Tai O Lookout

营业中

休息中

大澳逍遙遊最後一天早上，由民宿海悠居散步至大澳文物酒店前，遠眺藍天大海。小妹因未吃早餐，血糖偏低，依著欄杆呆站一旁休息，cc一人獨往酒店方向斜路向上爬。然後，她跑回來說酒店有早餐供應，我們就上山去了。三年前，曾與小姐在此景緻一流的餐廳享用下午茶。十時左右，餐廳內只有一枱外國情侶在用餐，估計是在酒店住宿的客人。生意淡薄，門可羅雀。精選兩人早餐$298再加一服務費。每人可選果汁 一杯及咖啡或茶一杯，天氣窄暖還寒，我們捨棄果汁，要來一壺茶。遺憾的是，雖然只有兩枱客人，唯一在場的女侍應忙東忙西，沒有主動替我們添加茶水。長木板上，由左至右，放有蒸包、迷你乳酪、雜菜沙律、新鮮水果、冷凍燕麥片和蒸包。 除了蒸包仍帶溫熱且香軟可口外，其餘四餘，幾乎成為了"棄嬰"。沙律與水果，甫見其貌與其色，已知與空氣接觸了良久，不太新鮮也，大大減低了食慾。又不太習慣一早吃乳酪與冷凍燕麥片，怕拉肚子，故捨之而不顧。每人一碟的食物，相對而言較為可取也。迷你牛角包和迷你丹麥酥著實不錯，外酥脆，內鬆軟可口。 炒蛋一般而言，似冷冰冰的。薯餅、煙肉、豬肉腸、千禧火腿和烚雞蛋，大路快餐之作，沒甚特別。早餐後，我們繼續到附近hea逛

同阿女行到大澳既盡頭，原來有一間懷舊的酒店，仲有一間好舊式而洋化既餐廳。啱啱又係年初二，餐廳又有新年擺設，好有氣氛，見攰攰地又去坐下飲杯野，有下午茶，點了兩份！脆香大澳蝦醬雞翼（8隻）$128 （有飲品）：雞翼外面勁脆，裡面唔會太乾，好味既係個d蝦醬，似沙律cream 加左蝦醬，好味過點茄汁！炸魚薯條配蝦醬他他醬$128（有飲品）：炸魚麻麻地，d魚太淋，滑潺潺既口感，不過又係個蝦醬勁好味，攞黎點薯條！紅樹林特飮（我無試過）大澳蜜糖檸檬特飮 - 唔重蜜糖味，但檸檬味重唔酸，甜度啱啱好！好清新既西班牙檸檬啤酒，值得一試！下次再來大澳都會再黎坐下飲杯野！

是日相約好友一同遊大澳佢地最想去酒店影相打卡然後到這間有落地玻璃睇到海景既餐廳high tea一入到去已經覺得好relax見到餐牌佢有min.charge 每人$120但我地之前已進食但朋友想去就食下環境啦叫了金邊粉，公司三文治同一個下午茶餐（炸魚薯條加紅樹林餐飲）加多杯咸檸梳打食物是正正常常但完全不值呢個價錢一份公司三文治都要成舊水老實講嚟一次感受下就夠收費當俾風景～～

今日同男朋友去左大澳玩，行到咁上下就黎左呢度食野，幾中意佢部𨋢，係斜住上去幾特別。呢間餐廳裝修得幾靚，係間玻璃屋，坐係度食野可以直望大澳既海景，特別係日落既時候，更加添幾分浪漫，好適合情侶用餐❤️今次我地叫左兩種不同既意粉，味道相當唔錯。然後就叫左個用大澳有名既蝦醬配搭既雞翼，中意食雞翼既朋友一定唔可以錯過。雞翼炸得酥脆可口，配埋蝦醬食特別惹味👍由於時間有點晚，客人唔多，唔會好嘈，價錢又親民，偶爾假日同另一半黎睇住日落用餐，真係人生一大樂事❤️

如果吳係朋友話大澳有一間甘特別既餐廳，真係完全吳知，既然甘特別，當然要親身體驗❤️🧡😍😍😍🌈☁️☀️去到大澳總站下車，大約步行10-15分鐘就到達呢間餐廳，沿途風景優美，一種大自然既感覺完全係忘記哂煩煊既都市，完全係一間世外桃園既餐廳，先吳講食物，剩係周圍既環境，未食嘢已經有一種陶醉的感覺了，如果想放假輕鬆下，呢度就最適合🌈☁️🧡❤️餐廳內天花是玻璃頂透入來，一路食嘢就好有大自然既感覺，坐係到食嘢真係好舒服🌷無論食物，環境，服務都係👍👍👍👍👍飲品好特別，紫貝天葵，未飲見到已經好吸引，飲落已經吳使講有幾甘滿意，食物更加吳需要多講，係相當滿意😍😍又嘆左一個好舒適既下午茶😊😉

呢個假日想同老公去搵間酒店食個靚下午茶，結果見天氣好，走咗入大澳食。佢嘅下午茶好抵食，好似200幾蚊就有afternoon set for 2。餐廳地點比較遠，但沿途的景色好靚，由於星期六日所以只可以wall in。我哋兩個去到嘅時候都唔需要等位，好快就安排到入座。餐廳環境好靚，有好多玻璃，好似身處一個小溫室，放眼望出去都係山同海。餐廳係環保餐廳，只有小風扇加少少冷氣，但坐定定左個人就會覺得涼。紫貝天葵加蜜糖，攪勻之後好好飲。三文魚嘅份量都算多，但法包唔夠脆口呢個係蝦醬豬頸肉法包，蝦醬味得出之餘又唔會太咸，幾特別。左到右：雞屎滕茶果（唔夠軟熟）、合桃酥、迷你蛋撻（唔夠熱，曲奇皮唔夠脆）左：水果撻（撻皮好林）右：紫貝天葵芝士蛋糕（上面係紫貝天葵啫喱，下面係芝士蛋糕）中間好似係蝦醬雞翼不過一野已經食咗😂

一段時間無去大澳～其實真係好怕坐果部兜到傻既巴士不過雜誌介紹完真係好想去行番轉一直都好想試酒店既呢間餐廳仲要有窗邊位，真係好彩呀叫左1）牛油雞翼：最正呢個2）蝦膏炒飯：還好3）長通粉：份量少佢每樣野食都有得揀「惜食」份量我地真係膽粗粗問人咩黎佢話=一人份量，咁我同老公就放棄左叫番正常點知後邊個師奶叫左惜食份量真係少到傻所以大食既朋友唔好挑戰啦不過都係果句～環境搭夠見人地食炸魚薯條大碟好多下次要識叫野食去相 -

今日同朋友去大澳郊遊，去了Tai O Lookout，很想嚐這裡的蝦醬食品！因為是平日，沒太多人。這裡很大，天幕係玻璃窗，看到外面的風景，還有鋼琴伴奏，好像在教堂中，感覺好浪漫如果男仔帶女友來求婚，相信會很適合。我們點了兩個下午茶套餐，其中一款是雞奕。皮炸得很香，伴有蝦醬及沙律，食完不油脷，蝦醬亦很夾另一個係蝦醬黑毛豬扒包，還有熱騰騰薯條，份量好多，黑毛豬擁出來雖然黑毛豬的油太多，但幸有生菜、洋蔥同埋蕃茄中和油脷感，也不錯。每個餐都可點一杯特色飲品，我們點了檸檬特飲，很消暑。整體都很喜歡這裡，可以坐整天，看風景，很治癒，勁放鬆，是放假去的好地方。特別一提這裡每人最低消費是$120。

因為係平日入大澳，所以好多小食店都冇開，行下行下唔經唔覺就嚟到大澳文物酒店，即係活化咗既舊警處。我地參觀完之後見到上面既餐廳好靚，就入咗去食。餐廳環境一流，採用玻璃屋頂設計，感覺同周圍既自然環境融為一體。店員安排我地坐窗邊位，可以睇到海景，加上食客唔多，喺度一邊食野一邊傾計真係好舒服。因為大家都唔太肚餓，所以揀咗比較有特色既蝦醬雞翼同埋紫貝天葵芝士餅。蝦醬雞翼既醬汁係混合咗沙律醬同蝦醬，所以食落有淡淡既蝦醬味，用嚟點沙律都唔會有違和感。至於雞翼就本身醃過，有少少鹹味，所以同蝦醬好夾。至於紫貝天葵，佢本身味道酸酸地，有d似山楂。不過因為佢好快上，而我地係食完雞翼至食佢，所以食既時候個餅底好林，下次要同店員講遲d先上。

因為家住屯門，是唯一可以水路直接前往大澳的地區，所以我們一家平均每月也會到訪大澳一次，是真正的後花園。在大澳碼頭下船下車，除了沿路上特色又有名的小食攤檔，不妨花點腳骨力，向石仔街的方向一直走下去，走到盡頭就是前身為警署，現翻新活化為酒店的地方，這裡未必好住，但當走到汗流浹背的時候，在全玻璃設計的餐廳內補充一下體力，是最幸福的事。這裡有不少融入大澳色彩味道的菜式，看來怪怪的但味道超棒，每逢周末都有很多一家大小來郊遊順道參觀一試。而我們多選擇平日中午來吃午餐，人少的氣氛較為寧靜和諧，樓下就是海浪拍打的聲音，而抬頭盡是綠葉和自然光。鮮茄意大利粉擺碟不夠細心，沒有抹過碟邊，但味道很合胃口，酸酸的又不會太多肉碎，反而番茄的份量平衡了營養攝取另外也試了這裡的炸魚薯條配他他醬，主菜不算出色，反而粗身帶波浪的薯條沾他他醬吃很是滿足。說實話，來這邊是吃環境多於食物，而環境卻是永遠的滿分，看著陽光下的木吊扇在轉，身邊盡是綠葉鳥鳴還有海浪拍打，室內的擺設也精心配襯，推介大家來一試。

大澳，休閒娛樂好去處。拍拖周圍行行到攰，想搵個地方休息下，我地記得網上介紹呢個地方既tea好食，咁我地當然要去試下啦我叫左個雞蛋仔配雪糕，實在太得意了，第一次喺酒店餐廳有雞蛋仔食。雞蛋仔樣子較軟身似小麵包，跟出面食的雞蛋仔味道差不多，最特別係雞蛋仔可以㨂配芒果或士多啤梨味果醬，同朱古力醬一齊食，感覺好新鮮，第一次咁食，味道不錯，我個人就鐘意芒果味配襯個雪糕就普通。男朋友仔叫左份Fish and chips，好大份，粗薯條好食，個炸魚塊外脆內軟，配上他他汁係好夾好味成個餐好飽肚。呢度坐得舒服，坐下食下，時間不知不覺流走了拍拖好去處，唯外面維修，搭左棚架，影響左景觀。

生日遊大澳又有另一番體驗...係大澳酒店住一晚,又有生日優惠-可以半價享用餐廳的美食.唔知係唔係平日關係,餐廳只有兩枱客,感覺好寧靜冷清,侍應態度冷漠.不過我冇受到影響喎!仲快快選幾個餐試下先.炒飯普通到好似揚州炒飯咁雞翼炸得ok,唯獨蝦醬唔夠長通粉味道唔錯,煙煙"un" ''un''有咬口,醬汁唔會太多.原以為有特別生日禮遇,點知只係係蛋糕上加上蠟蠋蛋糕完全冇紫貝天葵味道,芝士亦唔香第二朝全部食早餐o既人都被安排坐在近海的窗口位，望住海個人都零舍醒神.成份早餐都整得好食,生果沙律夠新鮮,蛋烚得恰到好處,薯條就過左氣，點心籠唔記得左係咩? 不過唔差o既.享用埋個靚早就離開大澳lu!

i have invited 20 people including 3 well known chefs for a bbq set menu dinner. The menu looked great but the overall feedback from all 20 guests was really bad. Non of the 20 guests ate all of the food. Shrimps were dry, while pork and beef really tasted like it was not fresh. sausages, lamb and chicken tasted like they were stored long in the fridge. the only good part was fish and squid, and corn soup but i am not sure whether it was fresh made. i have made a reservation week in advance and

巳經好耐好耐無去大澳啦, 因為我都幾怕要搭太耐車, 不過今日男朋友話嗰度有間古式古鄉嘅酒店~大澳文物洒店, 想去行下喎, 同埋話大澳有許多特色美食, 值得一試！！坐車入到大澳, 已經頭暈暈, 眼花花, 仲話要行成45分鐘先行到文物酒店, 而且無車去到, 一定要用行的, 我聽到都有D卻步, 但係已經搭左咁耐車嚟到大澳, 無理由吾行去文物酒店㗎!! 好彩沿路有令一番嘅風景, 又有陣陣嘅涼風, 都幾舒服, 好似轉頭就到！！不過酒店係小山上, 行到酒店真係有D辛苦, 所以我倆決定去餐廳Tai O Lookout 食左嘢先！！行到入餐廳, 四周圍都用左多塊玻璃建成, 很開揚, 舒服, 装修都很浪漫, 因為人不多, 我哋仲可揀過卡位坐下！！我哋叫左大澳蝦醬加豬扒包, 一上枱已經聞到好香嘅蝦醬味, 包包入口脆中帶軟, 豬扒肥瘦適中, 好好味道！！另外叫左大澳蝦醬加雞翼, 雞翼炸完都大大隻, 漲卜卜, 入口有陣陣蝦醬香味, 外皮勁脆, 肉質滑嫩, 超正呀！！原來蝦醬加埋D食材食係咁好食㗎！！

適逢放假，到大澳Relax下十多年前，印象中大澳只是漁村、出名蝦醬，老老套套的。但今日同老公重遊舊地，竟有意想不到的驚喜!先乘地鐵到東涌再轉乘11號旅遊巴士，車程頗長，到達總站，已有一個專員不斷向我們兜售乘坐出海觀光艇。經過大橋，再沿途跟路牌指示方向向大澳文物酒店出發，一直向前走，走到盡頭，终於看見渡輪碼頭旁的酒店了。前身原來是大澳警署，怪不得酒店下層有一度門充滿子彈痕跡，導賞員在指定時間帶領遊客一一講解它的由來，是免費的啊走上上層是一列列的房間供遊客租住，整潔美觀。繞過它，又再向上一層行，终於到了。嘩! 好靚呀~ 一坐下，已見樓頂是以通透玻璃設計，天然光線直透餐廳每一角落，一幅幅窗簾在適當的時候開合。坐近窗邊可一灠窗外景色，景色怡人，令人難以忘懷。肚餓了，大澳蝦醬豬扒菠蘿包$75，加入少量蝦酱並沒有搶去豬扒與菠蘿包原有味道。大澳蝦酱豬扒包$88，送上粗粗的薯條，相信是用一個大大個薯仔刨出來的，绝對真材實料。再加$15，红樹林特飲，味道像山渣。$68紫貝天葵芝士餅，味道正到無朋友食飽又陶醉，簡直浪漫，好似拍拖咁正呀^^