Thai-ger (已搬遷) 新店位置

感覺是非常用心的小店，食物質素，醬汁，餐具，全部都感受到比較用心，而且好食。點了兩個：海南雞飯，和泰燒豬頸肉飯。海南雞飯：油飯不會太油，幾香。炭燒豬頸肉飯：炭燒的豬頸肉，不會太肥，也不會太瘦，有丁點兒炭燒香，原本配白飯，可以加幾蚊，配油飯，另外，套餐加18蚊，有一碗冬陰功湯， 也不錯。簡單好吃的小店，而且飯裏面配的醬汁也不錯。

本身住係附近 而且店舖位置比較近商場服務台 唔會好難搵 服務態度好 餐牌上好多款都值得試例如鹵水豬脾飯 椰汁 泰式奶茶 海南雞飯 蝦餅 店舖裝修設計似咖啡店 不過整體拍得上正宗泰國菜

泰式炒金邊粉 約$70這是我第一次去D2 Place睇市集，兩座大廈聚合不同設計品牌及餐廳，令我覺得睇既不再是大型牌子，香港仍然都有很多新力軍，讓他們抓緊空間發展。可惜，這裡餐廳並不多，我同朋友選擇了簡單明亮設計的泰菜，我們要先付後等，侍應很快就將餐送過來。印象中有車仔麵食，小吃及泰菜，對我來說，價格較貴。泰式金邊粉外表小小的，但愈食愈多，對我來說份量是足夠，炒的偏濕，但味道偏酸小辣，再加點青檸汁及花生碎，都幾岩我口味。算是頗可以的。餐廳座位不多，見到隔離有留座添！

心血來潮夜晚想食泰國菜,但最近去過幾次九龍城食泰菜,感覺質素已經大不如前。突然醒起幾個月前食過呢間泰國菜,舖仔細細但味道正宗,而且價錢唔貴,一家三口食個二人餐都夠晒飽二人餐有齊湯,兩款小食,主菜兩款,飯(可選油飯/白飯,野飲兩杯同甜品冬蔭公湯好有辣勁,而且有泰式果種獨特既酸味,中和左辣既刺激,令到成碗湯更易入口,唔係好食辣既老公都成碗隊晒泰式蝦餅&雞翼蝦餅同雞翼就稍為遜色,蝦餅太薄冇咩咬口,雞翼較乾身,但味道尚算入味青咖喱豬頸肉&海南雞青咖喱很香口,並唔似一般餐廳果隻溝出黎既即食咖喱味,香料味很濃厚,豬頸肉厚薄適中,一整塊掛滿青咖喱,入口好滿足海南雞有齊脾位同胸位,唔係出面一個海南雞飯求其俾幾件雞既質素,雞味濃,咸味適中連油飯一齊食絕對係prefect match.. 油飯大大碗,我同小朋友share一半都食唔晒,唔駛加錢轉油飯確係超值泰式炒椰菜苗呢個菜係全部野裡面最好食,炒得夠鑊氣夠油香,椰菜苗很新鮮椰汁芋頭西米糕呢個西米糕又係誠意之作,食得出粒粒芋頭,正中我呢個芋頭怪下懷埋單都係$221,又一平價抵食好味之選,不枉我老遠搭車都走過黎食

住在荔枝角的我很幸運，基本一下樓想吃什麽都可以。不論是日韓泰西式，應有盡有。D2 place 更是覓食的好去處。THAI-GER 我也吃過三四次了，每次都覺得滿意，然後下一次又試另一菜式。曾吃過的有：泰式炒金邊粉 份量足夠兩人分吃，幹濕剛好去骨海南雞飯，加了錢要雞腿 去骨後容易吃，雞肉很嫩冬蔭公車仔河粉（炸魚皮，雞翼，紮肉）酸辣湯底，很開胃 炸魚皮 超香脆泰式肉碎煎蛋飯 很地道，蠻辣的，一個人吃不完每個套餐都包一杯飲料，還能追加小吃。椰青 夏日消暑必備下次一定要試芒果黑白糯米飯（好像下午3點後才提供）我每次都錯過！

$70食泰國野一定要嗌青咖喱食青咖喱一定要配飯🤣雖然呢間野細細地但係佢地嘅青咖喱好好食🤘🏻夠辣之餘仲有好香嘅香料味啲雞炸過下同樣有好重嘅香料味🤤當個青咖喱咁好食嘅時候突然就覺得個飯實在太細👅食泰國野一定要嗌甜品因為有芒果糯米飯🤘🏻呢個糯米飯夠煙韌唔會太腍仲要係熱辣辣嘅😍但係最出色嘅係芒果真係好好好香🤤美中不足嘅係椰漿好稀同埋舊飯太甜雖然我好鍾意甜野但係都覺得甜度低少少會好食啲

今日路過見到D2 開咗間泰式小店，間鋪唔大，大約可以坐到30人，見有船麵，就即管一試。佢哋船麵都有兩款，有潮式同泰式，我揀咗泰式，裏面有肥牛同牛腩，肥牛煮得啱啱好，牛腩又稔又入味，餸上面有通菜加上炸豬皮，湯底夠牛味又有少許香茅調帶出鮮味，濃郁可口又足料，仲有舊蘿蔔吸收晒濃郁嘅湯底👍🏻，d套餐係全日供應㗎！再加上椰青清甜解渴，正呀！不過飲椰青要加＄28 ！而佢哋嘅侍應服務熱誠又快捷，下次可以再去試吓其他菜式😊

今日同屋企人嚟到D2 Place搵嘢食，揀咗呢間試吓。由於d嘢食太香所以食到一半先記得影相😂呢間泰式小店樣樣都好好食，我自己最鐘意嘅係泰式辣肉碎飯 (加錢可以轉油飯😍)，肉碎炒得好香好有鑊氣，配飯一流❤️個去骨海南雞勁滑囉d雞肉，好正👍🏻另外仲叫咗泰式船麵，湯底濃郁。泰式奶茶好正宗夠茶味，但建議少甜因為正宗嘅泰式奶茶都偏甜。泰式拼盤要一提入面嘅墨魚餅，食到一粒粒嘅墨魚！👍🏻最後食咗個芒果糯米飯做甜品，芒果夠甜，糯米飯熱辣辣。窩心嘅係椰漿分開上唔怕個糯米飯太甜搶咗芒果嘅甜味！香港小店賣少見少，大家一定要嚟支持呢d用心嘅小店❤️

有時唔打唔撞都搵到好嘢食腳求其食 可能好肚餓，見價錢合理又有位就坐低食。 $70泰式船麵，揀咗金邊粉，湯底顏色已經睇到非同小可，飲落好有牛肉味，炸豬皮好少地方有，睇得出並不求其，牛腩軟硬適中，湯底味道好有泰國之旅感覺，泰式香葉都食埋落肚，可能好肚餓所以極速鯨吞輕湯都飲埋。朋友叫$80無骨海南雞飯，雞肉好嫩滑，飯有油味。追加$28有素菜春卷，真係新鮮炸金黃色，入面滾熱辣真係一粒肉都無。服務普通，出餐速度好快，食物質素很好，整體非常滿意。

等人時除了漫無目的地閒逛就是找食物了前陣子老闆說想食船麵（什麼來的）今天剛好不小心看到了便試試這裡是先點餐付費再就座在下理所當然地點了客謎之船麵店員問道要金邊粉還是河粉呃原來船麵不是一種麵？面頭脆脆的好好食牛腩和牛肉都軟綿綿的湯底極度香濃蘿蔔大大粒入味又鮮甜金邊粉正正常常再來一客免選擇困難的拼盤有雞翼，炸魚餅，春卷，魚餅各兩全都是即叫即做炸得恰到好處控油技巧非常之好再來一粒解渴椰青好好味啊～～～～～（冷靜..）他的果肉超薄又嫩滑是可以用飲管吸飲的真是沒想到幾年沒來D2變了那麼多有機會再來這區找好食的這次就分享到這裡

最近去咗旅行，返來之後好似喺度節衣縮食咁，無咩出街食飯，今日中午同同事一齊來D2 Place搵食，見到好多人有諗過轉地點，最後大家都覺得呢度選擇多d上去睇下，點知意外地見到Thai-ger 有位，嘩⋯第一時間入去坐低，坐位好逼，自己出去order畀錢後坐低等，其實呢間開張咗都有段時間，但我哋都未幫襯過，因為佢地方好細，每次來到都已經坐滿曬人，總之無緣啦！今次算好彩，我就㨂咗黃咖哩雞配香酥餅，感覺份量都可以，食落真係好飽，咖喱唔辣，但好香，唔識形容既味道，同事大家都覺得好驚喜，凍檸茶應該好穩陣，我見店內好多人飲，果然係不失之選。至於價錢方面D2 Place 都係呢個價位左右，可以接受，最重要食物資素。

泰國潑水節之後諗住食間泰國野，荔枝角附近好似得呢間，就同朋友來試下。叫左個肉碎炒飯，朋友食青咖喱雞飯，估唔到青咖喱咁香，不過就有小小辣，有驚喜！肉碎都炒得好好味，唔會太濃食完成口味精味咁，調味剛剛好。店雖然細細間，但logo設計好可愛，支持小店。

因為住在附近，所以基本上一星期會有一次都Thai Ger 吃晚飯。菜色新穎，永遠都熱呼呼的送到你面前，即使有時候我也會買take away, 但質素一樣好好！而且也會有泰國歌播放，好配合輕鬆cafe 的環境～最喜歡係咖哩雞肉自選的香酥餅，次次吃都保持水準，又香又脆！另外二人餐也有不錯的選擇，大家一定會喜歡！今晚終於吾食咖哩，試試豬脾飯同鮮蝦金邊粉，一樣好好！間中也見到夫婦店主放工來幫手，應該係一直以來可以保持水平的原因！

唔行去D2 place都唔知而家咁多野食，今日本來想去食西餐，經過呢間泰菜見到都幾好樣又有位，即管坐低試下。座位唔多又有啲迫，勝在裝潢簡潔清新。價位大概$70蚊包野飲，都可以接受，個人覺得食飯抵過食湯麵。兩個人點左個海南雞飯配油飯、肉碎炒飯，炸蝦餅、椰汁冰同龍眼冰。海南雞飯要求要雞胸，啖啖肉，雞肉份量多，黃飯有味而唔係太油，加埋個辣汁，好食！辣椒肉碎炒飯同樣出色，微辣好香口！加左$18蚊要個炸蝦餅，都幾大件抵食。呢餐吧敗筆係兩杯野飲，椰汁冰死甜、龍眼冰似涼茶。如果佢嘅飲品同食物同樣出色性價比會高好多。呢餐埋單差唔多二百蚊，食泰菜午餐黎講唔算平，不過食物好食有驚喜，希望改善飲品質素，下次會再去。

店內位置不多，加上午飯時間只有walk-in，如果不是朋友提早來排隊，應該lunch hour 過了才會等到位🙈午市有套餐也有à la carte menu，我要了一個海南雞飯套餐，白飯油飯二選一，當然是要油飯喇～朋友在戒澱粉質，這裡也有單點的肉碎生菜包。有趣的是另一位朋友點了肉碎煎蛋飯，但她們的肉碎顏色一深一淺，味道也有輕微分別。我的海南雞油飯份量頗足，油飯顏色稍稍不平均，還好不算太油，而且調味很足，第一口就吃到香濃的像香茅的味道，可惜對我來說米粒稍乾和硬。雞肉方面也算嫩滑，有雞腿的部分也有雞胸的部分，雞翼也有一隻但略嫌太小隻，吃不到甚麼肉。總的來說味道不錯，只是價錢不低，我自己的一個飯加一杯餐飲便要$83 (凍飲要+$3)。不知道餐廳的位置會不會也有影響，畢竟是扶手電梯一上的第一間餐廳，進入大廈時必定會經過，租金應該不低吧？可是差不多的質素在同區可以用便宜一點的價錢吃到，感覺不太抵喇～