Table

营业中

休息中

今次介紹嘅呢一間餐廳位於黃竹坑，我哋趁午餐時間去，餐廳環境幾寬敞，但可能因為午餐時段人多，氣氛都幾熱鬧。佢哋嘅午餐菜單價錢非常合理，真係以茶餐廳嘅價錢就可以食到咖啡廳嘅質素。吉列豬扒北海道咖喱蛋蓋飯 $70日式甜咖喱加上滑溜溜嘅蛋，搭配熱飯，味道一流。吉列豬扒分量真係好驚人，個size比我哋嘅手掌仲大，外面炸得香脆，裡面肉質又嫩滑。板燒厚切牛脷北海道咖喱蛋蓋飯 $72仲有一道菜係板燒厚切牛脷，做得非常出色，牛味濃郁，肉質好鮮嫩，搭配同樣嘅日式咖喱同滑蛋。Table (黃竹坑)黃竹坑香葉道11號THE SOUTHSIDE LG樓LG03號舖

餐廳位於商場外頭，環境簇新，滿滿悠閒感，枱椅設計方面甚多卡位，讚！免翁牛柳配蘑菇燒汁，加送餐湯，牛柳軟腍、有牛味，不錯！熱情果烏龍茶真的做到少甜，整個茶包放進去，茶味香濃、感覺健康，讚！晚市套餐是性價比十分高的選擇，賣相又好看，全套六項食物--茶碗蒸、香煎素鵝、桂花蜜糖脆鱔球、胡麻醬烏冬、養生茶、養生燉湯放到木盤上，豐盛又好看。各項食物水準皆不俗，主菜亦有多款選擇，相信總會選到合口胃的，故此晚市套餐屬必叫之選。凍港式奶茶濃滑，水準亦不錯。

決定去下新商場行下見到商場地面有一間都幾吸引眼球嘅餐廳餐廳環境光猛闊落 有木系既裝修俾人一個好舒服既感覺睇左餐牌啱食就入去☺️朋友叫左紐西蘭西冷 黑椒汁 鐵板上鐵板大大份 店員會於上菜時即時淋上醬汁鐵板既熱力 令鐵板咋咋作響 香氣四溢西冷牛扒大大件 仲有粟米 炸薯條 同蔬菜西冷牛扒牛味香濃 好夾個黑椒汁熱辣辣 特別好味附上的餐廳係羅宋湯配料很多 仲有牛腩架好濃味 超正🤩我自己叫左個 港式料理定食唔知係咪靈感來自日本定食呢超級多野食好豐富定食包括左六樣嘢，養生燉湯 + 茶碗蒸+前菜+主食+米飯+養生茶當日既養生燉湯 係蟲草花猴頭菇燉雞個湯好清甜 蟲草花猴頭菇味道好香好有家的感覺呀茶碗蒸 材料豐富 蛋味香濃前菜 韓式炸雞 辣度適中 好惹味估唔到前菜都咁大份主食：蒜香腰果翡翠牛柳粒好有鑊氣 牛柳粒大大舊 好淋荷蘭豆炒得爽脆加左錢揀咗個蘭王醬油飯大大隻蘭王蛋打入白米飯 橙黃色既蛋汁包住每一粒飯 加埋醬油更出色養生茶 係洛神花話梅茶 甜度適中 好滋潤之後我哋用半價加左兩個飲品話梅梳打特飲 - 好特別嘅配搭 但又好味喎 咸甜交雜既感覺紅豆冰 - 紅豆份量好多 奶味濃 仲唔會太甜添呀下次都會再帶朋友黎

新開商場，第一次去試呢間cafe版茶餐廳食物質素幾好，茶走沖得好飲。反而薯餅有啲驚喜，係黃金蕃薯做，又好脆👍🏻沙嗲牛肉通粉，通粉唔會好林，牛肉質地不錯👍🏻下次可再去

幾丁友平日下午一點幾喺southside搵嘢食排咗一陣隊入去～ 可以用手機點餐諗住食lunch set，點知lunch set幾乎已經賣晒🤣最後揀咗個煎肉餅飯，味道正常可接受～旁邊有啲菜脯吊吓味～ 下次會試吓其他😁

坐落在地鐵新商場, 食肆林立競爭應該很激烈, 但這Fusion Cafe, 若搭地鐵還要揾一輪因入口更不在商場内, 但一天到晚都棋門如市, 今日路過就儘管去看過究竟, 午市已過但仍然坐無虛設, 想不到下午茶也這麼吸引, 試了它的牛肉漢堡飽配田園沙律, 真是無得頂, 絕對物超所值, 更加配紅豆冰也是優質紅豆, 另一英式炸魚薯條, 炸漿香脆魚肉也嫰滑, 甚至薯條也極之好味, 而特飲話梅柚子梳打, 極之配合, 由於意猶未盡, 竟加多一客水門雞飯配冬瓜湯, 完全明白它為何這麼旺, 絕對是這商場的奇芭。

今日要同大家介紹黃竹坑全新商場，The Southside，相連黃竹坑站，交通十分方便，性價比極高嘅一間餐廳，大家千祈唔好錯過😍❗️🩵❗️⭐️❗️=====================Food list📌😍😋安格斯牛肉漢堡北海道咖喱蛋蓋飯：份量十足，牛肉鮮嫩，肉汁豐富，絕對值得一試🩷❗️😍😋紅豆冰：採用新鮮紅豆，俾人一個好冰涼嘅感覺，夏天特飲，不容錯過🩷❗️😍😋泰式香葉辣肉碎煎蘭王蛋飯：肉碎香辣，加埋熱辣辣嘅蘭王蛋，仲有我至愛嘅泰式烹調，完美配搭🩷❗️😍😋粉紅西柚烏龍茶：杯特飲好特別，打卡一流，烏龍茶配上西柚，感覺好清新🩷❗️

來到黃竹坑地鐵站一個新嘅商場Southside，發現有一間裝修得非常雅緻，又有cafe感覺嘅西餐廳<Table>，餐廳供應嘅食物非常創新，佢混合咗西式日式同港式餐嘅元素，感覺好有新意。先來一個中日混合感覺嘅晚餐，有咖哩牛腩配麻醬烏冬，日式茶碗蒸、薯仔沙律、中式餐湯、養生雪梨茶，另外仲加配咗一杯西式特飲，百香果烏龍茶。咖哩薯仔牛腩做得非常出色，佢嘅咖哩汁非常之香濃惹味，而牛腩嘅肉質非常之軟身，入口非常軟腍，牛筋腩嘅牛筋炆得非常軟綿，絕對值得推薦。茶碗蒸入面有好多材料，有雞肉、香菇、日式魚蛋等。而中湯材料亦都非常豐富，最驚喜就係佢個養生雪梨茶，入口青甜潤喉。另外叫咗一份牛柳扒餐，配有羅宋湯，亦都加配咗特飲，話梅柚子梳打。呢度嘅牛柳扒餐雖然都係百幾蚊，不過佢哋提供應嘅牛柳質素都非常之唔錯，絕對比一般港式扒餐嘅餐廳做得優勝理想，佢哋嘅牛扒食材質量幾好，牛肉味夠濃，可以order五成熟或七成熟，做得非常驚喜。整體來講，百幾蚊人均消費就可以食到比一般cafe餐廳更為理想同特別嘅套餐，實在值得推薦。

放工去咗Southside食晚飯最人氣莫過於Table 🍽️午市時段由中午12點排到1點多仲有人排緊隊夜晚終於唔洗排隊，一於試吓先☺️餐牌選擇種類好多，有日式咖哩蛋包飯🍛、熱鍋烏冬、鐵板餐，同埋港式料理定食🍚🔥免翁牛柳 $148好大份啊~ 店員即席淋上黑椒汁牛柳下面有蔬菜同薯角墊底即使牛柳七成熟，肉質都好嫩滑冇筋又唔會嚡颯颯，讚👍🏻幾塊牛柳都係係厚切，好滿足！鐵板餐亦附送羅宋湯港式料理定食有好多款，定食包括六款選項養生燉湯真材實料，超滋潤！燉蛋香滑，有蛋香味🥚前菜揀咗蒜泥白肉，勁多蒜蓉，非常惹味！主食揀咗🐮參巴醬爆炒牛柳粒來自馬來西亞嘅參巴醬香口惹味，送飯一流🍚牛柳粒軟嫩多汁🤩好出色白飯可加$12 升級蘭王蛋醬油飯，拌勻蛋黃更滋味！另配養生茶，感覺清油膩感，更健康！

黃竹坑South Side@Table黃昏🌇行黃竹坑South Side 地下商場，見到一連幾間餐廳🍴，惟獨走咗入去Table吃個晚。🍴🍽️🍽️🥢港式Set Dinner $138*養生燉湯Stewed soup*茶碗蒸 Steamed Egg*北海道薯餅 Hash Brown *杏片西檸雞 *白米飯*養生茶 Herbal Health一客定食包含*6大樣，通常定食必備麵豉湯，由於Table破除傳統，用港式養生燉湯饗客，用料上乘，計有蘋果、桃膠、紅棗、桂元、排骨和瑤柱。正值乾燥秋季能潤膚兼養顏，又具美容作用！淡湯又好飲美味😋！🍽️🥢鐵板牛柳 $148Fillet well done全熟仍然好juicy好有牛肉味，配磨菇燒汁，趁熱剧十分惹味！薯角香脆內軟。🥔值得講講：一般羅宋湯帶辛辣，但Table的羅宋湯少辣帶甜味，本人都係第一次嘗到，很正！👍👍餐廳夠晒光猛，地方寬敞環境舒適，四周佈置樹木🌳。樓底夠高所以與友閒聊迴聲不太大！@table_thesouthside#Table#Tablehk#黃竹坑美食#西餐咖啡店#TheSouthside

新開商場有好多間餐廳，朋友介紹抵食之選，佢食過早餐話幾正，但就話午餐時候勁爆多人，所以我接佢放工時就喺呢度食晚飯。我地一人叫一個餐都食唔晒，啲野好大份抵食。叫左一個什扒鐵板配話梅柚子梳打，另一個叫左主打既晚餐set, 個set可選一小食同餸，仲有湯同燉蛋兼飲品，加左錢轉芝麻醬烏冬同加配粉紅西柚烏龍茶。什扒鐵板，扒面勁多新鮮蒜蓉，熱辣上碟，有雞扒，豬扒，司華力芝士腸，煙肉，夠多蔬菜，有粟米、蕃茄、紅蘿蔔、翠玉瓜同椰菜花，蔬菜夠熱，唔會太乾身，雞扒肉嫩多汁，新鮮蒜蓉好味，豬排半肥瘦，唔會太靭。跟餐既羅宋湯，夠杰身，足料。招牌晚餐set，擺碟好靚，好夠飽，仲有杯龍眼杞子蜜。入面既雪梨排骨湯，好足料，有好多粒排骨，夠甜，排骨夠腍，我食埋啲湯渣。 日式燉蛋，蛋味好濃，配有鳴門卷同冬菇及雞肉，有咬口。小食揀左蒜泥白肉，唔辣，夠多蒜蓉，肉唔會太肥，連青瓜一齊食都唔會有油膩感。改咗做胡麻醬烏冬，熱辣辣嘅麻醬烏冬！ 烏冬煙靭，唔會太腍，熱食胡麻烏冬都幾好味。主菜揀左西檸雞，檸檬味出眾，炸得好脆，雞肉嫩滑，配有杏仁片，酸酸地好開胃。整體超級大份，一般女生食唔晒。最緊環返去唔會勁口渴，唔係味精湯！ 話梅柚子

今日約埋三五知己去食個tea. 揀咗喺The southside入面嘅Table. 餐廳算幾寬敞，座位舒適。拔度水門雞飯配冬瓜湯（$70）+$10轉雞髀：冇後悔加咗錢轉雞髀，真係好厚肉。雞肉肉質嫩滑，油飯亦都好香。招牌香煎肉餅飯（$69）：個肉餅係即刻煎嘅，好花心機。煎出嚟熱辣辣。招牌芝士安格斯漢堡配薯角（$58）：呢個薯角啱晒鍾意食香口嘢嘅朋友安格斯牛肉漢堡扒北海道咖喱蛋蓋飯（$72）：雞蛋炒得好滑，咖喱甜甜地啱晒食唔到辣嘅朋友花生醬西多士（$40）：賣相好靚，炸到金黃色。花生醬夠晒多。脆炸雞中翼配田園沙律（$42）：雞翼炸得好脆，配埋沙律可以中和返油膩感飲品：每個餐都配一杯熱飲（凍飲加$3，特飲加$15），我哋點咗凍熱情果烏龍茶，凍話梅柚子梳打，紅豆冰同埋凍檸茶。消暑一流

The Southside 係香港仔南區一個新嘅商場，亦都係寵物友善商場。今日嚟到table同班朋友食個下午茶，餐牌上嘅價錢唔算貴，係冰室嘅價錢，但就係坐cafe嘅享受。拔度腩水門雞飯 配冬瓜湯朋友話，出咗糧，要食豪啲，加錢轉埋雞髀😂仲要飲特飲添🤣雞髀鮮嫩，起骨後吃落啖啖肉。冬瓜湯加入胡椒，與雞飯味道十分匹配！芝士安格斯牛肉漢堡配美式薯角精心烘烤的香軟麵包，芝士加上爽口生菜等層次滋味， 如果牛肉可以再厚身啲就更加juicy! 安格斯牛肉漢堡扒北海道咖喱蛋飯滑溜香濃嘅雞蛋配上惹味嘅咖喱汁同白飯，簡直就係最和諧嘅配搭。招牌香煎肉餅飯熱辣辣，肉汁滿滿的，肉餅煎到啱啱好，口感都尚算豐富。花生醬西多士味道雖然簡單，但充滿蛋香。脆炸雞中翼配田園沙律沒有厚厚嘅炸粉，外脆內軟，炸雞翼真係百吃不厭！特飲熱情果烏龍茶味道較淡，適合唔鍾意飲甜嘅人士！話梅柚子梳打話梅配上柚子，都幾清新，係夏日清爽之選！紅豆冰 凍檸茶超爽快！ 下午茶必飲之選！

今日趁打風前食餐好嘅🥴❤️ 黎到黃竹坑嘅Southside 試下依間靚裝茶餐廳🤩🌟 裡面採用清新嘅草綠作主色調，加入了綠色植物、玩味畫作作點綴，感覺好舒服👍主食㨂咗一份安格斯牛肉漢堡扒北海道咖喱蛋蓋飯😍 漢堡扒勁大塊😍 食落肉汁滿滿，充滿牛肉嘅香味❤️ 蛋蓋滑嫩無比，蛋汁可口拌飯一流🫶 另選了一份泰式菠蘿雞粒炒飯✅ 炒飯好夠鑊氣，配搭提子乾、肉鬆等一齊食，口感豐盈，滋味鹹香又惹味🌟 超級大碟好飽肚🫶 飲品叫咗齊啡同埋凍柚子蜜🌟 齊啡好濃郁經典茶記口味👍👍 好正好醒神🥰 柚子蜜酸酸甜甜好開胃，解膩消暑一流✅

返到香港即刻食港式餐廳，茶走係我其中一樣好中意既港式飲品！環境裝修新淨，不過太多人需要排隊，同埋冷氣異常大。🥢熱茶走 ：茶走既奶味、甜度同茶味達到balance，好mild。🥢板燒牛舌北海道咖哩滑蛋飯🍛：牛舌好大塊，份量也很多，不過少少乾。咖哩係日本甜咖哩，滑蛋也很到位，所以我諗小朋友都食到。👍🏻味道：🔅🔅🔅新鮮：🔅🔅🔅分量：🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）