影片
就系比呢几支咁有型嘅酱汁吸引咗我嘅视线于是就帮衬左呢间小食店，因为有啲肚饿，所以无拣𠮶啲墨西哥taco小食，反而就叫咗个牛肉wrap卷。门口有张高枱可以立食，个wrap卷包得都几有诚意，唔系求其揾锡纸包埋就算，仲有佢哋舖头logo嘅贴纸贴住。搣开块包装纸就见到个牛肉wrap卷嘅真身。等我咬一啖俾大家睇吓入面嘅情况啦，其实个wrap卷都几饱满，塞满咗材料，入面有啲豆同埋蔬菜，好有墨西哥风味，佢嘅酱汁都几好味。
继续阅读
太子近界限街长沙湾道弥敦道交界位置开咗一间新野，主打Taco(其实佢个名已经话咗比大家知)，今天我身先士卒试佢一试。我叫咗一份风味牛肉芝士玉米脆片，$38又几抵，份量都大而且好足料，牛肉加芝士加红椒粒青椒粒番茄等等，D食材好新鲜。开头以为呢个系Nachos，其实原来佢都系Taco。Taco比Nachos厚身D，虽然无Nachos咁薄咁脆，不过就承托力好D，兜住D牛肉同芝士就可以装多D，食落去更满足。质素唔错，希望呢间新店可以keep到个水准。
继续阅读