個抄飯係响個龍蝦入面。哈。凍既個炒飯。最後1857埋單。請都吾食呀依間野。又冇野飲，又少野食。

每個月轉餐牌又唔講，我book 左下個月去到先知唔同個menu而且上菜速度慢到傻，6:30去到食到9點先食完，每次食完個产道菜要等幾個字而且野食質素勁普通完全唔值每人6百蚊，仲要比杯水都話無，要叫sparkling water，真係唔知咩玩法。所有野都勁普通，我唔會再黎

朋友請生日飯，甘岩又見到最近有fd 介紹過呢間私房菜，就決定試一下。環境非常舒適，前菜非常好味，吾似一般冷盤打頭陣，係暖暖既魚仔同合桃。本身個set dinner 再加多2個自訂，食到好飽。魚生新鮮，甲羅燒D 膏滿瀉甘滯最愛八爪魚，酒味濃郁廚師老闆非常好客，關顧客人，帶住罩都覺得靚仔既店員及姐姐非常有禮，成餐飯食左3粒鐘，感覺非常良好，食得開心，又好味。重頭戲，播首特別生日歌，非常暖心！推薦此小店，一嘗與別不同的fusion 私房菜！

錦田隱世omakase小店 - The Cottage 1920 睇門面完全睇唔出佢係一間餐廳, 隱閉到不得了, 入左去大概有10幾個位, 因為當晚係母親節, 都好多一家大細一齊黎! 當晚個set每人$568 + 10%, 一共有2個前菜, 4個主菜, 1款飯同埋甜品- 酒漬石爪八爪魚好新鮮, 襯埋sake成個感覺好清新! - 金柚墨魚沙津出奇意料既好食, 墨魚/沙津菜同金柚, 再加左小小核桃同埋小魚乾, 原來成件事加埋係可以咁夾- 豚里肌薄燒豚肉既厚度岩岩好, 唔會韌, 最驚艷既係旁邊2舊芝士黑松露pizza! - 燒鵪鶉脾第一次食鵪鶉脾, 肉質好鮮嫩, 實得黎又唔會韌好有咬口- 甘鯛立鱗燒即係香港嘅馬頭魚, 老闆每日新鮮入貨, 個皮脆卜卜但係魚質都仲keep到好滑好嫩- 極黑牛頸脊最鐘意食牛, 所以成個menu最期待就係呢個, 果然無令我失望! 老闆同我地講呢個牛一定要整到3分熟先岩岩好, 唔夠熟/熟左都會韌- 番茄蟹肉飯入邊仲加左芝士, 一夾起仲拉絲添! 不過個飯就有小小失望, 番茄味太搶, 唔係太食到蟹肉既鮮味- 紐約芝士蛋糕正正常常既發揮, 唔會雪到太硬都唔會太甜! 呢間餐廳

This restaurant is literally just sitting on the side of the road, I've driven by this place so many times but never knew they were a restaurant! That's until one time I drove by at night and saw their lights lit up. Anyways, came for lunch one day and thoroughly enjoyed it. It was just my table and another table which seemed like a regular customer. Despite this, the chef still took the time to chat with us and explain the origins of the ingredients. Cozy feel restaurant with great food

朋友將遠走高飛，揀咗呢度同佢踐行。10 月開始分 2 個餐，比起朋友舊年 11 月幫襯時 $328+10%，我今年 6 月幫襯 $428+10%，今次$448+10%或$648+10%其實加幅都幾大，但食材相對下降。店主服務好好，問咗幾日都滿座，叫店主提供返可訂檯日子，店主會提供比我揀，朋友唔食鰻魚，店主幫我哋改蟹子蟹肉炒飯 👍👍上次幫襯充滿驚喜，但今次覺得食物份量係非常充足，我哋食唔晒打包咗 2 盒，但就無咁有心思，食材亦都比下去，性價比低咗好多，可能都唔會再幫襯啦～

之前成日聽人講呢間餐廳好好味日日都經過佢門口不過一直未有機會試今次一早book 左一個星期五晚上食一早同餐廳溝通左會帶個小朋友黎，佢可以同我地share 野食就可以 廚師知道小朋友肚餓，所以一開始就出左幾碟菜俾我地先之後既就會慢慢上始終一個師傅要應付5-6 枱客人每碟既份量其實都好岩岩好，食到最後既烏冬已經好飽都食唔晒 下次朋友仔一齊吹下水慢慢嘆可以再黎呢度刺身，兩個人份量都比我想像中多，好新鮮好味師傅知道小朋友肚餓，所以上左帶子先，仲幫我地整熟啲，比小朋友食香橙鴨胸，可惜阿仔只愛食橙😂鴨胸我地食晒花甲濃湯，個湯好好味，小朋友都飲左大半西京豚肉其實最愛啲乾魚仔同果仁🤣🤣炒得好香照燒銀雪魚好滑好好味，連配菜都一樣咁好味黑蒜燒牛頸脊配黑椒汁食😋😋鮮菌烏冬煮得好入味不過可能因為前面既野食碟碟清，食到最後已經好飽，食唔晒

呢間位於錦田嘅餐廳，就咁望佢外觀其實真係嚇一嚇，因為佢真係同古代石屋好似😂就連門口都好隱蔽好普通，但點知入到去又係另一個感覺，令我覺得好期待😆💕呢間餐廳夜晚只會做一輪，所以一定要訂位，而大家都唔洗食得好趕👍🏻入到餐廳已經見到枱上面有張菜單，係今晚有嘅菜式，基本上每一枱都係一樣，但若果有菜式唔啱口味都可以提前幾日同佢地溝通，佢地會盡量安排～當晚8 個菜式都真係好正，食得岀廚師嘅心思～魚䰵合桃沙律時令刺身魚黑松露蒸蛋清湯煮花甲牛油帶子菜苗板燒巨蝦Prime 西冷牛巴蕉豚肉烤飯評分：9/10地址：The Cottage 1920 (元朗)元朗錦田路1號地舖#本地遊#浪漫約會餐廳#foodie#香港好去處#夏日搵食推介#炎夏好去處

早前見朋友 post 呢度啲相好得，咁就襯隻佬生日帶佢去食好西啦，我好有心架，早喺 5 月中訂 6 月尾食，算係咁啦 💝之前已通知想 6 點鬆啲到，回覆話 6：30先開，早到可以坐吓等，我哋 6：20 到，開門位哥哥仔話未開門喎，咁我答話早前通知會早到架，佢照比我哋入，入到去都有 6 位客人坐好，咁點解好似又唔想比我哋入咁嘅？坐定定就欣賞吓個環境，雖然唔係好華麗，但都好舒服，隔離檯係 8 位護士小姐慶祝生日，人多自然傾得開懷，食店就會有點嘈，不過大家食得開心也接受到。店主見我哋安坐，食物又未 ready，就送咗個淮生漬。整晚食物都好得好出色，連普通嘅手羽都燒到唔鞋口，蟹蓋入面有滿滿香滑蟹膏，銀雪魚未上檯遠遠燒緊都聞到香味，到最後係食唔晒打包咗半份手羽同墨魚汁飯。訂位時已通知我唔食牛，所以都好好咁安排一份和牛一份豚，壽星佬話 2 樣都好食 😍😍睇返小店幾個月個餐單都一樣，唔知會唔會轉吓呢？唔轉就無咁大動力吸引啲客再幫襯喎 😅😅

錦田市中心有一小磚屋🧱🏚，沒有門牌、正門也不明顯，就算每天經過，也沒有察覺這竟是一間Omakase餐廳🤣！人生有多少時候，明明在身邊，卻視而不見👀，見而不曉，白白錯過了一份美好😌？所以，知而當行💪，我們當然要嘗一嘗這間特別的隱世小店☺。我們駕車🚙去到錦田市中心惠康旁邊的停車場。停車場收費$9半小時，🌛夜泊$68。The Cottage 只做晚市，一般用餐時間三小時⏳。我們選擇了夜泊，是明智之選，因為最後我們用了差不多四小時才離開餐館🕦。磚屋旁的木板，其中一塊有個門鈴，這就是正門了。按下去，隨刻就有彬彬有禮的同事應門🤵，量度體溫、清潔雙手等指等動作後，我們入座了。屋裡頭比較寬闊，主是是四人枱。店員說，這小屋原本是一間雜貨店，後來改建作餐廳，之前可以散叫，但現在只做Omakase呢。有張Bar枱是二人座位，能夠看到廚房內的情況。這是我們今天坐的位置，是當晚最後一張枱。訂座時，店員會特別說明這是「高枱」，如介意者勿坐。因為距離冷氣比較遠🆒️，坐這裡會冷氣不夠；木椅子有特色🪵，但如果換上有背部支撐的椅子更好。但這座位也是有好處的：1. 自成一角，後面和旁邊也無人，是疫情底下少接觸人的安心座位💕。

In a very secretive venue serves great food.The service from the main chef and the waitress was exceptional, I had a great night out with my hubby,and the food was phenomenal! With this service and quality of food the price was extremely acceptable.

入左錦田4年，日日見到呢間野都神神秘秘，不過錦田神秘而不可褻玩的地方多的是，都冇刻意去搵，點知fb 有日彈出就即管去試試。Osmakase 其實在錦田唔難令人理解，本身元朗都有幾間 ，不過唯獨唔同，型格廚師唔多同你講野，不過你問佢，佢又會答你，個感覺令人好自在。其實所有野佢都寫晒，所以都唔駛問 😆😆😆又去返食物，3月既menu 前菜是飽魚，真係好好味，有酒香，又滑，真係一隻都開晒胃了。要講下驚喜的雞肝，係用刺身雞既肝整，不過今次係熟既。但口感同我在沖繩食既雞刺身一樣，好滑，有肝那種油潤。最衰身體不宜食，否則成碟都拍得晒。今期menu 有大蝦，一上既時候都【嘩】左一聲，一大過隻龍蝦。廚師仲好好笑話，話明【大】唔通出隻手掌蝦俾你，緊係大到隻龍蝦咁。佢既回應又突顯同其他Osmakase 師傅唔同，冇左份懶客氣的感覺😆食食下，都飽到飛起。最後仲有和牛同飯。我個fd 因太想食飯糰，師傅又專登整埋燒飯糰加茶漬飯兩隻。那份誠意，真係冇甜品都甜晒。成篇野都較跨張，不過咁既價錢，呢份尊重，呢堆美食，真一d 都唔跨。本身怕夜想2.5 hr 完成，最後傾下傾下，都食左3.5 hr 。短期內一定再幫襯。

食物有水準環境有特色服務有禮不知不覺都用餐了2.5小時一間用心經營的小店真心值得推介比大家因為店舖不大 只有5-6張檯大家記得要訂位呀當日我用餐係星期四都full晒

餐廳嘅外型係傳統舊式村屋，覺得佢好有feel，所以一直都好想試吓，但成日搭車經過都唔見佢開門。Check佢fb先知原來只做晚巿，疫情期間都無開，最近知道佢開返就即刻book位去試吓。因為疫情關係，佢哋轉左做omakase，主大西日fusion 菜，每人$300起，價錢會因當日食材略略調整，一開始聽到要$300都有啲嚇親，仲要係錦田呢啲地區，但試完覺得絕對係物超所值！餐廳唔大，目測可以坐到20-30人，幾有居酒屋feel，適合情侶或者幾個朋友黎邊食邊吹水。一共有9道菜，食到最後其實真係好飽。每碟味道都有驚喜，擺設亦好有心思，客人一邊食老闆一邊煮，食完一道先上下一道，客人可以慢慢食唔會有時間限制。咁嘅價錢食到都咁高質嘅fusion菜，絕對係抵到爛！！！一定會再幫襯，但記得一定要預先Whatsapp book位

有日經過古老石屋改裝而成嘅日本fushion wine house仲保存住瓦片屋頂有去咗趟小旅行嘅感覺可惜哩日我哋唔飲得酒主要食下嘢和牛好嫩滑伴住我鐘意嘅香滑薯蓉很不錯蒸蛋都有滿滿嘅蟹肉同蟹糕非常好味雞翼如果送酒飲會更開心整體嘢食都有心機做唯獨烏冬煮得太淋最近出街食澱粉質類都有失望哈哈唯有下次唔叫啦