TAP - The Ale Project

营业中

休息中

今日想飲啤酒，支持下本地手工啤，見到同young master 合作，好有特色。一入到去有好多外國人同熟客仔喺度傾偈，有好多唔同品牌嘅啤酒寫晒喺牌上面，除咗少爺啤，仲有好多外國品牌，我哋可以慢慢揀。staff 超細心咁同我哋介紹，仲問我哋本身鍾意啲咩口味，幫我哋推薦一啲適合我哋飲嘅🥰今次揀左一個4號，一個19號。4號係黑啤黎，麥味好濃郁但係好易入口✌🏻完全冇苦澀味,女仔都會愛上！19號係cider , 開頭第一啖小小酸，飲落好fresh 又醒神，aftertaste 好強，放耐左，反而個味更加好，純左好多。送酒梗係要揀一啲香口嘅野食，所以叫咗卡津煎蝦，個source帶好輕微嘅辣，蝦肉好爽口，但係唔會有過分油膩嘅感覺👍🏻送酒一流🤘🏻當然唔少得我最愛嘅鹹蛋黃薯條，呢間係我食過最多鹹蛋黃嘅，好足料😎見佢出咗新嘢，即管試吓—黑布茄牛意，牛味超濃郁，口味偏甜，煮意粉嘅時間掌握得好好，口感啱啱好，牛肉多到食唔曬😆跟住仲叫多左個吐司雞，成個配搭好新穎，個介央牛油好似吉士醬嘅味道，再加上蜜糖，連埋啲雞一齊食啱啱好中和左雞嘅油膩，同埋為麵包加上一啲點綴。不得不讚炸雞，皮唔會太厚，肉質好嫩好juicy ☺️

旺角黑布街呢間TAP 好多人推介，佢主打係買本地啤酒同進口啤酒，淨係啤酒嘅款式已經高達十幾種，而且佢定期就會換啤酒款式，只要賣完就未必會再進同一款貨，所以如果有興趣又想試佢某啲款式既話一定要趁早。佢地理位置都算方便，好近旺角地鐵站。裝修係行歐美酒吧風格，最特別係佢會將酒名全包寫係點上面嘅黑板度，方便客人知道有邊啲酒選擇。我地叫左兩款小食分別喺黃金薯條同卡津煎蝦，黃金薯條其實喺鹹蛋醬製成嘅薯條，入口香脆之餘仲帶住濃濃嘅鹹蛋黃沙醬味，而且份量超大份，絕對夠兩三個人食。而卡津煎蝦喺用本地買嘅醬料煎成，十分惹味而且蝦肉十分彈牙又好新鮮。吐司雞哩嗰主食絕對推介，佢係一塊厚嘅咖央多士配楓糖漿，再配一大塊炸雞扒，雞扒炸得超鬆脆，咬落去肉汁好juicy, 雞肉十分嫩滑， 100蚊都唔駛嘅價錢咁大份，真係好抵食。脆邊漢堡，佢嘅漢堡牛肉好juicy而且好厚身, 漢堡邊亦都烤到脆卜卜，同配菜配合得好好。飲品我地叫咗一個荔枝玫瑰紅茶菌，佢帶0.5%嘅酒精因為發酵過, 飲落好似荔枝玫瑰梳打。啤酒方面我地揀左皮爾森，佢係一款麥味好重嘅進口啤，如果唔鍾意甜味重嘅啤酒哩個係一個好好嘅選擇。

推介俾大家喺市區可以飲下野吹下水既好地方呢到好多本地啤 仲有唔同款既酒鍾意飲野既人可以黎旺角坐下鍾意呢到啲店員好熟啲酒款 可以按你飲開既口味推介 睇得出佢地好了解自己賣既酒👍🏻我地想試一款偏苦一款偏甜名唔記得了😂 總共order左3杯店員推介得好好 有先甜後甘既/有先甘後甜既都好符合我地既口味呢到叫Tap 佢裝修都幾得意 佢地裝啲酒好似係tap流出黎咁😂不過今次無食野 純粹飲野吹水好耐無機會飲野喇 有放鬆左好多既感覺❤️仲見到有boardgame大家約下朋友見面啦😉😉😉📍TAP - The Ale Project (旺角)旺角黑布街19號地舖

朋友話之前食過呢間餐廳覺得好好食，啤酒又好飲，就帶埋我過黎食晚餐😂咁岩果日撞正佢地早收收8點，好彩我地6點鬆小小就到。原來呢間係少爺啤酒廠旗下既餐廳，少爺啤酒廠都係好出名既本地啤酒品牌，而且好受後生仔歡迎👍🏻估唔到除左啤酒正，食物都好有質素😆黃金薯條 ($88)薯條炸得超脆，熱辣辣係即炸既！薯仔味都好出，個鹹蛋黃粉都調得好香好入味🤤份量好多，3-4個人食都得炸卡津雞翼配腐乳醬 ($78)雞翼超級超級好食！炸得勁脆，肉汁亦鎖得住，肉質又夠滑。🤩調味都好好，另外個腐乳醬都好夾👏🏻脆邊漢堡 ($108)呢個漢堡賣$108完全唔過份，佢個賣相望落普普通通，但食落係超級驚喜！😍肉厚實味濃，包夠脆，所有野夾埋一齊就係有種不能形容既“正”！吐司雞 (全份 $92)吐司雞個賣相好靚，食落都唔錯！佢有厚切多士，介央牛油，香脆炸雞，大麥麥芽糖漿。厚切多士好夠厚，但可以再脆小小，不過夾埋介央牛油超好食😝炸雞好脆夠juicy，配上大麥麥芽糖漿係幾特別😂Little Rich Lupulins v12 (L $95)店員問我地鍾意咩口味既啤酒，我話要甜既，佢就推介左呢杯！我係超級suprise!!!因為完完全全

呢間bar under少爺啤公司嘅一間bar主打手工啤 除咗少爺啤之外 都有其他本土手工啤 同台灣等等嘅進口啤 另外仲有啲ale揀 選擇好多 但一場嚟到 梗係飲手工啤啦個人比較鐘意飲酸啤 好采店員對佢地提供嘅啤酒有好深嘅了解 如果唔係咁多選擇 真係有排揀經過佢地一番介紹 揀咗2隻📍02號 nightingale’s blue 夜鶯與玫瑰 個顏色好符合佢個名😂酸度好夠 唔會太苦 飲落after-taste真係有車厘子味好refreshing 📍03 Red hare-strawberry 赤兔馬呢個好特別 佢味道好有層次 一開頭係少少朱古力同咖啡味比較強烈 跟住之後有啲士多啤梨味嘅酸甜 酸味冇02咁重📍Cajun雞翼 配腐乳醬雞翼都醃得好香口 而個醬絕對係highlighted 少少似mayonnaise 加腐乳味咁😂好中西合壁📍蔥油漬蠔個蠔煎得好香蔥油味又唔會鞋而且大大舊啖啖肉小食之外 都嗌咗佢地主打嘅fusion包📍椰撚吐司雞煎香咗嘅西多 配埋椰子雪糕同秘製椰子花生黑啤糖漿 ontop仲有炸得好香脆嘅炸雞甜咸嘅配搭 賣相又好打卡 難怪係人氣menu!📍Poboy個名好fun其實係法

男友捉我黎happy hour，話同我長時間工作後要放鬆下！佢特別揀左呢間小店，除左佢好出名之外，佢亦話今晚想飲新鮮手工/精釀手工啤，所以都係不二之選！🍻 啤酒我就揀左由少爺啤釀制嘅「夜鶯與玫瑰」，係發酵酸啤黎，酸酸甜甜，但又有好重嘅果香同麥味～其實我都留意左呢款啤酒好耐，今次終於可以試！🍻 男友就揀左由德國入口嘅tap!「我想與你共渡時光」係放入玫瑰同紅菜頭嘅釀酒款，個果香好出，但係無上面果隻咁酸～酸啤唔係度度有，真係好特別！💕蔥油漬蠔店員重點推介，係有黑啤汁，好重蠔味嘅煮蠔！黑啤唔會蓋過蠔味，以佐酒菜黎講係超正！同埋非常開胃～💕三重芝感係由酸種方包，加車打芝士、瑞士芝士、水牛芝士加上包蕃茄同埋焦糖洋蔥，好多重口感！個焦糖洋蔥亦都叫咗成個味出嚟，令到個麵包唔會太寡～我自己亦幾中意個芝士口感，流心拉絲，中意芝士的朋友唔好錯過！💕脆邊漢堡芝麻漢堡，兩層漢堡扒加芝士，係好經典嘅漢堡組成🫶🏻一啖過好貪心～仲有酸瓜、雙層車打芝士、蕃茄！我好中意佢嘅黑椒蛋黃醬，好惹味！漢堡係佢地嘅主打，我亦都覺得同啤酒夾啲，但下次好想試下佢地新推出嘅意粉，感覺都好正！💕薯條店員都有特別推介個薯條，話係鎮店配啤酒

昨晚Happy Friday來到旺角黑布街，飲酒聊聊天！店員勁細心，講解每種少爺酒的特式，究竟喜歡果香味還是甜味，容易選了自己想飲的酒，食物又大份，未食之前先玩酒吧的遊戲，之後食到飽飽so happy！人均：$315.15.炸茜漢堡芝麻漢堡包加上本地屠宰免治牛，車打芝士及大量炸芫荽、蒜蓉沙茶蛋黃醬，視覺上好震撼，芫荽炸得香脆，牛肉大件又juicy，配搭好食！.吐司雞叫了全份，吐司上有咖央，麵包有彈性，質感厚實得來又軟熟，加上熱辣辣香脆炸雞的絕配，食完飲啖啤酒無得彈。.黃金薯條滿滿黃金鹹蛋黃醬夾薯條無得輸，送酒不得不叫。.酥炸魷魚圈十多件份量頗多，酥脆外層，肉質彈牙，正常發揮。.少爺酒花街5號啤酒 香港本地自家製啤酒，果味濃郁，慢慢有點花香，然後回甘。.桂花烏龍茶菌超容易入口，酒精濃度不高，女孩子應該很喜歡。.@thealeproject

本身想食隔離間cafe 但佢限時60分鐘所以我地就轉左黎呢間 見冇乜人食 可以坐耐啲睇旅行嘅野😆😆✨Smash Burger $108淨係得一個漢堡🤔 又唔算太大個 佢中文叫脆邊不過個包都冇脆🤔🤔 不過幾有肉汁 有啲牛味嘅👍✨Po Boy (L) $95呢個係一個熱狗咁 上面就有啲炸蝦 同埋有啲辣椒咁 蝦炸得幾脆嘅 不過就唔算好新鮮啦 唔係幾爽彈✨Oil Marinated Oysters $64呢個最好食 蠔味香 配埋啲薑同蔥好夾 送酒都好啱👍🍺Citrine & Embarrassador Pint $81聞落有淡淡嘅柚子香味 飲落偏酸🍺Contemporary Pilsner Pint $76冇乜特別 普通一杯啤酒總括黎講味道正常 勝在冇乜人可以坐好耐🤣 我地坐左大約兩個半鐘味道❤️❤️❤️💔抵食❤️❤️❤️服務❤️❤️❤️💔環境❤️❤️❤️💔

The Mills間TAP @thealeproject 19/8結業啦( ;ᯅ; )不過都仲有旺角店啊佢係少爺啤 @youngmasterales 旗下既bar 專門飲手工啤仲有好多新奇既fusion下酒菜～啤酒選擇非常之多 menu有好幾頁咁我地當然會首選揀番少爺啤既手工啤啦我同男朋友各自都揀到自己岩既口味但實際叫左咩啤酒真係唔記得啦sorry(˙𐃷˙)因為呢一次去都4個月前未開呢個ig食物menu方面其實都花多眼亂好多都fusion到好得意咁令人好想試(´∇｀)我地最後叫左麻婆玉米片 吐司雞 炸茜漢堡麻婆玉米片原來係用左珍珍既青花椒味薯片取代nacho真心surprise左( ͡° ͜ʖ ͡°)上面既麻婆醬同佢係幾夾既有辣勁又麻麻地咁 超級送酒但部分薯片會浸淋左…吐司雞就係炸雞窩夫既變奏吧用左sourdough french toast去配炸雞配埋kaya butter同大麥麥芽糖漿味道就正正常常無太大驚喜炸茜漢堡就加左一大堆炸芫茜既漢堡吃茜的人表示真心幾好食(ˊo̶̶̷ᴗo̶̶̷`)漢堡扒手打既 用左本土屠宰牛肉夠julcy夠香.ᐟ‪‪‬除此之外 佢有趣既元素仲包括左炸牛胸口膀同蒜蓉沙茶蛋黃醬我

The Ale Project ，我地通常稱佢為「旺角TAP」，可以話係好多本地啤酒頭嘅「入坑」之地，多年嚟都係鍾意飲手工啤酒嘅朋友經常會去嘅地方， 但佢除左手工啤出色，食物質素都非常OK先嚟返杯啤先，今次揀左嚟自紐西蘭 Behemoth 酒廠嘅 Juice Springsteen NEIPA，呢杯可能係我飲過佢地嘅酒入面 我最鍾意，超 hoppy ，果然要抽 The Boss 嘅水都要整返啲 Bossy 啲嘅酒。小食就揀左炸粟米， 佢加左少少 Cajun 令佢更加惹味～ 唯獨係用叉其實有啲難拮， 最後都係用手算近年嚟親我都一定會食佢地嘅smash burger ， 兩層芝士加兩層牛肉， 熟度做得好好， 個包都好挺身， 唔會腍晒， 雖然係一樣相對地簡單嘅野， 但係真係令人一再回味～ 另外再叫多左個 南部辣雞 Nashville Hot Chicken， 上到枱正式係睇佢隻色就知佢咩料啦，如果食得辣嘅朋友要試下， 佢都幾辣， 炸雞都keep到好脆，爽呀～ 佢嘅餐牌久唔久都會轉下， 期待佢下次又有啲咩新嘅野食～

依間酒吧餐廳係一個香港本地手工啤品牌“少爺啤”嘅餐廳嚟嘅。依到有好多款啤酒，除咗“少爺啤”自己品牌嘅手工啤外，佢地重有其他香港本土啤酒㗎🤤依到除咗啤酒外，重有好多伴酒小食同埋主食揀㗎，吐司雞就係佢地其中一個主食喇，顧名思義就係吐司同雞扒喇👍🏻。佢塊雞扒真係好！大！塊！🤣 佢塊吐司就唔算大嘅，但係佢配上嗰蔗糖漿就真係好特別🤤估唔到都幾夾🤤。另外有個蔥油漬蠔又係好食嘅，特別嘅口感，多咗份蔥油香味，每次嚟都要同朋友食兩份！🤤

旺角搬左鋪之後都無黎食過，見到今次menu都轉左，今次無book位直接walkin，等左10分鐘就入左去。我地試左新野臘肉芝士通粉，蔥油漬蠔，蝦堡（唔記得個名）。先講mac n cheese，我覺得有少少失望。通粉嘅芝士好淡，好似茶餐廳芝士撈丁嘅味，臘肉數量唔多，不過送酒都ok嘅。蠔就有四舊。我覺得黎個係好食嘅，d炸過嘅蔥蒜配用黑啤汁煮過嘅蠔好好食，有微微啤酒嘅味道，作為前菜好開胃，少少鹹，食一舊飲一大淡啤酒就啱曬。但係我私心覺得份量4粒唔算好多，dap真d味道都幾似蠔豉！第三樣嘢係蝦堡。我覺得係好食嘅，包皮有輕微烘過，包亦有搽左千島醬，漢堡嘅餡料有菜，一塊蝦餅同菜絲。我覺得以口感黎講相當唔錯，蝦餅唔算好厚，但口感唔錯，蝦餅由蝦粒同蝦膠打成，彈牙，亦好有蝦味。但係食完都唔係好飽，所以我地都叫左半份吐司雞。吐司雞之前黎已經試過，但係依家依然keep到水準，咖央牛油好邪惡但係好香，配多士食真係一流，多士可以吸收曬牛油個香味，真係要食！半份吐司雞雞嘅size都好多，雞唔會有好油，雖然炸漿有d厚，但係唔係平時嘅吉列麵包糠，雞肉外脆內嫩，配埋甜甜地嘅糖漿一流，黎taps真係一定要食！另外都叫左兩

Triple Happiness (grilled cheese/onion sandwich) (全份 $98)Toasted Gai 吐司雞 (半份$54)Young Master 400mL ($71) 以我嘅食量係$138.Great place for beer - so many different choices and delicious sandwiches! 個吐司係french toast型式，但唔係港式個種。炸雞即炸嘅，grilled cheese即grill, 真係好入味好好食！Lunch唔多人，去到2:30pm先開始多人，可能比較少人lunch想食sandwich飲啤酒，所以享受咗個靜靜的lunch!

𝙏𝘼𝙋 曾經結業再係2個月內係黑布街重生🙈又多返一個飲酒既地方店內既設計同之前分別唔大不過普通枱既距離比較近. 有少少坐得唔舒服所以有得揀我都會要高枱🍺~ Cₒcₒₙᵤₜ ₚₐₙdₐₙ ₚₐₗₑ ₐₗₑ ~一場嚟到一定要試下本地釀製既啤酒每一款都好特別. 令人選擇困難呀🤦🏼‍♀️最後叫左1號. 因為我好鍾意斑斕葉既味道呢杯有淡淡既椰子同斑斕葉既味道好清香好啱女仔飲🧀~ ᴸᵃᵖ ʸᵘᵏ ᴹᵃᶜ & ᶜʰᵉᵉˢᵉ ~臘肉加芝士真係好新穎芝士味道好香但唔算好濃味加埋咸咸地既臘肉啱啱好通粉軟硬適中細細兜唔會太膩🍞~ ₜₒₐₛₜₑd Gₐᵢ ~炸雞加吐司呢個組合令我好驚喜法式吐司配甜甜既介央牛油真係好好食🤤炸雞外脆內嫩. 而且本身有調味可以點啲麥芽糖漿. 咸咸甜甜咁好有趣星期五六日假期建議訂位. 因為真係好多人🥲

今次介紹呢間之前都有去過 啤酒🍺有超多款式選擇 而且食物都幾高質😋 今次去見到有期間限定同甄沾記合作 啤酒同食物都加左椰子🥥🤩~~🍞椰撚吐司雞 $92份量都幾大 有一大件炸雞同埋兩件吐司🤩吐司🍞同平時食嗰啲唔同 呢度係用咗sourdough 食落質感比較厚實 食晒兩件好飽🙈🐔炸雞外皮好香脆☺️ 中間肉質好嫩🤤 而且雞肉本身有調味👍🏻另外仲有一球甄沾記椰子雪糕🍦 椰子味超級香🤤 連埋吐司一齊食😋.🍺Coconut Pandan Pale Ale $49🍻Coconut Peanut Stout $49食嘢梗係要配啤酒啦🥳 呢兩款少爺啤都好特別 我個人就鍾意Peanut Stout 飲落去有淡淡的咖啡同可可味☕️ 味道比較濃🥰~~評分📈味道 7.5/10環境 7.5/10性價比 7.5/10