Terrace in seaside (又一城)

营业中

休息中

📍又一城開咗呢間韓系打卡cafe真係好cute!之前試過佢嘅窩夫好好味又靚～呢間新店又大間環境更加舒服。試咗韓國螄蚶拌飯($192)，即係蜆肉😹入邊仲會有幾隻大蝦，用咗韓式辣醬炒好有韓國風味，女仔可以share食再加個小食都得！另外叫咗份炸雞，除咗分有骨同無骨，仲有幾款醬可以選擇，牛肋骨醬呢款(半份$108)都幾濃味仲帶有少少煙熏味。甜品今次揀士多啤梨蜜糖窩夫($122)，窩夫同樣好香牛油味，餐廳仲落咗大量忌廉同士多啤梨醬，酸酸甜甜唔會好膩。另外brownie($72)好大份，中間仲會有雪糕一熱一凍，不過朱古力味太濃，比較適合兩個人share食。必點嘅飲品好打卡able，除咗柑橘乳酪($68)夠可愛之外，我今次試咗抹茶柑橘蜜露冰($58)，唔會太甜飲落仲會有粒粒柑橘咁夠哂fresh。

人氣韓式Cafe｜Terrace in seaside🍊好友同我預祝生日，今次book左呢間分店係剛新開，座位比其他分店比闊落，坐得好舒適又可以靜靜地傾下計🤗🔅水原式牛肋骨醬炸雞 - 我地點左半份無骨炸雞 ，份量好適合2人食，啖啖肉加上酸酸甜甜嘅牛肋骨醬，非常惹味!🔅韓式螄蚶拌飯 - 我最愛嘅螄蚶配韓式辣醬，怕太辣仲可以用紫蘇葉/紫菜卷住一齊食都幾特別~🔅夢幻雪糕布朗尼 - 微熱嘅布朗尼配埋忌廉同咖啡topping，而且朱古力味好濃郁，非常好食!🔅士多啤梨蜜糖窩夫 - 賣相好靚，窩夫好香牛油味，外層有少少脆，士多啤梨控必點!🔅濟州柑橘乳酪 & 熱情金菠蘿沙冰 - 2杯飲品嘅造型都好可愛，好好飲又唔會太甜，推介!❤今次我地都係睇OPENRICE食評跟人點菜，樣樣都好滿意，呢間真係好值得再encore，下次可以再嚟試埋其他款~

韓國螄蚶拌飯$192半份水原式牛肋骨醬炸雞$108士多啤梨蜜糖窩夫$122萝幻雪糕布朗尼$72濟州柑橘乳酪$68抹茶柑橘蜜露冰$58好味指數：😋😋😋😋😋抵食指數：💲💲💲💲環境舒適：😌😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：朋友在城大工作，相約她見面，想吃韓國🇰🇷菜，就去了又一城這間新開的韓國菜cafe。二人點了2份主食，2杯飲品及2個甜品。韓國螄蚶拌飯好足料，差不多半碟都是螄蚶肉，還有3隻爽口蝦仁🍤。拌飯是泡菜味，好惹味。飯是珍珠米，顆粒飽滿，口感好。水原式牛肋骨醬炸雞🍗要了無骨，啖啖嫩滑雞肉，方便懶人食用。水原式牛肋骨醬帶點牛肉味，味夠濃，不太甜也不太咸，比起以前吃過的其他韓式炸雞味好吃得多。2款甜品擺碟好看。如果有人生日，加一枝蠟燭在萝幻雪糕布朗尼上，就猶如一個生日蛋糕🎂一樣。布朗尼不乾身，夠綿密。喜歡咖啡☕️味的淋醬，少少的苦味淋在布朗尼，可中和朱古力🍫的甜味。窩夫量頗多，有4小件。外脆內軟。士多啤梨🍓夠香甜。來到這間以柑橘🍊為主題的cafe，當然要點2杯用了柑橘調制的飲品。濟州柑橘乳酪混入柑橘蓉，酸酸甜甜的乳酪好醒胃。抹茶柑橘蜜露冰有抹茶🍵

👧🏻又一城人氣韓國咖啡店分店❤️Terrace in seaside-Terrace in seaside既店同員工都好好認😝員工都帶住橘子帽🍴韓國螄蚶拌飯韓式拌飯😋螄蚶味道鮮甜 調味偏辣 但又唔係辣到食唔到的 另外配有紫菜同芝麻葉比我地包住d拌飯食🤤個人幾中意用芝麻葉包飯 幾特別🍴水原式牛肋骨醬無骨炸雞(半份)半份既無骨炸雞其實都幾大份🤤2個人食都差d食唔曬 牛肋骨醬味道偏甜 但又唔會係死甜個種 另外仲有配幼身薯條 跟蕃茄醬同乳酪醬 乳酪醬既味道幾特別 少少甜 有d似cream 咁 味道都唔錯❤️🍴夢幻雪糕布朗尼😍2個甜品一上枱 同朋友都即刻拎手機出黎影相 真係好靚 布朗尼入面仲有少少流心 有d入口即融 如果驚太甜 可以加咖啡 味道會更多變化 另外上面仲有oreo雪糕同花生味oreo 口感更多層次👍🏻🍴士多啤梨蜜糖窩夫 共有4塊窩夫 口感鬆軟😋❤️上面佈滿左大量既忌廉同士多啤梨醬 仲有士多啤梨😆誠意十足🥤濟州柑橘乳酪枱枱都必點既飲品😏❤️味道都係唔錯 酸酸甜甜 仲食到d果肉🥤抹茶柑橘蜜露冰抹茶配柑橘 呢個組合幾特別 撈勻飲 同時飲到柑橘既酸甜 同抹茶苦中略帶甜既味道👍🏻📍Terrace in

由佢個小朋友餐牌，已經知道有啲問題🤔最觸動眼球的，海鮮螄蚶拌飯🥹 …. 最後喺冇乜選擇之下，揀咗炸豬扒烏冬俾個小朋友。我哋仲嗌咗半半炸雞，牛肋骨拌飯，係我有生之年，食過最難食嘅韓國炸雞。即叫即做，都可以炸到超硬，佢哋有兩個選擇，平啲嘅可以嗌雞胸，貴啲嘅可以嗌雞髀同雞翼，我哋晏咗貴啲嗰個，點知，最後我哋有一半係冇食到嘅，真係唔敢想像，如果係雞胸，結果會係點樣！胖胖炸雞，即係代表你可以嗌兩種唔同口味，我哋嗌咗甜辣，同埋什麼牛肋骨醬炸雞，基本上兩隻味道冇乜分別🙃牛肋骨拌飯中規中矩，炸豬扒烏冬都係正常。80幾個正平，真係匪夷所思😊

難得去又一城睇吉力卜，順便係附近食埋野！發現原來開左好多食肆😍！【韓國螄蚶拌飯】$192一半螄蚶，一半辣醬炒飯！超級大碟，另外可以配紫菜/紫蘇葉食，別有一番風味！【水原式牛肋骨醬無骨炸雞】$102好欣賞舖頭嘅炸雞，真係炸得好出色！炸出嚟雞肉仍然嫩滑多汁，唔會太乾😆 牛肋骨醬甜甜辣辣，食落好惹味！【濟州柑橘乳酪】$68【抹茶柑橘蜜露冰】$58店舖最signature嘅飲品柑橘乳酪🍊酸酸甜甜夠清新！另外今次試下飲抹茶柑橘，沙冰咁好清爽，再配上抹茶嘅香味！👍🏻【夢幻雪糕布朗尼】$72巨型brownie，口感實滑亦都好濃郁嘅朱古力！另外可以配埋咖啡淋上面～【士多啤梨蜜糖窩夫】$122超級大份嘅窩夫，因為有大量草莓醬，望落好似好甜咁！但食落完全唔會覺得太甜，仲有新鮮水果🍓

有相當日子無來又一城，今日放假就同好友來chill下。.香港的商場大多千篇一律，反而餐廳愈來愈見誠意，不但裝修靚靚，而且美食種類豐富。我和老友就被一間新開的韓國餐廳吸引，入去打卡兼食飯。.餐廳的門面已很吸引，有一棵假的橙樹和滿籃子柑橘類生果，店員頭上戴了橙色的帽子，似乎已預告客人：韓國濟州柑橘將會是餐廳其中一種食材。.店內木系裝修風格和寬闊的座位，給人溫馨和諧的感覺。我們被引進到卡位坐下，店員隨即奉上清水和兩款前菜：醃蘿蔔和韓國魚餅。.餐牌排版成一份報紙，既得意又清晰。食物主要分成四大類：韓式料理、韓式炸雞、主食和甜品。我和朋有選了一個主食、半份炸雞和兩杯飲品。.之後見鄰桌的甜品太吸引，忍不住叫了兩客，寫下完滿的結尾。✴️韓國螄蚶拌飯（$192）唔知大家有無和我一樣在韓國的7-11食過「螄蚶拌飯便當」然後念念不忘呢？所以當餐牌上出現這款拌飯時，不用多想，即叫。充滿南部海洋氣味的螄蚶，又鮮又甜！還有3隻爽脆大蝦肉和泡菜汁拌飯。用紫蘇葉和紫菜包住食，非常好味。✴️水原式牛肋骨醬無骨炸雞半份（$108）第一次試水原式牛肋骨醬，鹹鹹甜甜的幾好味，雞塊厚肉嫩滑，毫不油膩，吃得好滋味。✴️濟州柑橘乳酪（

近日九龍塘又一城開了一家新餐廳 Terrace In Seaside，所以便與朋友一起去嘗試一下這家韓式晚餐！前菜：魚糕和酸蘿蔔味道清新又開胃。魚糕的質地軟嫩，充滿魚的香氣，搭配著微酸的酸蘿蔔，帶來了一種爽口的口感🍚 韓㘥螄蚶拌飯這道菜式非常有特色，帶點泡菜的調味，店員亦介紹可以用紫菜包飯與螄蚶🍗 水原式牛肋骨醬無骨炸雞半份這道無骨炸雞以水原式牛肋骨醬為基底，炸至外酥內嫩的狀態。每一口咬下去，都能感受到肉質的鮮嫩和醬汁的香甜。炸雞的外皮酥脆，內部肉質保持著柔軟的口感🍨 夢幻雪糕布朗尼夢幻雪糕布朗尼適合三至五個人 share😆布朗尼的外層香脆，內部鬆軟濕潤，與冰涼的雪糕搭配在一起，形成了絕佳的口感對比，每一口都帶來了甜蜜的享受🍓 士多啤梨蜜糖窩夫士多啤梨蜜糖窩夫是一道色香味俱全的甜點。窩夫鬆軟的口感，搭配著新鮮的士多啤梨，每一口都帶來了豐富的果香和甜蜜的滋味🍶 濟州柑橘乳酪濟州柑橘乳酪清新爽口，柑橘的香氣帶來了一絲微酸的口感，非常開胃🍵 抹茶柑橘蜜露水抹茶柑橘蜜露水是一道清新的飲品。抹茶的濃郁香氣和柑橘的酸甜口感相互融合，還散發出綠茶和柑橘的天然風味

我們行行下就見到呢間門面有公仔，同間隔都不錯，就抱著一個好奇心入去試了，主食系好吃的，我推介個牛小排，甜品也很好，只是有點失望是飲品，有點不似預期，職員都非常有善好細心會帶來顧客們一個輕鬆感覺。

位與位之間只有1-2cm , 食得咁逼為乜，仲要係我老婆生日，未叫嘢我就立即離開。正正就係點點港人鐘意北上，食餐食啫都咁辛苦，又唔係茶餐廳，洗錢買難受。最終去左對面嗰間JS foodies , 接待員好好咁俾張大枱我，其他服務員又好好service, 成餐飯即刻舒服晒

🙋🏻‍♂️餓底探員今日去咗九龍塘調查呢間韓式人氣打卡cafe，呢間餐廳之前食過其他分店覺得好好食，所以今次再約朋友去食🍗水原式牛肋骨醬炸雞 $108📸表示個炸雞份量係半份，配上沙律同薯條，佢嘅炸雞可以㨂有骨或者無骨，餓底㨂咗無骨，因為啖啖肉，仲要無骨價錢平啲添😂🙋🏻‍♂️表示個炸雞食落啖啖肉，肉質嫩滑，配上牛肋骨醬，味道香濃甜甜地，非常惹味，炸雞面頭灑上芝麻，松子同南瓜子，令到個炸雞更香口🍛韓國螄蚶拌飯 $192📸表示個拌飯配上蜆肉同大蝦，仲有紫菜同紫蘇葉可以包住嚟食🙋🏻‍♂️表示個拌飯食落充滿香辣泡菜味，蜆肉味道鮮甜，食落都帶少辣，大蝦用牛油煮過，配上牛油果，食落香口，肉質彈牙，用紫菜或者紫蘇葉包住個飯嚟食有另一番風味，最特別係用紫蘇葉嚟包，紫蘇葉嘅味道會蓋過飯嘅辣，好神奇🍫夢幻雪糕布朗尼 $72📸表示個布朗尼分開咗兩邊，中間有忌廉同雪糕，面頭有oreo，士多啤梨同食用花，擺盤好精緻🙋🏻‍♂️表示個brownie食落鬆軟，朱古力味香濃，連埋雪糕同cream一齊食，呢個brownie好邪惡🫢🍓士多啤梨蜜糖窩夫 $122📸表示個窩夫切開咗四件，一層層疊起咗，每層中間有cream，最頂層放咗士多啤

又一城新開咗一間好有韓風嘅食店，裡面主打都係韓式同西式食品，另外亦有好多甜品選擇。今次叫咗韓國螄蚶拌飯。呢個拌飯唔會話辣，配埋紫菜同紫蘇葉食仲正💯水原式牛肋骨醬無骨炸雞🍗炸雞好脆，半份已經有成7-8件，兩個人都食唔晒。每件都有好多醬汁，個醬係韓式甜味為主。甜品就叫咗雪糕布朗尼。個brownie好正，有啲心太軟質感，每一啖都好rich 朱古力味✨士多啤梨蜜糖窩夫。份量好大，有四件，士多啤梨醬加埋忌廉一齊食係好好嘅配搭👍🏼 窩夫底都好香蛋味飲品就叫咗濟州柑橘乳酪同抹茶柑橘蜜露冰。如果鍾意冰凍感，蜜露冰好適合。

夢幻雪糕布朗尼士多啤梨蜜糖窩夫。這道甜點絕對是甜食愛好者的夢想。布朗尼外酥內軟，搭配濃郁的雪糕和新鮮的士多啤梨，再淋上蜜糖，每一口都令人陶醉。這道甜點絕對是我在這家餐廳的亮點之一。接著，我點了韓國螄蚶拌飯和無骨炸雞半份。韓國螄蚶拌飯的味道非常獨特，米飯與螄蚶、蔬菜和特製醬汁結合在一起，口感豐富，帶有微辣的風味。無骨炸雞則是酥脆多汁，搭配特製的醬汁更加美味。這兩道菜都展示了韓國料理的精髓，絕對值得一試。

又一城終於有新野食，仲要係幾出名嘅Terrace in Seaside，店舖嘅裝修好有心思，行小清新風格新淨光猛，令人好似去咗濟州咁。每個店員都戴上柑橘帽子，非常可愛，用餐環境幾舒適。又一城嘅韓式餐廳唔多，平時想去放鬆吓食餐飯，同朋友一聚，Terrace in Seaside都係唔錯嘅選擇。韓國螄蚶拌飯🇰🇷韓國螄蚶配泡菜炒飯，韓國螄蚶有啲似台灣嘅蚵仔，配上微辣嘅炒飯同埋紫蘇葉、海苔，店員教我用紫蘇葉包炒飯食，有海鮮嘅鮮甜，紫蘇葉配合泡菜嘅韓式風味，幾好食👍🏻水原式牛肋骨醬無骨炸雞🍗Terrence嘅炸雞好高水準，比一般嘅韓式炸雞店更好食👍🏻水原式係甜鹹醬，有黑糖香氣，炸雞外脆內多汁，配上水原式醬好惹味😋濟州柑橘乳酪🍊大大隻柑橘放喺杯上，係呢間餐廳嘅signature drink。乳酪嘅味道同柑橘果酸味配合非常開胃，有啖啖果肉，真材實料。抹茶柑橘蜜露冰🍵呢杯飲品嘅顏色好夢幻，飲落抹茶味不突出，柑橘沙冰同樣好新鮮，好解渴而且味道特別，值得一試🍹夢幻雪糕布朗尼🍫雲呢拿雪糕含有雲呢拿籽，配上Oreo餅乾及臨上Espresso漿，為布朗尼蛋糕添上層次感，三者配合無間，賣相一流📸士多啤梨蜜糖窩夫🍓

好開心！因為今日老公帶我去玩，之後就去咗一間有我最愛的窩夫食嘅食埋晚餐。呢間韓國餐廳都幾多分店，最近喺九龍塘又開咗呢間，一入嚟見到個行報紙feel嘅餐牌幾搞鬼，忍唔住打咗卡潻🤣食物質素算唔錯，集合多款人氣韓式食物同埋甜品，唔怪得人氣咁旺盛啦！-韓國螄蚶拌飯 👉🏻韓國嘅螄蚶勁出名，今次終於食到，果然口感非常彈牙，拌飯又辣辣地食落好惹味。-水原式牛肋骨醬無骨炸雞 🍗👉🏻炸雞食起嚟有牛肉味，感覺都幾特別，而且呢款炸雞唔使吐骨，自然更啖啖肉口感啦😍外脆內軟而且難得keep到軟滑Juicy喎👏-夢幻雪糕布朗尼 👉🏻布朗尼暖暖哋keep到濕潤口感，絕對值得一讚！每一口都可以充實地享受到澎湃而香濃嘅朱古力味，配搭甜忌廉同埋雪糕真係冇得輸！-士多啤梨蜜糖窩夫👉🏻見到這個大堆頭高塔窩夫真係忍唔住’woo’咗一聲，冇辦法，因為實在掩蓋唔到我興奮嘅心情😂😂除咗打卡非常靚之外，口感和味道都冇令我失望！非常軟綿綿香噴噴嘅窩夫，邊邊位有少少脆口，特別好味！點忌廉又得，點士多啤梨醬又得，就咁食都得，食完真係心滿意足！-濟州柑橘乳酪 👉🏻真係有個濟州柑🤣放咗喺度，個乳酪質地夠creamy，去搭柑橘好清爽好好味！-抹茶