Terrace in seaside (又一城)

营业中

休息中

同同事lunch去食嘢慶祝happy Friday之前試過幾次都擺好長龍，今次終於都食到啦嗰度啲侍應個個戴住吉仔帽，好cute 個環境都好靚，我哋仲坐咗最出嗰張枱仲有棵橙樹叫咗炸雞，意粉同埋夾餅本身見賣相咁靚，覺得食物味道可能一般點知味道都覺得好食，所以都好開心不過價錢係有少少貴

之前見到呢間餐廳好多好評, 難得同朋友食飯, 滿心期待一齊試吓, 不過味道強差人意山薊菜大蜆意粉呢個意粉彈牙, 不過啲蜆有沙, 同埋個汁試咗好耐都唔知係咩味, 似忌廉汁加豉油😅明太子醬蟹肉飯卷成個飯卷就係明太子醬味, 入面有蟹肉, 酸瓜, 青瓜, 雞蛋絲韓式燉牛肋骨配飯咁多樣入面最好食呢個, 啲肉夠腍, 不過味道偏鹹濟州柑橘乳酪酸酸甜甜, 有益力多味, 幾開胃餐廳裝修同服務都唔錯, 不過味道真係一般

熱燕麥奶咖啡 - $48燕麥奶都幾香咖啡味唔算好重天氣凍飲完都幾暖--凍柑橘湯力咖啡 - $48咖啡係偏酸嘅不過加返啲柑橘同Tonic可以中和返啲酸都幾好飲無骨炸雞半份 - $108我哋叫咗濟洲柑橘味炸雞食無骨炸雞真係好爽因為唔洗吐骨勁方便炸粉唔算厚雞都嫩滑Juicy柑橘味酸酸甜甜咁幾開胃薯條係幼薯條 Nice 牛油果鮮蝦窩夫 - $98啲蝦好大隻牛油果都好熟好淋但個窩夫有少少失望因為唔脆之餘仲要好似有啲濕濕地感覺唔太好食泡沫忌廉玫瑰醬烏冬 - $98個賣相同想像中岀入唔大但食落就好一般烏冬都幾煙靭但啲忌廉略嫌有啲太多蓋過咗玫瑰醬嘅味道同埋食完有啲飽😅

今日因為要去浸會醫院探朋友但決定喺又一城自己一個求其食入咗呢間韓式餐廳個四眼waiter木口木面一啲笑容都冇好似我爭佢好多錢咁咁我問佢係你哋幫我落單定掃QR code 佢好cool咁答咁你想要咩？我點咗個牛肋骨飯問佢有冇嘢飲一樣望都唔望我答: 睇後面(即係反轉張Menu睇後面)我點咗杯鮮奶latte佢一啲反應都冇呀乜都冇講收起本Menu就走咗唉😮‍💨 我入OpenRice睇到原來係打卡餐廳仲有好多好評可能我老啦 唔係後生女所以佢都唔使比咩服務我我一陣食埋嘢再寫食評希望好好食喇杯latte ok嘅 正常嘅個牛肋骨 汁好甜 肉好實 又硬一啲都唔好食我食咗一半就食唔落點解可以做得咁差？咁多好評？真係有啲莫名其妙可能餐廳裏面啲打卡位好靚不過我坐門口仲要遇到個冇表情冇禮貌嘅waiterps 其他waitress同waiter都好Nice

呢間餐廳好多分店，之前試過啟德店，今次試下又一城分店。唔知係轉左餐牌定唔同分店既關係，又一城呢間多好多野食揀😯😯先黎兩款小食，魚糕同酸蘿蔔。濟州柑橘乳酪$68，飲落好似益力多🤣醬燒牛肉飯卷$88，我自己好鐘意食韓式飯卷，材料豐富😃😃山薊菜大蜆意粉$92，其實唔知係咩醬，但覺得好好食😋推薦👍👍甜辣炸雞（無骨半份）$108，正正常常冇咩特別。麻糬奶油窩夫$98，個舊唔知係大福定咩，食落有d硬一d都唔軟熟，唔知本身係咪咁，我自己就唔鐘意🥺窩夫就有蛋香味又軟熟，加埋紅豆吉士醬食超正😍😍

第二次黎啦！價格合理，lunch set更抵👍🏻份量足夠，如果你叫千層麵，都夠填飽兩個女仔個胃噶😂lunch set 包飲品及甜品，100幾蚊係又一城黎講真係抵👍🏻繁忙時段人流頗多，要等位但唔係等好耐

叫咗巴馬火腿飯，味道ok豬手味道ok泡菜炒黑毛豬飯出事，豬肉韌過象膠，咬唔開趙唔碎，都算服務差到不得了，由帶位個哥哥，全程黑面，仲要同你講，限時九十分鐘，其實佢唔黑面，講呢句說話冇咁黑人憎，佢黑住面同你講，份外想同佢開年，叫嘢食揾人要叫幾次，掛住傾偈，再大聲叫唔該，想叫嘢食，先有人食完，因為黑毛豬好韌，諗住反影吓，佢居然講，下次唔好叫，我直接答佢，你咁答我，你真係掂晒，唔好怪人上晒大陸食嘢，好👍🏻嘢，冇下次

.‼️❤️ 記得CLICK我PROFILE關注我呀 ❤️‼️.🐻 ᑕᗩᖇE ᗷEᗩᖇS Iᑎ TEᖇᖇᗩᑕEᒪᗩᑎᗪ @ 🌟 Terrace in Seaside《👽食神大媽愛啤啤》.💁‍♀️ 圖片展示美食為：Keep Clams and Smile Bibimbap HKD 188Spread the love Gimbap HKD 98Rose Sauce Fried Boneless Chicken HKD 108Care Bears Cloud Iridescence Waffle HKD 118Care-a-lot Rainbow Playland Cake HKD 68Starbuddies Purple Sweet Potato & Pumpkin Smoothie HKD 52Jeju Tangerine Special Yoghurt HKD 68.👽 成日都會去嘅「Terrace in Seaside」有新搞作，一路去到2月14號為止，都會聯乘CARE BEARS推出期間限定嘅餐點，點可以唔嚟打卡？！.🐻 超可愛啤啤熊造型嘅「熊仔頭螄蚶拌飯，側邊有勁多螄蚶同大蝦，好彈牙鮮甜。

今日行過又一城，見到呢度都開咗近期興起嘅濟洲🍊 cafe，唔洗排隊就入去試下到底係咪”worth the hype”——🍊玫瑰醬大蝦扁意粉 $98醬汁偏稀似湯，玫瑰醬微辣正常，可惜無白汁忌廉味，芝士味亦好淡。意粉麵質正常但唔掛汁。大蝦得一隻，蝦球都無…大蝦唔新鮮同霉，蝦尾煮唔熟，秒速blacklist😓👎——🍊流心芝士吉列豬扒 $68係一口小食size，配酸甜吉列豬扒醬豬扒揼到紙咁薄，無肉味，完全靠個醬嘅小小酸味，芝士0拉絲，啲芝士流走晒真•流心😂——環境光猛闊落，店員每有人入店都會大叫韓文歡迎光臨，感覺似食日本野幾搞笑😂😂總結今次用餐體驗，一分錢一分貨，一次就夠，不會回頭👌🏻

襯住Halloween 🎃同班friend出嚟玩番晚，之後再過咗嚟又一城食飯。 今晚大家都想食下韓國嘢，見到間新開嘅餐廳，我哋揀咗坐門口位置，可以一邊食嘢，一邊睇住啲途人嘅Halloween 造型。餐廳職員個個都戴住頂橙色橘子帽好有趣，Reception 姐姐仲不時都會同路過嘅小朋友玩trick or treat，感覺好親切☺️。 首先職員送上餐前小食韓式魚片同埋酸蘿蔔。 韓國螄蚶拌飯餐牌整到好似報紙咁，頭版就係介紹韓國螄蚶拌飯，我哋就即管試下呢個啦，我都係第一次試螄蚶，食落味道有啲似蜆肉咁，有啲鮮味。成個飯都係橙紅色，有微微辛辣味，都幾開胃。除咗螄蚶，仲有幾隻蝦都幾爽口。呢個飯仲有另一個食法可以包紫菜食，又係另一種風味。 水原式牛肋骨醬無骨炸雞半份🐔食韓國菜叫炸雞是常識吧，我哋叫咗半份都幾大份，而且無骨啱晒懶人食用。炸雞炸得金黃香脆，粉漿唔算厚，雞肉亦好juicy。再加埋兩種醬汁（芝士乳酪同茄汁），味道更滋味。 夢幻雪糕布朗尼🍫賣相吸引，表面加咗Oreo、士多啤梨同埋食用花。朱古力味道香濃，唔會太甜，軟硬度適中，保持到布朗尼應有嘅硬度。切開布朗尼係雲呢拿雪糕同忌廉，再加埋咖啡醬汁，絕對

早兩日放工去又一城行街，行到咁上下醫肚諗住睇下食乜好之滯發覺Terrace in seaside開咗新分店，一於去試吓佢🤤🍴 韓國螄蚶拌飯🍚 $192叫咗menu封面主打招牌之一嘅螄蚶拌飯，螄蚶份量算多，再加上幾隻蝦🍤，拌飯配上韓式辣醬非常惹味😋🍴 水原式牛肋骨醬炸雞🐔(無骨/半份) $108炸雞選擇了無骨，咬落啖啖肉，而水原式牛肋骨醬食落甜甜地，味道不錯👍配菜還有薯條🍟炸到卜卜脆🍴 士多啤梨蜜糖窩夫🍓🧇 $122窩夫份量都唔算小，窩夫外脆內軟，配上生果士多啤梨🍓和藍莓🫐，還有忌廉和士多啤梨醬，每一啖都食得好滋味🍴 夢幻雪糕布朗尼🍨 $72布朗尼配上Oreo餅、忌廉和雲呢拿雪糕🍦，將跟隨嘅咖啡汁淋上布朗尼 ☕️更覺得別有一番風味🍹 抹茶好煩蜜露冰 $58柑橘汁打成沙冰🍧加上抹茶🍵，味道非常之夾，好清新🍹 濟州柑橘乳酪🍊 $68杯上有一大柑橘🍊，打卡埋相一流，乳酪亦非常醒胃

今日放工就去左九龍塘又一城行下，行左陣就去醫下肚仔啦😬就去左呢間之前係屯門店都幫襯過嘅「Terrace in seaside」韓國螄蚶拌飯 $192有又大粒又鮮甜嘅螄蚶 同埋 爽口彈牙嘅蝦拌飯，仲有少少辣辣地，非常之醒胃！真係好特別嘅拌飯😋無骨炸雞半份 🍗(水原式牛肋骨醬炸雞) $108無骨炸雞🍗個醬汁甜甜地，仲有炸到脆卜卜嘅薯條做配菜，真係岩哂一家大細食😋士多啤梨蜜糖窩夫🧇 $122窩夫熱辣辣，條邊脆卜卜，再加埋士多啤梨醬，食落又十分之開胃😬夢幻雪糕布朗尼 $72食埋呢個甜品就真係大滿足了😂用咖啡黎點布朗尼，食落又真係唔會太漏😋濟州柑橘乳酪 $68抹茶柑橘蜜露冰 $58

今日夜晚黎到又一城食飯，見呢間韓式餐廳裝修幾光猛，睇menu好似係食韓式西餐fusion菜，有海鮮燉飯、卡邦尼意粉、肉醬千層麵、炒蜆，亦都有韓國野，例如部隊鍋拉麵、年糕、泡菜、炸雞、芝士蛋餅等。呢間野用濟洲島柑橘做主題，Staff頂帽係橙色，裝修都行清新風格。飲品menu有柑橘乳酪 $68，晚市加配冇優惠，得午市先可以用$25加配，唔知有冇得揀。我叫左個牛肉奶油麵，奶油味都重嘅，但我唔expect佢有辣椒，早知一開始問清楚走左佢地。牛肉就真係佳寶質素🤢，8成肥膏，又韌，lur番晒出黎。$105加一比d咁嘅野我，得個sauce係OK。

Happy Sunday同媽咪一齊去又一城行街，遠遠就見到橘橙色嘅Terrace in Seaside勁可愛，原來係嚟自韓國過江龍嘅品牌！.➜招牌濟州柑橘乳酪 & 抹茶柑橘蜜露冰熱辣辣嘅天氣梗係一落單就嗌返杯透心涼嘅飲品嗌！媽咪超滿意呢杯抹茶柑橘蜜露冰，由新鮮嘅柑橘果汁配上抹茶，香濃嘅抹茶令沙冰冇咁甜，更易入口中；而用特調柑橘果蓉同希臘乳酪調配嘅招牌濟州柑橘乳酪，散發滿滿嘅柑橘清香，仲可以飲到果肉𠻹！勁解暑呀！.➜韓國螄蚶拌飯螄蚶鮮甜彈牙、啖啖鮮味嘅拌飯加入韓式辣醬，少少辣味更加開胃，店員仲介紹可以將拌飯夾喺紫菜同紫蘇葉中間，為拌飯增加一份青新嘅香氣。.➜水原式牛肋骨醬炸雞味道鹹香帶甜嘅水原式醬汁，滿滿嘅醬汁包裹熱辣辣嘅無骨炸雞，啖啖肉大滿足！.估唔到食咗兩個主食已經飽飽哋，但都忍唔住食埋甜品呀！.➜士多啤梨蜜糖窩夫一層又一層鬆軟嘅窩夫，加埋滿滿嘅士多啤梨果醬同鮮忌廉，唔止吸睛，仲好好味𠻹！.➜夢幻雪糕布朗尼香濃嘅雪糕Brownies結實嘅質感令口感更加有層次，仲可以淋上咖啡液，令每一啖都充滿咖啡香味。

之前食過Terrace in seaside嘅尖沙咀同德福分店，今次去咗以前返工附近新開嘅又一城新店，裝修一樣係橙色為主，配合韓國清新風格，呢日閒日放工時工都full house真厲害🇰🇷韓國螄蚶拌飯佢嘅拌飯係薄薄一層，但兩個人好夠食，仲食唔晒㖭，有幾粒蝦夠爽口，螄蚶好多口感似蜆肉，可配芝麻葉、紫菜一同食用🐥水原式牛肋骨醬無骨炸雞炸雞皮好脆，入面都算軟滑，牛肋骨醬好襯炸雞，微鹹微甜咁，好開胃惹味，另名仲有炸薯條，配醬汁一流🍫夢幻雪糕布朗尼呢款好食，brownie口感實淨，濃濃朱古力味，有埋曲奇雪糕一齊食仲正🍓士多啤梨蜜糖窩夫有四件waffle，好多cream同士多啤梨醬，士多啤梨醬微酸不太甜，都幾配合個waffle🍊濟州柑橘乳酪次次都必飲嘅招牌飲品，成個橙係杯上面，夠晒打卡able，飲落都好清新，有橙味、乳酪味唔重啱晒我🍵抹茶柑橘蜜露冰主要都係柑橘味，抹茶唔濃，不過清淡啲🚩Terrace in seaside (又一城) (九龍塘) @terrace.in.seaside.hk 📍九龍塘達之路80號又一城LG2樓LG2-26號舖