Tai O Lookout

营业中

休息中

今日入咗好多年都無去過既大澳，由於閒日關係，整體人流唔算多。落車都差唔多12 點，同朋友決定先去食野醫肚，我哋揀咗由大澳警署改建而成既酒店餐廳食野，成間餐廳用玻璃建成，採光度十足，好彩我哋尚算早到，唔使等位可以直接入座。來到大澳，梗係要叫啲地道野食啦，餐廳亦非常明白呢點，所以都準備咗一系列有大澳風味既食物比大家揀我同朋友分別叫咗大澳蝦醬豬扒包配薯條同炸魚薯條伴大澳蝦醬他他汁，先講個炸魚薯條，脆皮未至於好鬆化，他他汁亦未能食出蝦醬鮮味，評價一般；至於個豬扒包就確實有啲驚喜，肉質有彈性仲食到蝦醬既咸香味，廚師推介果然係唔同！另外只需加$70 就可以配埋餐湯、飲品同甜品，價錢方面都非常合理，輕輕鬆鬆响大澳又過咗愉快既一天🤗

第一次黎呢度，打卡真係一流！環境正，食物okay。今次單人行，叫左一份小食，大澳咸蛋黃醬 魷魚，加 Coffee。堅好食！Coffee 仲有片餅，配黑啡，超讚！It's nice to enjoy a moment of loneliness in such a great environment. 貴少少都值！

每次到入嚟 #大澳，#小秘書 除咗會周圍 #影相、食吓啲 #地度小食，#大魚蛋、#豆腐花... 仲有就係要去埋 Tai O Heritage Hotel 大澳文物酒店 裡面嘅餐廳「Tai O Lookout」食我最愛嘅 #大澳蝦醬雞翼🤤 其實係為咗 #大澳名物 #蝦醬 而嚟🤪聽講 #酒店 用嘅 #蝦醬 係由 #勝利香蝦廠 供應嘅，加上 #酒店廚師 應該加咗啲特別嘅 #調味料落去，#味道 #特別香、#口感 好幼滑🤤 三兩隻嘅 #雞翼 又邊夠我哋 #攝牙罅 呢？所以我哋再加咗份 #公司三文治、#蝦醬豬扒包 #開心share，味道都唔錯喎🤤 配埋杯 #蜜糖檸檬特飲🍋 ... perfect🥳

連續上回大澳一日遊, 我和朋友乘搭小船出海看看有沒有運氣看到中華白海豚, 雖然看不到可愛的海洋生物, 但卻意外發現一間美麗文物酒店! 酒店外觀以純白設計為主, 繼承英式建築風格, 酒店旁邊的玻璃屋正是Tai O Lookout餐廳! 又有生活上的小確行, 再次被安排靠窗位置讓我們一邊享用美食, 一邊欣賞海景! 食物方面我們點了最具大澳特色的蝦多士沾蝦醬以及鹹魚肉餅飯! 由於大澳盛產蝦醬以及鹹魚等風乾食物所以味道非常不錯! 如果10分滿分的我會給予7分! 值得推薦!

同朋友遊覽完大澳之後，夜晚嚟到呢間餐廳食飯，呢度嘅環境幽雅，入夜之後人流少，幾有氣氛。食物質素唔錯，份量可能對於男士來講偏細。卡位有啲迫，成日俾後面嗰台嘅人撞到。

秋高氣爽，正是去郊外的好時光，趁週末，乘渡輪到香港最大的離島大嶼山，然後乘巴士到水都，大澳。大澳給人最深的印象，往往就是它的棚屋，今次，專誠去試一試它唯一的酒店，大澳文物酒店，一踏進餐廳，就是一個開揚的玻璃屋，陽光射進屋裡，令人振奮，裝修典雅，充滿歐陸風味，立刻坐下嘆一下它的下午茶。以百多元的價錢，就可以享受到一個酒店的下午茶，真令人心曠神怡。雙人的下午茶中，先嘗嘗它獨有的鹹魚煎肉餅漢堡，真是充滿了大澳的特色，香香的鹹魚配上煎肉餅，再配上熱騰騰的漢堡飽上碟，真是甘香無比；再嘗嘗它的炸蝦條，蝦肉爽滑鮮甜，炸粉配合剛剛好；還有值得一提的是，他們的西式油炸鬼，配上朱古力醬，又是別有一番風味；最後，還要特別一提它的特飲，紅樹林特飲，酸酸甜甜的，特別令人開胃。懶洋洋的又過了一個愉快的周末！

餐廳管理不善，完全不作人流管理，顧客隨便等一個半小時或以上！！！進餐又不限時，亦不分進餐時段排隊！！！浪費客人時間！！！午餐變下午茶！！！完全不顧顧客感受！！！建議大家不要光顧，除非你入大澳打算只逗留在一個地方超過3-4小時（等位1-2個鐘，吃1個多小時），然後回程，不計劃去大澳其他特色地方或景點參觀！！！這樣的話，食物如何再好吃也沒有用！！！也不明白Open Rice為何必須填寫200文字才能評分！！？？寫多少字與評分有何關係？？？強烈建議修改此要求！！希望此段文字能讓大家了解情況，不要浪費入大澳遊玩的時間！！！

知道大澳開咗間酒店好耐！今日終於去到啦一場去到當然食埋茶餐啦！去到門口已經有好幾人等緊位閒日嘅下午三點竟然要等位可能限聚令關係所以坐位都減少咗好可惜最靚嘅海景窗口位只得兩張相人枱心想都唔會等太耐！咪要求等窗口位囉！點知等咗45分鐘都未走唯有改坐卡位建議窗口位有時間限制會比較好

在大澳行了一日，其實得果兩條街，最後決定去文物酒店晚餐，貪佢環境好，玻璃屋，又有啲古舊氣氛。由大澳街市慢慢行入去，今日天氣唔算好，有雲，睇唔到日落，中途又買下野，行了廿多分鐘。行到去，原本仲膽心要上樓梯，點知有架斜坡上的升降機上到酒店平台就要再上一層樓梯，入到去氣氛清幽，得一枱客，我地第二枱，當時到成7點了。不過之後陸續坐滿了，大家都比較晚食飯食品方面唔算多，不過大部分都加入了當地特色，蝦膏蝦醬，紫貝天葵等。價錢方面，以離島大澳嚟講，仲要酒店，絕對算平，基本小食嚟講一百上下一份，主菜由一百到三百不等，有個晚餐四百左右，由沙律到甜品齊哂，算抵食。不過我地貪多元化，散叫。蝦多士，蝦醬燒雞翼，88蚊，抵炸魚薯條配蝦醬他他汁，一品炒飯咸魚肉餅飯肉醬意粉，小朋友食得開心芝士餅，面有焦糖，底下有紫貝天葵醬汁講真食物就只能叫一般，可以接受，環境搭救。蝦膏，蝦醬，紫貝天葵等味道唔夠搶，可再重手少少，反正要顯出重點要行分鐘才到，一次過試哂有大澳特色的食品，唔使下次再去

搭車黎到大澳都要行一段路先到呢間餐廳。可惜佢冇得預約座位，閒日黎諗住可以唔洗點等，但疫症關係，餐廳冇開哂所有枱，黎到餐廳前面仲有幾對人響前面排隊，大概等左二十分鐘就入得。響呢個環境食下午茶，等一陣都值得既。等緊既期間，門口旁邊會有D大澳特色lego擺設，都幾有趣。坐唔坐到窗口位真係好睇彩數，個個位私穩度十足，加埋特大海景，有度假既感覺，真係好正。最後坐左餐廳中間位置，影相可以影璃屋個尖端架構做背景，效果都唔錯。如果係週未時間，會有兩人套餐，低d既價錢可以食到幾樣野，仲要有甜品，算幾抵食。今次閒日黎唯有散叫。對呢到既飲品其實有點兒失望。一上枱，呢兩杯紅樹林特飲同埋紅莓荔枝梳打都好靚，飲落就冇咩特別，都係酸酸地咁。就係紫貝天葵味道同埋紅莓味道，可能期望太高，但飲落冇咩驚喜。由於食既野都偏脆口既煎炸類，點都會叫番杯野飲既。最鍾意係蝦醬多士，蝦多士好脆口，入面都有好多肉，一d都唔粉，配合埋特製蝦醬，兩樣野非常之夾，雖然濃味，但都食唔停口。不過蝦醬隻味其實會蓋過左個多士味，所以建議切一小心多士，再塗薄薄一層蝦醬響個肉到，咁就perfect池啦。切開可以見到d肉幾多。好後悔叫左兩款都係蝦醬既菜式。

大澳原來有間文物酒店，是古蹟活化改建而成的，環境清幽，富歐陸色彩。裏面有一間玻璃屋餐廳，內裏裝修復古典雅，日光的折射映出夢幻的環境，少女心又爆發。如果有幸坐窗邊位置更可以飽覽海景呢！食物方面，除了有一般西餐，還有一些加入大澳地道原素的美食。我們難得來到大澳，當然要嚐大澳的特產蝦醬啦😋大澳蝦醬豬扒包配薯條麵包鬆軟有牛油香，豬扒份量足，有兩大件豬扒疊在一起。我這蝦醬控實在太愛蝦醬的咸香鮮味，把配送的特別調製的蝦醬汁塗上豬扒，惹味甘香，不會太咸，加上爽口生菜和新鮮蕃茄，中和油膩感。另外，薯條是超闊粗條，外脆內軟，口感十足。我們都捨棄了傳統的茄醬，沾上蝦醬，原來好夾薯條，好好味。大澳一品炒香苗我本來就鍾意食炒飯，還要加入蝦醬，上枱那香氣實在令人流口水。由於我大愛蝦醬又愛重口味，覺得還可以再加多些蝦醬🙈但其實這炒飯已經炒得好味又香口，材料有兩隻大蝦、爽嫩雞粒、甘香蝦乾粒、爽脆菜粒和金黃雞蛋，好豐富。

大澳雖然不大，但可以逛和吃的地方真不少。如果想要拍照效果漂亮又坐得舒適，可以一試Tai O Lookout。餐廳位於石仔埗街大澳文物酒店內，落地玻璃和原木設計非常有質感，近窗位置（以二人座位為主，如果是多人的只能坐餐廳中間的卡位）也可以一覧大澳漁村美景。我去的時候是下午茶時段，餐牌周末和平日有所不同，有興趣可以上網看一下。當天因為午餐吃太飽而且我只是走得累想找個舒服的地方坐，只單點一客小食和飲品，瘋狂拍照（一分鐘）和呆坐放空。Lemon special with Tai O honey 大澳蜜糖檸檬特飲酸酸甜甜，在大熱天喝一杯消暑正好Deep fried squid rings with salted egg yolk paste 大澳黃金炸魷魚圈賣相和味道都有驚喜，魷魚圈本來就脆脆的很新鮮，粉漿外皮不算厚也炸得酥脆，咸蛋黃漿整個包裹住魷魚圈，咸咸香香味道討好又惹味，應該點來配啤酒的。小碗配了幾片青瓜可以解油膩感。份量適合2~3人使用。

以下是$200午餐的食評1. 餐前麵包又凍又硬，仲衰過飛機麵包2. 蘑菇湯淡而無味，比室溫暖少少3. 大蝦意粉咸到痴線，剩係得綠色卡夫芝士味，我煮都好味過佢4.咖喱牛腩飯啲飯係隔夜飯，又硬又濕，衰過canteen4. 嘢食難食都算，諗住食下個景，點知全間餐廳得兩張枱睇到海景，啲櫈仲要硬到好唔舒服，食唔安坐唔落打卡都OK，但千其不要對食物有期望

好多年無嚟大澳，阿叔👨🏾對呢度已經無咩印象，腦海入邊只記得炭爐雞蛋仔、藍色橋、蝦醬。今次趁著休息，就同朋友再嚟慢活一吓！😌.嚟之前當然OpenRice一吓有咩正嘢食，今次搵咗呢間玻璃屋餐廳🏠，外型好似溫室嘅佢位於由舊大澳警署改建而成嘅大澳文物酒店一樓。網上💻搵資料，餐廳之所以叫Lookout，原來因為佢嘅前身實為舊時水警👮🏻‍♂️監視海盜之用，宜家佢嘅側邊仍然保留咗原有嘅天台看守塔，好有特色！餐廳入邊以玻璃室設計，裝修好有殖民地風彩。環境非常舒適，如果坐近窗邊，仲可以睇到無敵大海景🌊添！.今次難得嚟到，當然要試吓富有大澳色彩嘅嘢食啦！😝叫咗脆香大澳蝦醬雞翼🐔($88)同炸魚🐟薯條🍟伴大澳蝦醬他他汁($118)，講真......雞翼、炸魚、薯條跟出面市區嘅餐廳係一模一樣嘅😅，唯一唔同就係多咗蝦醬畀你點嚟食..........所以味道正常，無咩特別，如果你一心諗住好唔同，咁阿叔就怕你會失望喇！😅😅😅

一直好想試呢一間 酒店餐廳，但網上 comment 見一直到排好長龍或者就係冇機會特登過嚟大澳。今次呢度都好早晨入到嚟大澳，大概十二點前到 達大澳巴士站。巴士站附近就未有指示牌嘅，所以好彩預多左時間。原來一直沿海， 過咗藍色橋同埋街市 一路行到尾就到達 大澳文物酒店。餐廳就係酒店嘅二樓。 重點！因為係玻璃屋鍾意食風景朋友啱曬啦因為一面望到個海仲可以望埋天空另一邊樹林(360度 風景呀)食物方面, 主菜單 加七十蚊就可以變成lunch set (即連湯 + 一杯嘢飲仲加埋甜品呀) 嚟到大澳, 梗係唔少得試佢嘅蝦醬啦. 所以到order咗畀個特色少少嘅. 1. 蝦醬豬扒包跟 粗薯條一客2. 蝦醬 雞翼 雞翼酥炸好脆呀3. 一品炒飯4.是日餐湯係個芝士包跟雜菜湯， 天氣熱嘅時候真係幾開胃。5. 是日甜品係紫背天葵芝士餅小朋友最鍾意係雞翼同埋豬扒包一份炒飯份量就啱曬兩個大人啦餐廳服務都非常好 ， 小朋友要加多幾杯水，服務員都好快手