THE BOTTLE & STEAK

营业中

休息中

今晚小妹同朋友過左西環碼頭影相玩📸, 影完之後就去左附近搵野食, 轉角見到E間餐廳有勁多啤酒🍻, 我地就決定入去“啤啤去”😍!! 餐廳環境幾chill同relax, 最入有幾格擺住唔同地方嘅啤酒/果汁汽水, 仲好細心詳細說明該酒嘅品種, 酒精濃度, Ibu, 香味, 甜度, 麥嘅濃度等, 而且每款都包裝精美好難揀!😆🌟比利時CHAPEAU菠蘿啤🍍🍺(左)入口菠蘿味極之香濃, 甜甜地帶輕微酸味, 非常開胃, 適合唔太中意啤酒苦澀味嘅女仔!🌟意大利MACARIO 清新檸檬味🍋🍹(右)飲落檸檬味好清新, 入面嘅碳酸令口感好清爽, 甜度適中, 夏天飲相當解渴!🌟美國安格斯平鐵牛扒🥩牛扒幾大塊, 煮嘅時間剛好, 切開色澤粉嫩, 油脂重牛味濃, 肉質鮮嫩夠juicy! 沾埋自家製gravy汁, 味道更正更惹味!🌟法國蜜糖香草烤雞半隻🐔烤雞肥美肉香, 外層焦香帶甜, 肉質柔嫩!🌟薯菜及沙律🍟🥗薯條型狀粗身, 炸得好香脆, 上面撒上調味粉, 沾埋自家製gravy汁, 味道不錯! 特別一提嘅係佢地嘅自家製gravy汁係有分素食同不素食的, 非常貼心!

今日去咗西營盤嗰邊，夜晚肚餓周圍都係酒吧，就入咗去一間新開嘅酒吧食晚飯呢度係自助形式，酒櫃裏面有唔同嘅飲品可以自己拎，最後先結帳。食物係即叫即煮，所以預咗要等返一陣，去吧三五知己飲支酒吹住水，時間好似好快過咁澳洲豬安架$158豬安架用網燒，有種香噴噴嘅炭烤味，特別鍾意佢哋嘅粗薯條，有陣淡淡嘅海鹽香草味，薯仔多肉舔舔脷法蜜糖圈草烤雞$158烤雞想食嗰陣熱到會噴煙，手撕嚟食要小心啲，唔好辣親自己隻手Blood Orange$22酸酸甜甜有啲似汽水，好啱跟住啲肉一齊食Pineapple juice$18朋友唔飲酒叫咗菠蘿汁，酒吧居然有$20樓下的飲品，抵飲

<Hong Kong🇭🇰•Sai Ying Pun>“咬我唷!法式油封鴨髀&芝士溫泉蛋大啡菇配豬面珠燈😍”突發！突發！西營盤開咗間澳式扒房唷😍食物性價比高之餘，仲有一排手工啤酒櫃😍靚仔老闆仲好細心咁介紹我哋認識唔同國家同口味嘅手工啤酒🥳法式油封鴨髀 HKD 128法式油封鴨髀｜雞鹽薯條｜沙律｜中東包｜特製醬汁法式油封鴨髀可能係Fine dine/ 法國餐廳比較常見，但係喺呢間澳式扒房都可以搵到！仲要係$100鬆啲就已經有咁大份量😚 油封鴨髀皮香肉嫩，雞鹽薯條相當罕見🤩唔需要剪任何蕃茄汁已經好香好好味！中東包金黃香軟，有兩大塊！大胃王嘅你都可能食唔晒😂芝士溫泉蛋大啡菇｜豬面珠燈（另加）芝士溫泉蛋大啡菇兩大個😳一刀切開！溫泉蛋蛋漿湧出唷😍大啡菇多多汁配上溫泉蛋同芝士一啲都唔膩唷！豬面珠燈一片片，肉肉惹味，送手工啤酒一流！老闆講解左一系列手工啤酒，最後我哋揀…😚來自法國嘅Apple Cider-豐富嘅蘋果味，帶有梨嘅香甜，味道層次豐富！女仔一定鍾意❤️香蕉軟糖味手工啤酒朋友仔鍾意食香蕉軟糖鍾意到連手工啤酒都要香蕉味😂試咗一啖！真！係！香！蕉！軟！糖！味！🤣餐廳環境舒服，食物性價

呢日黎西營盤探朋友仔，經佢帶路下，試左一間高質平價小酒吧。酒吧位處民居一帶，好近地鐵站，平時黎食都幾方便。餐廳舖面唔太大，裝修走工業風style。一入門口，最吸引我既就係成排既啤酒櫃，但係好多牌子我地都唔太識，（好多都係超市比較少見既啤酒，裡面我只識貓頭鷹手工啤）好彩店員之後會根據我地既口味，再推薦適合既啤酒。（右二）桃味啤酒：色澤較深，味道偏甜，入口順滑，適合女士飲。（右一）香蕉味啤酒：味道清新，口感紮實，香蕉味唔算好出，好似香蕉蛋糕咁。除咗好多特別啤酒外，呢度野食都幾出色。>芝士溫泉蛋大啡菇+烤雞胸：流心溫泉蛋配埋芝士，簡直係perfect match，食果陣要小心d，會有汁流落黎。雞胸應該係慢煮，食落好嫩滑、似雞柳咁，第一次食到咁好味既雞胸，上面有好多蛋黃醬，好邪惡呀美國安格斯平鐵牛排：牛扒軟腍冇筋，煎到七成熟，肉質粉嫩多汁。除咗跟碟嘅醬汁之外，店員仲俾咗三款芥茉醬俾我，可以一次試哂幾款味。呢餐埋單都好似係300幾左右，仲要包左2個主食，價錢都算幾平，下次再黎試下佢其他野食先

Blue Monday放工就想去happy hour! 喺公司附近嘅呢間澳洲扒房/酒吧，我係俾佢個雪櫃吸引咗，幾個大雪櫃入邊放住好多唔同國家嘅手工啤，有選擇困難症嘅我，真係好難選擇呀! 店員都會問你鍾意嘅口味然後推介返相關嘅啤酒俾你飲。我就揀咗呢個比利時桃味啤酒🍑好甜嘅啤酒，係女仔都應該會鍾意！朋友就因為要揸車，所以就揀咗個冇酒精嘅飲品。-美國安格斯平鐵牛扒 $128見到牛扒嘅格仔紋就覺得烤得好好，炭烤味濃，同時又可以保留住牛扒嘅肉汁，雖然有少少韌，但係都接受到! 呢個價錢來講性價比好高!-法國蜜糖香草烤雞 $158店員好細心咁俾埋膠手套我哋去食雞，雞係切件上，烤雞好嫩滑!-主菜都會附上沙律同埋粗薯條粗薯條好有咬口，送酒一流!

滿滿的啤酒，本地，西方，日本，配以簡單的菜單，集中幾款擅長的菜色反而有更佳的效果環境：以啤酒為主打的簡單設計，高身座椅，圓桌，適合促膝談心服務：很有新餐廰的貼心感覺，店主對啤酒的熱誠滿滿食物：油香重，味道濃！煙三文魚卷$68口感鬆軟不會太鹹， 略略帶點辣味，很開胃的小品墨西哥脆辣單骨雞翼$58意外地非常Juicy，而且還是熱辣辣，超好下酒！豬鞍扒$158豬鞍扒的炭烤味極龍濃，肉汁很多。 最出色的是外脆內院的粗薯條，熱辣辣的口感，裏面的薯蓉非常流心，創造出心太軟的口感，很出色CARBON BREWS 啤酒$38我這款叫PINA COLADA，入口帶酸甜果香，菠羅跟椰香都有，非常像CＯＣＫＴＡＩＬ，作為本土代表，他很合家歡，絕對值得推介！有心做的小店值得推介，我給這店頗高的分數

The Bottle and steak在西環第一街， 有很多花款既唔同國家種類既啤酒！堅係花多眼亂，最終簡左st amatus vintage 2013,在美國酒桶中陳釀3年，味道帶點 dark fruit感覺，之後滲出陣陣焦糖香味！有 dark soul feeling! 法國蜜糖香草烤雞半隻，份量大堆頭！超級大份！經過烤香既雞非常惹味，有輕輕既肉桂更帶出香味，雞件好嫩滑又有 juicy感，旁邊既薯條亦好有質感夠粗身，好正。夠哂飽。黑松露芝士温泉蛋大啡菇，温泉蛋汁滑溜綿綿！口感細緻非常，啡菇充滿著菇汁，更有睇頭。三重芝士中東包，有 parmesan, mozzaeella, cheddar cheese, 麵包質地軟熟，邊位夠香脆！芝士口感夠濃郁，再配上剛才既温泉蛋汁更香更滑，另一層次！

走到西環，有唔少西餐及咖啡店、見到呢間以高枱為主嘅餐廳，入邊擺放着唔同嘅酒及飲品，環境幾簡單寫意～假日都有午餐，最貴都係$98免加一，呢一區來講真係好抵食！午餐最好就係包沙律🥗、薯條🍟及橄欖油香草中東包🍞相當豐富！沙律菜新鮮，配上酸酸醋汁，夠晒開胃！薯條係厚切薯條，炸得香脆～我鍾意食個中東包有牛油香草味，包烘特外脆內軟！▶️美國安格斯平鐵牛扒$98牛扒揀咗medium rare，牛扒味道唔錯，牛味幾香，已經有seasoning加咗鹽～另外可選擇醬汁香辣🌶或蒜香沙律醬，揀咗蒜香沙律醬～有蒜香味～牛扒其實本身味道已經相當足夠，有grill過嘅香味～肉質唔錯！▶️法式油封鴨髀$98鴨髀賣相相當靚，面上有香草，鴨髀皮金黃～用上慢煮方式，所以鴨肉夠林，又帶有鴨油香～▶️星期一至五包飲品～今日假日，所以我哋散叫咗一個桃汁$18～呢度有多款飲品揀，一定揀到想飲嘅飲品～餐廳食物質素唔錯又抵食，去開呢一區都可以試吓～

食晚飯前經過呢間新開既餐廳，餐廳出面個牆又有一幅好型既art work，好似好chill所以入去happy hour先。我對手工啤無乜特別偏好，見到成個雪櫃既手工啤，堅有選擇困難。好彩老闆見我呆滯左，好貼心咁行嚟問我既喜好，最後老闆介紹咗隻新入手既台灣手工啤，見到有包酸梅粉要配埋枝啤酒飲，要飲到好似tequila咁將粉貼上杯邊，咁樣會balance隻啤酒既酸租味，好貼心。今次未有機會食嘢，但係見到個餐牌好抵食，下次再嚟食埋野

New place built around a stonking selection of bottled ales and ciders. They refresh the offerings quite regularly. Grab a bottle and pop the cap and you’re good to go. They’ll also give you advice on the tastings if you’re fussy or clueless about hop ratios and IBU ratings. I only drink Trappist ales so was in my element. Prices are roughly 40-50 a bottle so quite a lot cheaper than similar locations. Food is a small range but well cooked. The tomahawk next us looked insane but that’s a 2 day a

今日同一位曾經去過澳洲留學嘅朋友仔去西環食澳洲菜，中環其實都應該不乏澳洲菜，但消費相對偏高，去西環食嘅話都吾錯呀，好多西餐廳同cafe都系呢邊。The Bottle & Steak位於西營盤第一街，要上少少斜路，識呢間餐廳嘅原因系朋友之前黎過，覺得幾高質所以都推介咗我黎一齊食。飲品擺曬喺最入面嘅冷藏櫃，有果汁、啤酒等等。開頭都吾知系咩玩法，店員話飲品系「casual dining」，朋友喺外國讀過書所以比較清楚，原來casual dining系指飲品自己拎，自由度大大提升。Lunch真心好抵，60幾70蚊就食到大大份肉類，不過留意番只限星期一至五。晚餐嘅價錢都吾系特別貴，豬、牛、雞都有，更有素食者既option，有椰菜花扒供素食者享用，另外仲有各款小食。試下個爆谷蝦球做小食先，個樣又真系勁似爆谷🤣🍿玩味十足呀。口感非常脆卜卜，仲要吾油膩，好似粟米脆片。裡面嘅蝦球好大舊，系蝦膠，似食緊炸蝦餅，做餐前小食好滋味。朋友叫咗份安格斯平鐵牛扒，平鐵牛扒其實即系牛肩肉，自己食親牛肉都好中意食牛肩部分，質感比起牛肉其他部分更軟稔，同時不失肉汁同埋牛肉本身香濃嘅口感。豬鞍架同平鐵牛扒一樣，吾系度度都食

#跟住我食唔中伏.前幾日同寶寶去西營盤玩路經呢間餐廳，感覺唔錯就入去試下😋今次真係好lucky，誤打誤撞食到間好餐廳💞首先價錢唔貴，講緊lunch都係$6x - $9x 不等選擇都幾多：牛豬魚雞素食都有，再包埋香草中東包、沙律菜＆薯條平日special優惠仲送枝裝果汁或梳打水.［美國安格斯牛扒］都幾香牛味，雖然有少少筋但可接受👌🏻寶寶都超中意食！令我幾suprise嘅係［牛油烤雞胸肉］😍雖然佢唔會好似雞脾肉咁滑嫩，雞胸都係偏乾身但個調味真係令人食到好上癮！就算寶寶食得較慢個雞凍咗，但食落都好正，好岩用來做movie dish🤣除咗lunch set我仲加咗個小食香草車厘茄😍粒粒都烤到微微脆皮，裡面暖笠笠👍🏻.餐廳環境唔大，但成件事都幾chill，絕對可以再來🥂對於有小孩嘅我來講，唯一美中不足就係全店只有高圓凳如果小朋友太細個就唔適合堂食啦🙈PS不過可以takeaway個雞番屋企食都好ok🤭👏🏻....#ca師奶餐廳_西營盤

今日到西營盤探朋友， 近第一街街頭發現一間新開嘅型格酒吧餐廳， 好chill 好有氣氛～🍹🍺🍾反正都要搵地方坐低傾計食嘢， 一於試吓新店。酒吧主打澳洲牛扒和各款手工啤酒， 尤其舖入面一列凍櫃擺放著各式各樣唔同嘅手工啤酒， 有入口，本地， 和各種口味， 亦有雞尾酒類～ 果味啤酒。。 好多款式都唔常見 ，大開眼戒，視覺絕對滿足！ 每款酒前面都有label 說明種類，口味，酒精度～ 非常細心。 價錢唔貴，由$28起不等， 餐廳亦冇10% service charge, 講到明慳返等你飲多支好過～ 實在抵飲。👍👍😊好在店員簡單介紹， 揀咗這支有天然草莓味嘅啤酒 Summer Berry ， 口味獨特，容易入口， 原來草莓🍓🍓味啤酒都幾夾～朋友唔飲酒揀咗另一款來自意大利血橙梳打 Blood Orange, 非常有特色，充滿濃郁嘅天然橙香， 值得一試。 同系列另一款lemon 味道亦好清爽，又唔會太酸。😍食物方面， 並非隨意的佐酒小吃， 有主菜，小食， happy hour完再共進晚餐絕對冇問題。法式油封鴨腿$128朋友話曾經學做這款菜式，都是非常複雜而且唔容易做得好吃～ 竟然在一間小酒吧都可以吃

近期西營盤站附近開咗間新餐廳，”The Bottle and Steak”，啤酒與牛扒，亦都係餐廳嘅主打。一行入餐廳，已經見到最入面成排嘅啤酒專櫃，林林總總嘅款式睇到人花多眼亂。鍾意水果味濃啲嘅我哋，今次就揀咗Lindemans依間比利時啤酒廠釀製嘅兩款產品Pecheresse🍑同Summer Berry🍓，一開蓋已經聞到淡淡嘅果香，2款酒精濃度都比較低，加上豐富嘅水果味，非常之易入口！而且酸甜平衡得好好，好有層次感。🍻除咗招牌嘅牛扒，仲有好多款唔同嘅主菜，比較特別嘅仲有專為素食者提供嘅烤椰菜花扒。法式油封鴨腿🦆外皮係完美金黃色，細細力切落去已經骨肉分離，一放入口，鴨皮酥脆，鴨肉軟嫩，非常滿足！挪威煙三文魚玫瑰🌹煙三文魚脂肪條紋分佈得好平均，入口嫩滑，濃郁嘅三文魚味帶少許煙薰香味係口中散發出嚟，久久不散，回味無窮。而且將煙三文魚裝飾成2朵大玫瑰，賣相好靚好有心思。除此之外，我哋仲叫咗2款side dish，分別係黑松露芝士溫泉蛋大啡菇🍄同烤香草車厘茄🍅。大啡菇非常之厚身，搭上黑松露簡直係絕配。車厘茄酸酸甜甜十分開胃。2款味道各異，但有一個共同點就係咬落去啲汁都會爆曬出嚟！💦💦🤣

飲啤酒唔一定要去蘭桂芳，而且價錢可以好平民化。朋友响西營盤返工，收工約我去佢公司附近鋸扒，順便帶我見識一下自助手工啤酒吧。The Bottle & Steak 個名改得好貼切，真係有酒有扒。最吸引我係店內冰櫃，透明玻璃冰櫃內擺滿五彩繽紛手工啤酒，價錢平到震，由$28去到$52，而且係免收服務費，正👍咁多款啤酒，真係唔識揀，好彩得到店員友善幫忙，朋友揀了一樽手工啤（$28），佢知我唔飲得，替我取了一樽菠蘿汁（$18）。好酒僅係要配佳餚，先叫了一份挪威煙三文魚玫瑰（$58），兩片大大塊煙過㗎三文魚化身成為兩朵玫瑰花，好睇又好味。跟住再來一份牛油扒珍寶虎蝦（$68），虎蝦隻眼珠好大粒，睇見就知係新鮮，蝦肉厚實，食落好鮮甜😋至於扒就叫了一份澳洲豬鞍架（$158），塊扒好厚，燒得剛剛好，仍能鎖住肉汁。酒吧有菜食，真係好健康。橄欖油炒西蘭花苗（$48），菜苗炒得夠翠綠，夠嫰。