Tatataco (已結業)

就係比呢幾支咁有型嘅醬汁吸引咗我嘅視線於是就幫襯左呢間小食店，因為有啲肚餓，所以無揀嗰啲墨西哥taco小食，反而就叫咗個牛肉wrap卷。門口有張高枱可以立食，個wrap卷包得都幾有誠意，唔係求其搵錫紙包埋就算，仲有佢哋舖頭logo嘅貼紙貼住。搣開塊包裝紙就見到個牛肉wrap卷嘅真身。等我咬一啖俾大家睇吓入面嘅情況啦，其實個wrap卷都幾飽滿，塞滿咗材料，入面有啲豆同埋蔬菜，好有墨西哥風味，佢嘅醬汁都幾好味。

太子近界限街長沙灣道彌敦道交界位置開咗一間新野，主打Taco(其實佢個名已經話咗比大家知)，今天我身先士卒試佢一試。我叫咗一份風味牛肉芝士玉米脆片，$38又幾抵，份量都大而且好足料，牛肉加芝士加紅椒粒青椒粒番茄等等，D食材好新鮮。開頭以為呢個係Nachos，其實原來佢都係Taco。Taco比Nachos厚身D，雖然無Nachos咁薄咁脆，不過就承托力好D，兜住D牛肉同芝士就可以裝多D，食落去更滿足。質素唔錯，希望呢間新店可以keep到個水準。